الجزء 175من واش طيتي اليوم ...كوزينة كلى عضوات المنتدى....اتفضلو ا - الصفحة 61

fadila34 · 2017-01-10, 11:42

صباح الخير عليكم ياحراير
ام هدول اتفضلي انتي ولبنات لاغدا لوبيا بزلوف البقرة وفلفل فى زيت الزيتون ومطلوع القمح

om obaida · 2017-01-10, 12:09

masaa alfol twahchtkom rani fi konta bla mikro antalaw fi rwahkom

ام هدول · 2017-01-10, 12:13

اقتباس:

المشاركة الأصلية كتبت بواسطة طهراوي ياسين

ماشاء الله
الله يبارك ...

شكرا اخي

اقتباس:

المشاركة الأصلية كتبت بواسطة om obaida

مساء النور كيفاه احوالكم

ام يوسف ام الاء مساء النور وصح فطوكم

زييييكا اهلين بالحاجة ريحتي شوية وبردتي قلبك في اطباق لبلاد ولا مزال

جبت في يدي كروكي درتو الصباح

يعيطك الصحة

اقتباس:

المشاركة الأصلية كتبت بواسطة انا هي رزيقة

[size=5]لبنات راين صورتلكم هذو تع فطور الصباح بمطعم الاوطيل في مكة المكرمة هكذا نفوللكم ان شاء الله باه تروحو الى ذلك المكان الطاهر باذن الله ......

بصحتك ....ان شالله ياربي نرزوداك لمكن الطهور

اقتباس:

المشاركة الأصلية كتبت بواسطة آسيا 27

مسا الخير

صحة غداكم جميلاتي كاش جديد عندكم انا نهاراتي الكل كيف كيف وااااااع ملييييييت

كي كانت اختي و اولادها هنا السمانة اليي فاتت كانت شوية امبيونص و كي راحت رجعت الحالة صماااااااطة

:d امممممم المهم تكونو الكل بخير

غدانا اليوم لوبيا و سلاطة و جاج و فريت و الحمد لله و ما صورتش

هاذا عشا تاع احد الايام
[img]

[/img]
[img]

[/img]
الحمد لله حمدا كثيرا طيبا مباركا فيه

روووعة ..نتفرج ومانكلهاش .....شفتي كي يروح الضيف ...يخلي بلاصتو فارغة ماعليش ..

اقتباس:

المشاركة الأصلية كتبت بواسطة انا هي رزيقة

و هذو بعض الاكلات الخفوفي لي حضرتهم في غرفة الاوطيل .هذي بطاطا بالبيض

هذي بطاطا بوري من قلب الحدث

و هذي فرخة مشوية مشرية يا لهوي شحال صغيورة متشبهش كامل الدجاج المبطبط تاعنا .....

بصحتك الخفوفي ...ياملكة لخفيف ولبنين .....والجاجة ماكفاتش ..خخخخخ

اقتباس:

المشاركة الأصلية كتبت بواسطة nabila222

ام الاء ربي يحفظك بصح جابلي ربي ماشي هذوك لي دارتها الهام طرحت سؤال في موضوعها وطولت ماجاوبتنيش ونا حابة نعملها اليوم ،رزيقة حنونة ربي يتقبل ياعمري ربي يرزقنا عمرة قريبة وجميع المسلمين حنونتي ادعي لبلادنا ربي يبعد عنها الفتن وادعيلي خص نص ربي يرزقني بذكر صالح عاجلا غير اجل ولكي بالمثل حنونة.

اهلين نبيلة ...وشحال يعجبني اسمك ....ربي يتقبل الدعء ...ان بعد العسر يسر

اقتباس:

المشاركة الأصلية كتبت بواسطة om obaida

فطورنا اليوم

بيري بوحد الطريقة عطاتهالي ختي بالبيض النيئ تجي بنيييييينة [center]

[/center]حميس يشويييي

اقتباس:

المشاركة الأصلية كتبت بواسطة omjoujou

هذي العوامة غير كيما كملتها لام وليد الصراحة رووووووعة تقرمش و خفيفة و من الداخل فارغة غير جربوها وماتندموش

اممممممممممممممم بصحتك الجواب بيان من عنوانو

اقتباس:

