طلبات الاعضاء........... بشكل جديد - الصفحة 63

stayfiya · 2014-02-18, 08:12

اقتباس:

المشاركة الأصلية كتبت بواسطة وردة زمن

السلام عليكم ورحمة الله تعالى وبركاته
اريد شراء اقمشة مثل اقمشة هذه الفساتين باه نروح للخياطة تخيطهوملي بليز نعتولي اسماء الاقمشة

لاني مبتدئة ويسهل عليا البحث (خفت نغلط)

وشحال رايحة نشري من اللونين في كل من الفساتين التالية

الاول يبانلي guipure الاخضر و الاسود فولور و الثاني البوليرو بروكار و لا الانواع لي خرجو جدد تاع لقماش البايتي و الاحمر تقدري تستعملي اي نوع. و الاخير من فوق دونتال و لادوبلير تقدري تستعملي ساتان ولا لاشوازات باردة و حنينه زيدي شوفي راه لقماش الدنيا و مع الخياطه تفهمك كي تشوف لاطاي تاعك تقولك قداش ترفدي الكتان ربي يسهلك ختي

stayfiya · 2014-02-18, 08:14

اقتباس:

المشاركة الأصلية كتبت بواسطة ياسمين1990

سلام عليكم
اختي السطايفية بارك الله فيك انتي قلتيلي على نوع المشينة المليحة يكون لونها ازرق
اذا ممكن تحطلي صورتها هكذا كي نروح لعند مولاتها منتحرج منها تكون عندي صورتها في راسي ونعرفها اذا كانت من النوع الجيد
وشكرا واسمحيلي على الازعاج

ماين زرقا و كاين لون بيج سابلي. شوفي في قسم المثبت موضوع المشينه تشوفي مشينتي و ماشينات لبنات

stayfiya · 2014-02-18, 08:14

اقتباس:

المشاركة الأصلية كتبت بواسطة irana

وين روحتو وحدا فيكم مجوبتني

اني جاوبتك ختي الصبر يا قوم ههههههه

stayfiya · 2014-02-18, 08:18

اقتباس:

المشاركة الأصلية كتبت بواسطة simsim.zoo

شكرا لام اثري و اطلب من سطايفية مساعدتي في خياطة هذاك البدرون لاني لم افهم طريقة تفصيله و لايوجد عندنا خياطات يعرفوا يخيطوه

اقتباس:

المشاركة الأصلية كتبت بواسطة simsim.zoo

نداء خاص الى الاخت سطايفية ساعديني ارجوكي باعطائي باترون هذا الموديل لاني ما عرفتش نفصل هذا السروال

و شكرا ارجوا في الاخير مساعدتي

اني جاوبتك

اقتباس:

المشاركة الأصلية كتبت بواسطة hamou0210

السلام عليكم نحب الخياطة حبيت نتعلم خياطة البساطات هل هي خياطة سهلة و لا صعيبة

مكانش حاجة صعيبه غير لي ماتحبيهاش اكيد شوفي مواضيع لجين ملكة لبساطات و كاين بساط ساكورا تعلمت فيه هايل. نتي اتعلمي في حاجة صغيرونه و من بعد روحي للكبير

stayfiya · 2014-02-18, 08:19

اقتباس:

المشاركة الأصلية كتبت بواسطة simsim.zoo

اين انتم لا احد يساعدني

لا يوجد احد ههههههه

stayfiya · 2014-02-18, 08:22

اقتباس:

المشاركة الأصلية كتبت بواسطة mouhgeajimi

السلام عليكم و رحمة الله وبركاتته

اخواتي عندي زوجقاشات و حابة نخيهم بصح معرفتش اشحال يسقمولي يعني بقداه خياطتهم مع سلعتهم ارجو من الخياطات يجوبوني جزاكم الله كل الخير

هاهم المودلين

عذرا لم استطع رفع الصور

لكن القنادر في زوج تاع القطيفة من مجلة مروة

ياختي كل بلاد كيفاش السلعه عندهم و زيد كل خياطه و كيفاش ممكن نقولك يرفدلك ثلاث ميطرات في الموديل بصح قادره الخياطه تقولك مايكفيونيش ؟؟. سقصي الخياطه تاعك و هي تحددلك السعر و الكميه

سماح 88 · 2014-02-18, 08:23

شكرااا لك على ردودك وسعة صدرك
اسالك عن كيفية كشكشة القماش في الفستان هذا

stayfiya · 2014-02-18, 08:30

اقتباس:

