الكوزينة 115 كوزينة الأمل ,العمل ,المحبة و السعادة

[wahibaazel]

أسمهان جبتلك الصحن ذوقيه بالسيف حتاكلي أصابعك وراه.كوكا رآه بنين يسخف تصدقي هذي اول مرة نعمله وجا روعة، كنت خايفة لكن تشجعت والحمد لله زوجي طار فرحا به هو والبنات. كيف كنت صغيرة وروح عند الوالدة ربي يحفظها كانت تطيبولنا لأنها كانت تسكن في منطقة جبلية وكان بنين لكن ملي كبرت هذي اول مرة وراه ماشاء الله. المغامرة الثانية هي المولوخية سخفتيني أم ساجد بها ويا درى الذوق كيفاه.ماشاء الله عليكم كامل.

[ام ساجد]

المشاركة الأصلية كتبت بواسطة اسمهان79

ام ساجد واش هاذ الكيكة هيا ازربي ابعثيلي الوصفة راهم عينيا طارو عليها
الله يبارك

اختي اسمهان لتارت تاع الاخت كاكينوفا

[ام ساجد]

كوكا واسمهان الله يسلمكم اخواتي

[om kamilia]

مبروووك ما زاد عنكم دائمة الحمد يتربى في عز والديه

[om kamilia]

ام ساجد بصحتكم الملوخية كفاش طعمها

[wahibaazel]

دائمة الحمد ماشاء الله عليك

[om kamilia]

دائة المد بيزا تشهي

[rahma2014]

صح غداكم و مساء الانوار عليكم كامل ليزا بصحتك المارلون روعة ام سلجد يعطيك الصحةعلى المولوخية احنا فسطيف ما نديروهاش وهيبة بصحتك الارنوبة داءمة الحمد مبروك لاختك المولود يتربى ف طاعة ربي ان شاء الله اسمهان القاطو 444444 ام ضحى هالة ريتاج ام لجين ام ياسين ام محمد تاج روضة .........وكل الملتحقات بارك الله فيكن

[دائمة الحمد]

الله يخليكم حبيباتي ام كاميليا لعقوبة ليك
اسمهان هذى من بعد طبخك
وهيبة وحد الوقت كنت مدمنة على طبخ الارنب بالصح تاع الصيادة
كرهتو مرة في الوحم من ثم والو

[أم عروة]

سلااااااااااااام لبنااااااااااااات

راني غايرة منكم كي تصورو

ادعولي نسقم الاي فون ديالي ولا يجيبلي زوجي واحد جديد

راني نديباني بواحد ما يصورش

اهئ اهئ

[عطرالذهب]

مساءالخير حبيباتي وبصحتكم واش طيبتو
دائمة الحمد الف الحمد لله على سلامة اختك والف مبروك عليكم عمر عبد الرحمن
لبنات شفت كلش راكم 4444444 بدون ذكر الاسماء
غدايا طاجين زيتون وبيري للبنات ومطلوع وسلطة فواكه والحمد لله

[ام ساجد]

ام كاميليا الملوخية بلانسبة لينل طعمها مليح بصح لي ما يعرفهاش ما يحبهاش ممكن قضية تعود

رحمة الله يسلمك ايه تاع سطيف ما يطيبوهاش مرة دارتها ام ماجد ولكن ما عجبتهمش العيلة الكل

[عطرالذهب]

ام ساجد اهلا بيك وبالملوخية تبان مغرية سيغتو بالمطلوعة يسلمووووووو

[kaouka]

المشاركة الأصلية كتبت بواسطة ناهدوران

بسم الله الرحمان الرحيم

طلعت الى لقمر وغربت كما تغرب الشمس وفارقنكم كما تفارق النجوم السماء اخاطبكم و الخطاب صعب همساتكم ترن اخباركم لاتزال افكاركم ستظل رحعت اليكم بهمسات قلب ثائر
واخت تهديكم في خطابها حلي من النهاد اقول لقد اشتقت اليكم كثيرا
اختي كاكي نوفا الف مبروك على الكوزينة وربي يجعلها فال خير عليك و علينا وهاهو الباروك انتاعك

المشاركة الأصلية كتبت بواسطة أم ياسين الزهراء

بصحتكم كامل الغداء والله يدومها عليكم نعمة يارب

ليزا امممممممممممممممم هدا واش يحب الخاطر اممممممممممممممممممم

المشاركة الأصلية كتبت بواسطة ناهدوران

عازفة الناي والله لانك عازفة محترفة بالرغم من انك عازفة ناي الا انك دكرتني بابراهيم لحريم السلطان ههههههههههههه
سوغ مافهمتي والو راهي الكيكة انتاعك جات هاااااااااااااااااايلة و رووووووووووووووعة