المشاركة الأصلية كتبت بواسطة حياة نور الدين

تفضلوا عشايا البنات شربة ودجاج مقلي وكلوى بقري مقلية. بيناتنا حرقتها خخخخ

..بصحتك ...حرقتي الكلاوي كان راسك ...بيعد حتى انا تصرالي ...يديا يخدمو وراسي من عرف وين يحوس

اقتباس:

المشاركة الأصلية كتبت بواسطة omjoujou

جبتلكم بعض الوصفات سرقتهم من الفيسبوك تفضلوا

اقتباس:

المشاركة الأصلية كتبت بواسطة luna mery

يعطيك الصحة

اقتباس:

المشاركة الأصلية كتبت بواسطة حياة نور الدين

اشكرك على الدعاء

اقتباس:

المشاركة الأصلية كتبت بواسطة chez biba

السلام عليكن عزيزاتي
ان شاء الله تكونو كامل بخير
من فضلكم شكون تتكرم وتحطلي رابط التعزية لام رحاب وربي يجازيكم خير
في أمان الله ويوم موفق للجميع

اهلين بيبة كيف الحال ..توحشناك

اقتباس:

المشاركة الأصلية كتبت بواسطة صدق العطاء

صباح الخير لبنات ا شاء الله تكونوا لاباس

لاباس الحمد لله السوال عليك حنونة

اقتباس:

المشاركة الأصلية كتبت بواسطة omjoujou

سلام لبنات
لي هذوين ناضوا جبتلكم باه تفطروا مادلان بالليمون ونواد كوكو هذوين كملتو تاع الهام تفضلوا معايا باسم الله

انا حرفت شوي درت2 كيسان كبار نواد كوكو لانو نمووووت عليه وعصرت 2. حبات قارص و كاس كبير فرينة والباقي نفس المقادير جا روووووووعة وذوق القارص ونواد كوكو باينين فيه امممممممممم

روووووووعة

اقتباس:

المشاركة الأصلية كتبت بواسطة اريج 07

صباح النور اهلين حبايب قلبي توحشتكم مووووووت انشاءالله كامل بخير ديزولي عميراتي والله ماقدرت ندخل مي راكم في القلب والله و ربي عالم مواحاتي
حيوته ديزولي لبارح راحتلي كونكسيون

ام جوجو يالحبيبة قالولي تحتلجيني ههههعه غير الخير عميرتي

زقزوقتي الف مبروك وااااع قلت زقزوقتي و حشمت واقيلا نبدلها يا لحاجة هههههه

ام هدول توحشتك عطلة سعيدة

ام تاجو و ام ياسو موستا بحورة ليزلتي ام طيري الجنة و اسومتي و ميسو و اسيا اسوس و نعنوعة المنتدى و ام عبيدة و ام الاء و كااااااامل ليكم وحشة قد مابين السما و الارض مواااحاتي

ام جوجو راسليني مقدرتش نراسلك منعرف وعلاه و مبعد ندخل نشوف اوكي

سلااام
غدانا باطوط حار و حامض يالهوي خويا جابلي ليكيب لي يلعب فيها و قالي غديهم من الجوار لونترنار لطبيب لكلشي مزية مجابش لسيبوغتاغ ههههه

يتوحشك الخير ..مريموتي ....بصحتك البطوط راكي قدها وقدود ...استبدلي القاف بللالف

ام هدول · 2017-01-10, 12:26

اقتباس:

المشاركة الأصلية كتبت بواسطة fadila34

صباح الخير عليكم ياحراير
ام هدول اتفضلي انتي ولبنات لاغدا لوبيا بزلوف البقرة وفلفل فى زيت الزيتون ومطلوع القمح

يم..يم .يييمممم...شكرا فضلية ..اللوبيا نحبها وزيد بزلوف ..رووعة ولا الد ...مع داك المطلوع الزين وفلفل بزبت الزبتون ولااحلى غداك يشهي مطرح مايسري يمري

*توبــــة* · 2017-01-10, 12:32

صح غداكم حبيييباتي
دائما مع ارشيفي
جبتلكم رووووووز اممممممممم.. مي انا مانحبووش بزاااف

