اهلا بكن في الجزء 146 من كوزينتنا .اهلا وسهلا بيكم

[أم ماجد]

السلام عليكم
انا اليوم الشيخ عرض 3 من اصدقاء باباه الله يرحمه وشرطوا عليه الفطير
راني مابين الخدمة والعشا والتحضير
دعواتكم

[x ام رحاب x]

المشاركة الأصلية كتبت بواسطة دائمة الحمد

صباح الخيرات يومكن من احسن الايام
الف مبروك الكوزينة الجديدة وان شاءالله تكون فال خير على الجميع
الحمد لله راني في تحسن
ما حبيتش ندخل بلا باروك
هذم بعض تحضيراتي قبل العيد
هذي طبعا منقوشة ام اماني حطيتها قبل روعة فعلا عجبت الجميع



وهذي بعض تحضيرات لحلويات العيد









وهذي اخر حاجة درتها ليلة العيد سجيت الصحونة لي راح نبعثهم ذوقات تاع العيد

الحمد لله على سلامتك والله غير اتقلقت عليك ربي يشفيك حبيبتي ويعافيك افرحت كي شفتك ادخلتي وحلويات روعة

[دائمة الحمد]

ام ماجد ربي يعينك
ام جوجو الشخشوخة تشهي
العدس راه سخون وحارمع البرد تاع اليوم
الله يخليك ام رحاب الغالية وكل عام وانت بخير

[x ام رحاب x]

المشاركة الأصلية كتبت بواسطة أم ماجد

السلام عليكم
انا اليوم الشيخ عرض 3 من اصدقاء باباه الله يرحمه وشرطوا عليه الفطير
راني مابين الخدمة والعشا والتحضير
دعواتكم

ربي يعينك حبيبتي ويجوز كلش بنين

[x ام رحاب x]

صحة فطوركم جميعا ام جوجو امممممممممممممممممممممممممم اكلك ايشهي باين
ام امنية بصحتك اللحم واش راكي اليوم مابنتيش
دائمة الحمد بصحتك العدس

[ام و ابنة]

السلام عليكن
بعد معاناة مع اولادي و زدت غير جيت نبدا التزيين تقطعتلي لا بوش ا دوي حتى بكيت و بالسييييف بش لقيت وحدة قديمة تع عام جدي و عيانة طبعت بيها بش كملت








و هذا غذانا اول مرة نجربو اعجبني بنيين قطع بوزلوف في الفرن بتشكشوكة بصل و طماطم و قطع بطاطا و طبعا انا كليت الراس و اولادي البطاطا



ام جوجو نحمل لك الصور راهي توضح كلش و نلخصلك الطريقة مع شويا نصايح بش ما تغلطيش وش غلطت انا و نرجع

[x ام رحاب x]

ام ياسين بصحتكم العرس باين كلش حطة
ام علاء بصحتك حبيبتي باين ايشهي

[x ام رحاب x]

المشاركة الأصلية كتبت بواسطة ام و ابنة

السلام عليكن
بعد معاناة مع اولادي و زدت غير جيت نبدا التزيين تقطعتلي لا بوش ا دوي حتى بكيت و بالسييييف بش لقيت وحدة قديمة تع عام جدي و عيانة طبعت بيها بش كملت








و هذا غذانا اول مرة نجربو اعجبني بنيين قطع بوزلوف في الفرن بتشكشوكة بصل و طماطم و قطع بطاطا و طبعا انا كليت الراس و اولادي البطاطا



ام جوجو نحمل لك الصور راهي توضح كلش و نلخصلك الطريقة مع شويا نصايح بش ما تغلطيش وش غلطت انا و نرجع

وااااااااااااااااااااااااااااااااااااااااااو فووووووووووووووووووووووووووووووووور الله ايبارك والله خرجتيها فوووووووووووووووووور
ام جوجو ارواحي اتشوفي ام وابنة ولات التصعب ربي يحفضك لوليداتك حنونة وكل عام وهي بالف خير
البزلوف ايجي خفيفي في الكوشة هايل

[lyzzabel]

المشاركة الأصلية كتبت بواسطة x ام رحاب x

[imgاليوم فطوري محاجب حارين والمسمن للعشية نشربو بيهم القهوة

يا سلااااااااااام يشهووو يشهوووووو يعطييييك الف صحة و عااافية مييمتي و بصحتكم المحاااجب


حبييبااتيي صح فطوووركم و مطرح ما يسريي يمرييي

لقييت حبييبتي داائمة الحمد دخلت ،، ألف حمد لله على سلااامتك يا الغااالية قلقتيينا عليييك ،، بصحتكم اللونايي و لي قااتوو لاووووعة تسلم ايدييييك و ربي يحفظك لعاائلتك يااارب

ام جووجوو بصحتكم الشخشوووخة ،، و الزيتوون كي تدييري فييه الملح زيدي معااه البسباااس و الرند و الثوووم فصوووص و الفليووو و استمتعيي بألذ زيتووون مرقد مممممم

كااووكاا بصحتكم اللحم مفور معذرة لأني ما فهمتش سؤاالك و في انتظااار الصورررر

تفكرت أم مؤمن شفتها طلت هاادو لياام على سلاااامتك حنوونة لييك وححححشة

ام هبوووبة طياابك يشهييي حبييبتي يعطييك الصحة

كااش وحدة نسييتها تقوولي خخخخ

[x ام رحاب x]

ليزا لحقاتك رسالتي ولا لالا

الله ايسلمك حبيبتي تعيشي

[omjoujou]

