دورة فراشات تزهو بالألوان بيوتهن قمة في النظافة و التنظيم و التدبير و الاتقان

[samira1980]

ام هزار اريد ان اقول لكي و انت تتكلمي و توصفي في بنتك نحسبك تتكلمي على بنتي
بنتك نفس طبائع بنتي و راني تعبانة معاها ياس بصح راني مع نصائح الاخوات و تجربتهن شوية بدات تتبدل للاحسن
مثلا اليوم راها رقدت الان من قبل كانت تفوت منتصف اليل
الحمد لله قدرت نبدللها ياسر حوايج
لا تخافي راها رايحة تتبدل ان شاء الله

[titi119]

المشاركة الأصلية كتبت بواسطة سعيدة8888

بنات ارجوكم دخلت عاجلة
بماانو كاين نسبة كبيرة من البنات
حبيت نسقسيكم انا عندي مشكل شفاهي ديما ناشفين و مشقين ياريت تساعدوني يكاش وصفة مجربة
وشفت المشكل عند بنتي مرضت بالحمى نشفو شفاها وتشقو وحتى ريحت من الحممى بقاو ناشفين مع العلم انو بنتي عمرها سنوات
ربي يجازيكم
تصبحو بخير

انا في الشتاء نستعمل هذ الفزلين الخاص بالشفايف سعر ديالو 80 دج كل 3 سوايع ديريه

وفي الصيف نستعمل هذا

[فراشات العمر]

السلام عليكم
صباح الخير عليكم يافراشات
صباح الربح وعمل الخيرات
صباح النور والبهجة والبسمات
صباح الانوثة والرقة والخضروات ههههههههههه مالقيتش كلمة مع الصباح

[حبيييبة]

ما اجمل هذا الصباح
الذي اجتمعت و إأتلفت فيه الارواح
على محبة الله و طاعته

[حبيييبة]

صباح الخييييييييييير غاليتي فراشات العمر
يا عيني يا عيني على التصبيحة الجميلة حبيبتي
يا عييييييييييييييني على القاااافية
هههههههههههه

[فراشات العمر]

السلام عليكم
اختي حبيبة ماقدرتش نكتب التطبيقات اسمحيلي برك ماتنقسيليش النقاط ياك رانا قع خاوة كيما يقولوها نا الغرب
واه واه
المهم تطبيق نهار الاحد
كي العادة الصلاة واذكار الصلاة ماقدرتش نزيد
مكياج حفيف للوجه ندهنو بالفزلين ثم كريم اساس وكحل للعنين الكحل العربي وروج بعد فازلين كيما لي دارتو الاخت من قبلي لي راه في الصورة مع تراسور بعد مانكون نطفتو بحليب اظفال تاع ابني مانعرفش حاجة اخرى
الجانب التنظيفي خرجت كامل القش تاع الافرشة فوق السطح لكن قبل ذالك عمل بخاخ فونتولين وسمبيكرورت باه ما تحكمنيش الخيقة
تقول تسلقت جبل عييت
جبت باسين وعمرتها ازيس وجافيل وحكم الجدران حكيتهم وشليتهم
طرحت السجادتين واحدة تاع بلاستيك واخرى طابي راغيتهم وروليتهم وخليتهم برتابو وخرجتهم للحوش كان يخلع شتاء كامل نانخرجوش ليه المهم بعدت الخزانة ريسكيت بالجرح سيزاريان ونفضت من وراها ومسحتها مليح
رحت لخزانة التلفاز كذلك دوشتها المدفاءة بعد ماطفيتها وبردت دوشتها هي ثاني ومسحت القصب لي يخرجو الغاز المحروق وسيقتها الشمبرة مليح مليح ورجعت نسيت التاقة تاع المنيوم ثاني مسحتاه نولات تبرق ومسحت واش طاح في الارض وخرجت بلا ما ننسى وضعي لخماري خفت خاوة راجلي يشوفوني يحرقني ربي
قريب12:30 وجدت الغدا كان عندي في الثلاجة من بعد عيطلي راجلي قالي راني جاي وجديلي لغدى بعد ما قلتلو اتغدى في الخدمة
وليت درتلو الكسكاس تاع البارح
وخرجت كملت سيقت الحوش باه نشلل فيه الزرابة وخليتهم يقطرو ودخلت للهول كذلك سيقتو بهدت البيفي نتاع الميكرو ومسحت غبارو وغسلت تاع الصبابط ومسحتها ومسحت الصبابط وعاود نظمتهم
وسيقت الهول ثاني مليح مليح ومدوشت الفورنو تاع الهول كي خلست تكسلت شوية اذن العصر بعد ماصليت طلعت دخلت القش تاع الفراش وعدلتو في بلاستو وخرجت الغسيل ينشف لفوق
درت السباق مع الغسالة بلا ماننسى ابني رائد كل دقيقة ينوض
وفي لعشى درت طاجين البسباس بالكسر خبزتها والماعن عييييييييييييييييييييييييت ماقدرتش خليتها لغدوة

