اسمحولي حبيباتي نسيت نقولكم بصحتكم الفطور ويعطيكم الصحة على الاطباق
حبيبتي ام ماجد نتوما الصح لانكم عندكم مدة طويلة وعشرة عمر ربي يحفظكم كاااامل طبعا نرحبوا دائما بالاخوات لي انضمو معانا جدد وان شاء الله رانا عائلة واحدة وواحدة ماتزعف كلشي يفوت كما تقول ماما مايبقى غير العيب خخخخخ هدرة عجايز
ام ماجد والله كامل نحبوك انا نشوفك مثال للمرأة الجزائرية ماشاء الله فحلة ديما غداك يطيب واحنا مازلنا في الفراش خخخخ ربي يعطيك صحتك ويهنيك
سؤالي لك ام ماجد واسمحلي راح نولي قرعاجة خخخخ ديما تقولي شيخي هل تقصدي شيخك لي هو اب زوجك ولا زوجك
ام ابراهيم راح تقتلني بالقاطو مازال ملنسيتش الباتيسري نتاع البارح زدتلي قلب اللوز واااااع بصحتكم يالغالية
بالنسبة لكيكة النيسلي خرجتلك رووووعة شكراااا على الثقة
الكريمة ضرك نتاكذلك من المقادير ممكن تكون 8حبات كيري ماتلومونيش الزهايمر
ولا انت اضفتي كمية كبيرة من النيسلي لان انا الكريمة لي حضرتها فرغتها كامل على الكيكة وتغطاتش كاااامل عكس نتاعك المهم نتاكد ونردلك الخبر
اختي اوريسيا قبل مانعطيك وصفة الروز نقولك ربي يحفظلك ابتك شفتها في الكوزينة لي قبل ماشاء الله عليها
الروز
في طنجرة حطي قطع الدجاج +بصل+ثوم+توابل انا عملت فلفل اسود كروية كصبر ملح طماطم معلبة وشوية زيت قليهم على نار هادئة من بعد زيدي شوية جلبانة ومربعات من الجزر
بعد ماتقليها مليح مرقي بالماء ماتكثريش
من جهة طيبي الروز ثلاثة ارباع الاستواء من بعد فوريه حتى يطيب ادهنيه بالزبدة وحطي نصف كمية الروز في المول من بعد فتتي شوية من الجاج حطيه فوقه مع الفرماج ثم كمية الروز ونسقي بالصوص لازم تكون عاااااقدة وحمرا وندخله للفرن يتحمر مع الدجاج وبالصحة والهناء
( تقرير عن مشاركة سيئة )، و الموجودة أسفل كل مشاركة .
2014-12-04, 14:36
العرض العادي
