كل مايخص الخدمة الوطنية نجده هنا

[khiro08]

المشاركة الأصلية كتبت بواسطة hom99

حل المعادلة التالية : متخرج 2010.... دفع ديبلوم في مارس 2011.....اعطوه سورسي من مارس حتى سبتمبر 2011 .....وصله استدعاء باش يهز لوردابال ولم يذهب .
1- اشرح حالته ؟
2- هل سيستفيذ قنون الاعفاء ان خرج ؟
3- هل يحتسب عليه الاستدعاء الاول علما انه لم يمض على استلامه ؟وكم بقي له من استدعاء حتى يصبح روشارش ؟
4- هل اذا ذهب في جانفي2012 يعطوه سورسي حتى مارس 2012؟
ملاحظة : سجل في معهد التكوين المهني فيفري 2011....ودرس اسبوع ....وعندما طلب شهادة انقطاع قالو له انه غير مسجل عندهم بتاتا .
التنقيط كالتالي : الله يحفضكم ويبارك فيكم ويوفقكم ويفتح عليكم ويرزقكم من حيث لا تحتسبون وتخرجو في الاعفاء انشاء الله ..آمين

1- يا أخي هو نورمالموا مدام مهزوش لا يحتسب لكن يا اخي هذا الشيء متعلق بالدرك يا أخي هوما سعات يحسبوك بلي هزيتوا وانت في الأصل مهزيتوش ويحتسب لك في مكتب التجنيد انك اخذته انت وزهرك يا أخي

ات تخطي راسهم برك

2-قانون الإعفاء يمس كل من لم يخرج له امر التحاق وهو ورقة بيضاء ملصقة في الإستدعاء يعني في مارس هذا لكان مجاكش استدعاء فيه ورقة بيضاء وفيه الرمز التالي oaor يعني يمسك القانون نورمال لكن كل عام كيفاه الأعوام السابقة كانو يقولوا بلي لي مراهش في الروشارش يديها نورمال هذا العام جماعة 2009/2008 زادولهم شرط جديد لي قلتهولك في الأعلى وانتم وزهركم قادر يزيدوا خرجولكم حجا أخرة لمعلومات اكثر زور الصفحة نتاع اعفاء جماعة 2008/2009 باش تفهم مليح واش داروا فينا قبل ماتحط الدوسي نتاعك

4- اذا سجل في 2011 يحتسب من جماعة 2011 يا أخي وليس من جماعة 2010 ولو لم يدرس ولا يحق له اعفاء جماعة 2010

[khiro08]

المشاركة الأصلية كتبت بواسطة kadirov

كل الي قلتوه على الخدمة الوطنية صححححححححححح 12 شهر

اعطينا مصدر يا أخي

[abdeldjalil147]

شكرا لك اخي خيرو ، ماعليش تيحتلي المورال بالصح هذي هي واش اتحب الدير .؟؟؟؟
بالصح اذا اخرج الاعفاء هل لدي الحق فيه ما دمت لم اصبح عاص بعد ؟

[midou-830]

bsr ana ma 3aguebtech la visite mai 3andi sourci w roudoi imout esk 3andi lha9 ndir soutien de famille wela 3a jal ma 3agabetech la visite ?????

[djoseph]

السلام عليكم اخي
و الله هدا وين دخلت و لقيت مواضيع تتحدث عن إعفاء خريج 2010 ’,فهل هذا الخبر صحيح?
أرجو الرد العاجل. و شكرا

[djoseph]

من فظلك .................آتنا بالخبر اليقين...........

[djoseph]

هل من مجيب’’’’’’’’’’’’’’’???????

[khiro08]

المشاركة الأصلية كتبت بواسطة abdeldjalil147

شكرا لك اخي خيرو ، ماعليش تيحتلي المورال بالصح هذي هي واش اتحب الدير .؟؟؟؟
بالصح اذا اخرج الاعفاء هل لدي الحق فيه ما دمت لم اصبح عاص بعد ؟

اذا خرجلك امر بالإلتحاق متقدرش تستفيد خويا الكثير من جماعة 2008/2009 الذين عندهم امر التحاق بعثوهم روشارش يعني عصات
والبعض قالولهم راح يزيد يجيكم استدعاء في ماس 2012 وعددهم قليل الباقي اوكل روشارش

هؤلاء وضعيتهم كانت عادية يعني جاهم امر التحاق في الإستدعاء الثاني وكانو في حالة قانونية اتجاه الخدمة الوطنية لكن بعد سبعةاشهر من دفعهم ملف الإعفاء الخاص بجماعة 2009/2008 رفضت ملفاتهم واحيلوا على العصيان

اذكر المشكل هو في امر افلتحاق وهو ورقة بيضاء ملصقة في الإستدعاء

[khiro08]

المشاركة الأصلية كتبت بواسطة djoseph

السلام عليكم اخي
و الله هدا وين دخلت و لقيت مواضيع تتحدث عن إعفاء خريج 2010 ’,فهل هذا الخبر صحيح?
أرجو الرد العاجل. و شكرا

الله اعلم يا أخي واحد ليقدر يثبتلك هذا الخبر

[khiro08]

المشاركة الأصلية كتبت بواسطة djoseph

من فظلك .................آتنا بالخبر اليقين...........

