الجزء 171 من واش طيبتي اليوم�� كوزينة اللمة والمحبة والبساطة ����

[oum ibrahim]

صباح الخيرات يا وردات
يعطيكم الصحة يا الحراير ماشاء الله عليكم عمرتو الكوزينة بمالذ وطاب ربي يباركلكم في ارزاقكم و يدوم النعم علينا وعليكم
حبيباتي الي سقساوني على قاتو اسبانيول
درت الوصفة نفسها نتاع فلة لكن تبعت تطبيق ام اماني واستعملت كاس 250ملل وتبعت كذلك نصائح الهام العجينة وزنتها و قسمتها 3كرات كبيرة متساوية وزنتها تقريبا 420 غ للواحدة والصغيرة 200 غ واستعملت ورق الطهي رشيتو بالفرينة وحللت فوقو العجينة وطيبتها في صينية الي في الصورة 40 على 30سم
الكريمة نقصت في كمية الحليب درت لتر غير ربع يعني نقصت كاس و4مغارف سكر و 3مغارف نشاء و2بيضات ولما عقدت الكريمة درتلها مغرف كبيرة لفاني و50 غ زبدة من 250 غ ولما بردت ضربت الزبدة بالبيترا وبديت نزيد الكريمة بالشوية حتى بياضت وتضاعف حجمها وزدتلها لفاني
وركبت الطبقات مع الكريمة وغلفت القاتو بالالمنيوم ودخلتو الثلاجة 24 ساعة وقطعتو خرجلي 24 حبة مستطيلة الشكل و مليحة يعني كبيرة والي تحب تقطعو مربعات صغيرة ممكن يديرلها حتى 40 حبة يعني زاكي ماشاء الله
ام الاء هذاك النهار شفت المادلان نتاعك روووعة ماشاء الله يا ريت لو سمحت تقوليلي المقادير و شحال درتي باه خرجتلك 50 حبة ولك الف شكر
غدايا باذن الرحمن حمص ولله الحمد و المنة
ام يسرى القاورية كل مانقول نسلم عليك ننسى يعطيك الصحة وتسلم اياديك الذهبية يا شاف هبلتيني بتيراميسو الاوريو هاتي الوصفة باه نشبع لسيح كما تقول ام مريومة البطبوطة

[oum ibrahim]

ام احمدي انا كي درتهم بقاولي حبيبات درتهم في كيس والى المجمد غدوة جبدتهم وسخنتهم في الفرن دقائق وحشيتهم ودرتلهم السكر والله تقولي هذاك وين طابو
ام رحاب العزيزة وشراكي هاذي غيبة حنونة على حساب مافهمت من كلام الاخوات الوالدة مريضة ربي يشافيها و يعافيها وتقوم بالف سلامة يا رب شفت العيش نتاعك نص صورة فقط ريوقي سالو امممممممم يعطيك الف عافية طيابك فيه لمسة سحرية نقولها ونعاودها
ام رويدة على سلمتك غاليتي و الف مبروك لاختك بزيان السعد و ربي يهنيها يااارب والقاتوات تحفة خاصة المشكلة تسلم ايديك
بيبا الحبيبة يا عمري على ضياء ماشاء الله عليه كبر ربي يحفظو و التارت اكيد تحفة من ايديك يا شاف والاكلير رووووووووووووعة الف شكر على الوصفة
ام هديل ريمة ايمان يمن ام جوجو حياة وكااااااااامل المتواجدات و الغايبات صباحكم ورد وعوافي
لاحظت غياب ام هدول ان شاء الله خير

[ام احمدي]

ميرسييي حنونة ام ابراهيم على الافادة وتاني ميرسييي على افاداتك في قاتو اسبانيول راني سجلت كامل واش قلتي ربي يسهلك يااارب
حياة يعطاك الصحة نضتي الصباح درتيهم ربي يبارك عليك
مشكلتي في النوووم من وراء الفجر منقدرش نقاومو خخخخ

اليوم غدانا دجاج بالرز تاع ام وليد شهاتني فيه كوثر بصحتكم كاااامل

[om kamilia]

صباحكم سعيد سامحوني ماعلقتش على حتى واحدة
ان شاء تكونو بالف خير

[x ام رحاب x]

ماعرفتش على من انعلق الله ايبارك عليكم جميعا والله راكم تبدعو وكل حاجة من يديكم تحف فنية تسلم الايادي كل وحدة باسمها الله ايبعد عليكم العين وايبارك في رزقكم ان شاء الله
ام ابراهيم اهلا وسهلا حنونة وربي يخليك على الدعاء تسلمي واكلي وين ايبان مع اطباقك يالعزيزة شكرا حنونة

[أم لجين هيثم]