البارح كنت صايمة و فطرت بيها وهاهي كيما فطرت


والاخت الي قالت على ايام البيض جزاك الله خيرا وقعدي ديما فكرينا

المشاركة الأصلية كتبت بواسطة أم ياسين الزهراء

حبيبتي ام يسرى هدي وصفتي تاع الكيش لميت ولميت كل الوصفات وخرجت بهدي العجينة ياخي تعرفيني كالطلابة اللي نهار كامل تلم وفي اخر النهار تلقايها مرفهة على الغاشي هههههههههههههههه

كيش بالسلق

250 غ فرينة + شوي ملح وشوي سكر وشوي خميرة الحلوة و50 غ زبدة طرية ونلم بالحليب نحل العجينة في المول ونوجد السلق

نحط السلق المقطع قطع صغيرة في مقلى وندير شوي عليه الزبدة والملح ونخليه يطيب ومن جهة نطيب اللحم مرحي والبصل مقطع والثوم ونزيد عليهم التوابل والملح طبعا ونحب ندير شوي هريسة والطماطم المرحية ويطيبو وفي الخير المعدنوس والسلق وكرام فراش وشوي فرماج والبيض وقبلها ندهن العجينة اللي حليتها في المول بالموطارد ونرمي الحشو ونحط في الفور يطيب وهديك الصغيرة دارتها بنتي تورت وجات امممممممممممممممم

المشاركة الأصلية كتبت بواسطة omomnia15

وصفة البسباس بالدند لعيون المازا
اولا ندير طراف دند مع بصل وفلفل اسود وملح وحمص يطيبو
من جيهة اخرى ندير البسباس يفور مع رشة ملح بعد ما نكون غسلتو وقطعتوا هلالات كي يطيب المرق نخليه عاقد
ونحط طراف الدند والبسباس في بلا تع زجاج ونشربو بذبك المرقة وندخلو للفور يتحمر ونقدمو بالقارص والمعدنوس وشهية طيبة

المشاركة الأصلية كتبت بواسطة almazalina22

صبااااااااح الانوااااااااااار

صبحنا على الارانب والدعاعش والبعاعش وريا وسكينة ههههههههههههههههههه

ام ياسو صباح النور نوضي كوني حيوية باش ما يغلبكش احساسك بالكبر والعجز رايحة تعجزي صح هههههههه

ام تاج واش غداك ههههههههههه رايحة نولي كي اوراسيا
ام امنية هاذاك البسباس باللحم ولا واش طيحي بالوصفة تعرفيني نموووووووووووووت على طيابك

داءمة الشكر مممممممممم خرجو هايلين شاركي برك رانا نستفادو من الادعية جزاك الله خيرااا

ليزاااا قتلتيني بالكراااب وزدتي بقاطو النمرة مممممممممممم

الهااام قاطو النمر ماعندوش علاقة بالكرووووكي يشبه لل****ز ممممممممممم انا درتو ذرك والسرررررررررررررررررر ياجمااااعة اكتشفتو انو تخلطوووووووووو مليييييييييح ملييييييييييييييييييييييح الزيت والسكر والبيض وشكرااا ام سهام على الوصفة


غدايا حمص المطاعم وبقااااااااااااااااات الكفتة ندير روووووحي شبعااااانة وكي بروووووووووووحو يقراو على 2 ناكلها نيها نيهااا ههههههه انا شريرة ياااااااااااك نرضع خخخخخخخخخخ

دائمة الحمد على سلامة اختك وربي يشفيها وهاذي من عندي

إضغط هنا لرؤية الصورة بحجمها الطبيعي.




نرووح نكمل ونرجع

المشاركة الأصلية كتبت بواسطة أم فاطيمة

السلام عليكم و بصحتكم واش حطيتو كلش فوووووووووووووور
دائمة الحمد على سلامت اختك و مبروك البيبي
غدايا باذن الله بركوكس كيما هدا راه عندنا البرد
[/url]العاب بنات

المشاركة الأصلية كتبت بواسطة omomnia15

هذي جات خالتي شوفو واش طيبتلها

[wahibaazel]

أمنية تسلمي وبصحتك العرضة راك قلشتي خالتك ربي يتقبل، أم اياد ربي يحفظك، العسلاية اممممممممم نموت متى المارلون بصحتكم.أم رحمة مشكورة حبيبتي، صح المولوخية ما يديروهاش السطايفية.