Mh47 الجزء الــــ84 من واش طيبتي اليوم - الصفحة 61

طالبة الجامعة · 2014-08-12, 19:09

اقتباس:

المشاركة الأصلية كتبت بواسطة ادرارية

هادو طيابات الايام اللي فاتو

بصحتك يا ادرارية على الماكولات اللي درتيهم ممكن تمديلي وصفة المطلوع اللي اعتمدتي عليها عندي شحال وانا نحوس انديره ومعرفتش ام وصفة اندير افيديني رجاء ودعوة الخير راهي تستنا فيك

ادرارية · 2014-08-12, 19:10

توتة الله راه قدامك خيري واش بغيتي ولكن انا نحك تاكلي البريوش والله هبااااااااااااااااااااااااااااااااااال وخفيف

malek nour hane · 2014-08-12, 19:13

سلاااام يابن عمي رحت خليت الصفحة فالخمسينات جيت لقيتكم طايرييببن الله يبارك
فايزة قاطواتك تحفة بكل معنى الكلمة الله يبارك يسلمو يديك يالفحلة
لايدي هههه مبروك 57 صار انا مكشردة
عطر مبروك تغيير الاسم هههه المرة الأولى ماعرفتكش ارواحي نديرلك البيتزا على عيني صاحبتي الغالية
باتيلا و بشرى عجبوكم لي غوسات الثاني هااااايل والله على ضمانتي باتيلا ديري و ماتخافيش لامعجبوكش نهار نجي لباتنة لاقيني عند الدخول بالشطرب حتى ثازيري ديريلها عصا صغيرة تضرب هههه والله هايل كشما نزيدلكم... نهار نروح إن شاء الله نحطهولكم موضوع

touta2010 · 2014-08-12, 19:14

والله حرت البركوكس نموت فيه الجلبانة طبقي المفضل الفريت حبي الابدي جبتي غير واش نحب شوفي كل حاجة ندي منها مورصو

جومانة09 · 2014-08-12, 19:14

touta2010 · 2014-08-12, 19:18

لبنات زاد العرس الثالث لهدا الاسبوع
والعروس عيطتلي قبيل وطلبت نعمللها بلا قاطو يكون هايل وراني حايرة

جومانة09 · 2014-08-12, 19:18

لابات صابلي عادي وفيها بيضة كاملة واصفر بيضة مع 250غ مارغرين ،2 مغارف نشا،125غ سكر قلاصي يعني نص باطة الزبدة كيلي بيها،قرصة ملح،1 خميرة فاني ,بعد ماتحليها طبعيها بمول القفريطة،انا لصقت كل 2 بنيسلي وقلاصيتهم بشيكولا عادي ودرتلهم شوية كاوكاو في الحواشي ودرت زيقزاق بالشيكولا

ادرارية · 2014-08-12, 19:19

بلنسبة للمطلوع نتاع الفرينة راه الحكمة كلها في طريقة الطياب

فنجان ماء + مغرفة سكر+ مغرفة خميرة وتخليها 3د وامبعد تحطي الفرينة + مغرفة لحظة والملح وتضيفي الماء وبعدها ضيفي خليط الخميرة وتعجني تكون تلتق في اليد شوية في الاخير تضيفي نف فنجان زيت وتلمديها وتخليها تخمر وبعد التخمير ديريها على شكل كريات وتخليها 15د وبعدها تحليها رقيق وتروحت تشعلي الفور من الفوق والتحت وتخليه يسخن ملييييييييييح في هدا الاثناء تلقاي الخبز اللي قرصتيه طلع شوية ترميه فيي الفور وتراقبي راه كي يطيب يخرج يابس بلاك تقسييه وامبعد يرطاب دهنييه بشوة زبدة

أم ملك · 2014-08-12, 19:19

مساء الخير عليكم كامل بصحتكم واش كليتو و واش طيبتو
اليوم ما قدرتش ندخل النت كانت مقطوعة دا وين
نحطلكم فطورنا اليوم معليش راني روطار و العشاء إن شاء الله ندير شربة فارميسال و باقي شوية من الفطور

ام سهام 02 · 2014-08-12, 19:20

حنان الشباكية مممممم جاتك رووووووعة برافوا يعطيك العافية

ادرارية · 2014-08-12, 19:23

توتة انا نصحك ديري قاطو الكابريس نتاع باتيلا والله رووووووووووووووووعة مدام عروسة زيدي شبحيية ديري فوقو وردة بلابات داموند والبريون وهي راهي تكون دايرة انواع المكلفة الحاجة قد ماه تكون سامبل تكون بريزونتابل

جومانة09 · 2014-08-12, 19:23

ام سهام 02 · 2014-08-12, 19:24

ادرارية يعطيك الصحة علي الخير لحطته

ام ملك مممم بصحتكم

جمانة قاطو نص نص هاااااااايل

touta2010 · 2014-08-12, 19:24

اقتباس:

المشاركة الأصلية كتبت بواسطة أم ملك

مساء الخير عليكم كامل بصحتكم واش كليتو و واش طيبتو
اليوم ما قدرتش ندخل النت كانت مقطوعة دا وين
نحطلكم فطورنا اليوم معليش راني روطار و العشاء إن شاء الله ندير شربة فارميسال و باقي شوية من الفطور

روعة حبيت نسالك على طبق القورجات اي وصفة تعتمدي عليها وقوليلي على الدوق
عندي كمية ومعرفتش واش نعمل بيها

ادرارية · 2014-08-12, 19:25

شوفي ولا ديري قاطو النص بالنص بالتشباح اللي شفناه من قبل