وصفات من حراير مطبخ وش طيبتي اليوم

[راجية غفران ربها]

طاجين الخوخ

إضغط هنا لرؤية الصورة بحجمها الطبيعي.

بطاطا مغلية ومتبلة بالفلفل اكحل والملح والمعدنوس والجبن

قطع جبن وفيونداشي متبل ومقلي على شكل كرات فرينة وبيض

إضغط هنا لرؤية الصورة بحجمها الطبيعي.

نقوم بتشكيل كرات نحشيها باللحم او الجبن او الاتنان معا

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

نضعهم في الفرينة (الطحين) ومن بعد في البيض ونقليهم في الزيت

إضغط هنا لرؤية الصورة بحجمها الطبيعي.

قدميها مع مرق الزيتون او اي مرق اخر

وبالصحة والهنا

إضغط هنا لرؤية الصورة بحجمها الطبيعي.

[راجية غفران ربها]

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

قاطو القلوب ( مونديلا ) هدا وين كملتو انشاء الله يعجبكم
المقادير :
500غ زبدة طرية
كاس سكر مسحوق
وحدة بيض كاملة و صفار حبة بيض
مغرف ك لفاني
غرفية صغيرة لوز يكون محمر مليح ومطحون
وحدة خمارة / 4مغارف كبار كاكاو نتاع حليب الاطفال
والفرينة حسب الحاجة
نخلط كل المقادير مع بعض حتي نتحصل علي عجينة طرية
نشكل شكل قلوب وندخلها تطيب لمدة 20 دقيقة
مين يطيب نلسق حبة مع حبة بلمعجون والتزين متل للبصورة

[عبير ريمة]

حنونتي سهومة هاهي الوصفة بلا مزية
ليزامندين
العجينة

• 250 غ فرينة
• 150 غ سكر غلاص
• لافاني
• 170 غ مرغارين طرية
• قرصة ملح
• رشة خميرة الحلوة(في الوصفة الأصلية ماكانش لكن باش جيني العجينة خفيفة)
  
• 1 صفار بيضة كبيرة أو صفارين صغار
  

كريمة اللوز(crème frangipans)

• 100 غ زبدة طرية
• 100 غ سكر عادي
• 2 بيض
• لافاني
• 100 غ لوز مرحي بقشوره
• 50 غ فرينة مغربلة

التزيين

• لوز منسلles Amandes effilées

في الأخير
لاجولي دافية للمعان

التحضير
العجينة
في اناء خلطي الزيدة+سكر+لافاني+قرصة ملح جيدا ثم أضيفي الصفار و لمي بالفرينة + رشة خميرة الحلوة و خليها ترتاح داخل كيس بلاستيكي


في هذا الأثناء حضري الكريمة

• ضربي بالباتور الزبدة+ السكر + لافاني جيدا أضيفي البيض بيضة بيضة مع الخفق تتحصلي على كريمة كما لاموس
• أضيفي بالملعقة اللوز ثم الفرينة
• روحي للعجينة ديالك و حليها و السمك ديالها يكون 3 مم و قطعي دوائر و حطي كل دائرة في قوالب خاصة تكون مدهونة بالزبدة و مرشوشة بالفرينة)عن نفسي ندير كور و نحل كل كورة داخل القالب مباشرة باش ما نعيش العجينة)
• أثقبي العجينة بواسطة الفرشاة و حطي الحشوة ألي هي كريمة اللوز و ديري من فوق اللوز منسل وبعدها دخليها للفرن باش تطيب حوالي 30 دقيقة على نار متوسطة 180°
• كي يحمارو خرجيهم من الفرن أدهني الوجه تاع الحلوة ب لاجولي
  

• ملاحظة
• تقدري تديري حوالي 1/2 ملعقة قهوة تاع معجون مشماش في الحلوة فوق لعجينة بعد ما تثقبيها بالفرشاة ثم تحطي كريمة اللوز و تكملي باقي الخطوات عادي
  

نتمنى نكون قدرت نفهمك حنونتي و موفقة انشاء الله

[فايزة44]

• أختي سهى ربي يفرحك و اسمحيلي على التأخير

وصفة نجمة البحر
العجينة

• 3كيلات فرينة
• 1 كيلة سمن و زيدي فايضيها بالزيت
• لافاني
• قرصة ملح
  
• 1 ملعقة كبيرة سكر غلاص(لكل 1 كيلو فرينة ديري 3 ملاعق أكل سكر غلاص)
• 1 كيلة خليط من ماء + ماء الزهر(تقدري ما تكمليش الكيلة في التحضير حسب نوعية الفرينة)