ان كانت لديك الشروط المتوفرة في الإعفاء فإنتضر يا أخي حتى يأتي الخبر اليقين هو يخرج تقريبا في أفريل أو مارس ثم يسادق عليه في ماي ثم يبداالعمل فيه في جوان او جويلية الخبر اليقين يكون في أفريل باه تبان الأمور

ممكن 100/90يخرج لكن بشروط مزيرة بزاف يعني القليل لي راح يديها لنهم اعو الكثير هذا العام وهم يعانون من نقص في الأعداد واذا خرج قانون نتاع الخدمة الوطنية عام فقط قد لا يخرج هذا القانون اصلا

الفايدة واحدمايقدر يقولك يخرج ولا اها لإنه متعلق بهم من الفوق هوما راح يشوفوا الإحتياجات نتاعهم

اذكر الشروط العام الماضي هي

لازم ماتكونش عاص

لازم ميخرجلكش امر التحاق

لازم ماتكونش زاولت دراسة اخرى بعد 2009 اذا زاولت دراسة اخرى وصرحت بأنك لم تزاول دراسة اخرى را حيفيقولك لنه كلش مسجل عندهم

[khiro08]

المشاركة الأصلية كتبت بواسطة midou-830

bsr ana ma 3aguebtech la visite mai 3andi sourci w roudoi imout esk 3andi lha9 ndir soutien de famille wela 3a jal ma 3agabetech la visite ?????

لي مافوتش لفيزيت ماعندوش حق

[anouar0771]

أنا من مواليد 1984 ...تخرجت من الجامعة في 2010 ودفعت ليهم الديبلوم في ديسمبر 2010 بعد أن تحصلت على 3 تأجيلات سنوية سابقة....في جانفي 2011 عطاوني سورسي شهر واحد فقط ينتهي في 23 فيفري 2011 دخلت بيه نخدم إدماج مهني......وبعدها إنتظرت حتى سبتمبر 2011 جاني إستدعاء لتادية الخدمة الوطنية "بأفــلو" بالأغواط.....أيا جريت وشفت وحد المعريفة مارحتش ومارفدتش الإستدعاء أصلا...ودبرت سورسي إنتهى يوم الأربعاء 07 ديسمبر الماضي .....؟ هذا الشخص اللي عاوني بارك الله فيه وجزاه الله خيرا بصح راه يوصيلي غير على شهر وشهرين سورسي لأن صاحبوا اللي يخدم في مركز الخدمة الوطنية مزير شويا وصعيب ...يعني حابني نروح وأنا ظروفي ماتسمحش ......كيفاش الحل هل نجيب سورسي واحد أخر ؟ خايف يزيدو يعيطولي في مارس 2012 وأنا راني طامع كيما قالولي في الإعفاء في جوان ولا جويلية 2012 يعني اللي تخرجو بعد عامين (أنا خريج 2010)......أفيدوني ربي يعيشكم..........

[a007113h]

المشاركة الأصلية كتبت بواسطة anouar0771

أنا من مواليد 1984 ...تخرجت من الجامعة في 2010 ودفعت ليهم الديبلوم في ديسمبر 2010 بعد أن تحصلت على 3 تأجيلات سنوية سابقة....في جانفي 2011 عطاوني سورسي شهر واحد فقط ينتهي في 23 فيفري 2011 دخلت بيه نخدم إدماج مهني......وبعدها إنتظرت حتى سبتمبر 2011 جاني إستدعاء لتادية الخدمة الوطنية "بأفــلو" بالأغواط.....أيا جريت وشفت وحد المعريفة مارحتش ومارفدتش الإستدعاء أصلا...ودبرت سورسي إنتهى يوم الأربعاء 07 ديسمبر الماضي .....؟ هذا الشخص اللي عاوني بارك الله فيه وجزاه الله خيرا بصح راه يوصيلي غير على شهر وشهرين سورسي لأن صاحبوا اللي يخدم في مركز الخدمة الوطنية مزير شويا وصعيب ...يعني حابني نروح وأنا ظروفي ماتسمحش ......كيفاش الحل هل نجيب سورسي واحد أخر ؟ خايف يزيدو يعيطولي في مارس 2012 وأنا راني طامع كيما قالولي في الإعفاء في جوان ولا جويلية 2012 يعني اللي تخرجو بعد عامين (أنا خريج 2010)......أفيدوني ربي يعيشكم..........

ربي يوفق ..

[laminefoot87]

السلام عليكم خاوتي ما معناها oator

[ندرومة49]

المشاركة الأصلية كتبت بواسطة laminefoot87

السلام عليكم خاوتي ما معناها oator

وعليكم السلام ورحمة الله وبركاته

الله أعلم يعني أنه الاستدعاء الثاني أو الأخير


أو أمربالإلتحاق

ممكن الإخوة يساعدوك بإجابة أحسن إن شاء الله