موضوع مميز الجزءالـــ33 من واش طيبتي اليوم؟؟ - الصفحة 62

حلم جميل · 2013-10-23, 18:47

بشرى لمقروط يهبل بصحتك

ام ماجد ماكلتك تسخفني صح صح

البتاعات انا برك اللي ناكلهم ههههههه هو كي نطيبهم ميدنقش مره فيهم ههههه

كليت وحدة و لخرى مزال كشما نلقالها وصفة مليحة زعمة جزرة

درت بيتزا للعشا

أم ريمة* · 2013-10-23, 18:58

اتفضلو معانا بالصحة و الهناء

و هدا العصبان البرايجي

oum ibrahim · 2013-10-23, 19:00

مساء الخير
حلم ماشاء الله على طيابك يشهي يعطيك الصحة
باتيلا بصحتك المحمر
ام ماجد بصحتك البربوشة بالحليب اممممممممممم
عشايا شكشوكة بادنجال و مطلوع و لله الحمد انا هذا هو برنامجي الصباح نطيب الثقيل و في الليل غير الخفيف هكذا يحب سي السيد و تاني نديرو شوية ريجيم من اللحم هههه

عطرالذهب · 2013-10-23, 19:13

اممممممممممم ام ريمة راكي كريمة جدا بارك الله فيكي
واش هذا الخير كااااااامل
يظهرلي اول مرة تحطي الصور او اني ما شفتش طياباتك قبل
يعطيك الصحححححححححححة والا هاذاك العصبان يققققققققققتل ربي يحفظك

*أم ثازيري* · 2013-10-23, 19:21

هادا عشايا و الحمد لله
ام ريمه بصحتكم الطعام و العصبان
حلم جميل حنا كليناهم سيغ بلاص ههههه ماستنيناش خلاص
زبببببببببببده امممممممممم

عطرالذهب · 2013-10-23, 19:25

باتيلا عشاك يشهي بصحتكم
زعمى تعشينا بوخفيف بالصح بعد تصاور عشاك انت وام ريمة واقيلا نروح نحط الكوكوط ضرك
سخفتوني

بشرى2008 · 2013-10-23, 19:43

oum madjid hna hadouk les affaires rminahouuuuuuuuuuuuuuuuuuuuuum

بشرى2008 · 2013-10-23, 19:47

derte makrout sghir nta3 samiina lydi rawwwwwwwww3a
rani rayha njarab koul lwassafet li b lghares
3andi kamiya kbira jbedtha men le congélateur
lazemni nesta"mlou

أم ريمة* · 2013-10-23, 19:56

مساء الخير لبنات بصحتكم عشواتكم وحلوياتكم راكم شطرات ماشاء الله بتيلا العشا روعة بصحتك

عطر انا مانعرفش نحط الصور و الخطوات دائما ننساهم قتلكم الجيل القديم حكم السن الله غالب هذى بنتى كى يهديها ربى تحط الصور ( ياليت الشباب يعود يوما ههههههه)

الأمنيات · 2013-10-23, 19:59

السلام عليكم
الحلم الجميل اكل يشهي اما قاطو اسلام اية اعطيني نصائح منين جربتيه رايحه نديره ان شاء الله
باتيلا يعطيك الصحة
ام ريمة امممممممممممممم العصبان راه يسخف غدوة ان شاء اله نديره بصح معوله على البركوكس
ام ياسين ربي يحفظك ومصحتك القاطو
عطر وبشرى واش اخباركم
ربي يبارك في اكلاتكم

ilbeldelmondo · 2013-10-23, 19:59

سلام حبوباتي عشانا بيض مقلي و فوكاشيا نسينا ماصورناش كنا نصورو في جدتي هههههه قتلتنا بالضحك
المهم ليدي راهي توجد للعرس و انا راني نتعلم صنعة جديدة هههههه

أم ريمة* · 2013-10-23, 20:01

بشرى صح عيد ك اكتبى بالعربية تتعبنا الحروف الفرنسية انا شخصيا امر عليها مرور الكرام كاش قاطو ؟؟؟

الأمنيات · 2013-10-23, 20:02

ايمان مصحتكم فوكاشيا راكي مع كروشي شعال خدمته زمان كنت مدمنه عليه
لبنات ممكن تعطوني رابط تحميل الصور من الجلفة وايضا رابط الي نكتبوا بالعربيه مره قالت ام كوثر عليه ما لقيتهش

أم ريمة* · 2013-10-23, 20:04

امنيات واش راكى اختى الصغرى ؟؟ راكى ماشاء الله

طومة بصحتك الفوكاشيا اين الصور ؟؟؟

عطرالذهب · 2013-10-23, 20:05

اقتباس:

المشاركة الأصلية كتبت بواسطة أم ريمة*

مساء الخير لبنات بصحتكم عشواتكم وحلوياتكم راكم شطرات ماشاء الله بتيلا العشا روعة بصحتك

عطر انا مانعرفش نحط الصور و الخطوات دائما ننساهم قتلكم الجيل القديم حكم السن الله غالب هذى بنتى كى يهديها ربى تحط الصور ( ياليت الشباب يعود يوما ههههههه)

وعلاش ياحنونة راكي الخير والبركة وطياباتك صح يسخفو سيرتو العصبان لبرايجي نشقيك تقوليلي باش حشيتيه بالتدقيق
واذا على التكنولوجيا راني انا ثاني ندبب غير بالشوي يجي نهار ونفهموا كلش