الجزء الثالث من وصفات حراير واش طيبتي اليوم

[idron0]

السفنج الهام 07


وصفة عادية بصح العفسة في زوج حوايج :
1- طبعا : نجريه ونعجنو مليح مليح ونخبطو حتى تخلى عليه هههههههههههههه (نعجنو مليح في الأول مانديروش جاري باش نقدر نعجنو حتان يوجعوني كتافي باش نحبس ههههه ومن بعد نبدى نزيد في الماء بالشوية حتان نجريه خلاااااص ) ويخمر مليح مليح ونفشو مرة ولا زوج هذي باينة
ندهن صينية مليح بالزيت ونغرقها مليح ونكور كرات صغار ماشي كيما اللي نشوفكم نديروهم صغار كيما نتاع المسمن ونخليهم يرتاحو شوية ونطرحهم بالزيت فوق الرخامة ونرققهم شفتهم كامل يخليوهم خشان انا نرقق مايجيش فيهم خلاص العجين من داخل ونحطهم في الصينية حتان نكمل يكونو بداو يخمرو ومعمرين فقاعات
2- نهز بالقرصة بالشوية باش مايخرجهمش التخمار ونقلي يجيو روعة وجربت عفسة القليان بزوج مقلاة مليحة بصح يجيو مقرمشين من تحت ومنفخين مليح ماتحمريهمش بزاف من تحت باش مايجيوش يابسين .


حقة الوصفة : زوج كيسان متوسطين ممسوحين فرينة ومغرفة كبيرة ونص سكر وشوية ملح و نص مغرفة كبيرة خميرة راهي سخانة ( انا ندير هذيكالخميرة الجديدة نتاع صاف واقيلا زايدين فيها محسن تخمر بسرررررعة وشوية منها تكفي ) فيه شوية خميرة حلويات .
تبلي بالماء وتعجني مليح وتجريه مليح وتخبطيه حتان تخلى عليه والباقي شرحتهولك.
وهايلة فكرة 2 مقلاة ياخي شفتيهم كيفاش يقلوه راهم كاينين فيديوات في يوتيوب.



إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[idron0]

طريقتي في الاحتفاظ بالجلبانة ابني نور عيني


نقيها و حطيها في ماء مغلي فوق النار واتركيها من 3 الى 5 دقائق و صفيها و حطيها في ماء بارد و كي تقطر خبيها في اكياس التجميد و بهاذ الطريقة راح تبقالك خضرة و ماتروحلهاش القيمة الغذائية و تبقالك مدة طوييلة
وكاين لي يخبوها بدون غليها لكن تفقد شوية قيمتها الغذائية .

[ام هدول]

رائعة انت اديرنو ...دائما نقول نححييك في الكوزينة وننسى ....ربي يجعل مجهوداتك في ميزان حسانتك ....

[idron0]

التليتلي الهام 07


ديري صوص بيضاء بجاج او لحم وتحكمي التليتلي تحطيه في مقلاة وتحمصيه مع زوج ولا 3 مغارف زيت
كي يتحمص مليح تنحيه وتصبي عليه في المقلاة ديما الماء من العين تغسليه وتصفيه من الماء وديريلو شوية ملح وتفوريه في الكسكاس وتعاوديه نورمال كيما البربوش حتان يطرى شوية
من بعد جمريه بهذيك الصوص نتاع الجاج كيما نجمرو الشخشوخة يجي يهبل وطبعا لازم التقديم مع بيض مغلي
الصوص فيها فقط بصل وثوم ملح وفلفل أسود وورقات رند
حقة نسيت نقولك ماما كي تخلص تعاود تحمر الجاج في المقلاة وتزين بيه ( ترمدو في خبز مرحي باش مايلصقش ).

[idron0]

وصفة منقولة روعة الصحراء

[ام ابن عمر]

لبنات وين راهي ام اماني

[idron0]

كروكات الارز cilia




نغلي الارز مليح و من بعد نديره في الروبو دورة واحدة فقط و نحيه و نزيدله بيضة + ملح + خرور +معدنوس و قصبر مرحيين + ثوم مرابي + شوية كمون و كركم و شوية لاشابليغ باش تشرب الماء الزايد و نخلط كل شيئ و نحطه في الثلاجة يحكم روحه و من بعد نحيه و نشكله كروكات و نحشيهم يالفرماج و نرمدهم في الشابليغ و نقليهم .

