دورة خطواتي الواثقة لأصبح ربّة بيت متألّقة - الصفحة 63

mariamalak · 2016-10-25, 21:06

اقتباس:

المشاركة الأصلية كتبت بواسطة صفحة بيضاء

بارك الله فيكم اخواتي راني متابعتكم وفرحانة بيكم راكم تزرعو الهمة والنشاط في القلوب تحياتي لكل وحدة فيكم
ام تينة شكرا على الكلام الجميل

اهلا اختي صفحة بيضاء هيا وين وصلتي خرجتي مالكوزينة و لا مزال

ام شمسو محمد · 2016-10-25, 21:13

الروتين الديني تم
الروتين الجمالي 5/10
الروتين المنزلي تم
في كل مشروع خطوة ..حفظ الزهراوين ..خطوة اليوم تم

mariamalak · 2016-10-25, 21:17

ام البنين سقسيتيني ايلا نساعد بنتي فالمراجعة
انا غير تدخل العشية نعطيها القوتي تاكل مليح و تلبس بيجامتها و نقلها ابداي تروح وحدها تبدا و مبعد نطل عليها اذا كانت حاجة ساهلة نخليها دير وحدها ويلا كانت حاجة تاع حفاظة تحفظ و تجي تقلي ويلا كانت مراجعة درس فالقواعد نديرلها تمرين عليه يعني ما نتكلش عليها لازم نراقب

mariamalak · 2016-10-25, 21:27

و الرجيم اللي راني متبعاتو هو رجيم متوازن و راني نرضع بنتي شوي راني معاونتها بالبيبرو
الصباح2 كاس على الريق
حبة بيض مغلية او فرماج ابيض 0 بورسو
قهوة حليب بنص حبة سكر بني
1 شريحة خبز كامل
1 مندرين او تمرتين او ملعقة صغيرة عسل
10 و نص تفاحة
12 2 كاس ماء قبل الاكل بنصف ساعة
صحن سلطة منوعة بصوص نصنعها بالفرماج الابيض 0 بورصو و الخل و شوية ملح بدون زيت
صحن خضر مفورة او في الفرن مع صدر دجاج او علبة تونة او سمك
4 تفاحة و قهوة
7 العشاء اذا كاش ما كليت فالنهار حاجة زيادة ناكل حبة خيار او تفاحة
و اذا التزمت فى اليوم كلو ناكل سلطة منوعة و خضر و سمك كيما الغداء
و نشرب 2ل من الماء و نخلط مرة ماء و ليمون مرة زنجبيل مرة كرافس
و نجري فالالة تاع الجري 45 د يوميا
و مرات كي نروح نقضي نمشي ما نمشيش فالدار

omelbanin · 2016-10-25, 21:30

اقتباس:

المشاركة الأصلية كتبت بواسطة mariamalak

ام البنين سقسيتيني ايلا نساعد بنتي فالمراجعة
انا غير تدخل العشية نعطيها القوتي تاكل مليح و تلبس بيجامتها و نقلها ابداي تروح وحدها تبدا و مبعد نطل عليها اذا كانت حاجة ساهلة نخليها دير وحدها ويلا كانت حاجة تاع حفاظة تحفظ و تجي تقلي ويلا كانت مراجعة درس فالقواعد نديرلها تمرين عليه يعني ما نتكلش عليها لازم نراقب

انا وليدي لازم نوقف عليه ، وحبيت نعلمو يتكل على رووحو ،بصح ما عرفتش .

mariamalak · 2016-10-25, 21:35

مزال صغير شوي اصبري عليه كون تتكلي عليه يقلك درت كلش و كملت و هو هاردها حتى تتفاجءي بالنتاءج تاوعو ردي بالك لازم المراقبة و لو عن بعد

omelbanin · 2016-10-25, 21:36

شكرا ،شكرا،علىالرجيم ،راح نحاول ،والله الموفق.
بالنسبة للمواضيع الاجتماعية والاسرية ،نخصصولهم يوم محدد للمناقشة ،ولا واش رآيك اختي ماريا.

نصارنصار · 2016-10-25, 21:36

انا من المتاخرين لازلت اقرا الصفحات وصلت ل رقم25 عيني وقعوني بصح استفدت كثيرا كي نكمل الصفحات باذن الله نشارك معاكم

البحر الصافي · 2016-10-25, 21:55

شكرااااا اخت ماريا راني مع الكوزسنة كوزينتي كبيرة
غدا باذن الله نظف لكويزينيار هي تقريبا نضيفة لاكن نجبدها ونغسل الجوانب والحيط لي وراها
تحياتي لكن جميعا وبالتوفيق

mariamalak · 2016-10-25, 21:55

اقتباس:

المشاركة الأصلية كتبت بواسطة omelbanin

شكرا ،شكرا،علىالرجيم ،راح نحاول ،والله الموفق.
بالنسبة للمواضيع الاجتماعية والاسرية ،نخصصولهم يوم محدد للمناقشة ،ولا واش رآيك اختي ماريا.