لي عودة حبوووباتي... ونراااجع
ام هدووول تبارك الله عليك مانسيتي حتى وحدة
فضيلة يا عيني على اطايبك اممممممممم نموت على طيابكم ف برج بوعريريج
ماشاء الله هاااااااااااايل.. خاصة كسرة الشحمة تاعكم عييت نلقى وصفتها اللي بغيتها
ووووووووووو بزاااف اطباق تاوعكم يعجبوني

ام هدول · 2017-01-10, 12:32

اقتباس:

المشاركة الأصلية كتبت بواسطة om obaida

masaa alfol twahchtkom rani fi konta bla mikro antalaw fi rwahkom

اهلين ام عبيدة ان شالله تتسقم لحوال ويتسقم المكرو ....حتى حنى مقنوطين بلا بيك ....(ماتنسايش تزدي نقطة فوق الالف).

ام هدول · 2017-01-10, 12:37

اقتباس:

المشاركة الأصلية كتبت بواسطة *توبــــة*

صح غداكم حبيييباتي
دائما مع ارشيفي
جبتلكم رووووووز اممممممممم.. مي انا مانحبووش بزاااف

لي عودة حبوووباتي... ونراااجع :d
ام هدووول تبارك الله عليك مانسيتي حتى وحدة
فضيلة يا عيني على اطايبك اممممممممم نموت على طيابكم ف برج بوعريريج
ماشاء الله هاااااااااااايل.. خاصة كسرة الشحمة تاعكم عييت نلقى وصفتها اللي بغيتها
ووووووووووو بزاااف اطباق تاوعكم يعجبوني

اهلا بالحامل والمحمول ....
كيف ننساكم ...سكنتولي في المخ ...ودرتو بلاصتكم في القلب ..قوليلي كيف ننساكم ....اعطيني وصفة لكان عندك ..خخخخخ

ام هدول · 2017-01-10, 12:39

يعيطك الصحة فضيلة وتوبة ....غديتونا ىعلكيف ..وهادي ليكم من بيت من هانك ....من قسنطينة

*توبــــة* · 2017-01-10, 12:59

ام عبيدة حنووونة ان شاء الله تعدلي الميكرو وتورجعيلنا بروحك المرحة

ام هدوووووووووول منى عيني تنوروني في دارنا ونغديكم كيما يحب الخاطر
بيتك لهيه راااااائع ماشاء الله.. ومانسيتيناش ف التصوير خخخخخخخخ

جبتلكم كيكة الميرانغ تشربو بيها قهيوة اممممممممم تهبل تهبل مع الوصفة
درتها كيما راهي دووووووووون تحريف.. مالغري موالفة نحرف الوصفات هههههه

حيووووووووووووووتة وينك اليوم

الغايبات على بالي بيكم بالوحدة راكم وراء الكواليييس.. اممممممممح ليكم

ام هدول · 2017-01-10, 13:06

اقتباس:

المشاركة الأصلية كتبت بواسطة luna mery

اهلا وسهلا ختي ..اتفضلي معانا ..كاش ما يعجبك

اقتباس:

المشاركة الأصلية كتبت بواسطة omjoujou

تفضلوا معايا غدايا باسم الله

بسم الله ...ماشاء الله

اقتباس:

المشاركة الأصلية كتبت بواسطة om obaida

البارح عشيت عيانة من الصيام محطيتش فطوري

شربة وكباب بالزيتون ولادي خليتلهم فريت ميحبوش الكباب بالزيتون

ربي يتقبل صيامك ...وصحة فطورك

اقتباس:

المشاركة الأصلية كتبت بواسطة ام سارة18

السلام عليكم وصح غداكم
جبتلكم غدايا ونتاع ليام اللي فاتو
سردين

اوملاث

شربة فارميسال

لي باط

زيتون بالفطر واللحم

طورننو او حلوة الطابع

امممممممممممممم.....ربي يبارك في الرزق

اقتباس:

المشاركة الأصلية كتبت بواسطة om obaida

اليوم فطوري جواز بالزيتون وخبز الباقيت لام وليد جاني هايل شكررررا ام وليد

وهذو درتهم لاولادي

بصحتك ...بالهنا والشفا

اقتباس:

