الجزء 140 من واش طيبتي اليوم

[om kamilia]

آهه للاسف خرج لي الكعك روعةة ماعنديش باه نصوورو

[ام و ابنة]

ام ماجد الف الف مليون مليار مبروووووووك لروزا ربي يزين سعدها و يهنيها و ربي يصبر باباها ضرك بالشوية يتعود

سوسو ربي يعينك حبيبتي توحشناك

ام افنان بصحتك البغرير يالشاطرة اذا بنتك فاتت عام اعطيهولها بزيت الزيتون مليح ليها

ام جوجو و الله ما نعرف وسمها الرحيوة هي تع اليد و الرجاء قالتلي بلي ترحي فيها الحوت و السردين كي تديرهم دولمة و طبعا عندها استعمالات اخرى و حطتلي صورتها بصح و الله ما نعرف منين نجيبها راهي في الكوزينة اللي فاتت و ديالي كي نروح لدارنا نجيبها كنت نشوفها تتباع و نخافها و لكن كي حطتهالي الاماني عطيت ليما الدراهم تشريهالي

[omjoujou]

لبنات نخليكم على خير نروح نوجد حوايجي و نشوف وش ندير لعشاء عندي شوي لحم تاع الخروف و شوي تاع البقر قلت نديرهم روطي على طريقة ام تاجو ادا قعدت كي نكملو نصورو ونحط الصورة سلاااااااااااااااااااااااااااااااااام

[ام و ابنة]

ام كاميليا معليش المهم خرجلك الكعك مليح بصحتك

الرجاء ربي يجازيك خير و الله نحسك طيبة بزاف انت و ام افنان طبعا كل البنات هنا ماشاء الله اخلاق و كرم و تواضع و طيبة ما شاء الله

[omjoujou]

حبيبتي ام وابنة كي تجيبي الرحيوة تاعك من عند يماك صوريهالي و حطيلي الصورة حتى انا نعاند و نشري كيفها

[ام افنان48]

شكرًا امابنة على المعلومة اهلًا بيك سوسو الف مبروك. ام ماجد ربي يصبر باباها لازم مات بكوش باش يسعد يأمها. زوجت. قريبة. ولا بعيدةروزا

[ام افنان48]

ام وابنة راكي حشمتينا انتي الي قلبك طيب تشوفي ناس طيبة ربي يحفظك انا والله تونست بينك في الغربة نقص تو عليا النص وليت مع راجلي متقاسمة ايباد كنت بكري قاعدة كيل يتيمة يغيريني هو في الفايس بوك. الحمد للله دروك لقيت خياتي الي ماعنديش انا الوحيدة بين الاولاد

[ام اسحاقو]

ام ماجد الف مبروك على روزا تتهنى في دارها ان شاء الله
ام وابنة الرحيوة راهي هايلة انا ملي شريتها ماوليتش نبكي من البصل كان دائما يبكيني خخخخخخخخخخخخخخخ
و فيها وحد الحاجة بيضاء تتنحا وحدها هاديك راهي باش تفصلي بياض البيض عن الصفار
و هاكو هاد المقروط تع الكوشة درتو فالعيد بصح عندي استفسار بشانه كل كي تشعلولو مالفوق تخلوه يطيب بزاف ولا لالا لانه كاين وحدة قاتلي انه تشعلو غير من تحت والفوق يطيب غير بالبخار

[سوسو المغتربة]

المشاركة الأصلية كتبت بواسطة oum habouba

بغيا نسقسي لبنات هل نجحلكم الكعك التركي زعما كي يصبح ما يوليش ناشف راني باغيا وصفة ناجحة للكحك ام كميليا ادا نجحلك ردي لي للخبر

جربتو و نجح 100 ب 100 و عبرت بول تاع حليب كبير و خرجولي 24 حبة وحنا غير انا وزوجي وابني الكبيروبني الثاني صغير ما ياكلوش شربنا بيه الحليب و الباقي خبيتو في الكونجيلاتوروبقالي مليح ما نشفش راهي وصفة راائعة

[سوسو المغتربة]

المشاركة الأصلية كتبت بواسطة ام افنان48

ام وابنة راكي حشمتينا انتي الي قلبك طيب تشوفي ناس طيبة ربي يحفظك انا والله تونست بينك في الغربة نقص تو عليا النص وليت مع راجلي متقاسمة ايباد كنت بكري قاعدة كيل يتيمة يغيريني هو في الفايس بوك. الحمد للله دروك لقيت خياتي الي ماعنديش انا الوحيدة بين الاولاد

والله بكيتيني لاني حتى انا نفس الحالة تاعك

[om kamilia]

وجد الكعك وراني نوجد القهوة , يعطيكم الصحة
كنت حاببة نذررذر عليه سكررر نناعم

[ام و ابنة]

سوسو و ام افنان و الله رآنا الكل في غربة حتى في وسط اهالينا خصوصا كي يعودو الأولاد صغار و الغاشي يتقلق و ما يتحملش خخخخخ

خلاص الحمد لله رآنا هنا الكل عايلة وحدة و هذي تخفف على هذي

من عيوني ام جوجو غدوة باذن الله نجيبها و نصورهالك

ام اسحاقو على حسب الفرن انا الكوشة تع يما تحمر من الفوق كي يطيب مع انها تشعلها غير من التحت و انا كوشتي لالا لازم نشعل من الفوق بصح الاكيد انو المقروط يجي لون ذهبي شوية احمر ماشي ابيض عجوزتي دايما تديرو ابيض شويا و نحشم نقوللها ما يعجبنيش خلاص تقولي ماشي مقروط
بصح مقروطك راهو شباب و طايب مليح يعطيك الصحة

[Oum Habouba]

سوسو المغتربة شكرا علا الرد سايي درتولي الكوراج غادي نسييه ونردلكم الخبر
علا فكرة سوسو انا عايلتي واولادهم واولاد اولادهم في كندا موريال في الكيبك بتالتحديد

[Oum Habouba]

عندك الصح ام و ابنة انا تاني متزوجة بعيدة علا اهلي واهل زوجي مش من اللي
عندهم عقلية الزيارات قاعدة وحدي غير بناتي مونسيني

[Oum Habouba]

المشاركة الأصلية كتبت بواسطة om kamilia

وجد الكعك وراني نوجد القهوة , يعطيكم الصحة
كنت حاببة نذررذر عليه سكررر نناعم

بصحتك ام كاميليا راكي تشهي فيا