[idron0]

وصفة الكايك حياتي كلها امل



فيها ثلاثة بيض مع نصف كاس سكر ونص زيت ونصف حليب وكاس ونص فرينة مع زوج اكياس خميرة .



إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

وصفة لاموووس الشوووكولا توبة


الحقيقة وصفة ميليسا كاهنة وحرفتها
بين 100غ و 150 غ شوكولا نوار وتاع الحليب نذوبها في حمام مائي مع ملعقة صغيرة
مرغرين درت ملعقة كبيرة مي قلت المرة الجاية ندير غير صغيرة تكفي
بعد ما تذوب زيديلها 3 صفار بيض مع الخلط بسرعة باش مليطيبش و نصف م ك سكر و
ملعقة صغيرة نسكافي مذوبة في شوي ماء سخون
هنا زدتلها كاوكاو مرحي خشين... باش ياكلوها ف الدار
ومن جهة نطلع 3 بياض البيض مع رشة ملح حتى يطلع مليييييييييييح يعني تقلبي الاناء
مايطيحش زيديلو نصف ملعقة سكر وزيدي طلعي
مبعدا نضيفو لخليط الشوكولا على دفعات واخلطي من تحت للفوق حتى ينساجمو
ديريها ف الاكواب وغطيها ببابي فيلم والى الثلاجة على الاقل ساعتين
وزيني كيما تحبي
انا درت فراز مقطعة وكاوكاو مرحي مبعدا كرام شانتي وزينت بفراز وبيبيت دو شكولا.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

البيسكوي غولي الهام 07





3 بيضات تضربيهم ملييييييييييييييييح مع قرصة ملح وفاني ونص كاس سكر كي يرجع كيما الكريمة الثقيلة
نضيف نص كاس كبير فرينة ونخلط بالسباتولا برفق وباقي الخطوات باينين ياخي تعرفي ؟
هذا راهو نتاع الباتيسري اللي يتباع.

[idron0]

الديول om obaida

لقيت طريقة عند عمي قوقل جربتها والله جات تحفة

كيلة فرينة ( 150 g)كيلة ماء مغرفه ونص نشاء ومغرفة ونص زيت والى الخلاط

واللي عجبني منخدموش بالفرشاة نخدمو بالبونجة والللله جاو تحفة .
بالنسبة للطياب طيبو على حمام مائي اغطسو البونجة تكون صغيرة شويه اغطسو في العجينة وادهنو المقلة.

[شمس بريكة]

راني حايرة واش نطيب دبرو عليا عندي خضرة و شوية دجاج و توابل غير فلفل اكحل و كمون رانا في السمانة الاخيرة تاع الشهر بدا التقشف خخخخخخخخخخخخخ

[idron0]

وصفة تجميل الشعر ابني نورعيني


نعطيك وصفتي السرية تقولي كيراتين روووعة ترطب الشعر و تنعمو بززاف هايلة جربيها ديري ملعقتين كبار حليب مع ملعقة كبيرة عسل و ملعقتين كبار زبدة الشيا او زبدة عادية مع ملعقة كبيرة زيت اللوز و بيضة كاملة و خلطيهم في حمام مائي ماعدا البيض كي تنحي الخليط من فوق النار خلطيها وحطيها على شعرك واجبدي الشعرة مليح كيما يديرو الكيراتين و غطيها بكيس بلاستيكي و خليها لساعتين واغسلي والله رووعة تهبل ترجع الشعر نااعم وتغذيه فووور بزززاف جربوها.

[idron0]

الجلبانة ام هدول


حطي الجلبانة في طنجرة .مع القرنون مقطع ارباع وحبة ولازوج سنارية مقطعة تاني .ورابي حبيبة بصل وسنينات ثوم ..وضيفي تلاث مغارف زيت عادي وملحي وشوية فلفل اكحل وراس الحانوت ...وقلي مليح على نار متوسطة ..ومن بعد زيدي ارحي حبة طماطم تكون طايبة وزدي قلي ( المشكل تاعي نشتي نقلي )..ومبعد زدي طمطم كنسنطري قلي شوية برك دكة ومرقي عادي حتى تتغطى الجلبانة وغطي عليها وخليها اطيب كي تبدا تغلي لوحي راس فلفل حار بالنسبة للحار تقدري تقلي بفلفل عكري حار ولا هريسة ..حسب الرغبة ...مرة على مرة طلي على الطنجرة تاعك كي تلقاي المرقة خاثرة ومليحة انت تعرفيها طفي عليها .......بالصحةوالعافية .

[idron0]

وصفات منقولة ام هدول







إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.