الجزء 82من واش طيبتي اليوم**تحضيرات العيد**

[ساندي 28]

مساء الخير
يعطيك الصحه لينا قاطو رااااااااائع
امورتى علاسلامه توحشتك وين الغيبه
شكرا لكم جميعا حبيباتى
كنت غاطسه فى غرفتى طبقت الخزانه من فوق لتحت وفرزت شويه والن نروح نغسل الموكات نتاوعى وبعدها نخدم صوابع لعرووسه للغاليه ام اسلام عجبونى سلام الى حين
تفكرت هههههههه فطورى شربه فريك مطلوع حميس سلطه والدوارة والديسار طبعاااااا
ام مجود سلامك وصل راهم رقدو اولادى نروح نبروفيتى نخدم قبل مينوضو سلام
ليدي وطومه وينكم كنتو تدريو الحماسه فينا ان شاء الله المانع خير

[لينا11]

اماني هاكي رابط مدونة
https://tareklina1.blogspot.com/2014/...g-post_28.html

[ام ساجد]

السلام عليكم ويعطيكم الصحة راكم قايمين بالكوزينة

فحلات تاع الصح كبارات وصغارات الله يبارك عليكم

انا اليوم راح نموت من التعب راني نلبز في قاطو ما يطيبش بصح هبلتي الشيكولا ماجات تحكم الريقلة غير قريب نشرب الماء

درت قاطو ما يطيبش لميت فيه واش بقى عندي وديتو في مول التاج على طريقة ام رامي








دائمة الحمد ما كنتيش راح تخدمي درتي هاذ الكل امالا لو كنتي راح تخدمي واش ديري هههههه غلابالك راني بعثت نشري عجينة التزيين جابولي تاع الوردة البيضاء وقلتي ماشي مليحة اعطيني كاش نصاءح مالفة نخدم بتاع العصفور تهبل

ام ماجد مبروك المولود الجديد عصام يتربى في عزكم

[ام ساجد]

ساندي مساء الخير راني شفت حلوياتك يعطيك الصحة وعجبني الاول

لينا مرحبا بيك ويعطيك الصحة على الحلويات روعة

بشرى ما تحرميناش من راية حلوياتك هههههه

فطورنا اليوم على غير العادة شربة لسان العصفور بطلب من الزوج ودجاج بالشومبنيو وبطاطا مقلية وسلاطة ما نعرف الا كفاني الوقت من كثرة الخدمة اليوم شريت اوراق الديول اول مرة هههههههههه

[بشرى2008]

كملت البقلاوة والحمد لله عسلتها وراهي تبرد درت القاطو فى ليكيسات وحطيتهم فى البورت مونجي وبقاولي حبيبات من كل نوع بلا تزيين قلتلهم مور العيد ونتلها بيهم لاخاطر راني تعبااااااااااااااااانة

[ام ساجد]

ودركة رايحة ندير عجينة البقلاوة راح ندير بلا صغير ليا بعد الفطور

صح فطوركم

سلام

[دائمة الحمد]

ام ماجدمبرو ك المولودا راني ما عدتش انركز
نهال العسل تع البقلاوة على حساب الحشو اذا كان الحشو كيلو اعملي بدون عسل تع كيلوراهو مكتو ب فيه800غ تطيحلك قد قد
ام ساجد راني مانحبش نمس لي قو لا مسيت نوحل
عجينة التزيين اخدميها في بلاصة باردة وزيدي النشا حتى تشد روحها انا عذبتني وما حكمتش لا فورم مليح
قوليلي هنا وينا شوكولا عملتي الكلار

[nihale89]

دايمة الحمد درت نتاع 800 كيما قلتي
سما مانزيدش
قوليلي تعيشي نقدر نقصها الليلة ولا مازال

[lyzzabel]