الحشوة

• 3 كيلات لوز مرحي
  
• 1 كيلة سكر عادي
• لافاني
• ماء الزهر+ بيض
  
• شوية قرفة(اختياري)
  

الغلاصاج

• 1 ملعقة كبيرة عصير القارس
• 1 ملعقة كبيرة زيت
• 1 ملعقة كبيرة بياض بيض
• لافاني
• 2 ملاعق ماء الزهر
• ماء معدني
  
• سكر غلاص حسب الحاجة
• ملون (استعملت الأصفر + البوردو)

التزيين

• عجينة اللوز

• حبيبات فضية

• ملمع غذائي

التحضير

العجينة

• في اناء خلطي الفرينة+قرصة ملح+لافاني+السكر غلاص جيدا ثم زيدي كمية ليدام(السمن + زيت) و خلطي
  

• أضيفي الماء+ماء الزهر حتى تتحصلي على عجينة ثم شكلي كور صغار و ديريها في كيس بلاستيكي و خليها ترتاح لساعات تسمى وجديها في الصباح و استعمليها في المساء من الأحسن

الحشوة

• في وعاء خلطي اللوز + لافاني + السكر
• ابداي تزيدي في ماء الزهر و البيض يعني زيدي للحشوة ملعقة من ماء الزهر ثم ملعقة من بيض مضرب و خلطي ثم زيدي ماء الزهر بعدها البيض بالتوالي حتى تتحصلي على عقدة شادة روحها و خليها ترتاح
  

التشكيل

• حلي العجينة و قطعيها دوائر قد ما تكون العجينة السمك ديالها خشين الحبة تخخرجلك كبيرة و قد ما يكون السمك ديالها رقيق الحبة تخرجلك صغيرة
• شخصيا ندير كور صغيرة و نحلها براحة اليد
  
• ندير 5 حرابش صغار من الحشوة قد نوى حبات التمر
• نستف الحشوة فوق لعجينة ثم نغلق ملييييحح عليها من كل جهة(5 جهات) و نقلب الحبة و حاولي تتحكمي في الشكل ديالها كما نخدمو لعرايش
  

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

• دخليها للفرن تطيب على نار متوسطة

• كي تطيب خرجيها و خليها تبرد تمامااااااااااااااااااااااااا

إضغط هنا لرؤية الصورة بحجمها الطبيعي.الطلية

• ديري في كأس قازوز : ملعقة من بياض بيض+ملعقة زيت+ملعقة عصير القارس المصفي+2 ملاعق ماء الزهر و كملي عمري الكأس ديالك بماء معدني(ماء سعيدة) ماشي ماء الحنفية و راكي رايحة تتحصلي على كأس من السوائل
• فرغي الكأس في اناء و خلطي بالفرشيطة و زيدي لافاني

إضغط هنا لرؤية الصورة بحجمها الطبيعي.

• ابداي تزيدي في سكر غلاص ألي تكوني غربلتيه عدة مرات حتى تتحصلي على الطلية المطلوبة
• زيدي الملون ديالك ألي تكوني حليتيه في ماء الزهر بالشوية حتى تتحصلي على اللون المطلوب

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

• شخصيا حبيتها باللون الجمبري و درت الأصفر و البردو معا
  
• كما تقدري ديري الطلية خضراء و لا بيضاء كما تحبي
  
• أطلي الحبة ديالك و خليها تنشف راهي ما تديش وقت تمتم تنشف

إضغط هنا لرؤية الصورة بحجمها الطبيعي.

• كي تنشف نحي الزائد من الطلية(ماديريش كما أنا في الصورة كنت مغاولة و حبيت برك نوصل فكرة لصديقة ليا)
• ديري التزيين ديالك بعجينة اللوز كما في الصور التالية

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

• في الأخير ديري ملمع و قدميها بالصحة و لهنة

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

• نهار درت انجمة البحر ماما شبعت ضحك قالتلي هذه ماشي نجمة البحر mais هادا قرنيط (أخطوبوط) معجبهاش التشكيل ديالي قالتلي مالازمش تدوي أطراف النجمة على يدك كما لعرايش
• هامليك نجمات البحر تاع ماما ربي يحفظها (صور عندها أكثر من 5 سنين)

إضغط هنا لرؤية الصورة بحجمها الطبيعي.

