وصفات حراير الكوزينة الجزء الثاني

[zaho207]

Slm stp khasni ndawab chokola bayda w ndireha couleur mais kifah stp rodoli

[ROSELUISE]

عيدكم مبارك وكل عام وانتم بخير

[أنواار الإيماان]

idron0 اختي كل عام وانت بخير و صح عيدك
بارك الله فيك على كل شيئ والدعاء اليومي كان رائع مشكورة وربي يتقبل وراني شفت حلوياتك في الكوزينة يعطيك الصحة ومووووووووووواح ههههه اكيد تعرفيها راهي مبطبطة نتاع العيد
سلاااااااام

[idron0]

وصفة لمخاخ ام محمد تاج

4 كيلات فرينة و كيلة ايدام وزوج مغارف سكر قلاصي ورشة ملح ونعجن بماء الزهر تجي عجينتها كيما الباقلاوة نخليها ترتاح ثم نحلها بالقنوووط رقيقة ونروليها على القصبات ونقليها ونحشيها بالكريمة التالية
الكريمة:
نصف لتر حليب وخمس مغارف سكر وزوج بيضات وزوج مغارف كبار نشاء او فرينة نحطهم على النار حتان تعقد وفي الاخير نضيف الفاني.

إضغط هنا لرؤية الصورة بحجمها الطبيعي.

[idron0]

قلاصاج حياتي كلها امل

القلاصاج انا نخدم سيرو كيلة سكر وزوج ماء ترونش قارص ونخليه بعدما يغلي عشرة دقايق ونطفي ونخليه يبرد تماما
في اناء ندير بياض بيضة ،مغرف زيت وفنجال تاع عصير ليمون وفنجال ماء الزهر ونضيف السكر رطب يكون مغربل زوج مرات ،نبقى نزيد ف السكر حتان تولي عجينة. نعجنها مليييييييح ملييييييح ندلكها ،بعدها مرة نضيف شوية عصير ليمون وسكر ومرة نضيف شوية سيرو وسكر حتان نوصل للقوام المطلوب تاع القلاصاج وللكميه طبعا ،خليه يريح شويه باه يخرجو منو الفقاعات الهوائية
فهاد القلاصاج استعملت عصير الليمون خاطر صابلي الليمون ،بالصح ف قلاصاج الحلويات الاخرى نخدم بالسيرو وماء الزهر ،وكى نقلاصيه وينشف نمسح الحبة مليييح بالناكخى ،ادا استعملتى ملون ادا سائل ضيفيه ما عندك حاجة وادا غبرة حليه ف ماء الزهر.


إضغط هنا لرؤية الصورة بحجمها الطبيعي.

[idron0]

المقروط lila z

المقادير:
* 3 كيلات تشيشة (متوسط) بومبي
* م ص معمرة ملح
* 2 م ك إلى 3 فرينة (في كل 1كغ تشيشة عندنا 4 م ك فرينة)
* كيلة سمن (3/4 سمن+1/4 زيت)
* كيلة مكونة من (حبة بيض+ماء زهر أكثر من الماء+ماء) نخلطوهم
الحشو:
* 1 كغ غرس من الأحسن يكون تع البطانة
* 150 غ مرغرين تكون طرية ماشي دايبة
* 50 غ لوز مرحي بالقشور
* شوية قرفة+شوية فاني+شوية فقط ماء زهر
[ ننقي مليح التمر و نعجنوه مليح مليح و امبعد نضيف بقية المكونات و نكمل نعجن مليح راح تلاحظو لون مغاير ]
طريقة التحضير:
* في جفنة نحط التشيشة+الملح و نخلط ثم نضيف الفرينة و نخلط، نضيف السمن و نخلط جيدا و نرش بماء الزهر و نتركه يرتاح حوالي نص ساعة.
* نضع الزيت يسخن أولا (كاسرونة صغيرة على نار هادئة)
* نخلط البيض و الماء و الماء الزهر ، نضربهم جيدا، نلقاو العجينة يابسة نخلطها و نبدا نشمخ بخليط البيض ، لازم الكيلة كاملة تدخل، نعجن بالتقطاع
* الآن نحكم 45 غ من العجينة و 6 غ من الحشو و نديرهم ف المول أو تديريهم مقروطات لكِ الاختيار
* من الزيت إلى العسيلة و شهيّة طيبة.

إضغط هنا لرؤية الصورة بحجمها الطبيعي.

[Benna-tv.com]

روووووووووووووووووووووووووووووووووووووووووووووعة مارسي

[lama Rimasse]

ااااااااامممممممممممممممممممممممممممم

[ام مؤمن]

المشاركة الأصلية كتبت بواسطة idron0

كيش بالعجينة المورقة بحشو السلق و اللحم المفروم
ام مؤمن

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


اطرحي العجينة على قد المول نتاعك متوسطة السمك و تكوني حضرتي الحشو اللي هو

سلق طايب انا غسلتو و خليتو قطر مليح و حطيتو في قدر و ضفتلو حبة بصل مفروم صغيرة و 2 سنينات ثوم حبة طماطم رابي و ملح و فلفل و شوية زيت و نص كاس ماء و خليتو على نار خفيفة حتى طاب و تقريبا نشف او طيبيه بطريقتك

شحطي شوية لحم مفروم في ملعقة زبدة و خليه يطيب في الماء اللي يطلقو و ملح و فلفل و ثوم و ضيفيه لخليط السلق

و ضفت مع السلق و اللحم المفروم قطعة جبن شاف ذوبتها في نصف علية كرام فراش خلطي كلش و دوقي الملح اذا محتاج و احشي بيه الطورطة

شكلي بالعجينة شرائط طويلة قصيها بالجرارة و ديريها كيما الخلية او الشطرنج و زينيها بورود صغيرة من العجينة و اذهنيها بصفار البيض و طيبيها.

