الجزء163من كوزينة واش طيبتي اليوم ؟؟.؟؟؟.؟؟ - الصفحة 61

oum islem · 2016-04-28, 07:38

اقتباس:

المشاركة الأصلية كتبت بواسطة اسمهان79

مساء الأنوار حبيباتي
نتمنى الكل يكون بألف خير وصحة وعافية
اسمحيلي أم إسلام على تقصيري في المشاركة صابريني شوية حبيبتي
شفت الرفيس نتاع الجمان قتلني الله يبارك راكي عزفتي على الوتر الحساس هههههه
ماشاء عليكم كامل يا حراير الجزائر لعزيزة على قلوبنا

نورتيني أختي وحبيبتي الغالية على قلبي سامحيني انت على تقصيري في السؤال عليك ان شاء الله راكي أحسن
ساعة على ساعة ادخلي طمنينا عليك يا غالية
وكي تحبي الرفيس ادي معاك هاد الطبسي

بالصحة والهنا على قلبك حبيبتي

oum islem · 2016-04-28, 07:41

اقتباس:

المشاركة الأصلية كتبت بواسطة اريج 07

الله يعطيك صحتك اريج على هداك السني متول ومنظم كما يحب الخاطر
فحلة خموس عليك

ام هدول · 2016-04-28, 07:42

صباح الخير عليكم ...جبتلكم من عند عمي قوقل باش تتقهاوا الصباح.....خخخخ.......

oum islem · 2016-04-28, 07:47

اقتباس:

المشاركة الأصلية كتبت بواسطة اريج 07

راكي قتلتينا بخيراتك اريج الفحلة وين كنتي مخبية هاد الخير كامل
وغريبية الورقة ولا اروع واش من وصفة طبقتي ؟؟؟
ربي يحفظك ما شاء الله عليك

oum islem · 2016-04-28, 07:52

اقتباس:

المشاركة الأصلية كتبت بواسطة حياة نور الدين

البنات تفضلوا عشايا النت راه ثقيلة

ارز اكسبرس ليا

والرفيس الغليزاني ابناتي وزوجي

مع أم وليد مش حتقدر تغمض عينيك خخخ هايلة حيوتة بصحتك الروز اكس براس وقوليلي الرفيس الغيليزاني كيفاه ديروه ؟؟؟

omjoujou · 2016-04-28, 07:55

ام هدول صباح النور
ام اسلام نسيبتي ربي يحفظلك اسلامو وان شاء الله تشوفيه في اعلى المراتب
هاذ الصباح لبزت لي بابا لام وليد الصراحة اول مرة نجربهم في الدار وراني راضية عليهم بحكم اول مرة نجربهم خخخخخخ

oum islem · 2016-04-28, 07:56

اقتباس:

المشاركة الأصلية كتبت بواسطة omjoujou

السلام عليكم ورحمة الله وبركاته
صباح الخيرات والمسرات

ام اسلام لعزيزة شفت الامبة تاعك شاعلة قلت ندخل نصبح عليك
انا راني نلبز في حاجة لام وليد هيا حزري وفزري وش هي اذا جات مليحة نحطها
نروح نكملها وامبعد نرجع نراجع
يوم موفق للجميع
سلاااام

صباح المحبة والسعادة ام الجوج انا في بالي بتي فوووغ ولا السفنج ؟؟؟

oum islem · 2016-04-28, 08:07

اقتباس:

المشاركة الأصلية كتبت بواسطة مسلمة بالفطرة

صباح الخير لكل الأخوات راح نخرج لعشية مع أختي حابة تشرحولي واش نقدر ندير بالسوبر كرام تحشيو بيها لي تارت و لا نديروها فقط للتزيين او كيفاه جي خفيفة و لا ثقيلة ان شاء الله نلقى عندكم الإجابة

نهارك زين وموفق مسلمة
سوبر كرام تقدري تحشي بيها لبسكوي رولي وديريها كطبقة في سلاطة الفواكه وتزيني بيها لي تاغت تخرج هايلة كي ديريها طبقة رفيعة فوق كريمة الشونتيي وتزيني بها الحلويات كما الجنجلانيات والخاتم وحريم السلطان .....وتقدري ديريها فوق الفواكه لي تزيني بيهم لي تاغت تحشي بيها السفنج وزيدي اصبري يدخلو لبنات يعاونوك واشريلي معاك واحدة راح ندير ميني بيسكوي تاع ليزا خرجو يهبلو بيها وتاع الفراز هي ألذ ذوق وقوامها كما المعجون وعندها نفس الاستعمال معاه

oum islem · 2016-04-28, 08:11

اقتباس:

المشاركة الأصلية كتبت بواسطة ام هدول

صباح الخير عليكم ...جبتلكم من عند عمي قوقل باش تتقهاوا الصباح.....خخخخ.......