يعطيكم الصحة يا الفحلات
ام ماجد الف مبروك المزيود يتربى بالمعيشة في عز والديه و ربي يشفي الام الحنون و يعطيها الصحة روزا القاتو تححححفة
داءمة الحمد ماشاء الله عليك انا نقول الكمال لله بصح نتيا تقريبا كاملة الله يحفظك و أميرة ماشاء الله عليها راح تطلع لامها ربي يحفظها و سلميلي على اسينات و اسينيتا و لي قاتو رووووعة
بشورتي خمووووس عليك درتي قاع هاذ لي قاتو غير من يامس الله يبارك انا نبغي نشوف الصور
رتوجة يعطيك الصحة حلويات هاااايلة
لينا الله يبارك فيييييلم بدون تعليق هههههه
اماني السلام و ام ساجد و ساندي يعطيكم الصحة و ربي يعاونكم
مشي موالفة نقولها بصح هذ المرة نقولها ،،،، راني invisible في كوزينة ام ساجد ماعلاباليش علاش :



فطورنا حريرة و لحم العجل بالزيتون و سلاطة و خبز الدار و عصير الليمون و الحمد لله على نعمه حمدا كثيرا طيبا مباركا فيه

صح فطوركم كامل بدون استثناء و ربي يتقبل منا صالح الاعمال


اللهم اعنا على ذكرك و شكرك و حسن عبادتك

[nihale89]

دايمة الحمد تبالي هذاك اللون راهو اومباسادور الي غلافها ابيض
تمد لون هايل
انا درتها في القاطو نتاع الشوكولا غامقة وزينتها بالكلار جات روعة

[nihale89]

ليزا علاه invisible راكي انت العسل نتاع القسم
والله مافهمت

[بشرى2008]

lyzabell ايه والله فى هاد اليومين درت كامل هاد القاطو والبارح مخدمت والو رحتشريتلهم الحوايج
قلتلهم اختكم البايرة ههههههههههههههه راهي هنا واش تحبو القاطو اللي يعجبكم قولولي عليه كل واحد درتلو خاطرو معنديش ولادي اللي ندللهم عندي خواتاتي وخويا ندللهم نشوفهم ولادي هههههههههههههههههه

[لينا11]

بشرى والله نطقتيني علاش حنونة كلمة هذي مانحبهاش نحيها من قاموسك
بربي ان شاء الله مايجي يخلص رمضان يجو يخطبوك ويجيك سيد رجال مال وزين وهمة يارب ويعطيك على قد قلبك
قولو امين يارب

هاكي حبة بقلاوة فال

[lyzzabel]

نهال الله يسلمك و يعزك بصح حطيت مقروظي لي درته لأول مرة وانا فرحانة بيه علقت عليه غير بشورتي و ريتاج ربي يحفظهم بلا ما نزيد نعد لي قاتو لولين

بشورتي يا عمريييي حاشى علاش عليك هاذ الكلام ،، مازالك صغيرة و مكتوبك ما تحصي منين يجيك ،،، بصحتها ماماك الجلابة و لاغوب ياك هي الجبة ههههه ،، و باباك الساندال و بصحتهم إخوتك و خواتاتك لي قاتو و المشتريات ربي يخليكم مجموعين فالخير و دايما هانيين و بصحة و سلامة هذو ليسونسيال و الشي لاخر مين يكتب ربي سبحانه رزق حتى واحد ما ينحيه ،،، اسال الله العظيم في ختام شهر رمضان المبارك ان يرزقك زوجا صالحا تقر به عينك و يكون لك عونا في دنياك و ان يرزقك بعدها بالذرية الصالحة السليمة التي تبر بكما اميييين يا رب العالمين

اللهم انك عفو تحب العفو فأعف عنا

[lyzzabel]

لينا ربي يحفظك و يسمع منك و مني اميييين و يعطيك الصحة على الفال الحلو كيما نتيا

انا نخليكم راه راح الحال هذا وين كملت المقروظ جيت نسيي شوية درت عرام هههههه مزية خرجلي شباب كونطرا على لي ما عجبهمش