الجزء 139 من واش طيبتي اليوم ……كوزينة الهمة والنشاط من جديد……

[سوسو المغتربة]

المشاركة الأصلية كتبت بواسطة idron0

بارك الله فيك حبيبتي هاك هدا الرابط يعاونك بش تكتبي بالعربية:
https://www.clavier-arab.org/
اكتبي واش حبيتي و من بعد اعملي كوبي و كولي هنا.

شكرا أختي راني عملت كيف ما قلتي حتى انا ما كنتش مرتاحة في الكتابة بالفرنسية

[ام افنان48]

الحمد لله على كل حال وتاني مزية راني رائحة في سبتمبر للبلاد نعيد تما ونشوف والديا ادا كتب ربي

[ام افنان48]

ام محمد وسيم خرجي عند عائلتك ولا عائلته مات تعيقديش من أولادك قاع ناس عندهم اولاد

[x ام رحاب x]

ام اسلام اسلام اكلك هايل وايشهي بصحت وليداتك والمحاجب اممممممممممممممممممم تاع الصح ايبرد القلب
رجاء تسلمي على الوصفة ماشاء الله

[samira135]

المشاركة الأصلية كتبت بواسطة oum islem

وهذا عمي عدسون مع فطائري القطنية

ام اسلاااااام يااااااريت تمديلي طريقتك في العدس عجبتني يااااااااسر ياسر كل ما نديرو ما يعجبنيش والله كرهتو من محاولاتي الفاشلة ليه

[x ام رحاب x]

المشاركة الأصلية كتبت بواسطة الرجاء الاماني المجد

يؤورت منزلي جربوه

تسلمي على الوصفة جعلها الله في ميزان حسناتك

[samira135]

المشاركة الأصلية كتبت بواسطة أم محمد وسيم

مساء الخير عليكم ام اسلام ماشاء الله خمسة وخموس كلشي بالطبع ربي يخليلك هذوك اليدين

راني مغمومة وحابة نبكي مانيش نخرج خلاص واليوم نويت نروح لدار شيخي قالي خرجو وسلفتي راحت تحوس والله حابة نبكي حاسة بضيق كبير المهم الحمد لله بصح ليل نهار في الدار حاسيت روحي خلاااااااااااااااااااااااااااص
ام افنا وشراكي حنونة وشراها مموشتك
نزيد نسقسيكم وش نقدر لاولادي عندهم 7 اشهر يعني نستفيد منك
اسمحيلي ام ساجد دايما نخرج على الموضوع لاني منقدرش ندخل للدردشة
شكون كيما حالتي ماهيش تخرج ومش رايحة تصيف تكورجني والله جايني البكي

يا اختي رانا كامل كيف كيف انا زعمة راني عروسة جديدة ومن لي تزوجت يا نروح للدار يا للطبيبة ومرة كل شهرين و عجوزتي قليل وين نروح ليها و واحد ما يطبطب باب داري مع هذا نقولو الحمد لله

[ام افنان48]

ام اسلام أكلك شاهنا قاع سخف تينا

[ام افنان48]

انا تاك نرفد الطائرة ونجي عند ام اسلام تتعشى ههههه

[oum islem]

https://www.djelfa.info/vb/showthread.php?t=1788471

هذا رابط الفطائر القطنية

اما كروكات البدنجال
نقشر البدنجال اما اذا كانت القشرة طرية نستعملها ونقطعو دوائر ونطيبو على البخار بدون ما نغطي الكسكاس
لما يطيب ويقطر من الماء نهرسه بالفرشاة نضيف لحم او دجاج مرحي وقطع جبن ثوم مفروم او بودرة توابل ملح كمون عكري معدنوس او كسبر اخضر
ونخلط جيدا بالفرشاة نضيف لا شابلير ما لازمش يجي كما لعجينة يبقى شوية طري
ندير كويرات بواسطة ملعقتين ونحط في الخبز يابس ومرحي نسخن المقلاة وندهنها بشوية زيت ونحط الكويرات يطيبو من الوجه الاول ونقلب
بسباتيل عريضة على الوجه الثاني باه تبقى محافضة على الشكل الدائري
ونقدمها مع صلصة الطماطم الحارة هايلين خاصة اذا غمستيهم مع المطلوع اممممممم


سوسو وساجدة وام افنان وام رحاب مساء الخير عليكم يا لحراير

[دائمة الشكر]

ام اسلام وجدي روحك قاع رانا جايين نتعشاو ههههه

[oum islem]

ام افنان تنوريني حبيبتي خاصة كي جيني في الطيارة نزوخ بيك شوية
دائمة اهلا وسهلا
ام رحاب نوريني بالزيارة ونشبعك محاجب كولي وزيدي ادي معاك

[دائمة الشكر]

شكرًا حبيتي ام اسلام بارك الله فيكي اختي

[ام افنان48]

شكرًا ام اسلام على الوصفة ربي يخليك

[om inas]

يعطيكم الصحة

يلا بنات شوية نشاط

غدايا اليوم محاجب واللي بقى من العجين درتو مسمن و بقاو للعشا انا ريجيم لزوم الحمل وهما ياكلو ولا يقعدو