~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام آدم]

صباحكن امل ونجاح
واش راكم اخواتي
راني صبت الكلام عن المرأة العاملة تخلعت ههههه
انا كنت ادماج وظرك راني نعمل في المستشفى مخبرية العمل لم يكن هاجس بحد داتو لولا الظروف لي تحتم على الانسان احيانا
مثلا انا رغم ان زوجي مهندس معماري الا ان دولتنا وللاسف ما تخلصش مليح ولاباي تاعو ما كان ما كان وزيد مع الديون و 2 ولاد ما لحقناش لدلك حبيت نعمل فقط حتى تتحسن الظروف
بالنسبة للبيت والاشغال عندي قناعة كان الدكتور ابراهيم الفقه ربي يرحمو يقولها ان الانسان عندو قدرات لا محدودة وانو لا يستعمل الا القليل منها وانا من الناس لي كل ما كان عندو مسؤوليات اكثر كل ما تنظم اكثر والعكس صحيح كلما كان عندي فراغ تهاونت واجلت وتفنينت
بالنسبة للاولاد في حالتي الحمد لله العمل قريب من المنزل وزيد نخدم 3 ايام و3 ايام قاعدة ربي يقدرنا
لازمني فقط برنامج شامل يتوافق مع ظروفي ولا شيء مستحيل مع التوكل على الله والتخطيط الجيد
وفقنا الله جميعا لما يحبه ويرضاه

[غزالة1]

ربي يشافي كل المرضى
للسعال هناك وصفة سكر قندلي (من عند العطار يكون حجر مثل الشبة) ترحيه و تخلطي مقدار ملعقة صغيرة مع زيت الزيتون و تاكلين قبل النوم و عند الإستيقاظ حكاتلي عليه وحدة و جربتو مع بنتي و جاب نتيجة في ظرف اسبوع احسن من الدوا
سلام

[hanamohamed]

[b]اصبحنا واصبح الملك لله ربي العالمين والحمد لله
حياتي كلها لله ربي يشافي ويعافي بنتك عاجلا غير اجلا وجميع مرضى المسلمين
من فضلكن حطولي رابط الدردشة
وكيف راكم مع التحضيرات للشهر الكريم
انا مازال لاني الاولاد مازال مع الامتحانات فقط حضرت الطماطم على طريقة زينب

[حياتي كلها امل]

العمل كل واحدة وضروفها وكل واحدة وقدرتها على التوفيق بين المنزل والعمل وكل واحدة وقناعاتها.
انولو للتجميل عمل هذه الايام خلطة من اجل التخلص من الهالات السوداء تحت العين للاخت كلاوديا وهي حبة بطاطا مسكرفجة+حبة خيار مسكرفجة نضعهم في قوالب التجميد وعند النوم نخرج واحدة ونجوزها على كل العين حتى يمكن للوجه تتركيه ينشف ثم تشلى وجهك وتنامى لا تلفون لاتلفاز لامكرو متعبيش العين جربتها مليحا

[نسمة صبح]

السلام عليكم

صباحكم سعيد

فراشات العمر..الخبز جاك يابس ممكن انت يبستيه كي درت الما لازم تخليه مطلوق و تخدمي بالنزيت..تهزي خبزتك بالزيت و ترمديها ف الدقيق..انا تاني لمرة الاولى جاني يابس.

ام متين شحال نفرح كي نشوف ردودك و غزالة ..توحشتكم

سلامي لكل الفراشات.

[نسمة صبح]

حبيباتي اليوم للتجميل واش رايكم نعملو برنامج موحد مع وصفات موحدة و نعملوه مع بعض باه ناحفزو
مثلا الاحد حمام معربي و تقشير الوجه
الاثنين ماسك للشعر
الثلاثاء عناية بالقدمين
...

