دفتر مطبخي ركن خاص لمستمعي اسرار مطبخ دليلة** ملتقى حراير الجلفة ** - الصفحة 63

ام درة · 2012-01-27, 12:12

سلام يعطيك الصحة ---------------وين راك يا ام اماني

توكل · 2012-01-27, 18:42

اقتباس:

المشاركة الأصلية كتبت بواسطة islam1aya

يا حبيبتي ميميشة شهتيني فيه حبيت انجربو ونرجعلك الخبر تسلم ايدك يا الشاطرة بوراك روعة

ميميشتي معجون البرتقال جاك هايل انا الوالدة كل عام اديرو هو ومعجون القارس وكذلك ادير معجون الشوينة وهي عبارة عن شينة صغيرة الحجم تشبه حبة المندرين ما علاباليش اذا تعرفيه
كذلك اندرو معجون السفرجل والجولي انتاعو والاللذ هو معجون التباسا تع السفرجل اجي مبسوط في السنية وكيحكم روحو اقطعوه مقروطات اواطراف اسمه معجون الطرف او معجون التباسا يعملوه كثير في البليدة وفي المدية وناس مليانة ماشي كامل يعرفوه انا اهل زوجي مايعرفوهش ذاقوه عندنا وفي سبوع يوسف عملتهولي عمتي وسربيتو مع الشاي ذوقه تحفة اجي كلحلقومة

السلام عليكم
ماشاء الله شوقتينى
شوفى رانى حابة ادا بغيتى
تعملين موضوع على هدا المعجون
ربى يخليك

BACHIRA2 · 2012-01-27, 21:13

اقتباس:

المشاركة الأصلية كتبت بواسطة islam1aya

يا حبيبتي ميميشة شهتيني فيه حبيت انجربو ونرجعلك الخبر تسلم ايدك يا الشاطرة بوراك روعة

ميميشتي معجون البرتقال جاك هايل انا الوالدة كل عام اديرو هو ومعجون القارس وكذلك ادير معجون الشوينة وهي عبارة عن شينة صغيرة الحجم تشبه حبة المندرين ما علاباليش اذا تعرفيه
كذلك اندرو معجون السفرجل والجولي انتاعو والاللذ هو معجون التباسا تع السفرجل اجي مبسوط في السنية وكيحكم روحو اقطعوه مقروطات اواطراف اسمه معجون الطرف او معجون التباسا يعملوه كثير في البليدة وفي المدية وناس مليانة ماشي كامل يعرفوه انا اهل زوجي مايعرفوهش ذاقوه عندنا وفي سبوع يوسف عملتهولي عمتي وسربيتو مع الشاي ذوقه تحفة اجي كلحلقومة

اهلا اختي ام اسلام و اية اشتقنا لك مع انني انا ايضا كنت غائبة لظروف مرضية بالنسبة لمعجون التباسا فانا من مدينة مليانة و كنت اري جدتي و هي تحضره بالسفرجل و تضع اذا ما رانيش ناسية عبر سفرجل بعد ما يتقشر و يطيب مع عبر سكر و ترجعه فوق النار حتي يعقد و من بعد تضعه في سنيوة بها سكر و تسوي السطح جيدا و تدعه يبات حتي للغد ثم تقطعه مقروطات و تضعه فى الكيسات ان شاء الله نكون ما نسيت والو كنت شوية صغيرة ههههههه تحياتي لك و لعزيزتي الغالية على قلبي ميميشة

islam1aya · 2012-01-27, 22:19

اقتباس:

المشاركة الأصلية كتبت بواسطة bachira2

اهلا اختي ام اسلام و اية اشتقنا لك مع انني انا ايضا كنت غائبة لظروف مرضية بالنسبة لمعجون التباسا فانا من مدينة مليانة و كنت اري جدتي و هي تحضره بالسفرجل و تضع اذا ما رانيش ناسية عبر سفرجل بعد ما يتقشر و يطيب مع عبر سكر و ترجعه فوق النار حتي يعقد و من بعد تضعه في سنيوة بها سكر و تسوي السطح جيدا و تدعه يبات حتي للغد ثم تقطعه مقروطات و تضعه فى الكيسات ان شاء الله نكون ما نسيت والو كنت شوية صغيرة ههههههه تحياتي لك و لعزيزتي الغالية على قلبي ميميشة

