السلام عليكم مرحبا بكم معي في الكوزينة147 شعارنا نعم للتفاؤل - الصفحة 61

x ام رحاب x · 2015-10-06, 16:41

مساء الخير بسمة واش راكي وربي يعينك على الضياف سقسيني انا الي نعرفهم مايريحش ابدا

بسمة2003 · 2015-10-06, 16:42

سرور حبيبتي كيما قالتلك لخيتي ام رحاب ماتيبسييش العجينة وزيدي اعطيها وقتها في التخمار وحلي القرضة رقيقة ومتعمريش السنيوة شوفي ظرك نحطلك رابط ليزا وشوفي الأخت كيفاه جاها خفيف

بسمة2003 · 2015-10-06, 16:46

الحمد لله راني لاباس انا العوام هاذو عدت نعيا بزاف واقيلا الكبر ههههه ومع عندي اللارني هاذاك هو مايعيينش الطياب يعييوني الماعيييين

بسمة2003 · 2015-10-06, 16:49

https://www.djelfa.info/vb/showthread.php?t=1769535سروووووووور جربي نتاع ليزا وعلى ضمانتي والضامن ربي
وزيدي سقصي وعاودي واحد مازاد متعلم

زهرة الريف* · 2015-10-06, 16:50

أم رحاب ياطيبة يالحنينة ذوقك لي راقي حنا الشخشوخة نتاعنا جي رقيقة ونسقيوها بالمرقة عكس لي باغية نتعلمها في خاطر زوجي
أم إسلام اطباقك نغير منهم يقتلوني وزيد انت تعرفي تزيني انا شوي نقلق ساعات مايكونش عندي الخاطر نعقب بارك
والشخشوخة كما قلتي بصح تختلف في الطياب شوية جي خشينة وتجمر ماتسقاش وجي حارة ويقدموها مع شوي دهان واللبن
الحقيقة بنينة بزاف
أم بيسان ارواحي نحطك فوق راسي
أم حبوبة شوفي نعلمك الشخاشخ ولاتحبي نخدمهم وندزهملك بصح علميني الكلام الحلو والهدرة الزينة نتاعك نموت عليها

سرور2 · 2015-10-06, 16:52

اقتباس:

المشاركة الأصلية كتبت بواسطة بسمة2003

سرور حبيبتي كيما قالتلك لخيتي ام رحاب ماتيبسييش العجينة وزيدي اعطيها وقتها في التخمار وحلي القرضة رقيقة ومتعمريش السنيوة شوفي ظرك نحطلك رابط ليزا وشوفي الأخت كيفاه جاها خفيف

اخت بسمة وام رحاي العجينة فدقتها ديك الخطرة وخلتها تخمر حتان طلعت مليحباش طيبتها بصح جاتني معجنة معرفت المشكل وين ان شاءالله بشوية حتان نتعلم

om wassim · 2015-10-06, 16:52

لبنات تعيشو اعطيولي طرقة ليزا فال لحم مفور بليز

أم أماني وعبدو · 2015-10-06, 16:53

مساء الخير ام رحاب ربي يتقبل منك المعروف والله غير اتديرها لام لبنتها والا الاخت لاختها ربي يحفظك يا لحنينة
ما شفتوش الجفنة اللي حطيتها لام تاج في الصفحة 57؟

ام احمدي · 2015-10-06, 16:55

اقتباس:

المشاركة الأصلية كتبت بواسطة om wassim

لبنات تعيشو اعطيولي طرقة ليزا فال لحم مفور بليز

اللحم مفور lyzzabel

نجييب اطرااف تااع الكتف من الأحسن نتقبهم بالموووس و نغرس فييهم فصوووص ثوووم و نحضر التتبيييلة لي هي الملح و الفلفل الأسود و شويييية برك كموون و نراابي بصلة صغيييييرة و نخلط كلشيي و نطلي اللحم من كل النواااحيي ،، خليييه يتشرب مليييح و مادا بييك تحضرييه فاللييل و تبيتييه فالثلاااجة ولا الصبااح و تطيبييه فاللييل ،، ديري المااء يغلي فالقدرة و حطيي اللحم فالكسكااس تنجمي تحطي علييه ورقاات رند و غطييه بطرف بلااستيييك و زييدي الغطااء تاعه من فووق و خلييه يطييب على ناار قلييلة ،، يدي شوية وقت بصح يجي بنييييين ،، كي يطييب حطييه في طبق الفرن مع شوييييية برك من الصلصة لي هودت فالقدرة و ادهنييه بشوية مارغريين و حمرييه فالفرن و قدمييه بالف صحة و هناااا.

x ام رحاب x · 2015-10-06, 16:56

اقتباس:

المشاركة الأصلية كتبت بواسطة oum ibrahim

صباح الخيرات يا الحراير يومكن موفق و مبارك
هذا الزرير خص نص للداية المسرارة درتو البارح بردت قلبي فيه في الفطور السخفة واش تدير ههههههههه على فكرة زينتو تزيين بسيط بصح عمرتو قلوب من محبتي لسكرتي ربي يشافيها
ام ياسين نعرفك تموتي على القهوة

وهذا رولي الخبز لاستاذتي رووووووووعة يعطيك الف عافية و ربي يهني بالك

شوفو العجينة و خفتها

وهذا لحم مفور لما طاب دخلتو الفرن يتحمر و البطاطا تاخذ بنة اللحم جا اممممممممممممم

و لله الحمد و المنة على ما اعطى

كلش من تحت يديك تحفة حبيبتي تسلم ايدك

x ام رحاب x · 2015-10-06, 16:58

اقتباس:

المشاركة الأصلية كتبت بواسطة سرور2

اخت بسمة وام رحاي العجينة فدقتها ديك الخطرة وخلتها تخمر حتان طلعت مليحباش طيبتها بصح جاتني معجنة معرفت المشكل وين ان شاءالله بشوية حتان نتعلم

المشكل انك كثرتي الكمية في السنيوة بلاك السنيوة صغيرة والعجينة اكثر من السنيوة

باسم وبيسان · 2015-10-06, 17:00

شكون تعطينى خبز رولى لدارتووو ام ابراهيم تعيشووووووووووووو
..............واينكم

سرور2 · 2015-10-06, 17:01

محستهاش العجينة بزاف ومنعرف نخليلمعلم يخرج من ولا من ونعودها ههههههههههههههههههه

الاخت لعطاتني الرابط لعجين باين يلسق في اليد ولاراني غالطة يعني مرخوف

x ام رحاب x · 2015-10-06, 17:01

اقتباس:

المشاركة الأصلية كتبت بواسطة أم أماني وعبدو

مساء الخير ام رحاب ربي يتقبل منك المعروف والله غير اتديرها لام لبنتها والا الاخت لاختها ربي يحفظك يا لحنينة
ما شفتوش الجفنة اللي حطيتها لام تاج في الصفحة 57؟

شكرا حبيبتي ربي يخليك بصح رانا اخوات عند ربي وانا وعدتها ومانحبش نخلف الوعد وشريت شكارة كبيرة تاع الحلوة غدوة تديها بنتي معاها للمدرسة وتفرقها للدراري

x ام رحاب x · 2015-10-06, 17:03

اقتباس:

المشاركة الأصلية كتبت بواسطة سرور2

محستهاش العجينة بزاف ومنعرف نخليلمعلم يخرج من ولا من ونعودها ههههههههههههههههههه

الاخت لعطاتني الرابط لعجين باين يلسق في اليد ولاراني غالطة يعني مرخوف

لعجينة الي طيبيها في الكوشة ماتخافيهاش كي اجي مرخوفة علاخاطرش اتقرصيها في السنيوة واتخليها تخمر