ام رحاب دائمة الحمد تسلمولي يالغوالي
ليزا الله يسلمك وشكرا على التدبيرة حتى انا كي تتنحى المرورة تاع الزيتون خلاص نداويه نضيفلو الزرودية و البسباس و الثوم القارص قشور البرتقال يجي روووووووووووووووووووووووووووعة
ام وابنة حبيبتي خرجتلك الكيكة روووووووووووووووووووووووووووووووووووووعة مضنيتش لا نقدر عليها

[ام ساجد]

السلام عليكم وصخ غداكم دخلت طول لصفحة الاخيرة
لقيتها منورة برجوع عزيزتنا دائمه الحمد الف لاباس حليك حنونة الكل كان يسال عليك والحمد لله
انك بخير وباروكك روعة وبصحتكن العدس درتو امس كلت حتى شبعت ههههه نحبو


ولا محاجب الغالية ام رحاب اممممممممممم راني نستطعم عندي ياسر ما درتهمش

ام وابنة يعطيك الصحة لتارت هايلة وعيد سعيد للكتكوتة وبصحتك البوزلوف

وشخشوخة الظفر تاع ام جوجو هايلة وتشهي

ولا هبرات تاع كاوكا راح يقتلوني هههههه لحمات تاع الصح ابعثيلي رجل ولا كتف ماني اختك

ليزا شكرا على فكرة الكسكاس تبانلي هكا يجي خير

نحط غدايا ونروح نراجع
غدانا اليوم والحمد لله طحال محشي مع الجلبانة وسلطة ومطلوع وبطاطا مقلية وفواكه
والحمد لله حمدا كثيرا طيبا مباركا









وهذا عشانا نهار ثالث عيد نسيت ما حطيتوش

[ام و ابنة]

عملت زوج رولي بعجينة جنواز و ما خليتهمش يزيدو في الطياب بش ما يجيوش ناشفين



طيبت بالواحد و غير يطيب نروليه بورق الطبخ اللي طاب فيه و لكن انا نسيت ضغطت عليه و المفروض نروليوه خفيف برك بش ما يلصقلكش بزاف منبعد



خليتهم يبردو و رحت طلعت لاشانتيي بالحليب البارد البيضاء زدت لها شوية ملون ابيض و الوردية شوية ملون احمر خفيف





فتحت لي رولي و دهنتهم بشوية عسيلة ثقيلة خلطت معاها عصير نوعية مليحة ثم حطيت الشانتيي البيضاء في واحد و الوردية في الثاني و روليتهم و قطعتهم

https://up.1sw1r.com/upfiles2/fit00019.jpg

وجدت المول اللي شفت حجمو يناسبني و فرشت فيه زوج طبقات تع الورق الشفاف و ستفت قطع الرولي فيه بشكل دائري مع الضغط طبعا و كنت نعمر الفراغات بقطع عشوائية و شوية كريمة
كي كملت حطيت صحن و ضغطت عليه مليح بيدي ثم ثقلتو بحاجة ثقيلة و خمس دقايق منبعد نحيت القارورة و دخلتو للمجمد عشر دقايق







و طبعا بفضل الورق الشفاف رايح يتنحى من المول بكل سهولة

الافضل طبعا صحن ابيض او وردي انا قلبت الدنيا على وحد الصحن عندي ابيض هايل و مشرشف بش تفكرت بلي راه عند عجوزتي قريب بكيت ووووو



كانت عند بنتي دمية جابتهالها اختي و كسرتهلها رجل و هي جديدة خبيتها عندي مدة اليوم نحيت لها الرجل الثانية شفتو الاجرام و غلفت جسمها اللي راح يدخل في الكيكة بالورق الشفاف



غرستها في الكيكة



غلفت الكيكة بالشاتيي البيضاء و عملت ورود بالشانتيي الوردية بمساعدة اسمط و اقدم و اصعب بوش ا دوي في العالم وععععع





الكريمة تع التزيين يرجع للذوق ممكن كريمة الزبدة او الكرام موسلين الداخل و لكن انا فضلت الشانتيي وحدها لاني حبيتها خفيفة و يما تحبها هكذا و كذلك فيها شوية خدمة فحبيت الكريمة بسيطة
ممكن الرولي تحشيه نوتيلا و تعملي ورود بنية فوق الفستان الابيض بصح يما تكره الشيكولا مووووت خخخخ

ان شاء الله الفكرة وصلت و اي استفسار انا في الخدمة

نروح نفطر و نراجع و نولي

[lyzzabel]

ويييي يا الحبيييبة هدا ويين كنت نقرا فييها انتظريي ردييي يا الحنيييينة

ام و ابنة تسلم ايديييك غااليتييي والله نحس بلي تتعبي بزااااف بااش ترضيي عاائلتلك من مجاميييعهاا ربي يخلييلك صحتك و يرضى عليييك و يرضيييك حنووووونة

ام آلااااء عييييت نقاارع في موضووعك يتحل المنتدى هبلنيي اليووووم خخخخخ من بعد نولييله حبييبتيي و ربي يحفظ الأموووورة ،، فالأول حسبتهاا صورة من النت حتى قرييت دعاائك التحت فهمت هههه ماشاااء الله علييها ربي يكبرها على الديين و الطااعة و تشوفييها أحلى عروووس ياااارب

[ام محمدْ ومريمْ]

المشاركة الأصلية كتبت بواسطة malek firdaouss

شكرا لك وداد بصح جيبيه صح هههههههه

يريت جيتي حذايا ونجيبلك قصعة تبردي قلبك