شكرا على ادراج الوصفة يا ريث تديري تعديل و تضيفي العجينة كي طرحتها في الصينية خليت الجوانب و احشيتهم بالجبن الطري و رجعت العجينة للداخل و بعدها وضعت الحشو اسفة نسيت

[idron0]

الارز بالشعيرية عازفة الناي

تقلي الشعيرية فشوي زيت حتى تتحمر شوي من بعد نضيف لها الارز ونحركه حتي يسخن من بعد نضيف مرق الدجاج او الماء المقدار المناسب لكمية الارز و ندير الملح و عود قرفة و حبات هيل نص حبة ليمون نغطي الطنجرة و نقص النااااااار و نخليه يطيب .
ملاحظة: الارز استعملت البسمتي.

إضغط هنا لرؤية الصورة بحجمها الطبيعي.

[idron0]

القناوية عازفة الناي

نستعمل الخضراء الطازجة
الوصفة تاعها:
نقلّي البصل المرحي مع الثوم وشوي فلفل حار فالقليل من الزيت و نضيف لهم اللحم خاصة تاع الخروف و نقلي الكل و نزيد الطماطم المصبرة وشوي حب مرحية و نزيد الرند و البهارات الملح والفلفل الاسود ، و نمرّق ونخلي اللحم حتي يطيب
نغسل القناوية مليح ونحيلها الراس تاعها و نصفيها
كي يطيب اللحم ويبقى عليه مدة 15د ضيفي القناوية وخليها تطيب ماتاخذش وقت ورشي عليها المعدنوس
وممكن تقدمي معها صحن روز امممممممممممممممممم روعة و بصحتكم
القناوية تجي بلحم الخروف وخاصة الكرومة و الجيقو بنة مانحكيلكش.

إضغط هنا لرؤية الصورة بحجمها الطبيعي.

[idron0]

البريوش عازفة الناي

https://www.djelfa.info/vb/showthread.php?t=1773066
غيرت فالتشكيل
الشكل الاول:

إضغط هنا لرؤية الصورة بحجمها الطبيعي.

حليت العجين بشكل مستطيل و دهنته بمعجون التفاح و رشيت عليه زبيب منقوع فماء زهر و زدت شرائح من الاجاص و الخوخ وروليته وقطعته على شكل دوائر حطيتهم على بعض فالطرف و دهنتهم و طيبتهم من بعد رشيت عليهم سكر ناعم
الطعم روووووووووووووعة ورهييييييييييييييييييييييب خاصة الخوخ و الاجاص عطاوه بنة مانحكيلكش هههههههههههههههه
الشكل الثاني :

إضغط هنا لرؤية الصورة بحجمها الطبيعي.

عملت دوائر و حشيتهم بالنوتيلا و حطيتهم فالمول وخليتهم يخمرو ودهنتم بالبيض وطيبتهم من بعد مسحتهم بالعسل و زينت باللوز
الاشكال الاخرى عادية ههههههههههههه
من نفس العجين تعملي الاف الاشكال .

[idron0]

القرانطيطة شهد شهاب الدين

هذي طريقتي لكل 400غ حمص مرحي اي كيس صغير نعمل كاس اتاي زيت +2 بيض +ملح +كمووون +2 لنر ماء و باه يتخلطلك كلشي مليح ضيفي الماء هو الاول نصف الكمية و من بعد كملي خلطي جميع المقادير و خليها ترتاح تقريبا 2 ساعة قبل ما دخليها طيب زيدي شوية خميرة الحلوى
و الله تجيني رووووووعة.

[idron0]

المرقاز بصوص تومات faty05

نحط لرطل المرقاز يطيب وحدو اولا و نخليه يطلق الشحم مليح
نقص من الشحم
نرحي شوية بصلة و ثوم و حبة طماطم و نضيفهم على المرقاز يتقلو معاه
و نداويه ب ملح و شويه فلفل اسود و كمون و هريسة و فلفل احمر حلو و مغرفة طماطم مصبرة
نخلوهم يتقلاو مليح و نمرق بشويه ماء
كي نشوف الصوص خثار و نقص نطفي عليه
انا نحضرو مع بطاطا مقلية و نديرلو رشة دبشة من الفوق
يجي هايل.

[idron0]

البغرير ام رحاب

كيلي 2 كيسان دقيق
وكاس فرينة
4 كيسان ماء دافي مغرفة ونص خميرة الخبز ومغرفة صغيرة ملح واتخلطي كلش في خلاط كهربائي مدة 2 ال3 دقائق واتحطيهم في طبسي كبير يخمرو مدة 15 دقيقة واطيبيهم في مقلة تاع التيفال واتشوفي والله الوصفة ناجحة 100/100 وحضريلهم العسيلة وعسليهم وشهية طيبة حبيبتي .

إضغط هنا لرؤية الصورة بحجمها الطبيعي.