• انشاء الله نكون أفدتك أختي سهي و نعرف طولت عليك و على الفحلات بزاااففففف في الشرح و كسرتلكم رأسكم حبيباتي
  

ملاحظة

• بالنسبة للعجينة تقدري ديري أي عجينة معتمدتها و نفس الشئ بالنسبة للحشوة
  
• الحشوة درتلها البيض يسهلي في التشكيل و يخلي الحبة تاع الحلوة واقفة
  
• الطلية تحب تغير فيها و طبقي أي طلية تعجبك

صح غداكم يا لحراير

[ام ايمان 11]

وصفة البيني للاخت ام هدولة
500 غ فرينة_ بيضة_ 5مغارف كبار زيت_ نصف كاس سكر مسحوق(تقدري تنقصي شوية) _ مغرف كبيرة ونصف خميرة الخبز_ قرصة ملح_
حطي الخميرة مع شوية حليب دافي تخمر بجهة ومن جهة اخرى اخلطي باقي المقادير ثم اضيفي الخميرة ولمي بالماء الددافئ مع العجن حتى تصبح العجينة طرية حطيها في كيس وخليها تخمر مدة ساعة الا ربع من بعد اقسميها الى تقريبا تجيك 24 كرية وضعيها على بلاطو مدهون بالزيت وغطيها ب بابيي فيلم وخليها تخمر جيدا 30 د او على حسب درجة حرارة الغرفة حطي الزيت يسخن جييييدا ثم نقصي النار تماما لان العجينة تحتوي على السكر يعني تحمار بسرعة ابسطي الكرية الاولى ولوحيها في الزيت ولوحي فوقها الزيت حتى تنتفخ( لاكان متنفختش يعني راهي مخمرتش مليح خليها تزيد تخمر) وكملي باقي الكريات حطيهم في كسكاس غير شوية ثم في السكر مباشرة ولما تكمليهم افتحي بالوحدة وحطي مقدار ملعقة قهوة معجون.

[sarra5]

allah ybarek 3LIIIKOM

[ادرارية]

وصفة الاخت افروديت للتارتولات



ادرارية العجينة درت تاع الهاام راني معتمدتها و الكريم موسليين ساهلة ديري كريم باتيسيير و تزيديلها الزبدة
انا درت 1/2 لتر حليب مع كاس و نص سكر و كاس مايزينة و حبة بيض و شوية فاني خلطي بارد في بارد حطيه فوق النار حتى تعقد اومباعد طفي و زيدي مغرف كبيرة زبدة و خليها تبرد ملييييييييح كي تبرد حطي 100 زبدة فالبيتران مع شوية من الكريم باتيسييير و خلطييي ملييييييييييييح حتى تولي الزبدة ما تبانش اومباد زيدي الكريم باتيسيير اللي بقات و الفاني و خلطي مليح ملييييييييح انا ما نديرش فاني ندير فلان فاني يعطيها بنة هاااااااااااااايلة

[راجية غفران ربها]

هاكي باتيلا : هذي وصفة ماشي محرفة وصفة ايطالية

قلي حبة بصل و مبعد 2 سنات توم ثم ارمي اللحم المفروم و قليه معاهم و ابقاي امعسيه بالفرشيطة باش ما يكعبرش حطي عليه من الماء الي راهي تطيب فيه السباقيتي " 2م و لا 3م ك"
حطي عليهم الصوص طوماط" انا نشريها واجدة مخدومة بالحبق"...انت ارحي الطماطم بلا قشور وزيدي 1 م ك طماطم مصبرة و ملح و ف. اكحل و شويييية زعتر و شويية بازيليك "الحبق"
و نقصي للنارخلااص و خليهم يطيبو
حتى تنقص الصوص و يتبخر الماء و يطيب اللحم المرحي

السباقيتي بعد ما غليتها و قطرتيها حطي لها طرف زبدة
قدمي السباقيتي في صحن و صبي فوقها الصوص بولونييز
وزيني بورقة حبق في النص


