يوميات عضوة

[RrinceSse Rihab]

الله يسهل لك يا رب

[*وردة الشرق*]

المشاركة الأصلية كتبت بواسطة ام عبودة

كيف هي احوالكم. اكيييد الحمد لله
من العنوان اكيد فهمتو الموضوع اليوم راايحة نحكيلكم ام عبودة واش ادير كل يوم واعمال كل ايام الاسبوع عندي فيها اللي يتشابه وفيها اللي لالا
المهم نبدا على بركة الله

الصباااح يصوني المنبه


اول حاجة نديرها كي نفتح عينيا على الفون بلافون ههههه نقول الحمد لله هذا يوم جديد في حياتي
نتفقد زوجي واولادي نتوظا ونصلي ونحفظ شوي قران من بعد الى المطبخ. نوجد القهوة
وسينية القهوة نهتم بيها كثيرا لانها الاهم في اليوم نحب انها تحتوي على الحليب والعصير والقهوة ليا انا كيييد باش نصحصح مليييح :d
والخبز انواعه مالح ام حلو البيض والجبن وكل مرة تختلف حسب ايام الاسبوع والموجود
نبدا في مراطون الاولاد يتعبوني باش يفيقو من بلايصهم وانا اللي نغسلهم وجوهم واسنانهم :dباش ما يكركبوليش الدوش
ونفقعد ساعة وانا نستنى فيهم باش يشربو الحليب
نلبسهم ونبعثهم مع السائق الى المدرسة
يجي دور الزوج نوجد ملابس الخرجة و نلمعو حذاء اكرمكم الله ومن بعد يودعني ويروح الى اشغالو اليومية اللي لا تنتهي
ينوض ولدي الصغير لازم بيبرون مع الدلع لانو مع التكشيرة والله ما يشربووووو
نظفو ونلبسو حوايجو ونمدلو لعب او يروح لجداه وجدو يلعب عندهم
يبدا مشواري التنظيفي

نفتح الشبابيك. دخول الشمس يفرحني بزاااااف



نلم الغسيل بوم بعد يوم



ونشمس الفراش







نسيق




نرتب غرفي انا والاولاد. لانو انا مع العائلة الكريمة الكبيرة الفطور ماشي عليا مي ساعات نحب نطيب لاني نموت على الكوزينة
فعندي الوقت ندير كل شئ الصباح



يرجعو الاولاد نفطرهم. ونلعب معاهم شوي يلحق الوقت نبعثهم الى المدرسة نصلي ونتكا شوي
من بعد ندخل للكوزينة كاش ما نوجد لقهوة العشية يرجعو الاولاد يشربو الحليب ويلعبو شوي ويتفرجو حتى يلحق وقت المراجعة
ندبر للعشاء لازم يكون مميز لانو زوجي الاغلب يفطر في الخارج والعشاء مميز عندي نتلمو ونتحاكو ونتناقشو في مواضيع تهمنا الكل
والعائلة تتلم كلها الله يدوم المحبة يا رب
من بعد صلاة العشاء نوجد المائدة
اولادي نعشيهم من قبل باش يرقدو الا ايام العطلة نعطيهم الحرية

نغسل المواعن ونرتب المطبخ. ونتفقد اولادي في اماكنهم اذكاري اليومية عمري ما نفرط فيها لانها االطاقة بالنسبة لي
ومنتدايا الغالي كون ما نصبحش عليه ونمسي. ما نرتاحش ههههه

عندي حوايج نديرهم من ذاك حسب الجو والظروف

تسياق الجنان





نغسل الزرابى


تغير دكور الغرفة



نحكم المكنسة ايام الغبار والمطر





نغسل النوافذ ونمسح الابواب




وهذه ابام خاصة.ايام لابانتور في الادارة. وبمانا مكتب زوجي بجنب غرفة النوم يعني الحالة ما نحكلكمش كيفاه كانت
هاذي تمرميدة لا بانتور




اوووف بعد ما تنقات الحالة



وهذا المكتب. بعد ما نظفتو *من تمرميدة لابانتور*







وهذه الغرفة شمستها كان نهار مشمس يهبل










هذه حيااااتي او بالمعنى يوم من ايامها
وانتوما يا ريت. اللي تحب تحكي واش ادير
لاني لاحظت نفسي. في ايام الدورة اللى فاتت مع البنات كنت في قمة النشاط مع انها اعمال تكرر نفسها الا ان متعة كتابة وتصوير اشغالي
تزيدني نشاط
وفي هذه المناسبة. نشكر خيتي سمراء الدنيا صاحبة الافكار

