الجزء29 من واش طيبتي اليوم؟

[أم ياسين الزهراء]

صباح الانوار

الهام بنتي في عمرها 15 سنة الكبيرة في البنات

انا ندير قاطو الطبقات بصح بطريقة اخرى ويجيني هايل

صح الهام شفت الوصفة اللي حطتها ام رامي تاع الفوكاشيا شوي تختلف وراح نعاودها ونشوف

الكل بصحتكم ونعمة دايمة عليكم

البنات علاه ماجيتوش عند في ضيفة تحت المجهر وتسقسوني زوروني غدوة يقفلو الوضوع

[حياتي نبع امل]

الهام ومنك نستفيد هيا ديريه في اقرب وقت انا بماانو عجب العايلة رايحة نعتمدو بالصح مادا بيا تعطيني الوصفة الاصلية نجرب ونشوف ياك وتقدري تعوضي زيت الزيتون بالزبدة
انا درتها بزيت الزيتون وماجاتنيش فيها بنة الزيت القاسحة او الريحة بالعكس خفيفة وبنينة
ام نجم بصحتك البوتي فور خرجلك هايل قوليلنا على الدوق كيما تاع المحلات

[ساندي 28]

ام اسلام شكرا حبيبتى انا ام نجم هههههههه
الامنيات درت البوش ادوى وبصعوبه يخرج بعدها نحيتو وخليت لادوى فقط ونخرج بصباعي اسهل واريح وتم تم كملت

[إلهام07]

كي عاد لافار فيها أم كوكو نحط طيابي باش ماتشوفش الشياخة وتشوفني كيفاش راني نشيطة هههههههه:


البارح عرضت أختي وزوجها للعشاء كي عادو زعمة عرسان جدد غاضتني مسكينة ماحوست ماريحت ماوالو طول لدار الشيخ :

روحت نجري عقبت للمارشي شريت أفخاذ دجاج ( 6 قطع ) ودرت بيهم :

1- دجاج بالعسل في الفرن مع الخضر على طريقتي :

هذا صحن راجل أختي زعمة تهليت فيه هههههههههههههه
وهذا صحن أختي :


2- سلطة الحق دارتها أختي انا كنت ارجة مع التحلية :


3- كان كاين ثاني شوية حساء جبن وخطفت الصور وأنا نسربي قبل لايشوفني راجل أختي راهو يدير يا حالة بالتمسخير
صور ماشي واضحة :



أختي مسكينة تعس في الكولوار وتقلي خفي صوري قبل لا يجي هههههههههههههههه

4- قدمت بعد العشاء سلة فواكة وعصير وكيكة التوفي نتاع ام اماني ماتو عليها عجبتهم قالولي خفيفة تهبل وبنينة وثاني درتلهم تحلية لياجوا ز نتاع أم أنس درتها في المجمد باش تزرب تبرد وصورتها بسرعة هاهي :

[ساندي 28]

الهام ههههههههههههههههههه
شوفي لوكان نقلك تضحكي عليا بتى فور نتاع برى نسيت بنتو عندي سنوات مكليتو منشريه مايدخلي للدار كنت صح نشري في الباتيسري التورته وبعد ماتعلمتهم خلاص هما تاني منزيدش نشريهم خلاص حاجه نخدمها بايدي احسن ومضمونه من ناحيه النضافه ومكوناتها تاني بصح انا عجينى وزوجي تاني قالي هايل قتلو كيما نتاع برى لانو يحطوه على القهوة برى قالي خير منو هدا هايل
وشكون تعاونى

[إلهام07]

فاش نعاونوك أم نجم ؟
ياعمري ماحطيتش نجمو يهدر هدرات نتاع كبار هكذا موااااح ليه بوسيهولي حتى يطبز هههههههههههه

أولادي حياتي لالا متعوضيش زيت الزيتون بالزبدة هذا لازم يجي بزيت الزيتون أصلو هكذا وإلا رايحة ترجعيه بريوش أو خبز دار
من عيوني بحول الله هذا الأسبوع انتظرو مني تطبيقي لحلوة الطبقات وفة قاطو النقاش ووصفة الفوكاشيا على أصةلها خسارة البورطابل مايصورش مليح كي نحط الفوكاشيا مقطعة ماش رايح يبان الهشاشة نتاعو


ياسو ربي يبارك 15 سنة فقط ودارت تاترت كيما هذي رايحة تخرج فحلة ماشاء الله عليها عندي مشكل هذو الأيام في الميكرو يروحولي الصفحات كي ترجع صديقتي تشوفهولي واش جاه

[ساندي 28]

الهام ماشا ءالله طيابك يهبل وديكور رائع والتحليه تاني يعطيك الصحه حتى انا حابه نجرب كيكه التوفي نتاع ام امانى راني ساحفه عليها عندي مده بصحتهم اختك وزوجها راكي قلشتيهم نتاع الصح برافووو عليك يا الشاطرة

[ساندي 28]

في هدا رايحا ندير هريسه

[حياتي نبع امل]

اممممممممم الهام روعة طيابك بصحتكم
نسقسيك على التحلية واشنو دوقها كي شغل كريم يسار شوكولا بالشونتيي ولا بنييينة عليها

[إلهام07]

المشاركة الأصلية كتبت بواسطة حيهتى كلها امل

اممممممممم الهام روعة طيابك بصحتكم
نسقسيك على التحلية واشنو دوقها كي شغل كريم يسار شوكولا بالشونتيي ولا بنييينة عليها

واش تسقسي فوووووووووووووووووووووووووووووووووووووووووووووور
الجزء التحتاني كأنك تاكلي في دانيت شكلاطة بصح طبعا أبن لاخاطر مخدومة بالشكلاطة ونصيحة ديري منى نوار جي بنينة
ماعندك ماتستناي غير جربيها راهي 1/2 لتر دارتلي الكمية اللي شفتي وبنينة وتحمر الوجه قدام الصياف اختي وراجلها ضربو فيها 2 و 2 هههههههههههههههههههه
إذا مالفة تشري légeois اللي يتباع راهي نفس الطعم هايلة والمقادير مضبوطة بالشعرة

[إلهام07]

أم نجم إما ديريه بالطريقة التقليدية هذا كامل يجيك علبة ههههههههههه يرجع شويييييييييييية
لاكان هذيك ماما مالفة ديرها نسقسيهالك العشية ونقولك وأظن دارتها ام راضية موضوع
أما إذا تحبي الساهل والي زاكي ديري نتاع بريق الأمل هايلة وماتخطينيش وزيد زاكية وسريعة
الطريقة التقليدية راهي طول وفيها مراحل وزيد الدنيا ترجع كامل مصبوغة بالاحمر منها الكوزينة ترجع تبلحيطة :d

[nihale89]

صباح الفل حبوبات توحشتكم
واش راكم كامل
الهام يعطيك الصحة متميزة كي العادة
حبيباتي واش حاديرو للغداء
انا سخفت على القليان عندي بيضنجال والطماطم كشما كان طريقة انتاع شكشوكة مليحة

[omhadil]

صباح النور على احلى منتدى

[ام الهضاب]

الهام ديكور هااايل بصح أنا خليلي من التحلية لأنني انموت اعليها
ربي يهنيلك أختك و جميع العروسات ان شاء الله

[ساندي 28]

الهام عندي الطريقه التقليديه احسن صح متعبه لكن بنينه ونقدر نحتفظ بيه حتى للشتاء ان شاء الله في المجمد قلت عاونوني في تجهيزو خخخخخ راني لقيت الحل راهي صور حصريه مباشرة من المطبخ هههه