الجزء 73lن واش طيبتي اليوم كوزينة النجاحات

[مرام 1987]

القفة الخاصة بالشهر الفضيل

طبعا القفة راح تكون مكونة من
سميد
فرينة
البيض
زيت
طماطم
قهوة
سكر
لحظة
فلان
زبيب
مشمش مجفف
كوكاو
أرز
لسان العصفور
زبدة
هريسة
الملح
الحمص
الفريك
ماء الزهر
الخل
وفي الأخير اليوم اللي توصلوها للعائلة فوقها قفة تاع خضرة و 2 دجاجات و كيلو لحم
و ممكن باكي عصير أو مشروبات غازية
و طبعا كل واحد واستطاعته أنا طرحت الفكرة و تقدروا تنقصوا أو تزيدو حسب إمكانياتكم

أرجو الموضوع يؤخذ بعين الإعتبار و ينال تفاعل من القلوب الرحيمة

عن زيد بن خالد الجهني رضي الله عنه قال قال رسول الله صل الله عليه وسلم ( من فطر صائما كان له مثل أجره غير أنه لا ينقص من أجر الصائم شيء ) رواه الترمذي

[Oum Aness Bba]

المشاركة الأصلية كتبت بواسطة ladymillion

الله يبارك ام انس الف مبروك ربي يكملك بالخييييييير ويقويك يارب .ويتربى في عزكم ويحعلو ذرية صالحة وسليمة
اللهم آمين

اللهم امين يعطيك الصحة. يا العزيزة الله يعطيك ما تتمناي.. امين

[nihale89]

سلاااااااااااااام بعض اطباقي

[أم ماجد]

ام تاجو فقتيلي اليوم لا ماكلة لا شراب خرجت تتنحالي شوية القلقة والتوتر وشريت حوايج ليا كل يوم نقول خلاص ونلقى مازال ههههههههههه
وشريت بعض الاواني لزوجة اخي رايحة تولد في رمضان ادعيولها معاكم

[Oum Aness Bba]

بصحتك واش شريتي ام ماجد ورب يسلك زوجة أخيك على خير ويفرحكم بشوفة المولود الجديد.. اللهم امين

[ساندي 28]

مساء الخير
ام ياسو هلا بالزينه نتاعنا توحشتك البارح وانا نخمم فيك الحمد لله الى رجعتيلنال نورتى المنتدى حبيبتى
ام ماجد دائمه الحمد بصحتكم واش شريتو
عسوله مبروك ختانتك ولدك القاطو هاااااااااااااااايل يعطيك الصحه يا الفحله عقبال زواجو يارب
ام انس مبروك عليك الحمل تهلاي فى روحك خاصه الشهور الاولى
ام انس69 وينك يا قمر تطل غير شويه وتروح ولا كي رجع سي السيد حابه نقرعج واش جابلك من ريحه لبلاد ههه
ام ابرهيم وام اناس ان شاء الله تكونو بخير
البقيه يعطيكم الصحه
اليوم صباح درت ميناج للمطبخ وغسلت السلات ونقيت الحاله من غبار نتاع البارح وغدايا كان فريت ولحم وكبده مقليين وحميس وخبز وعصير والحمد لله على النعم
من بعد نحطلكم صور من محل مواد غدائيه لقت لعجب عندو صورت غير بالتخبيه خخخخخخخخخ

[مريم الاميرة]

نهال كلش 44444444444444 الله يبارك
ام ماجد بصحتك واش شريتي و ربي يسلك زوجك خوك بخير و على خير و تفرحو بالبيبي الجديد يا رب

[chez biba]

ام ماجد بصحتك واش شريتي وربي يسلك زوجة خوك على خير ان شاء الله ام انس ب ب مبروك عليك وربي يثبتو ان شاء الله ويسهل حملك راني جبتلكم صور شباح السفة اللي درتها امس سوفلي

[ladymillion]

ماري الله يتقبل منك خطوة خير وانا لوكان جاو الدراهم بيدي راني .... لكن الله غااااااااالب وكاين بزاف ناس الخير ماشاء الله ربي يتقبل منهم يارب

نهال يعطيك الصحة على الطياب وبصحتكم ربي يدوم عليكم النعمة والرزق

ام ماجد بصحتك التسويقة هههههه ولماعن يهبلونموت على لماعن بصح قوليلي مافهمتش 2 حيات لي محطوطين فوق دائرة زرقا واش هوما ؟؟ ههههههههه وقابة يخي علابالك
ربي يسلك مرت خوك بخير وعافية ويسهلها ان شاء الله

ام نجمو حتى لحانوت مامنعتش ههههههه جيبيلنا الصور نشللو عينينا هههههه
ويعطيك الصحة على الميناج لي هو اكره حاجة عندي

بيبا هاااااااااااااااايلة الشباح نتاعك الله يبارك تاكلوها بالصحة

[chez biba]

الله يسلمك اختي ايمان، ربي يخليك

[مريم الاميرة]

بيبا الشباح خرجتلك تهبل متقونة على الكيف توكلوها بالصحة و لهنا ان شاء الله حتى انا درت لبارح شوي نحبها في طاجين لحلو

[أم ماجد]

بيبا تحفة ماشاء الله
ساندي ربي معاك
ايمان صحن ازرق لحفوظي وفوقه بريكة وقشارة بطاطا صممت عليها صلاة ههههههههههههههه
العشا مانديرش لا ربحنا ماناكل ولا خسرنا بعيد الشر كيف كيف

[ladymillion]

ام مجود شكرا على التوضيييييييييح هههههه
علاه ماتاكليش اخاه كولي انفعي روحك يالحبيبة


جبتلكم كواليس طومة راهي دير في قريوش القلب خلصت مابقالهاش دارت كمية قليلة ومزال حبات في الكسكاس يقطروا من الزيت // لرمضان المبارك ان شاء الله

[أم ماجد]

تصدقي نموت عليه ومانديروش نخاف منه ههههههههههههههههههههههههه

[ladymillion]

ههههههههه انا تاني نخاف و نعرف غير الشكل القديم المعتاد او نتاع السنبلة هذا جاني صعيب بصح طومة خرجت عليه وراهي صورت كي تحطو تشوفيه