يوميات عضوة

[يسرى 2000]

ihh alah ybarek chatra

[pirata]

املئي أوقات الفراغ

[ام عبودة]

مرحباااا بيك مرااام ويا رب هذا اليوم يكون قريب
الحمد لله راني نرجع لاشغالي غير بشوي
وراني نتبع في الطبيب ومع التريتمون اكيد رايح يكون تحسن كبير مع الايام
يوميات بعد الطيحة هههههههه

نوض الصباح مع الاذان نتوضى ونصلي ونروح الى المطبخ نوجد القهوة وساعات نطيب المسمن
نتقهوى وحدي قبل ما ينوضو الاكراد ههههههه
يلحق وقتهم نوضهم ونشربهم الحليب ومن بعد نلبسهم ونبعثهم للمدرسة
نقعد شوي مع النت ينوض ميمي نشربو الحليب ومن بعد نوض نسيق يوميا مدخل البيت على خاطر الغبرة تدخل من التحت بحكم الطريق وانا صراحة نمووووت على الماء كي الحووووتة

ومن بعد ندخل للكوزينة ونوجد الفطور ومع غسيل المواعن نكنل نطلع الفوق نشمس الحالة ونرتب الفراشات
يلحقوا الاولاد نفطرو
وثمثم يلحق الوقت يروحو
نغسل المواعن ونتوضى ونصلي ونحكم يلاصتي نتفرج ولا نكونكتي
يرجعو نوجد التاي وحاجة حلوة للعشية
نصلي العصر ونبعثهم للجامع يقرو القران
يرجع الزوج نوجدلر غداه ومن بعد يدوش ويخرج وانا نبدا في العشاء يرجعو الاولاد يدرسوا ومن بعد نتعشوا ورقدهم وقبل ما نحكم بلاصتي
ندور على الدوش لازم يكرن مسيق وناشف والمطبخ نظيف والغاز مغفول في المطبخ ونهو الحالة والباب مغلوق ههههههههه

وكل مرك تتبدل

هذا الاسبوع نقضي بالخف باش نروح ندير الابر ثلاثة كل يوم
ومن بعد نجوز على دارنا على خاطر عرس ختي قريب نروح كاش ما نمد راااي ههههههههههههههههه قلتلهم الله غالب الصحة خانتني هههههههههه

[ام عبودة]

صباح الخير عليكم
واش راكم ان شاء الله راكم لاباس
اليوم فطنت على 6
وجدت المسمن كنت عجنتو من الليل وجدت القهوة ونوضت الاولاد راحو للمدرسة ومن بعد رحت للمطبخ غسلت المواعن ودرت الفطور ومن بعد خرجت للمدخل سيقتو
كملت نشفت الدار الفوق والتحت ناظ الزوج وجدتالو القهوة لبس وخرج دوشت ماهر وجدت روحي للعلاج
في الطريق شريت حويجات للتطبيق
فطرت انا وماهر الاولاد عند جداتهم
وقدت ما هر وانا قاعدة ندور في النت
وانتوما واش درتووووو؟؟؟؟؟

[عائشة 88]

الله يبارك عليك ياشاطرة ربي يخليلك صحتك

[رقيه الحضنه]

المشاركة الأصلية كتبت بواسطة ام عبودة

كيف هي احوالكم. اكيييد الحمد لله
من العنوان اكيد فهمتو الموضوع اليوم راايحة نحكيلكم ام عبودة واش ادير كل يوم واعمال كل ايام الاسبوع عندي فيها اللي يتشابه وفيها اللي لالا
المهم نبدا على بركة الله

الصباااح يصوني المنبه


اول حاجة نديرها كي نفتح عينيا على الفون بلافون ههههه نقول الحمد لله هذا يوم جديد في حياتي
نتفقد زوجي واولادي نتوظا ونصلي ونحفظ شوي قران من بعد الى المطبخ. نوجد القهوة
وسينية القهوة نهتم بيها كثيرا لانها الاهم في اليوم نحب انها تحتوي على الحليب والعصير والقهوة ليا انا كيييد باش نصحصح مليييح :d
والخبز انواعه مالح ام حلو البيض والجبن وكل مرة تختلف حسب ايام الاسبوع والموجود
نبدا في مراطون الاولاد يتعبوني باش يفيقو من بلايصهم وانا اللي نغسلهم وجوهم واسنانهم :dباش ما يكركبوليش الدوش
ونفقعد ساعة وانا نستنى فيهم باش يشربو الحليب
نلبسهم ونبعثهم مع السائق الى المدرسة
يجي دور الزوج نوجد ملابس الخرجة و نلمعو حذاء اكرمكم الله ومن بعد يودعني ويروح الى اشغالو اليومية اللي لا تنتهي
ينوض ولدي الصغير لازم بيبرون مع الدلع لانو مع التكشيرة والله ما يشربووووو
نظفو ونلبسو حوايجو ونمدلو لعب او يروح لجداه وجدو يلعب عندهم
يبدا مشواري التنظيفي