صباح الخير عليكم ويوم موفق للجميع
ماشاء الله عليكم
أم رويدة البقلاوة والمشكلة روووووعة والعصر واللامونةراهم يشهيو بصحتكم والف مبروك على اختك
آسيا بالسم الله ماشاء الله اطباقك وطريقة تقديمهم رووووعة ونقلك راهو عندي زوج بلا زواج هههه راكي فولتيلهم هههه
إيمان يمن حلوياتك هايلين ومتقونين يعطيك الصحة
حياة بصحتكم ليبني خرجولك فور حتا انا منحبهمش فارغين نحبهم بطبط ين ههه
بيبي عيد ميلاد سعيد للأمور لعقوبة ل100سنة كلشي حطيتيه فووووور كيما العادة يعطيك الصحة
ام رحاب صباح الخير حبيبة وشراكي والشفاء العاجل لامك يا رب
أم هديل وام محمد وسيم صباح الخير عليكم

[oum ibrahim]

ام احمدي انا تاني كيفك في النوم هههههههه نضت صليت و عجنتهم وخليتهم يخمرو ولما نضت حللت وقطعت وبيدما تسخن الزيت يكونو خمرو ولما نحط الحبة في الزيت نستناها شوية تبدا تطلع وحدها من بعد نرمي عليها الزيت لانو لاحظت انو كي نحط الحبة ومباشرة نرمي عليها الزيت سخون ما تطلعش مليح والله اعلم هذا واش لاحظت ماشي غير هذي الوصفة حتى في وصفات اخرى كنت جربتهم من قبل
على ذكر زينوبة الف الحمد والشكر لله على سلامة اختك صدقيني غير كي قريت خبر شفاءها عينيا دمعو حسيت برحمة ربنا الواسعة
اللهم لك الحمد حتى ترضى ولك الحمد اذا رضيت ولك الحمد بعد الرضى

[أم لجين هيثم]

صباح الخير أم إبراهيم يعطيك الصحة على النصائح خرجلك القاطو هايل
غدايا بإذن الله شربة فريك حميس إلا متبظله

[oum ibrahim]

ام كامي وام لجين صباحكم ورد يا غوالي
ام رحاب ولووو العين ما تعلاش على الحاجب وين يبان طيابي قدام فنك يا العزيزة تسلميلي يارب

[x ام رحاب x]

ام ابراهيم ايتها المتواضعة ربي يبارك في يديك يتلفو في الحرير وربي يخليك على كلامك الطيب تسلمي
ام لجين واش راكي حبيبتي وربي يخليك على الدعوة شكرا واطايبك فن حنونة تسلم ايدك

[x ام رحاب x]

انخليكم ربي يعينكم جميعا ويوم موفق للجميع

[وردة الرمال43]

صباح الخير حبيباتي نهاركم زين ومبروك وربي يجعله مليئ بالالاخبار السارة والصحة والعافية
سامحوني حبيباتي راني غبت ليامات هاذو لاني مشغولة شوية راه زاد عندنا مزيود جديد اول حفيذ للعائلة تاعنا ابن اخي اسمو * كنان عبد الصمد * ربي يعيشو ويشفي امو ويرزق الجميع
وسامحوني نغيب ليامات هذو مناه وليت نسخف بززززااااااااااف مع الخيرات تاع حباباتي الله يبارك والله وليت مانقدر هههههههههههههههههههه واش نطبق واش نخلي
وسامحوني مانقدرش نحط الصور والله موجدة بزاف صور بصح الله غالب وجبتلكم الفال- الباروك - تاع كنان مي دوماج

[um alaa]

صباح الخيرات حبيباتي
راني حايرة اليوم هدا وين فطنت ليل كامل ما رقدتش بالسطر تع ظهري
راجعت غير هاد للصفحة اسيا على سلامتك و الحوت روووعة بصحتكم عندي تلاتة ايام و انا نستنى فمول السردين يجي ماجاش لوكان ما حوستش عليه يجي خخخخخخ

ام برهوم تسلمي ع للإجابة بالنسبة المادلان درت وصفة المادلان المسروق تع اللهلوبة الوصفة*4يعني 12 حبة بيض
جاوني بالضبط57حبة
ام رويدة البصحة و الهنا لاختك ربي يحميها أن شاء الله للحلويات روووعة و شفتك تطبيق تع العصيرر يهبل بصحتكم
ايمان يمن الحلويات رووعة
ام محمد وسيم على سلامتك هادي غيبة
بيبا عيد سعيد النور ربي يكبرو على الدين و الطاعة و تشوفيه فاعلى المراتب
ام رحابو ربي يشفي الوالدة أن شاء الله و مشاء الله على الخيرات اللي جبتيهم معاك
ام يسرا يييي على المسمنات يهبلوما شاء الله
حيوتة يعطيك الصحة على القهوة و البينيي تحفففففة
ام هديل و ام احمدي ام لجين و ام كامي و ووردة الرمال و ام جوجو منورين الكوزينة
ام هدووول وين راكيييي ؟؟؟؟؟

[وردة الرمال43]

هاكم الفال تاع المزيود --- كنـــــــــــــــان ----- من النات ههههههه
https://www.up.djelfa.info/uploads/147747098633891.jpg

[وردة الرمال43]

يعطيكم الصحة كامل وربي يبارك في خيركم وصحتكم وربي يدوم النعم كامل