الجزء 72 من واش طيبتي اليوم???? - الصفحة 61

أم محمد تاج · 2014-05-04, 08:34

صباحووو ياغاليااات ونهاركم مبرووك نشالله
اللهم فرج هم ام نور الدين يارب يا حق ياكريم
دخلت نقرعج عليكم كاشما ندي فكرة على لغدا

سرور2 · 2014-05-04, 08:35

صباح الخير على الجميع

أم محمد تاج · 2014-05-04, 08:39

اقتباس:

المشاركة الأصلية كتبت بواسطة سرور2

صباح الخير على الجميع

صباحووو حنونتس سرووور ومرحبا بيك معانا
بالنسبة لسؤالك على قلب اللوز حطي في صينيتك الدقيق وشوفي العلو تاعو وهذاك الدقيق عاودي نحية وكيليه الست كيلات تاعك
وبالنسبة للتفتات تاعو هو جاك شايح في الخدمة يعني الزيت واللبن راهم بالكيلات وماء الزهر حاولي ديري نصف كيلة يجيك مشمخ خير باش كي يطيب يحكم روحو

سرور2 · 2014-05-04, 08:53

صباح الخير الاخت ام محمد تاج انا كدرت 6 كيلات جاوني ياسر في البلا انتاعي املا نقصت كيلة ودرت غير 5 وجاني معجن وايضا جاني كاني نبسس في لمذكر ممكن تعطيني مقادير 4 كيلات دشيشة وش يجيها من سكر وزيت ولبن وماء زهر والعسل ايضا مشكورة مسبقا راني خسرت 2 كيلو سكر ونزيد نجرب لاخر مرة لمصلحش منزيدش نجرب وشكرا مسبقا اما الاخت الي حطت مقادير المثلجات انقلها يعطيك الصحة راه خرج روعة وكانو من الحانوت شكرا مرة ثانية على واش راكم تقدمو خصارة معنديش ابراي اوكان الي نجربها نحطهاباه تشفوها

ام اماني77 · 2014-05-04, 08:55

صباح الخي رات على الجميع

كيفكم غالياتي ان شاء الله بخير
انا اليومين لي فاتو كنت مريضة شوية ماقدرتش ندخل واليوم عندي ضياف مازال مارجعتش لكن نظن ماكومش ناشطات كالعادة مازلكم في ص 61 كنت نظن فتحتو كوزينة جديدة المهم يعطيكم الصحة وان شاء الله تنشطوا اكثر

حبيبتي اولادي مازالك تسالي الباروك باذن الله نحطهلك حتى ومن الارشيف

تحياتي للجميع

أم محمد تاج · 2014-05-04, 08:58

حنونتي سرور العفو اختي لعزيزة وعلاش تنقصي في الكيلة خلي المكيال كيف كيف وكيلي بحاجة اصغر باش يخرجلك ست كيلات احسن ويخرجولك باقي المقادير دقيقة ومضبوطة احسن

nawel zed · 2014-05-04, 09:07

سلااااااام عليكم صباحكم بالخير
لابااااااااااااااااااااااااااااااس؟؟؟؟؟؟؟؟
راجعت كلش واش عجبوني طياباتكم الله يبااارك كل وحدة بقا في بالي حاجة من تاعها بالشوي نهريكم اسئلة هههههه
جبتلكم شوي طياباتي عشوات غداوات قهاوي افرزو وحدكم

مدلان الهامووووووووووو يهبل مش يهبل يدي العقل ههه

قاطو المحقن جاباتو بنت خالتي كثر خيرها

جينواز الشكولا و الكرام شانتي الاخيرة لالهام جات تشبه مش كيفها

صح غداكم بالمسبق

Oum yousra · 2014-05-04, 09:09

صباح الخير كيف أحوالكم هاكم البراج درتو البارح غير يخلص نعاود نموت عليه. .

lilouchaf · 2014-05-04, 09:22

اقتباس:

المشاركة الأصلية كتبت بواسطة -Jasmen Bonbon Choco

[COLOR="rgb(255, 0, 255)"][/COLOR]سلام ----لهنة الله يكملك بالخير و يبيض سعدك----دائمة الحمدوصفاتك انطبقهم باستمتاع خاطر على بالي بالنتيجة تسلميلي ==باتيلا وقفه ساهلة شحااااال تعجبني خدمتك ما شاء الله---ام ياسو اللهجة تاعك تقتلني و بساطتك عنوان فرح=====باتيلا فهميني في العفسة تاع السكر مع القشور تعيشى===ليزابيل و حنان وريهام وصبرينة وصفاتكم ابداااااااااااااااااااااع---ام اية يبان عليك الطبع الله الله----ام تاجو اسمحيلي ع الوصفة تحبي نكتبهالك بلا صور بصح وعد تشوفيها موضوع بادن الله-----ليلو شاف شاف تاع الصح ---عندي دوا يهنيك maisوين نكتبو-----لباس عليك خيركم سابق الله يخليكم----قولو هاد الدعاء قبل كامل اعمالكم----------^^اللهم اني ابرء نفسي من حولي و قوتي و اختبئ في حولك و قوتك ياالله--احبكم في الله----

شكرا حبيبتي تسلمي وادا على الدوا اكتبيهولي في هاد الرابط

https://www.djelfa.info/vb/showthread...70201&page=785

lilouchaf · 2014-05-04, 09:36

بسم الله ما شاء الله عليكم يا بنات ما عرفتش شكون نشكر وشكون نخلي

شاطرات بنات بلادي كل واحدة في بيتها كي الملكة ربي يحفظكم كامل ويستركم

واش من اخباز واش من مسفوف واش من محاجب ومسمنات وبريوش او هادي شورما وقلب اللوز وهادا همبرغر وبيتزا وعصائر ومبشورات
براج ومسكر مخبز وترتولت
كسكس وبربوشة .................................................. الخ