[امّ اياد]

صباح الخير كاملين هذاك نهار بما انو كان الموضوع على اولاد انسحبت على خاطر معنديش فكرة وذرك راكم تهدرو على المراة العاملة هي على حساب ضروف انا كي تزوجت ديت قرار بلي منخدمش ونلها بداري واسرتي بصح ذرك كي راني بلا اولاد وليت نحوس على خدمة باش نتهرب من الوحدة ضروف دائما يهي لي تحكم بصح مزال ملقيتش خدمة
انا الماسكات للوجه والله يحكمني تفنين مرة قالولي كركم مليح للوجه يملا درتو ومبعد صبغي وجهي غسلت شحال من مرة ياه راحلي انا الحمد لله معنيش مشكل في بشرتي حاجة الوحيدة لي راني نعاني منها هي الجفاف معرفتش قاع سبب مراة نقول بلاك من قللة ماء

[سمراء الدنيا]

اسعد الله صباحكم يا جميلات
تسجيل حضور فقط و لي عودة لوضع مشاركتي فيما يخص تربية الابناء

و ايضا في موضوع اليوم للي هو عن الجمال

[غزالة1]

السلام عليكم
هنا حبيبتي لا اعرف وضع الروابط ان شاء الله وحدة تعرف و تحط
بالنسبة لعمل المراة انا لم اقل انو معارضة او ضد المراة العاملة بل لها كل التشجيع و الدعم لانو شئ صعب و لكن ليس مستحيل اضافة الى الظروف التي احيانا تفرض علينا خيار ضد قناعتنا و لكن هذا لا يمنع انو ربي يجعله باب خير للأسرة المهم عندي المراة ركيزة الدار و لازم تختار الي يناسبها هي و ان فرضت عليها الظروف شئ تحاول تقنع بيه و تتامل الخير و تحمد الله على كل حال

[omelbanin]

السلام عليكم ،المراة كي تعمل اكيد راح تقصرفي حق من الحقوق ،يا حق الزوج يا الاولاد ، يا البيت ،يا حقها هي، وكاين اعمال تقصري حتى في حق ربي سبحانه .
انا مثلا فريت في معهد الشبه الطبي تخذير وانعاش ،المستشفى لي بعثوني نغدم فيه يشرط عليك لبس tenu speciale تتعارض كع الحجاب الشرعي ،مالا ماحدمتش.
والحمد لله زوجي راهو قايم بواجبو.

[omelbanin]

]بانسبة لي للتجميل انا جربت تقشير الوجه بالليمون والسكر ،وجربت كيما لي حطاتو حياتي كلها امل بطاطا وخيار فعلا هاااايل وانا درتهم في مول سبليكون

[manel 16]

السلام عليكم في مت يخص العمل المراة و الله في بيتها احسن لبها ادا كان اولتدها يترباو انا عاملة و ما نعملش كل يوم .ليلة في 4 ايام يعني نخدم ليلة و نريح 3 ايام حنى اليوم الرابع باش نعمل
لكن لو كان عملي كل يوم اولادي اولى و لو اني طبيبة.في التجمبل راني دابرة في وجهي زيت جوز الهند و زيت الاركان اعطاني نتيجة هايلة في القضاء على الكنف
و اروع ماسك للوجه هو نور صلاة الفجر

[حياتي كلها امل]

اختي ام اياد بنسبة لوجهك ناشف متغسليش بماء الساخن خاصة في فصل الشتاء واستعملي داءما مرطب .

[حياتي كلها امل]

العناية بالقدمين
ضعي قدميك في ماء ساخن وملح يكون ساخن قدر تحملك ثم بعدما يبدا الماء يبرد شوية حكمي الحجرة الخاصة بالرجلين وحكي الجلد الخشن بعدما اصبح يسهل نزعه ثم بواسطة فرشاة اسنان قديمة حكي اظافركي بالماء والصابون ،نشفي قدميك جيدا خاصة بين الاصابع ثم ضعي اي مرطب او فازلين اوزيت زيتون.

[manel 16]

شكرا لك حياتي.كيفاش تتخلصي من رائحة العرق بكل سهولة بعيدا عن المواد الكيميائية المسرطنة.احكمي حجرة صغيرة تاع شب شمخيها باالماء وحكي الابطين هدا كي تكوني مزروبة. الطريقة الاخرى دقي الشب ضفي بودرة التالك ولميها بماء كلونيا تاع البيبي وحكي بها الابطين بعد كل حمام.