نفتح الشبابيك. دخول الشمس يفرحني بزاااااف



نلم الغسيل بوم بعد يوم



ونشمس الفراش







نسيق




نرتب غرفي انا والاولاد. لانو انا مع العائلة الكريمة الكبيرة الفطور ماشي عليا مي ساعات نحب نطيب لاني نموت على الكوزينة
فعندي الوقت ندير كل شئ الصباح



يرجعو الاولاد نفطرهم. ونلعب معاهم شوي يلحق الوقت نبعثهم الى المدرسة نصلي ونتكا شوي
من بعد ندخل للكوزينة كاش ما نوجد لقهوة العشية يرجعو الاولاد يشربو الحليب ويلعبو شوي ويتفرجو حتى يلحق وقت المراجعة
ندبر للعشاء لازم يكون مميز لانو زوجي الاغلب يفطر في الخارج والعشاء مميز عندي نتلمو ونتحاكو ونتناقشو في مواضيع تهمنا الكل
والعائلة تتلم كلها الله يدوم المحبة يا رب
من بعد صلاة العشاء نوجد المائدة
اولادي نعشيهم من قبل باش يرقدو الا ايام العطلة نعطيهم الحرية

نغسل المواعن ونرتب المطبخ. ونتفقد اولادي في اماكنهم اذكاري اليومية عمري ما نفرط فيها لانها االطاقة بالنسبة لي
ومنتدايا الغالي كون ما نصبحش عليه ونمسي. ما نرتاحش ههههه

عندي حوايج نديرهم من ذاك حسب الجو والظروف

تسياق الجنان





نغسل الزرابى


تغير دكور الغرفة



نحكم المكنسة ايام الغبار والمطر





نغسل النوافذ ونمسح الابواب




وهذه ابام خاصة.ايام لابانتور في الادارة. وبمانا مكتب زوجي بجنب غرفة النوم يعني الحالة ما نحكلكمش كيفاه كانت
هاذي تمرميدة لا بانتور




اوووف بعد ما تنقات الحالة



وهذا المكتب. بعد ما نظفتو *من تمرميدة لابانتور*







وهذه الغرفة شمستها كان نهار مشمس يهبل










هذه حيااااتي او بالمعنى يوم من ايامها
وانتوما يا ريت. اللي تحب تحكي واش ادير
لاني لاحظت نفسي. في ايام الدورة اللى فاتت مع البنات كنت في قمة النشاط مع انها اعمال تكرر نفسها الا ان متعة كتابة وتصوير اشغالي
تزيدني نشاط
وفي هذه المناسبة. نشكر خيتي سمراء الدنيا صاحبة الافكار

اسمحيلي اختي لكن هاته ليست يوميات اغلب نساء الجزائر انها تعبر عن اقلية ساحقه

[ام عبودة]

كيفاش خيتي ما فهمتش
ما كانش مراة جزائرية وما ديرش كيما هاك
كانت خدامة او ربة بيت
لانو حنا مجتمع عقلية الشغالة بعيدة عليه

[Ms aya]

دار شاب وناقية باينة انك شاطرة هههههه ربي يخليك لزوجك وولادك

[ام عبودة]

شكراااا ماس اية ربي يخليك على المرور العطر

[ارزاق]

لي تحب تفحال تدخل هنا وتشوف الفحلة ام عبودة الله يبارك ويبعد العين عليها بصح قوليلي الفرق بين السكن الفردي والسكن مع اهل الزوج نظن كثر عليك العمل

[ام وائل فخر الدين]

سلام عليكم كيما قالو خواتنا كلهمم كل واحد عندوا شغل وام عبودة الله يخليك لاولادك وزوجك وداركم ودعولي راني مريضة باالشيفة

[نخله.]

المشاركة الأصلية كتبت بواسطة رقيه الحضنه

اسمحيلي اختي لكن هاته ليست يوميات اغلب نساء الجزائر انها تعبر عن اقلية ساحقه

وما هي يوميات الاغلبيه يا اختي ؟؟؟؟

[أم شيماءْ]

المشاركة الأصلية كتبت بواسطة رقيه الحضنه

اسمحيلي اختي لكن هاته ليست يوميات اغلب نساء الجزائر انها تعبر عن اقلية ساحقه

اعطيلنا يوميات الاقلية اه اقصد الاغلبية
ام عبود الله يبارك كلش فووووووووووووووووووووور ربي يشافيك حبيبتي

[ام عبودة]

مرحباااا بيكم خياتي الملتحقات
خيتي الله يشافيك من كل داء
ولي سولتني على السكن الفردي
دار العايلة خيييييييير الاقل عندك وقت رااااااحة
الروتين اليومي قتلني هههههه نفس الشيء نديرو مل يوم ههههه
اليوم نظت والضرسة قاتلتني وااااااااااع
طيبت القهوة للزوج دوش وخرج للعمل وانا حكمت كوفيرطة وقاعدة بلاك نوجد الفطور ونروح للدونتيست

[ام ياسمين10]

ربى يشافيك اختى ام عبودة