الجزء 76 من واش طيبتي اليوم ** اهلا بالجميع دون استثناء** - الصفحة 62

دائمة الحمد · 2014-05-31, 20:25

مساءالخير لبنات وصحة غدالكم وقهوتكم

عطرالذهب · 2014-05-31, 20:25

ام سهام عيد ميلاد سعيد لوليدك ويعطيك الصحة على الطورطة يممممممممم
ليزابيل ماكلتك دائما تشهي حتى بلامانشوفوها راني نتخيل في الكفتة المشوية يممممم بصحتك
اولادي صح عشاك الكوكتيل سيرتو لغرايف مثقبين يهبلو والكارنطيطا عمري ماذقتها

awladi · 2014-05-31, 20:26

الي تدخل هذا المنتدى تولي الثلاجة توام تاعها

بشرى2008 · 2014-05-31, 20:29

awladi رقم وااااااااااااااااااااااااااااااااااااااااااااااااا اااااااااااااااحد

عطرالذهب · 2014-05-31, 20:30

اولادي ضحكتيني وصح انا نستمتع كي تكون الثلاجة مليئة بالخيرات وماذا بيا نبقى نتفرج عليهم برك
والصورة الثانية كلشي فيها يزعجني سيرتو الاحتمال الاول وااااع

ام الهضاب · 2014-05-31, 20:31

اولادي رقم 2 واش نكرها هههههه

عطرالذهب · 2014-05-31, 20:32

لبنات حتى انتوما صفحة المنتدى بيضاء والا غير انا راهي مسيقة بالجافيل

عطرالذهب · 2014-05-31, 20:34

دائمة الحمد اهلا وسهلا بيك اشرقت الانوار

دائمة الحمد · 2014-05-31, 20:41

اهلين عطورة واش راكي كاش تسربات على السنكيام خلي نزغرت

lyzzabel · 2014-05-31, 20:42

اولادي هههههه قاااااع يقتلني بصح الاولى وووواااااااااااااععععععع شعري يوقف ،، ياااااماااا داروها لي و داروها لي و مين نقوللهم ما تعفسوووش حتى تنشف الارض يقولولي بغيتينا ما نتمشوش ؟؟؟ وانا نولي

و الكفتة المشوية عندكو تحسبوها كاش بومبة هههه ما نزيد فيها وااااالو نحمي الشواية ملييييح و ننقص للنار تحت المتوسطة و نبدأ ندير دي بوووول و نطبزهم و نحط فوق الشواية و نذرذر شوية ملح مالفوق ما نملحهمش قبل باش يجو هشوشيييين و مين يتجمرو شوية نقلبهم و نزيد نملحهم مالجهة لخرا و خلااااص ممممم هههه

إلهام07 · 2014-05-31, 20:42

مساء الخير راني خلصت المطلوع والشربة كنت نعلم في اختي المتزوجة راهي دير في سطاج نتاع رمضان

قولولي مدام عندي شوية وقت وراني بالزكام راقدة واش تحبو نحطلكم وصفة خيرو من هذو :

أجنحة الدجاج بصلصة البافالو الأمريكية
بطاطا بالكرام فراش
أرز على الطريقة الخليجية بنة هايلة
العصير المسروق
فلان بنكهة الكابوتشينو
مشروب النعناع والليمون ماشي عصير

هيا الفحلات خيرو ولا نروح نرقد راني خخخخخخخخخ فشششش خخخخخ فششش من لاقريب نعسانة ومكسرة

lahna moka · 2014-05-31, 20:43

أولادي حبيبتي نتي تاني ربي يفرحك بولادك يا رب
عطورتي فرحت كي عجباتك الحلويات هاذي شهادة نعتز بيها من محترفة فالحلويات موااااااااااح
بشورتي بعثتلك مقبيلة رسالة ما وصلاتكش؟؟؟
ليزابيل حلوتي الجميلة كلامك ينحيلي التعب كااااااااااامل و الله و ربي يفرحك بولادك و مولا بيتك يا رب , على لعشا راني عاندتك و درت كفتة مع فريت هههه
دائمة الحمد غاليتي مرحبا و صح عشاك

دائمة الحمد · 2014-05-31, 20:44

الهام فلان بنكهة الكابتشينو

عطرالذهب · 2014-05-31, 20:45

اقتباس:

المشاركة الأصلية كتبت بواسطة دائمة الحمد

اهلين عطورة واش راكي كاش تسربات على السنكيام خلي نزغرت

ههههههههههه كان حابة تزغرتي غير ابدي رغم انهم مازالو مابدوش التصحيح بالصح على حساب السهولة نتاعها الكل ناجحين باذن الله
بيناتنا عطورة ماتعرفش تزغرت هههه

ام سهام 02 · 2014-05-31, 20:45

ليزا العزيزة بارك الله فيك ومبروك السكنة بالربح وربي يجزيك.

لهنة بصحتكم السفنج و اكواب الشكولاطة ممممممم وربي ينجح تالويت

بشرى _عطر يعطيكم الصحة فرحت بردودكن