صباح النور أم هدول يبان لكروكي مخدوم بالزبدة

oum islem · 2016-04-28, 08:18

اقتباس:

المشاركة الأصلية كتبت بواسطة omjoujou

ام هدول صباح النور
ام اسلام نسيبتي ربي يحفظلك اسلامو وان شاء الله تشوفيه في اعلى المراتب
هاذ الصباح لبزت لي بابا لام وليد الصراحة اول مرة نجربهم في الدار وراني راضية عليهم بحكم اول مرة نجربهم خخخخخخ

أم جوجو علاه كيفاه جاوك ؟ناشفين ؟ حتى انا جربت شحال من وصفة من المنتدى ومن النت وعجبتني وصفة حنان هي لي معتامدتها حاليا
وراكي فتيهم شوية في الطياب بصراحة قوليلنا نجربوهم ولا ﻻﻻ أم وليد راهي راقدة جاوبيني على الخاص اذا أحرجك السؤال

أم لجين هيثم · 2016-04-28, 08:25

صباح الخير على وجوه الخير نتمنى تكونو كامل لاباس
كنت نراجع يعطيكم الصحة كامل حراير الله يبارك
شفت تارت الفراز أم ابراهيم خرجتيها روعة خدمتك خير من الباتيسري يعطيك الصحة
الاخت اريج ماشاء الله عليك اطباقك وحلوياتك روعة تسلم يديد
ام جوجو بصحتك العشا جلبانتك هكذاك نحبها ولي بابا خرجولك هايلين بصحتكم
حياة عجبتني مع ام وليد مش حتقدر تغمض عنيك وبصحتكم الارز ورفيس
ام هدول اهلا بيك وبفطورك
ام ياسين بصحتكم التليتلي وطلي علينا سعا سعا
اسمهان فرحت كي شفتك دخلتي ربي يشفيك وتولي لينا باطباقك المميزة

أم لجين هيثم · 2016-04-28, 08:28

اقتباس:

المشاركة الأصلية كتبت بواسطة oum islem

أم جوجو علاه كيفاه جاوك ؟ناشفين ؟ حتى انا جربت شحال من وصفة من المنتدى ومن النت وعجبتني وصفة حنان هي لي معتامدتها حاليا
وراكي فتيهم شوية في الطياب بصراحة قوليلنا نجربوهم ولا ﻻﻻ أم وليد راهي راقدة جاوبيني على الخاص اذا أحرجك السؤال

صباح الخير ام اسلام
لحبيتي نعطيك وصفة للبابا معتامدتها من زمان عطتهالي وحدة تخدم الحلويات باتيسري روعععععة كيما تاع الباتيسري جربيها ورجعيلي لخبر راهي في وصفات لحراير ولا مصبتيهاش نعاود نكتبهالك معرفتش نحط الرابط بالطابلات

oum islem · 2016-04-28, 08:28

حياة وأم جوجو ومسلمة وأم هدول وكل الملتحقات صباحكن سعيد حبيباتي

ام رحاب حبيبتنا الغالية طمنينا عليك طولتي الغيبة ان شاء الله صحتك بخير

ليزا عندك مدة ما دخلتيش وين راكي غاطسة حبيبتي غير الخير ؟؟؟

غدانا اليوم عدس وكسرة رخسيس محمرة كما الغدا تاع طاطا أم تاجو

أم محمد تاج · 2016-04-28, 08:32

صباحاتي بطبوطاتي الحلواااااات
ههههههههههههه يعطيك الربح ام اسلام على ام وليد راقدة ههههههههههههه والله ضحكت بالدموووع مصيبة
واااي البسكرية ماخليتي فيا رواائع الله يبارك ويزيدك يالفحلة
الجمان ام سيدرا زيكا حيوووتة ام اسلام تبارك الله عليكم يابطااات
اسمهان حبيبة الروح على سلامتك وبزايد ماتلومي في روحك غير ادخلي طمنينا وبزايد
عاشمن شافك ام ياسوو يا اغلى داية وبصحتك الرشتة شفتها هباااال كي تنوضي كي الزوبعة الرملية هههههههههه
حبيباتي نكمل مراجعتي ونرجع
غدايا بربووووشة بالدجاج والخضر سمعتي زيكا هههههه
حقة ام جوجووو لي بابا صح فوتيلهم طياب حنووونة بصح علاش روطب من فوق مايش كيما المسكووتة??? يعطيك الصحة مواااح

oum islem · 2016-04-28, 08:32

اقتباس:

المشاركة الأصلية كتبت بواسطة أم لجين هيثم

صباح الخير ام اسلام
لحبيتي نعطيك وصفة للبابا معتامدتها من زمان عطتهالي وحدة تخدم الحلويات باتيسري روعععععة كيما تاع الباتيسري جربيها ورجعيلي لخبر راهي في وصفات لحراير ولا مصبتيهاش نعاود نكتبهالك معرفتش نحط الرابط بالطابلات

صباحك صحة وسعادة أم لجين طبعا يهمني الوصفة من عندك بلا ما نتعبك قوليلي أما جزء وانا نحوس عليها نموت على الوصفات المضمونة