سلام اختي بشيرة الحمد لله كريحتي طهورا حبيبتي
خيار الناس حبيبتي بشيرة ناس مليانة ناس الطبع والشان خلال دراستي في الجامعة كانو كثير زملائي وزميلاتي من الخميس ومليانة وعين الدفلى ونحبهم كثير
بانسبة لمعجون التباسا تع السفرجل نفسها المقادير والطريقة الي قلتي عليها بالاظافة الى قليل من عصير الليمون باش ما يكحالش وتقعدي اتخلطي فوق النار بواسطة ملعقة خشبية حتى يشكل كتلة وتحطيه في سنية وتسويه حتى يحكم روحو يتقطع ويتقدم
نورتي الدفتر حبيبتي وما تحرميناش من ردودك المميزة

islam1aya · 2012-01-27, 22:31

اقتباس:

المشاركة الأصلية كتبت بواسطة توكل

السلام عليكم
ماشاء الله شوقتينى
شوفى رانى حابة ادا بغيتى
تعملين موضوع على هدا المعجون
ربى يخليك

سلام حبيبتي توكل واش راكي لاباس
بالنسبة للمعجون انا ما درتوش هذا العام لكن عمتي دارتو كنروح انجيب منو ونصورهولك اشوفيه ونحطلك المقادير والطريقة
اوربي يخليك ايضا ومانتحرمش من اطلالاتك البهية وردودك الرائعة نورتي الدفتر حبيبتي

faiçal 19200 · 2012-01-28, 18:01

السلام عليكم ورحمة الله تعالى وبركاته مساء الخير اختي ميميشة وكل
المشاركات اشكركي على البوراك انا نعمل غير تاع المقلة راح نجرب هده الطريقة
واليوم جبت كيفية اخرى لدليلة الغريبية
المقادير 250غزبدة+كاس تاي زيت+150غ سكر ناعم+ القليل من لفاني+نص كيس خميرة+الفرينة+2مغارف كاكاو+نص كاس جلجلانية محمصة ومرحية
اخدمي مليح الزبدة والسكر بالخلاط حتى يتضاعف الخليط وضفي الزيت واستمري فالخلط اوقفي الخلاط وضفي باقي المواد واقسمي العجينة على2 ضعي للقسم الاول الجلجلان والقسم الثاني ضفي له الكاكاو ونشكل كل عجينة حربوش ونوضع
الحربوش الاول على الحربوش الثاني ونلصقهم في بعض ونقطعهم مربعات ونر
شقو حبةكاوكاو وتوضع في الفرن بعد ما ترتاح شوية
واسفة لاني لا اعرف كيفية ادراج الصور

زهرة الأوركيدا · 2012-01-30, 08:21

صباح الخير على اهل البيت
تحياتي لكن بناااااااااااااااااات
ويعطيك الف صحة ميميشة على الكيفيات

دعاء القلوب · 2012-01-30, 13:08

السلام عليكم اختي دليلة الله يخليك حبيت نسقسيك على الوصفة نتاع كيكة جازت الاسبوع اللي فات في الاذاعة =تجي على شكل 2 عجينات بيوضة بيناتهم المعجون ومن الفوق الميرانج و العجينة الثالثة تجي بالكاكاو و نرابيها فوقها نحوس على مقادير الكيكة هاذي.....................من فضلك

mimicha1977 · 2012-01-31, 08:54

اقتباس:

المشاركة الأصلية كتبت بواسطة islam1aya

مساء الانوار حبيبتي ميميشة واخواتي متتبعات الدفتر بالنسبة لمقروط البليدةاحنا ندروه بنفس الطريقة لكن ما يتقلاش اطيب في الكوشة ويجي شوية عالي وبنين والعروسة تدي منو في زمان كانو يعمروه في محبس النحاس والان يدوه في السنيوة مزينة ويقدموه في صباح لعروسة وكذلك من عادات ناس البليدة يدو الطمينة في الصبح لعروسة ويدو سلة الفاكية مصنوعة بعجينة اللوز
وكذلك فطور لعروسة يدوه اهل العروسة يكون الفطور طايب ولا ماشي طايب يعني يدو كلش واهل العريس يطيبوه

اقتباس:

المشاركة الأصلية كتبت بواسطة islam1aya

يا حبيبتي ميميشة شهتيني فيه حبيت انجربو ونرجعلك الخبر تسلم ايدك يا الشاطرة بوراك روعة

ميميشتي معجون البرتقال جاك هايل انا الوالدة كل عام اديرو هو ومعجون القارس وكذلك ادير معجون الشوينة وهي عبارة عن شينة صغيرة الحجم تشبه حبة المندرين ما علاباليش اذا تعرفيه
كذلك اندرو معجون السفرجل والجولي انتاعو والاللذ هو معجون التباسا تع السفرجل اجي مبسوط في السنية وكيحكم روحو اقطعوه مقروطات اواطراف اسمه معجون الطرف او معجون التباسا يعملوه كثير في البليدة وفي المدية وناس مليانة ماشي كامل يعرفوه انا اهل زوجي مايعرفوهش ذاقوه عندنا وفي سبوع يوسف عملتهولي عمتي وسربيتو مع الشاي ذوقه تحفة اجي كلحلقومة