المشاركة الأصلية كتبت بواسطة أم يوسف2

فطوري جواز خرشف لي تحب تجي مرحبا بيها🐓🐓🐓

ومطلوووووووع مازال مافطرتش هدا وين رايحة ناكل شكون تجي تونسني

كل يوم تعرضينا نغدو معاك ياريت كنت معاك ونونسك ونشبعك هدرة وماكلة

اقتباس:

المشاركة الأصلية كتبت بواسطة حياة نور الدين

تفضلوا عشايا البارح ليزابا تع الدجاج والدجاج هههه وشربة لا ديكور لا والو المورال 0 خخخخ

وهدا فطوري طعام باالبن بصح صورة من الارشيف واليوم مدرتش الفول درتوا سامبل ههههه

ربي يريح بالك ويهدي سترك

اقتباس:

المشاركة الأصلية كتبت بواسطة بيان 5

السلام عليكم حابة نشارك معاااااكم

اقتباس:

المشاركة الأصلية كتبت بواسطة بيان 5

اهلين بيان تشرفو بمعرفتك وباطباقك ...

اقتباس:

المشاركة الأصلية كتبت بواسطة حياة نور الدين

تفضلوا عشايا بقالي طعام انا والبنات كليناه بالحليب ون ع كلاه باللبن
ودرت الفول بالدجاج اممممم

وتالحمد لله حمدا كثيرا مباركا فيه

اقتباس:

المشاركة الأصلية كتبت بواسطة حياة نور الدين

صباح الانوار والمسرات واااع الكوزينة فااارغة وين راكم
تفضلوا تتقهواو ولا عاودوا القهوة فطير سخووون

يعيطك الصحة حيوتة رغم كل شي طيبي و تحطينا ...بصحتك ...

اقتباس:

المشاركة الأصلية كتبت بواسطة om obaida

حيوته ام امينة صباحكم بالخير

حيوته البارح بقاتل الماكلة من الغدا بصح جبتلكم التحليه

[center]

[/center

]

اقتباس:

المشاركة الأصلية كتبت بواسطة om obaida

حيوته كي تدخلي قوليلي كيفا تديري الفول بالجاج

انا مزال مخممتش في الغدا بلاك ندير فريت راهي يدي اللي كنت دايرتلها الجبيرة توجع عصرت بيها الكوات لبارح

الله يحلي ايامك

اقتباس:

المشاركة الأصلية كتبت بواسطة om obaida

السلام عليكم وصح غداكم فطوري اليوم والحمد لله

مليح كي لقتي غداك وغدا يسخف بصحتك

حياة نور الدين · 2017-01-10, 13:28

السيلام عليكن البنات كل واحدة باسمها انا راني شوية منريضة راسي راه قد الدار ههههه مرحبا بسؤالكم حبيباتي

توبة راني غير هنا حنونة وبصحتكم الارز وكبكة وكيفاش حتى محرفتيش غريييب ههههه

ام هدول بصحتكم البواقي حبيبتي

فضيلة يعطيك الصحة على الفطور حنونة

ام عبيدة توحشناك بزاااف حتى حنا وبلاصتك محفوظة اختي

ام يوسف اهلااا اختي منورة حنونة

انا فطوري كان بواقي والحمد الله ودرت عصيرالقارص بردت قلبي فيه خخخ اليوم يبحبسلي قلبي ههه والمورال بلاك يريح ويرتاح

حياة نور الدين · 2017-01-10, 13:29

وهدي سلاد دوفروي جابهالنا البارح مع لاكريم اممم تفكرت الصيف

اريج 07 · 2017-01-10, 13:55

هايات صخى غداكم حبوبات واااو دخلت على اسومتي حبيبة قلبي ااااه يامصيبة والله مااعتزلت المنتدى مي الوقت بح و زيد معنديش با نحط الصور عهههه

و عيني على اطايب برج بوعريريج ههههه ياك اسوم خخخخ

فضيلة بصحتكم امممم شهتيني

حيوته سلامتك حنونتي ولك تؤبري البي انشاءالله انا ولا نتي

ام هدول ياعبني على دارك في قسنطينة رووووعة و جملتكم اروع حبيبتي

ام اسلام لا خبر توحشتها

تفضلوا بعض اطباقي عيت نعدل مبعد نكمل الباقي

اريج 07 · 2017-01-10, 13:57

اريج 07 · 2017-01-10, 13:58

و هذا ارز ماماتي