فكرة هايلة خلي يكملولي الكوزينة المحانة و مبعد نناقشو المواضيع هههه
واش رايك توجدينا موضوع على اساليب المراجعة

mariamalak · 2016-10-25, 21:56

اقتباس:

المشاركة الأصلية كتبت بواسطة نصارنصار

انا من المتاخرين لازلت اقرا الصفحات وصلت ل رقم25 عيني وقعوني بصح استفدت كثيرا كي نكمل الصفحات باذن الله نشارك معاكم

مرحبا بيك معانا فى كل وقت

mariamalak · 2016-10-25, 21:57

اقتباس:

المشاركة الأصلية كتبت بواسطة صفحة بيضاء

شكرااااا اخت ماريا راني مع الكوزسنة كوزينتي كبيرة
غدا باذن الله نظف لكويزينيار هي تقريبا نضيفة لاكن نجبدها ونغسل الجوانب والحيط لي وراها
تحياتي لكن جميعا وبالتوفيق

احسنت بارك الله فيك اذن غدوا كمليها و الحقينا للباب و الكولوار

ام تينة · 2016-10-25, 22:24

جان الان اخيتي الحبيبة موعد سورة الملك اقرئيها اليوم بقلبك وافتحي احد كتب التفسير لتفهمي رسالات ربانية في سورة كان الحبيب صلى الله عليه وسلم يقرؤها كل ليلة انها المنجيه سورة الملك

في آخر الليل عبادات لھا أجور عظيمة الإستغفار و التسبيح و الدعاء والسجود لله عز و جل فهنيئاً لمن كان له نصيب منھا .
قــــــــبل.أن.تنــــام.ســــامح.الأنــــام..

واغســــل قلبــك بالرحمة

والســــلام...

و تــــــذكــر …دائمــــاً أن

[[ قيــــام الليــــل دأب الصــالحيــــن ]]

#اللهم حبب إلينا قيام الليل، واجعل له لذة في قلوبنا، ونوراً في وجوهنا، وبركة في أعمارنا، وسعة في أرزاقنا

#آخــــر.اللــيــــــــــــل.إن.لــم.تكــن.مصليــا ً.فكــن.مســتــغــفــراًوإن.لم.تــكــن.مستــغــفــ ــــراً.فــكُــن.ســائــــلاً.مُـلـحــــــــاً.

قولي بينك وبين نفسك يارب حين يعتريني شي من وجع الدنيا قوّني بك حتى لا أبث شكواي لسواك 💜
لاتملي يا اختي لا تفشلي
فكلنا نشتاق لجنة الرحمن ونتمناها
ولكن قد تمرّ علينا فترات تخور فيها عزائمنا وتهبط هممنا ...
والجنة سلعتها غالية .. تملي يا اختي لا تفشلي

الاريام · 2016-10-26, 00:47

اقتباس:

المشاركة الأصلية كتبت بواسطة omelbanin

خوخة انا لحوايج نغسل كل يوم، ساعات نهار بنهار، كون نخلي يومين مانغسلش تتعمر السلة،
بصح نبدلو كل يوم، انا نعرق بزاف لازم نبدل، والذراري تعرفيهم.
كاش وحدة فيكم راهي دايرة جدول لقائمة الطعام اسبوعية، تنورنا دايما حاصلة في لعشا، لغدا باين واش نطيب حبوب ولا عجائن، ولعشا عندي مشكل.
لي حبت تقولي واش دارت البارح في لعشا واقيل نعاندها اليوم.

السلام عليكم راني متاخرة على الدورة كان عندي عذر مع اني كنت حابة نبدا معكن
بالنسبة للاكل في الليل حاولي انو دائما يكون نباتي كيما انا اليوم درت سلطة البطاطا بالبيطراف و البصلة والطماطم زيتون اخضر و اسود و معدنوس و صلصة السلطة خل و زيت ز ثوم و اكلناها بدون خبز و في اليوم الي قبلو كانت سوب نحط كمية من الماء يغلي و نحط فيهملح فقط حفنة عدس احمر و حفنة ارز مغسولين و بصلة كبيرة و حبة جريوات و حبتين سنارية حبة خردل حبة بطاطا متوسطة الى صغيرة حبة فلفل حلو بورو كرافس و خليهم يغليو نصف ساعة ننزع الكرافس و نرحي بنينة روعة ودائما بدون خبز
وهذا الريجيم شفتو في النت لاه يجب الابتعاد ن اللحوم في الليل و اكل فقط ماكولات نباتية لانه اللحم يجعل الجسم وسط حامضيو هو اول مسبب للامراض الخبيثة عافاكم الله
رايت ايضا السوريات ياكلن في مكان الخبز اوراق السلطة مع الاكل او خيار مثل شوربة العدس تاكل معها خيارة مكان الخبر و هذا رائع للرجيم و الرشاقة
تقبلوا مروري اللهم صل و سلم على سيدنا محمد

omelbanin · 2016-10-26, 06:27

أصبحنا وأصبح الملك لله والحمدلله ولاوإله إلا الله وحده لا شريك له.