و هاكي الوصفة المحرفة انا حرفتها و راهي ساهلة
حطي الزيت في المقلاة , قلي اللحم المرحي كي يبدا يتلون حطي له3م ك ماء السباقيتي , ثم حطي الطماطم المرحية و طماطم مصبرة و ملح و فلفل اكحل و خليهم على نار هادية حتى تتسبك مليح و خلاص , كلها تديلي قولي وحد ال10 دقايق

واذا كاينة صوص طوماط تتباع ديريها هي خير خاطر تجي شوية خاثرة مليحة

[فاطمةع]

حقاااااااااا شفت البارح وحدة سقساتني على المسمن ان شاء الله تشوف هدا الرد
ندير كيلة سميد رطب و كيلة فرينة و ملح و شوية عسل و رشة خميرة تاع حلوى و تعجبنيه ملييح و تقرصيه نورمال كيما العادة
دوبي شوية زبدة و خلطيها مع الزيت و الخميرة تاع الحلوى اللي قعدت كامل
حلي القرصة تاع المسمن و رشييها بهدا الخليط و زيدي رشيها بشوية فرينة مخلطة مع السميدة و اغلقيها مربع مي يكون صغير و خشييين كملي كامل القرصات اومباعد ارجعي للحبة الاولى و حليها بيدك تولي مسمنة نورمال كبيرة و طيبيها كي تحطيها تواني برك و اقلبيها و شوفيها كيفاه تتنفخ كيما الخبز العربي ههه
المسمن هدا يعجبني بارسكو يجي مورررررررررق والحبات قاع مسقمين و كبار

[أم إناس]

باتيلا

طريقة باتيلا في طهي التيتلي






في صحن ديري تليتلي+ زيت و حركي
من بعد شليه ليه ليه و صفيه و حليه بيديك
خليه ينشف شويه
حطيه فيكسكاس يفور و ديري في البرمه مع الماء ورقه رند او عود قرفه
الان قطعي واش عندك خضار أنا درت جزره حبه صغيره بطاطا حبه كوغجات كمشه جلبانه و حبه صغيره لفت
ملحيهم مليح و بعد حوالي 20 دقيقه منين حطيتي التليتلي يفور حطي فوقو الخضار و غطيه بغطاء الكسكاس
و خلي الكل يفور مع بعض
كي تحسي التليتلي قريب يكمل التوفار نتاعو نحيه هو و الخضر و برديهم مليييييح و عدليلهم الملح و رجعيهم يفورو
كي تكملي خلااااااص ضيفني الزبده كميه مليحه و قدميه
يجي خفيييييييف و بنييييييييييييين و يسخخخخخخخخخخخخخف

[lilouchaf]

QUOTE=طير الرحمة;1056289023]

سلاااااااااااااام شوفوا هده الوصفة للمتلجات هاااااااايلة
ما فيها كريم شانتى ولابيض
لكن شكل الايسكريم هاااااااايل
نتمنى تشوفوها وتردو ليا الخبر
السلام عليكم ورحمة الله وبركاته
المــوطا كما يسمى بالعراق وهو الآيس كريم

طبعا هذا الايس كريم (الموطا)معروف بالعراق
يباع في المحلات الصغيرة وهو لذيد جدا
وسهل ومكوناته متوفرة لدى الجميع
يلا نبدأ
المقادير
3 كوب حليب سائل
ملعقة متوسطة ممتلئة ثعلبية او مايسمى بالسحلب في بعض البلدان العربية
فانيلا
صلصة الفراولة اختياري
كاكاو او شوكلاته اختياري
ملعقة متوسطة ممتلئة نشا
سكر نصف كوب

نقوم بتسخين كوب من الحليب ومن ثم نضيف له النشا المذوب بالماء حتى نحصل اشبه بالمهلبية





وهذه صورة للثعلبية او السحلب للي مايعرفها




نقوم بوضع الثعلبية على كوبي الحليب ويكونا باردان مع اضافة السكر والفانيلا
ونخفق بالخفاقة حتى نحصل على رغوة خفيفة



نضيف خليط المهلبية مع الاستمرار بالخفق لمدة 10 دقائق



نقوم بتقسيم الخليط ثلاث اقسام ونضع على الاول صلصة الفراولة منزلية الصنع ونخفق



ونضيف على القسم الثاني الشوكلاتة والثالث يبقى بنكهة الفانيلا وممكن اضافة اي صوص تحبيهاو حتى فاكهة
لنحصل على الخلطات الثلاثة

