موضوع مميز وصفات من حراير مطبخ وش طيبتي اليوم - الصفحة 62

راجية غفران ربها · 2014-04-29, 18:59

إضغط هنا لرؤية الصورة بحجمها الطبيعي.

أم ماجد ضحكتيني يا مصيبة علاه وكتاش عيد ميلاد زوجك ع ؟

ماشكيتش من عندي جيه مليحة كيما نتاعك

ياواد يا تقيل

الجينواز نتاع ام رامي هذي :
https://www.gulfup.com/?RYPJv2
انا فقط زدت ضربت مع الصفار نتاع البيض بعد ماذاب السكر+ 1 م ك كاكاو + زدت 1 علبة شكلاطة سوداء ذايبة ودافية فقط
( درت جينواز ب5 بيضات مانحبهاش عالية )
ذبعا كي زدت 1م ك كاكاو نقصت 1 م ك فرينة باينة
وقسمتها بالخيط
وسقيتها بالشاربات
وفي الوسط حشيتها بصوص التوفي اللي درت بيها تار الموز والكاراميل
وغلفتها بالشانتيي ذوبت فيها 2 علب شكلاطة سوداء

والشكلاطة هذيك اللي زينت بيها عملتها في مول السيليكون الصغير نتاع السكر وحشيتهم من داخل من صوص التوفي ممممم

وزينت بالفراز وخلاص بسيطة مافيها والو

هاكي ام ماجد وصفة الجينواز :

جينواز النيستلي

3 بيض مفصولين ولكل بيضة دائما نحسب ملعقتين سكر وملعقة كبيرة زيت وملعقة كبيرة نشاء وأخرى فرينة مع قبضة خميرة كيميائية
نخفق البياض مع نصف كمية السكر والصفار مع النصف الآخر من السكر ثم نضيف الزيت أو المرغرين الطرية حتى نتحصل على خليط يشبه كريمة الزبدة
نمزج بملعقة الخليطين مع إضافة الفرينة والنشاء والخميرة منخولين وعلى دفعات
ندهن صينية بالمرغرين ونرش عليها الفرينة نسكب الخليط ..الى الفرن

بعد الطهي نقسمها على اثنين نشربها بمربى مخفف بشاربات
نضع فوق قطعة كمية من النستلى ..نرجع القطعتين فوق بعض ونسكب فوقها النستلي نزين الجوانب بالكوكاو أو الجلجلانية أو جوز الهند أنا رحيت حبات قفريط وزينت بيه الجوانب
ندخلها الثلاجة حتى تجف طبقة النستلى
نرسم عليها خطوط رفيعة بالسكين ثم نتبعها بالشكولاطة
لمسة أخيرة ورقات وردات بعجينة اللوز

هشة ولذييييذة

شهية طيبة

ryma221 · 2014-04-29, 19:01

حبيت رابط العجينة المورقة اذا ممكن

راجية غفران ربها · 2014-04-29, 19:01

اقتباس:
المشاركة الأصلية كتبت بواسطة رياحين الجزائر
الهام ماتضحكيش عليا كاين الفلان انتاع التوت انا اجيبو اهنا عندنا فاني شيكولا فراز فقط ولا كاراميل هدا مانعرف هههههه

علاه أنت وين كنتي رمضان اللي فات كي درنا حالة في الأذواق راكي تلقايني شرحت طريقتو وراهي في موضوع وصفات حراير الجلفة ماشي مشكل نعاودلك :
ديري فلان فاني عادي والحليب قبل لا تصبيه على الفلان والشانتيي ذوبي فيه شوية نتاع بودرة "AMILA " ( العصير اللي يتباع في أكياس بودرة يتباع 20دج ) ماديريش الكيش كامل ديري اقل من نص راهو حلو بزاف وقاسح
ذوبي العصير في الحليب مليح مليح ومن بعد صبيه وضربي بالباتور
وهنا على حسب نوع العصير يخرجلك الطعم يعني كل أنواع الفاكهة توت ، فراولة وموز ، ليمون ، تفاح ، أناناس واش حبيتي
حنا في دارنا عجبهم التوت لصقو فيه

راجية غفران ربها · 2014-04-29, 19:02

اقتباس:

المشاركة الأصلية كتبت بواسطة ryma221

حبيت رابط العجينة المورقة اذا ممكن

https://www.djelfa.info/vb/showthread.php?t=1449926

ryma221 · 2014-04-29, 19:06

اقتباس:

المشاركة الأصلية كتبت بواسطة manel1977

https://www.djelfa.info/vb/showthread.php?t=1449926

مشكووووووورة
حبيت تاع ام رامي كنت قريتها جاتني ساهلة

dalila setif · 2014-04-29, 20:24

معلومة مفيدة من عند الهام

حقة تفكرت نقوللكم حاجة هي فكرة بسيطة :
أنا نشري الكرواسون كل يوم بصح مانرميش الكيس نتاعو نخبيهم عندي منهم عرام :d:d:d:d:d:d:d
هذوك راهم من نفس خامة ورق الزبدة لذلك كي ندير قراتان ونشوف المول معمر نفرشو تحت المول إذا ساح شوية ولا طار منو رذاذ كي يكون يغلي لداخل في الفرن يسيح فوق هذاك الورق وراهو مايترحرقش وغير نفوذ للماء كي نخلص نرميه
وهكذا ماشي كل مرة بعد ماندير القراتان نغسل البلاطو ولا القاع نتاع الفرن
وثاني كي ندير تارت ولا قاطوات نفرشو في البلاطو ونخدم عادي مايلصقش هايل كيما ورق الزبدة

نحب نقتصد لاخاطر نشري الكرواسون كل يوم الصباح في الخدمة عندي منهم عرام ونخدم بهذاك الورق بزاف
ماتقولوليش مشحاحة والله مسرفة جدا بصح نحب نقتصد كي نقدر :d:d

راجية غفران ربها · 2014-04-29, 21:39

أرز في الفرن محشي بدجاج و الخضر للاخت غربة

المقادير :
بصلتين +2 فصوص ثوم +حبتين طماطم + لحم دجاج ولحم خروف + جلبانة + جزر مقطع صغير + فلفل + ملح + زبت + توابل + ارز + ماء للمرق

بيشاميل فيه الفرماج زيادة وزيتون اخضر واللحم مفتت بعد ماخرجناه من المرق والخضرة و المرق والارز طايب نصف طياب ونسقيه بنصف المرق

نضع طبقة من الارز في الطبق

نضع عليها البيشاميل

نضع الخضرة

نضع اللحم والدجاج والزيتون الاخضر

نضع طبقة اخرى من الارز

نضع طبقة اخرى من البشاميل والقليل من الكسبرة والقليل من الصلصة

وبالصحة والهنا