مساء نور غاليتى تعرفى هي كي ذكرت البليدة تفكرتك
هي قالت يطيب فى كوشه واذا تحبى مقلى راه يصلح فقط اعطت خيار للمستمعات
قوليلى يجي ذوب فى فم لان فيه سكر فى عجين

نعم عندنا نقولولها تشوينه حجم حبه قد صفار بيض و هي تجي من صين حسب معلومه لعندي

معجون طباسه كان اذاعتها دليله هي و لجولي نتاع سفرجل جربتهم من قبل و يجي هايل

mimicha1977 · 2012-01-31, 09:45

اقتباس:

المشاركة الأصلية كتبت بواسطة اشورة

السلام عليكم اختي دليلة الله يخليك حبيت نسقسيك على الوصفة نتاع كيكة جازت الاسبوع اللي فات في الاذاعة =تجي على شكل 2 عجينات بيوضة بيناتهم المعجون ومن الفوق الميرانج و العجينة الثالثة تجي بالكاكاو و نرابيها فوقها نحوس على مقادير الكيكة هاذي.....................من فضلك

اهلا اختى اشورة والله اسمي ميميشه
ودليله هي سيدة مختصه فى فن طبخ و حلويات فى اذاعه وطنيه
انا تبعتها الاسابيع لفاتت و لكن مسمعتش هذا وصفه هل تقصدي دليله لفى اذاعه وطنيه قناه الاولى او قصدك اذاعه اخرى

هي هناك وصفه تشبه لوصفتها لكن بدون مرانغ و فيها طبقه احدة ومعجون و تبرشي عليه لعجين ياريت توضحي اكثر وراح نساعدك

ام ظافر · 2012-01-31, 11:22

صباح الخير على لمة الخير
سبقلي جربت معجون السفرجل والجولي وجاونو روعة لكن جربت مرة معجون الطباسة او كما يقال له عجينة السفرجل او البمبرلو بالاسبانية لانها من اصل اسباني ولكن تحرقت يدي من تطاير الفقاعات منها وفي الاخير لما وضعتها في السني يومين لما قطعتها ما جاتنيش ناشفة ابدا بالرغم من اني نشفتها جيدا في الطياب وكذلك ما تجيش شفافة ومتجانسة في شكلها مثل الصورة ولكن تجي مثل المعجون تماما الي نفطرو بيه

;

جاني شكلها يشبه لهذي

islam1aya · 2012-01-31, 15:23

سلام حبيبتي ام ظافر هو يجي شكل المجون كما الصورة الاخيرة ثم يجمد ويتقطع وصح يحرق على ذيك لازم ملعقة خشبية يدها تكون طويلة
كما نشفلكش ربما المقادير مشي مضبوطة ورايحين نطلب من ميميشة تعطينا وصفة دليلة تع المعجون لانها نجحت فيها تع الجولي والطرف

islam1aya · 2012-01-31, 16:13

لعيون الحبايب وصفات دليلة ليوم امس

حساء بالخضر والكروفات

المقادير

2 حبات جزر

2حبات لفت

2 حبات بطاطا

2 حبات قرعة

1حبة طماطم

1حبة بصل

2عرف كرافس

2 ربطات كراث

2غصن زعيترة

2 ورقات رند

فلفل اسود

ملح

2 ملاعق زيت

250 غ كروفات

100 غ كروفات

40 غ مايزينة

طريقة التحضير

نغسل الخضر جيدا ونقطعها قطع صغيرة

نحطها في قدر مع الماء والزيت والملح والفلفل اسود ونتركها اطيب

كيطيب ننزع من المرق 2 غراف ونظيفلها كركاس الكروفات بدون الحبات يعني نترك الحبات جانبا

ثم نغلي المرق مع الكركاس مدة 10 دقائقثم نصفيه ونظيفه مع الخضر ونطحن الكل نرجع للنار ونظيف حبات الكروفات اطيب 10 دقئق

ونظيف في الاخير خليط النشا مع الكريمة السائلة يغلي غلية ونطفي النار ونقدمه مع معدنوس مقطع رقيق

يتبع

*ام فتحي* · 2012-01-31, 16:30

شــــــــــــــــــــــــــــــــــــــــكرااا علي المجهود الكبييييييييير مميشــــــــــــــة

حلم جميل · 2012-01-31, 16:52

السلام عليكم اخواتي
يعطيكم الصحة على على هذا الركن الرائع
شفتكم تهدرو على معجون السفرجل صورتلكم شوية بقالى
مهوش مقطع مليح على خاطر كان في باطة صغيرة

ودرتو كيلة بكيلة