ربي يبارك لكم في رزقكم ويجعل موائدكم ديما عامرة

lilouchaf · 2014-05-04, 09:39

ربي فرج هم ام نوردين وبعدو عليها وفرحها عن قريب يا رب

سلامة راسك ام رياض والمادة مخلوفة المهم سلامتو هو واولادك وربي يخلف عليكم احسن منها

ام ماجد مبروك السيارة الجديدة والبغرير روعة

ام ساجد عيد ميلاد سعيد لبنوتك وربي يحفظها ويخليلك امك يا رب

ام يسرا ربي يحفظك ويسترك دنيا واخرة ويسقسي عليك الخير ديما تسقسي عليا انا الوكاند ما نكونكتيش بزاف كي نكون في الدار
النت ديالي ماهيش مليحة بزاف وما عنديش كلافيي عربي بالسيف باه نكتب ب الفيرتيوال ربي يفتحها عليا ونجيب واحد جديد

lyzzabel · 2014-05-04, 09:42

صباح الخير و النور و الفل على الكل يومكن سعيد حبيباتي
ماشاء الله راجعت و شفت قاع طياباتكم من قلب اللوز بلا لوز لهونتي الحلوة ممممم و حلويات و طيابات نوال زاد يعطيك الصحة و براج ام يسرى الغالية انا تاني نمووووت عليهم بصحتكم ام طيري الجنة يعطيك الصحة لوكان نصيب ناكل غي السلاطة كي يحمى الحال و بصحتك السفة
ام ماجد يعطيك الصحة على البغرير صدقة مقبولة يا كريمة باتيلا ممممم ريحة البرتقال و العصير و الزاست يا مامي و يا مامي وصلو حتى لوهران هههه بصحتكم ام ساجد يعطيك الصحة على الطيابات روووعة كالعادة و عيد ميلاد سعيد لبنيتك ربي يحفظها و يخلي ماماك و يعطيها الصحة على الهدية الجميلة
و بغرير صبرينتي الغاااالية ممممم طبعا حبيبتي الحنينة ام رياض و داءمة الحمد مواااااح ليكم و كلكم حبيباتي دووووون استثناء الله يعطيكم الصحة و يزيدكم من نعيمه
اللهم اني أسالك ان تفرج على ام نور الدين و هم كل مهموم و تزيل الكرب عنها و عن كل مكروب انت العزيز الحكيم القوي القدير و انت ارحم الراحمين
حبيبتي ام الهضاب ربي يشفيك شفاءا عاجلا غير اجل ادخلي و طمنينا عليك راني شفتك من وراء الكواليس مواااااااح
اليوم فطوري سمك و سلاطة و نزيد نشوف واش نزيد بإذن الله

اللهم لا اله الا انت سبحانك اني كنت من الظالمين أستغفرك و أتوب إليك انت التواب الرحيم

lyzzabel · 2014-05-04, 09:47

صبا الخير ليلوشتي الحلوة كي راكي ça va شوية ؟؟

lilouchaf · 2014-05-04, 09:55

ربي اشفي ام الهضاب عاجلا غبر اجل ورجع لينا الغايبات يارب

صباحك عسل يا عسلاية على قول ام محمد

ام محمد سخفتيني بالتحويسة تاعك انا نموت على التحواس وسيرتو البلايص الي ما نعرفهمش او نشتي نحوس في بلادي ما عندي حاجة في الخارج كاين بزاف مناطق شفتهم بصح هادي لالا ودورك نحطها في دماغي دايور عندي مدة وانا حابة نروح لباتنة قولولي ادا مليحة باتنة للتحواس او وين نقدر نروح ولي اوتال الملاح

2014-05-04, 10:32

سلاااااااااااااااااااااام يا غاليات
اصبحنا واصبح الملك لله وحده لا شريك له لا اله الا هو واليه النشور
نسال الله ان يعافي ويشافي اختاي ام نور الدين وام الهضاب وكل مريض يااااااااااااااااااااااااااااارب
ليلو منووووووووووووووورة يا غالية تسلميلي ياااااااااااااااااارب توحشنا وجودك وتنووووووووووووووري باتنة يا حبيبتي
باتنة فيها تيمقاد وغوفي الي مابين باتنة وبسكرة الي راحتلها ام تاج ولي بارك هدا الي كاين فيها واحسن فندق هو شيليا ودك يزيدو يفيدوك الباتنيات ملييييح انا منيش باتنية ومنيش خارجة على بلايصها بزاف حتى التحواس نروحو غير للمناطق تاع البحر وخرجاتي قليلة هههه
عسلاية المنتدى يا اهلااااااااااااااااااااااا تسلمي على العسل الي ينقط من داك الفم وبصحتكم السمك اممممم
نوال واشنو هدا الخير مع الصباح كلشي توووووووووووووووب والتارت روووووعة رووووعة يعطاك الصحة
ام ساجد ربي يحفظلك امك ويخليها تاج فوق رؤوسكم يااااارب هداياها هاااايلة ومن الثقيل خخخخخ
ام يسرى البراج يشهوووووووووووووو يعطاك الصحة
زهرة و ام تاجو وسروراحلى صبااااااااااااااااح
ام اماني الف لاباس عليك حبيبتي منووووووووورة