المشاركة الأصلية كتبت بواسطة razika8

صباح النور يااختي صطافية نشكرك بزف ل الرد لكن راني طبقت البترون لحطتيه ومخرجلش كيما في الصورة اذا كان ممكن ترحلي اكثر وحبيت نسقسيك الكتان تاع الصدر مثن والا لا وانا اسفة على الازعاج شكرا حبيبتي

اقتباس:

المشاركة الأصلية كتبت بواسطة سماح 88

مازلت ما فصلت ياريت تخبريني وين الخلل؟؟ يمكن افيدك .. حسب ما تخيلت انك تخيطي شرائط وتثنيها على اثنين ومن بعد تقلبيها . اما هذه القطع الحمراء مفهمتش هل هي تابعة للبترون ام لا ؟؟ اذا كانت تابعه له تجي صباح الخير اختي رزيقة انا تاني عملت طلب لاختي سطايفية واعطتني نفس البترون ويظهرلي واضح لكن تحت الصدر على ما اضن

شوفي نتي عرضي لباسات باش تتحصلي على النقشات و من بعد قي قماشه كيما هاكذاك

و من بعد كروازي الطراف لي قطعتي فيهم اما ما نديرش كفه من الحاشيه الفوقانيه نطبقو لداخل و نحكمو بالبرا و الخيط. اوكي و كي تخلصي الكروازي تاعك انقشي لي كوتي لي يلصقو في المونش

stayfiya · 2014-02-18, 08:41

اقتباس:

المشاركة الأصلية كتبت بواسطة simsim.zoo

السلام عليكم و رحمة الله تعالى و بركاته
نداء عاجل الى الاخت سطايفية ارجوكي اريد باترون لهذا المودال

و شكرا

stayfiya · 2014-02-18, 08:46

اقتباس:

المشاركة الأصلية كتبت بواسطة مرام سيرين

من فضلكم اريد مودال تع قطيفة لقماش تعها ملون بزاف من الاسفل ومن فوق والو وفيه الالوان بزاف قماش خرج جديد
واريد مودال تع كتان مليح تعسشو ا مزروبة بيهم قريب عرسي
وشششششششششششششششششششششكراااااااااااااااااااااااا

ياختي ان وليد و كريستال نهار طول و هوما يقطعو في رواحهم و يجيبو في الجديد دون ان ننسى دهبي و رمرومه و الباقيين شوفي مواضيعهم راه غير الجديد خيري تخير ختي ما هوالها و لا كان حصلتي في لفصاله حطيلي الصورة لهنا نجاوبك ان شاء الله

stayfiya · 2014-02-18, 08:46

اقتباس:

المشاركة الأصلية كتبت بواسطة simsim.zoo

لا احد منكم يريد مساعدتي

لا احد وااش تحبي ههههههه

stayfiya · 2014-02-18, 08:48

اقتباس:

المشاركة الأصلية كتبت بواسطة kamilia88

السلام عليكم عندي مودال تاع عباية تاع دار حبيت نخيطو انا منعرفش نفصل حبيت منكن تعاينوني يربي يجازيكم و في الختام الصلاة و السلام على اشرف الخلق محمد صلى الله عليه وسلم

stayfiya · 2014-02-18, 08:50

خلااص هذا آ خر باترون خلاصلي ثاني روجيستر رسمتلكم فيه الباترونات من بعد نشري واحد جديد و نكملو المشوار لا عشنا سلاام

نور الامل 12 · 2014-02-18, 08:55

صباح الخير ياوجه الخير ربي يساعد على مساعدة الغير والله ردودك تقتل بضحك على الصباح

شوشانة77 · 2014-02-18, 09:48

صباح الخير سطايفية واش راكي أن شاء الله تكوني لاباس
شوفي اليوم جبتلك واحد السروال تعاونيني فيه راني حطيتو من قبل وجاوبتيني فيه بصاح مافهمتش عاوديلي حبيبتي يعيشك بصح شوفي ماتتقلقيش عليا ههههه ومتعيطيش بينك وبين روحك راني نفيق بيك خخخخخخ
والله اختي ديريهولي في وريقة صغيرة ياخي شريتي روجيستر ولا مازال ههههه ديريه لابغا في جورنال وش خاسرة بوووووووووسة

هاهو