[فراشات العمر]

نسيت ماقلتلكش قبل ماندير المناج حكمت زيت الزتزن وعمرت شعري ودرت الساشي ومن فوقو البوني تاع ابني كي خلصت لغدى غسلتو
اخخخخخخخخخخخخخاه نسيت لفطور وراجلي ذركك يدخل ايا بالسلامة

[ام اكرم31]

صباح الخير يا وجوه الخير الحمد الله ربي وفقني ونضت صليت الفجر وقبل ما يصوني المنبه لاني مكونتش عارفة الوقت بالضبط غير فتحت عيني صبت الادان يادن حمدت ربي وتفكت بلي الفرشات تاني ناضو يصلو نضت صليت ودك راني نوجد في وليدي باش يروح يقرى ممبعد نزيد نكمللكم واش درت في يومي نتمنى لكم يوم جمميييل

[omselma]

صباح الخير صباح الورد والفل والياسمين على الاخوات اناسامحوني ليوم مسمعتش الاذان نضت على 6:30 مانيش شابعةنوم المهم المشكل تاعي واللي راني حابة نبدلو هو كي نوض بعد مانغسل وجهي ونمشط شعري نروح طول نوجد لفطور لزوجي ولات في طبيعة مكانتش عندي نولي نرقد بصح مبعدا كي نوضلها منحبسش عليها( الخدمة تاع الدار)هل راني هكدا نورمال ولا نبدل هاد العادة اللي عندها وجهة نظر تقولي عليها

[فراشات العمر]

خرجتهم من الدااااااااااااااااااااار














حبيت كمل شغلي واش درت البارح
عادي مكياج خفيف وضرك مازالمادرتوش حكمت المطبخ نفطتو مليح مليح بعد مالميت لماعن بجيه رحت مسحت ايتاجاراتو شارية زوج واحدة ااماكولات والاخرى واحد لتخبية الرفيطايمة والاخر ربوات ولمول و..............
حكمت الغسالة ودوشتها ونشفتها وبدلت بلاصتها هي ولتاجار غسلت السلة تاع القش وقلبت القش مسحت الفريجيدار راح منتصر ندبلها بالدا لحمر المهم بعدها نصبت وغسلت لماعن ورحت درت تابي يترنخ في الما مع تاع المطبخ وخليتهم وزيد رحت للتوالات درتلها نطاف وخليتها
وليت للماعن وكملتهم سيقت الارضية ولميت الما بالمكنسة والجاروف في دلو صغير وعاودت مسحتها بالجافيل والما مسحت الكوشة الفور ورتبت فوق البوتاجي ووورتبت من فوق البوتاجيحكمت بدون الزبل كبت فيه الم ان شاء الله اليوم نغسلو
تغدينا ومديت لمعتصم باه يشريلي المارغرين ملي خرج ما ولى قلقت عليه بزاف وليت عيطت عيطت حتى جا وقالي راحولي صوارد قريب نبكي هههههههكي قلتلو روح حوس عليهم ماحبش زد كرزت وحلفت فيه وزيد النت ماكاش رايحة نبكي غرغرو عينيا ههههههههههه كي نطرت للمودام بانولي اكل شاعلين كي خزرت مليح لقيت زوج برك هههههههوليت نضحك
المهم حبيت ندير القاطو خفيف ويذوب فب ي الفم وزيد قالت يطيح 155 حبة عجبني هههههههههههه شريرة
وزدت بعد مصليت العصر نصبت القدرة خبيت الكوكوط درت مرقة خضرة وسلاطة
درت تحلية بالليمون جديدة عليا ونجحت لان زوجي عجباتو وقالي يعطيك الصحة
وليت خدمت القاطو بعد ما خبزت زوج كسرة منتصر كيجاتو المرقة سخونة حطهافي التاقة ويقلب الطبسي ستر ربي ماتكسرش المهم قتلو احكمل خوك وانا نديرلكم القاطو وزيد رائد هذ الايامات عاقل وهذ السمانة دار رايو فيا على ما كبر نشء الله ونحكيلو هههههههههه
ماخلصتش حتى 12ونص نتاع الليل والصلاة على الحداش ونص باه صليت العشاء كي جيت نرقد ناظ بصح ثمثم ولا رقد بصح ضهري والله ماقدرت ننسجد الم في الم بين كتافي وكتفي ضربني لهوىفيه
حبوبة اقراي واش درت حتى تعياي
الكيمونو نتاع الجيدو لحتو في الغسالة مع الجافيلزمن بعد رجعتها بيبي كوتون درجة الحرارة 95 كي قريب تخلص كبيت الخل الابيض وخليتها ومن بعد شللتها مليح خرجت ناصعة الحمد لله