كله روعة الله يبارك عليك فحلة ونشيطة راني معاكي كل يوم نحكيلك واش ندير راحة تملي هههههههههههههههههه

[zaidoun24]

ان شاء الله نحط يومياتي هنا بالصور و نشوفو يوميات باقي الاخوات

[belavita]

allah ybarak wa y3anak

[ahlem 05]

ايامك راائعة ربي يحفظك نشاله من لعين ويوفقك انا يومي يختلف 180 على يومك كيعاد مازالني غير نقرا بصح والله سخفتيني ندير عائلة

[أنا جسر السعادة]

ما شاء الله عليك يا ام عبودة ربي يحفظك و يحفظلك عيلتك ان شاء الله و يديم المحبة اللي بيناتكم الله يبارك عليكم باين عليك مرتاحة في جنينتك و كوزينتك

سلام تحياتي@خلود

[mariamalak]

salam 3likom ana om maria rani nteba3 fikom andi 3 jours rani wsalt la page 26 alah ybarek om 3abou raki nachta rabi yahfedlek wladek
rani haba ncharek m3akom b yawmiyati ana rani wahdi fel rgorba we mdigoutya
andi 3 bnat elkbira 8ans we zawja 6ans we esrira 15mois
noud sbah 3la 7 nechrob kahewti we nsali we nawed bnati narselelhom we yefetrou we nedihom yekraw
rajli yakhdem bekri yokhrej 3la 6 yetkahwa wahdou
nerja3 l dar ndir elftour ytib we nerja3 m3a les chambres nkhamelhom we narsel elkeswa heta tousel 11 we nos nrouh njib bnati
nefetrou we ndir elma3in f la machine we ndihom yekraw
nerja3nedir benti tergod we nhot rasi chwiya
3we nos njib bnati naklou haja khfifa
nkhalihom yel3bou chwiya we mba3d nebdaw m3a les devoires
njib benti godami felcouzina ana ndir el3cha we hiya tekra
yji rajli ysibni hasla
yahkem benti esrira heta nkemel el3cha we elkraya ta3 benti
net3achaw
howa yrouh yetkesel we yetfarej
we ana nlem elkouzina we nedi bnati yergdou
ma nji nkemel nsibou rged hhhhhhhh
kraht men had routine
goulili kifach ndir
esemhouli tawelt 3likom rani hna nestena wach takadrou tgoulouli

[أم الحبايب 26]

مشالله كلك هما ونشاط دار ك الله يبارك على هذيك جيك كنا على شغل

[حضنية28]

ما شاء الله اختي ام عبودة نشيطة ربي يحفضك
ان شاء الله

[0ibtissam]

الله يبارك عليك ربي يحفظلك عائلتك

[ام رضوان]

ربي يبارك فيك يا فحولة

[ام عبودة]

صبااااحكم سعيد حبيبات قلبي
توحشتكم موووووووت
الوافدات مرحبا بيكم في داركم
العمر يفني والشغل لالا
كلام جداتنا تاع الزمان
وبالرغم من. تطور الوسائل انا في رايي زاد الشقاااا
كانت واحدة سولتني على السكنة وحدك ولا معى العائلة
انا من كنت مع العائلة كان عندى محفز يخليني دايما نشيطة وعمري ما نوخر الصوالح
بصح كي راني وحدي حدث ولا حرج ههههه
لحق رمضان لازم همة ونشاط واش وجدتولو ولا مازال
السنة هاذي كي راني وحدي لازمني نوجدلو مالفة عزوجتي الله يخليها
مبدءيا جمدت القارس والجلبانة
ورايحة نزيد القرنون وممكن البرتقال

[ام عبودة]

صبااااحكم سعيد حبيبات قلبي
توحشتكم موووووووت

[imenemalak]

الله يبارك عليك أختي ,,,,,, يعطيك الصحة محافظة على التنظيم والعائلة ربي يجازيك خير ان شاء الله ,,,,,,,,,,,, وان شاء الله قاع نكونوا مثلك ,,, ربي يحفظك ويحفظ عائلتك

[rimarima1984]

بالتوفيف للجميع و صح فطوركم جمياععااااا