الجزء 70 واش طيبتي اليوم سيدتي الفاضلة

[touta2010]

المشاركة الأصلية كتبت بواسطة douniadiab4

صباحكم بالخير واش حوالكم توحشتكم
اهلين بالعائدات وربي يدومها لمة زينة
ادعيولي ربي يسهلي ولادتي راه فات وقتي ومازال مازيدش قالولي مقفولة
حقة كاش صابلي باهي وهيشوش ومجرب حبيت نطيبو

ربي يجيب الخير
راكي مثلي فاغميييييييييييييييييي ههههههههههههههههههههههههههههه
وراني في ثلاثة اولاد عقوبالك

[ام نوردين]

انت الغلى يا ام يسرا حنونة بصحتك الغدا
مطرح مايسر يمري نهال
اللهم انك انت العفو تحب العفو فاعفو عنى

[nihale89]

توتة شكراا حبوبة
بصح ماحبتش تتفتح المدونة
ليزا راني سقسيتك على الطبق نتاعك نتاع المرقاز نحطو ني ولا طايب

[ام سهام 02]

ام محمد التحليل : شكشوكة على طريقة امي ربي يرحمها ومعقودة والحمد الله.
توتة يعطيك الصحة راك مقلشتني تع الصح.
ام يسرا عينيك لملاح بارك الله فيك.
شكرا لك يا ام رياض على ردوك الطيبة ربي يحفظك.
بريق الامل القهوة كاين كيك ومعجون الفراز.
مازال مارجعتش لي عودة.

[ام نوردين]

انا ريس وتوتة ام رياض صحى غداكم
ام ايمان بصحتك قلب اللوز
توتة بصحتك القهوة والقصرة مع حبيبتك سلمى عليها السلام امانة هههههههه ضحكة حب

[أم محمد تاج]

دنيا دياب الله يسلكك على خير يارب
ام سهام حنونتي الله يرحم الوالدة ويغفرلها ويسكنها فسيح جناته يارب

[touta2010]

يبلغ ان شاء الله سلامك ام نور الدين
نهااااااااال سيي دخلتي ولالا

[douniadiab4]

المشاركة الأصلية كتبت بواسطة ام يسرا

اهلااااااااااااااااااااااااااااا ام نورالدين غاليتي
ام رياض تسلمييييييييييييييييييييييييييلي كلك ذوق وطيبة حقة منيش صايمة اليوم وااااااع هههههه
دنيا حبيبتي ربي يسهلك ويفرحك يااااااااااااااااااااااااااارب
كاينة بزااااااااااااااااااااااااااف انواع تاع الصابلي
كاين تاع ام اسلام https://www.djelfa.info/vb/showthread.php?t=1405759

شكرا ربي يهنيك

وكاينين تاع الغالية الشيف ام اماني هااايلين روحي لملفها تلقاي كل خير اشكال وانواع
استغفر الله واتوب اليه

المشاركة الأصلية كتبت بواسطة nihale89

دنيا ربي يسلكك على خييييييييير
امين

المشاركة الأصلية كتبت بواسطة anaris

اهلا بيك وبيا من جديد في المنتدى ولا ليكم وحشة

المشاركة الأصلية كتبت بواسطة ام نوردين

الله يكون معاك دنيا دياب ويسترها معاك وتسلكى على خير اذا على الصابلى المنتدى راه معمر الله يبارك الاخوات ماخلاوناش نحتاجو شوفى صابلى بالزيت تاع ريهام على ما اظن او تاع العسل تاع ام محمد او تاع اسلام اية كامل ملاح ويشكرو فيهم وزيدى شوفى مع الاخوات
ام نوردين ربي يعطيك ماتتمناي شكرا
اللهم انى اسالك خير المسالة وخير الدعاء وخير النجاح وخير الثواب وخير الحياة وخير الممات

شكرا
استغفرك ربي واتوب اليك

[touta2010]

نهاااااااااااااااااااااااااااااال متخلنيش نعيط

[lilouchaf]

صح غداكم كامل والي راهي صايمة ربي يتقبل منها

نهال كاين الخبزات تع دائمة الحمد راهم بزاف ملاح شوفيهم بالمرقاز

ام سهام طيابك يهبا والمعقودة راهي قريب تنطق

[ام ساجد]

صح غداكم لبنات وبصحتكم واش طيبتوا شكون تتغدى معايا راني وحدي

وهذا غدايا جاري ومطلوع وسكالوب والحمد لله وكليت حبة تشينة

[lyzzabel]

المشاركة الأصلية كتبت بواسطة nihale89

ليييييييييييييييييزاااااااااااااااااا المرقاز كي تحطيه طايب ولا ني

حطيه نيء يطيب فالفور

[ام نوردين]

بصحتك ام ساجد كلشى يشهى احسن اطباق عندى الله يبارك

اللهم الهمنى رشدى واذنى من شر نفسى

[ام سهام 02]

خبز الدار الى ام ابراهيم
المقادير:

-01 كلغ فرينة / 04 مك زيت / 04مك حليب سائل / 01 بيض / 02مك خميرة خبز / 01مك ملح / من 1/2 2 الى 03 كؤوس ماء /

1/2 مص سانوج و حبة حلاوة.

الطريقة :

-نضع في جفنة كل المقادير و نلم بالماء الدافئ و خبطيها بيدك كيما السفنج ثم ضعيها في كيس مبلل على طريقة الوهرانية

ربي يحفظها كي تخمر هبطيلها الخمور و قرصيها و رمديها في سميد رطب . خليها ترتاح شوية و حليها خبيزات رقاق

بالحلال و رشيها بالسميد ونتي تحلي فيها .ديريها تخمر مرة ثانية فوق قطعة قماش كي تخمر ديريها فالصينية و الى الفرن.


انا عندي كوشة تاع حديد نطيب فيها و ندير فيها طاس حديد فيه الماء على جال باه يدير الرطوبة.و هذي الطريقة نديرها


مع جميع المخبوزات (هذه المقادير دير 04 خبزات)

وانشاء الله نكون عرفت نشرح و اي حاجة راني في الخدمة

[ام احمد وصال]

نهال شوفي هدا ناع ام اماني

https://www.djelfa.info/vb/showthread...1362108&page=6