[فراشات العمر]

انا مانديرش البودرات والفوندتانات بزاف نحكم صابون القالب نغسل بيه وجهي ونشفو وندير العسل الحر لكامل وجهي ونخليه تقريب ساعة ونمسحو بقطن مبلل بالما وندير من بعد كريمة اساس وزيد كينمسح شعري بزيت الزيتو نمسح وجهي كيما قالتلنا بنت الصحرة فاطمة بشار او نافلة

[ارزاق]

صباح الخيرلت علي الفراشات شكرا اختي حبيبة علي الرد الجميل راح نطبق واش قلتيلي نشالله ممكن تنصحيني بعناوين كتب نقراها باش نتحكم في القلق والتوتو وشكرا لك اختي

[nina mima]

السلام عليكم شكر حبيبة على الرد ساجيب عن الاسئلة بالترتيب اكره نفسي لفشلها في العلاقات الاجتماعية لصعفها لخوفها لحساسيتها الزائدة لصوتها المرتفع لنفزتها وعصبيتها لكسلها لترددها وانطوائها اشعر انها تخطا لكن لا ما هو الخطا ولست راضية على افعالى نعم ممن حولها لايحبونها ولااشعر باحترامهم دائما اتنازل من اجل الاخرين اشعر انني بعيدة عن ربي مما يزيد من اكتئابي الصورة الاولى نساء بحثات عن الحرية والخلاص للانطلاق الثانية قلوب تعيش بسلام وحيوية

[أم ضياء عبد الرحيم]

صباح الفل و الياسمين على احلى فراشات في العالم
كيف الاحوال صديقاتي
ما زلت ما رجعتش الردود سامحولي
اليوم بما انه اليوم المخصص للتجميل و العناية
جبتلكم وصفاتي التي اعتمدها منذ سنين
اولا نحب نقولكم انا بديت بتجربة الوصفات الطبيعية من سنة 2006 تقريبا و جربت معظم الوصفات المتواجدة في النت الي تكون مكوناتها متوفرة بالطبع و تركز على الاشياء الطبيعية يعني عندي خبرة لا يستهان بها لكن كي تزوجت هنا في فرنسا ميش دائما نلقى المكونات سعات نجيبهم معايا من البلاد لكن بالخف يخلاصوا لكن بقيت محافظة على هته الوصفات لانها في نفس الموقت مكوناتها بسيطة و نتائجها فعالة بالمداومة طبعا
ثانيا حبيت نقولكم بلي الوصفات الطبيعية مفعولها يطول باه يظهر لكن مع الوقت النتائج تكون رائعة خصوصا انها ما اتعبش البشرة مثل المنتجات الكيميائية لكن الاكيد انه مع اول استعمال راح تحسي بانتعاش و نظافة و ملمس رائع و الاهم يطلعلك المورال كي تحسي روحك تهتمي بجمالك هو نفس الاحساس كي نبداو نمارسوا الرياضة تحسي روحك خفيفة نشيطة و جميلة
و عندك ثقة بنفسك اكثر
المهم حبيت نقول الاهتمام بالنفس لازم يكون بطريقة منتظمة باه يظهروا النتائج انا بديت في العشرينات من العمر و الان راني في الثلاثينات و صدقوني الي يشوفني ديما يعطيني اقل من عمري بكثير لاني نحاول ديما نعطي لنفسي الوقت اللازم لرعايتها و الاهتمام بها منيش مهوسة بالجمال لا لكن نحب نهتم بنفسي فقط
علابالي كثرت الكلام ندخلوا في الموضوع

الوصفات تاع اليوم هزيتهم من منتدى عروس للعضوة بنت عذاري ربي يعطيها ما تتمنى ما تحطش وصفة غير اذا كانت مجربتها و معتمدتها و بمكونات طبيعية

الوصفة الاولى مقشر شهر العسل
ما تقولوش رانا متزوجات و بالاولاد واش بقالنا شهر عسل لا ان شاء الله حياتنا كامل تكون شهر عسل
الكتابة باللون الاحمر هي ملاحظاتي اما الباقي نقلتلكم كلامها بالحرف و الصور بالطبع صوري و تطبيقي

المكونات
. زجاجه محكمة الغلق مغسوله بالبيكنج صودا والماء الساخن لتعقيمها.