نتركهم في الفريزر لمدة ساعة ونص ثم نخرجهم ونخفقهم وراح نلاحظ تزايد الحجم وهذا بسبب دخول الهواء
وهذه خطوة مهمة لانجاح الايس كريم






ندخلهم الفريزر ومن بعد ساعة نخرجهم ونخفق من جديد سوف نلاحظ سماكة الخليط وكانه كريمة وهذا دليل على نجاحها ونستمر بالخفق



نتركهم بالفريزر اقل شي 6 ساعات طبعا راح نلاحظ ان الخليط قبل التجميد كان ثلث العبوة
اما بعد الخفق والتجميد اصبح ثلثي العبوة وهذا بسبب الهواء وهذا السر يؤدي الى ذوبان الايس كريم بالفم






ملاحظة مهمة يجب وضع الكاسة على الاقل 5 دقائق بالفريزر قبل وضع الايس كريم فيها حتى مايفرط ويخرب الشكل





وهنا اضفت بعض من صوص الفراولة



والف صحة
وانشاء الله يعجبكم

[/QUOTE]

[lilouchaf]

اظرفة ام ياسين الزهراء

لبنات اللي سقساوني على تحريفة الاضرفة شوفو

رحيت صدر الجاج مع الملح وفلفل اسود وزنجبيل ومن جهة العضم تاع الصدر نصبت عليه مرقة بيضا بصل وثوم وتوابل وكانت عندي شوي جلبانة درتها طيب معاهم وعملت اضرفة الدجاج بشوي فرماج ومعدنوس ماعنديش الزيتون والفقاع وقليتهم ومن جهة حمرت شوي بطاطا كاين اللي مايكلش الجلبانة كيما امتحدث ههههههههههه ولحت كلش في بلا يعني الجلبانة والبطاطا والاضرفة وزدت معاهم كرام فراش والفرماج والبيض مضرب وحطيتهم في الفور وطاب كلش وجاو بنان بنان عجبهم الكل وطبعا المعدنوس والحمد لله

لانو ماعمديش الزيتزن والفقاع والعايلة الله يبارك كبيرة ولازم يتغداو مليح مليح خاصة اللي يقراو لازم نلقاو الحل والحمد لله

[lilouchaf]

ام محمد هاكي وصفة الروز اسهل منها ماكانش

ارز ام ياسين الزهراء

في صحن ديري الاطراف تاع الجاج مع الملح فلفل اسود وزنجبيل وتوابل خاصة بالجاج والموطارد والكركم باش يجي اصفر وشوي برك خل وحبة طوماطيش ارحيها مليح وثوم والزبدة والزعيترة والرند من الاحسن ديريهم من قبل وادا كيما انا مزروبة والميكرو ماخلانيش ديري برك وحطيهم في بلا للفور مع الماء وحطيهم يطيبو

ومن جهة غلي الروز مع الرند والملح وشوي زيت والزعيترة حتى يطيب

كيتشوفي الجاج طاب مليح والماء طبعا نقص شوي ارمي الروز فيه وستفي الجاج من الفوق ورجعيه للفور وكوليه بالصحة والهناء

نا الجاج طاب



وهنا ارميت الروز وستفت الجاج من فوق ورجعتو للفور وادا قدرت نصور منبعد


[/QUOTE]

[أم إناس]

ام ساجد



اللوبيا بالسبانخ

نطيب اللوبيا عادي ونحضر صوص نقلي صدر دجاج مع بصل مرحي مع ملح مع توابل ونضيف السبناخ الكمية لي تحبي

ونضيف طماطم مصبرة نقلي مليح وثم نسقي الصوص من ماء اللوبيا وكي يطيب الدجاج ويخثار الصوص نلوح اللوبيا

والفلفل ونخليها تغلي شوي ونطفي النار ونرش كمون اخضر تجي امممممممممممم روعة

[ام سراج وملاك]

;وصفة الارز لــ sedra seba



الروز طيبتو في صوص بيضاء مع الدجاج كي خثارت لصوص نحيت الدجاج حمرتو في الكوشة من جهة وجدت الروز وقليت البصل جوانح في الزيت زدتها مع الروز ولصوص البيضاء نحيت الدجاج كي تحمر حطيت الروز في صينية لي فيها لصوص نتاع الدجاج لي حمرتو مع شوي زبدة ودخلتو للكوشة باش يزيد ينشف من لصوص وقدمتو كيما في الصورة