دورة خطواتي الواثقة لأصبح ربّة بيت متألّقة

[خوخة02]

الدرة المكنونة علب هايلين ياريت تحطيلنا الطريقة

[ادرة مكنونة]

اختي خوخة هزيتهم من النت عجبوني

[ادرة مكنونة]

اخواتاتي راني قريب نكمل الكوزينة كوزينتي بسيطة ياسر وصغيرة ولماعن بسيطة لكن والله حبيتكم وحبيت نكون معاكم الجانب الجمالي نكحل عينيا كل صباح وندير السواك انا نحب الزينة التقليدية اما المستحضرات منحبهومش زيد انا كبيرة عمري فايت الربعين وولادي كبار وجهي نغسلو بصابون الجزر مليح للبشرة ندير عطر ونمشط شعري ونعود زوينة ههههههههه
ومننساش نبدل قندورة جديدة ايديا نديرلهم زيت اللوز من الليل ونطيب القهوة ونوض اولادي وزوجي ونقعد معاهم نحس روحي ملكة هههههههه

[ام شمسو محمد]

اهلا وسهلا خوخة و شكرا للاهتمام ربي يعينك و يشفيك حنونة

[ادرة مكنونة]

هذه كواليس كوزينتي كي نكمل تنظيفها نوريلكم الباقي

[خوخة02]

شكرا ام شمسو
الدرة المكنونة الله يدوم هناك ان شاء الله ويصلح اولادك لما يحبه ويرضاه

[ام براهيم الخليل]

السلام عليكم والله توحشتكم بزاف راني معكم دائما ولكن ما نقدرش ندخل من الهاتف الدرة المكنون عجبتني البساطة انتاعك ربي يخليك ويدوم الفرح اعليك

[جهينة اليقين]

السلام عليكم حبيباتي توحشتكم غيرتوني كاش نهار نحط لكم كوزينتي عندي مشكل فالتصوير والذراري ما يحبوش يصورو لي يشدوا لي غير من بعد من بعد

[ام آدم]

السلام عليكم حبيباتي اعتذر لعدم وضع مشاركات على الرغم من انني لا افوت قراءة كل المشاركات وذلك لاختلاف يومياتي
فانا اعمل بنظام المناوبة 3 ايام من الثامنة صباحا الى الخامسة واحيانا الى الثامنة مساءا و 3ايام لا اعمل
في الايام التي اعمل بها روتيني يقتصر على تحضير الطعام باكرا السادسة صباحا وهي وحبة لا بد ان تكون سهلة وتطيب في لاكوكوت لوبيا عدس شربة خضر حمص ...........
وهي وجبة الغداء والعشاء في نفس الوقت
مساءا بعد العودة للمنزل مراجعة لابني وغسل اواني وترتيب خفيف للمطبخ والمنزل
اما ايام الراحة وهي في الحقيقة ايام الجهاد فهي مخصصة لغسيل الملابس دش للاولاد عمل تنظيف عميق للارضية مسح الغبار تحضير وجبات تقليدية تحضير الكسرة تنظيم الملابس في الخزانة وو.................

[ام آدم]

الجانب الديني راني مقصرة بزاف ادعولي ربي يهديني والله غير نتمنى نكون مثلكن ونحشم بروحي بزاف كي نقرا روتيناتكن الدينية وما شاء الله اغلبكن متجلببات
انا لباسي حجاب عادي ليكات طويلة وسروال ادعولي ربي يهديني ويتوب عليا

[ام شمسو محمد]

المشاركة الأصلية كتبت بواسطة ام آدم

الجانب الديني راني مقصرة بزاف ادعولي ربي يهديني والله غير نتمنى نكون مثلكن ونحشم بروحي بزاف كي نقرا روتيناتكن الدينية وما شاء الله اغلبكن متجلببات
انا لباسي حجاب عادي ليكات طويلة وسروال ادعولي ربي يهديني ويتوب عليا

ام ادم هناك ظروف تمنع على اصحابها الكمال ولكن ما لا يدرك كله لا يترك جله وخصوصا الجانب الديني
اما الصلاة فحرصك يدل على انك لست من تاركيها
و اما الاذكار فهي حرزك وحصنك و امانك و ليس من الحكمة ترك ادوات السلامة لمقتحم الخطر و الدنيا خطر كما انها لا تاخذ وقتا
واما القران فدواء القلوب وحياة الارواح فلا تعجزي عن صفحة في اليوم فهي شفاء العليل
و هذا حظنا من الدين (ماناش فايتينك بزاف تقدري تلحقياذا ماكيش فايتة)

[ام آدم]

الجانب الجمالي حدث ولا حرج

[ام آدم]

امل ادعو الله العظيم رب العرش العظيم ان يزيل همومك ويبدد غيومك ويبدل حزنك وكربك فرجا وسعادة انه على كل شيء قدير

[ام آدم]

ام تينة كلماتك الراقية تحيي القلوب الغافلة
بارك الله فيه اخية
سمحت لنفسي ان انسخها واضعها في ملف في حاسوبي حتي اقرأرها كلما نقصت همتي فلها تأثير السحر على نفسي

[ام آدم]

تحية عطرة ملؤها الاخوة والمحبة لكل صديقة لم اعرفها شخصيا لكني اغترفت من حكمتها او نصيحتها او تجربتها او خبرتها الف الف شكر لكن