كوب ونصف سائل استحمام ماقبل النوم من جونسون - bedtime bath by JOHNSON
( ممكن مضاعفة الكميه اذا كانت زجاجتك كبيرة الحجم )
انا مالقيتش هنا في فرنسا هذه الماركة استعملت نوع اخر مخصص ى للرضع

كوب ونصف دقيق رز/ طحين رز/ رز مطحون
( ممكن الحصول عليه مطحونا جاهزا بالسوبرماركت او طحنه منزليا )

ملعقه اكل جليسرين سائل
( متوفر بالصيدليات والسوبرماركت والعطارين)
ملعقتين اكل زيت خزامي/لافندر (من بودي شوب )
أو
ملعقتين اكل زيت ورد خالص. ( من العطار )
أو
أي زيت عطري خالص من البودي شوب ..باتشولي او ايلانج ايلانج الخ
( لا لزيوت زهور الريف وغيره المعطره لانها تضر لاحتوائها على عطور)
انا ما لقيتش عندي استعملت زيت الاركان و شوية زيت جنين القمح الزيت
ممكن استخدام ملاعق القياسات البلاستيكيه لضبط الطريقه
وهي متوفره في كل مكان حتى رامز.
وقياساتها .. كوب/نصف كوب/ثلث كوب/وربع كوب
و هذه مكوناتي



الطريقــــــه:
نحضر الزجاجه ونضيف لها مقدار الجليسرين السائل
وبعدها ناخذ طحين الرز بنفس المقدار ونضيفه على الجليسرين السائل.
ثم يأتي دور سائل الاستحمام من جونسون نأخذ المقياس المطلوب ونضيفه
وبتلاحظون الزجاجه بتتملي قبل اضافة كل المقدار من سائل الاستحمام

باستخدام مضرب اليد نخلط المكونات حتى تتجانس تماما. ( خلط لخمس دقائق )

مع الانتباه ان تكون كل ادواتنا جافه بلا ماء حتى لايخرب مقشرنا.
ونرجع نضيف باقي سائل الاستحمام لدينا لان كل الكميه الفائضه بتنزل بعد الخلط

* وآخر خطوه هي اضافة الزيت الخالص اللي نرغب به..

ممكن أي زيت خالص من زيوت الاروماثيرابي من بودي شوب

وممكن زيت الورد الخالص من عطار مضمون

انا اموت على اللافندر ..
وبالمضرب نرجع ونخلط كل المكونات حتى يتداخل الزيت المعطر مع المقشر
وهذي النتيجه..
الزجاجة الاولى ما كفاتنيش بدلتها بوحدة اكبر


الآن خلصنا من عمل مقشرنا التحفه..
بقى نعرف الطريقه..
ناخذ لنا دوش / حمام بماء دافيء فقط..
بلا صابون ولا شاور جيل..

بعدها باستخدام ملعقه بلاستيكيه ناخذ كميه ونوزعها على منطقه بالجسم

ونبدأ الفرك باليد..اكرر باليــــــــد فقط
بدون مانرجع نبلل جسمنا فقط نبدأ بفرك مناطق جسمنا بحركات دائريه
بما فيهم المناطق الحساسه والثنايا وكل مكان الا الوجه طبعا
ونستمر حتى نلاحظ ان المقشر بدأ يجف على البشره خلال ثواني طبعا

وبعدها بتحسون بحبيبات الرز تؤدي مفعولها وغرضها ونستمر برقه في تقشير البشره

وبعد مايجف المقشر نفتح الماء الدافيء وهات يا غسل وازالة لكل آثار المقشر باليد

وبعدها بماء بارد لقبض مسامات الجسم..وبعدها تدهنوا باللوشن اللي تحبونه
وانتوا تلمسون بشرتكم وتشوفون المرمــــر..ماشاء الله وتبارك الرحمن
ذكرونــــــي وقولوا الله يوفقك يا بنت عذاري وينولك كل اللي في بالك

ويرحم والدك ويغفرله ويسكنه فسيح جناته

ملاحظــــــاتي:


والمقشر مابيخرب معاكم حتى تخلصون الكميه كلها

وحافظوا على عدم تناثر قطرات ماء لداخل الزجاجه

وممكن استخدامه مرتين بالاسبوع

مع الاستخدام بتلاحظون نعومه ماشاء الله

بياض ماشاء الله

ولمعه عذاااااااااااااب بالبشره

ورائحه ..واااااااااااو

المقشر يناسب كل البشرات

المكونات لاتحسس ولا تهيج البشره

تاثير النشا من طحين الرز يظهر على البشره ويفتحها مع المداومه عليه

افضل استخدام النوعيه المذكوره من جونسون لريحته المميزه .

هذه الوصفة الاولى بعد الغداء ان شاء الله نكمل الباقي

[om wassim]

صباح النور و السعادة على جميع الفراشات
حبيبة اسمحيلي مارانيش نكتب كل يوم واش راني ندير بصح راني متابعة التطبيقات الحمد لله
ربي يعينا جميعا