اقتباس:
المشاركة الأصلية كتبت بواسطة الجوهرة السوداء
لا عليك غاليتي نسمة ..
كلنا سطرنا برامج و وضعنا خطط ..لكن لم نحقق منها سوى الجزء اليسير ..
بالنسبة لي ..و الله لم أسطر وقتا للراحة مطلقا ..لكن شاء القدر ان استريح رغما عن انفي ..
اصبت بوعكة صحية اجبرتني على الراحة ..
و الله لأول وهلة شعرت ان ذلك ليس في صالحي ..لكن بعدها حمدت الله حمدا كثيرا على ذاك المرض ..لأنه بصراحة أفادني ..و الراحة التي اجبرت على تلقيها مكنتني من استعادتي نشاطي ..
ليس كل النشاط لكن عل الاقل ازلت قسطا وافرا من التعب ..
بالنسبة للشخصيات و التواريخ ..فأنا لا أجد متعة أكبر من حفظها و التعرف عليها ..
أفضل طريقة لحفظ التوارخ هي ترتيبها ..
مثلا ابدئي بأول وحدة ..حددي كافة التواريخ المعلمية ..رتبيها و اسرديها في شكل قصة ..مثلا : في 4 فيفغري1945 اجتمعت كل من الولايات ، بريطانيا و و الاتحاد السوفياتي في مؤتمر يالطا ..
في 16 جويلية 1945 اكتشفت الولايات السلاح النووي ..و في اليوم الموالي عقد مؤتمر بوتسدام ..اجتامعو فيه الولايات و الاتحاد و بريطانيا و قروا باش يقسموا المانيا .
كي تربطيهم هك ..إذا ما تفكرتيش حدث تربطيه باللي قبلو و اللي بعدو أكيد رايحة تجبريه ..
ما تحفظيش حفظ عشوائي ..تاع المصطلح اللي تلقايه تحفظيه و خلاص ..لاا لازم تربطيه بأمور ..مثلا 17 افريل هو تاريخ ميلاد اخي ..و ف نفس التاريخ من سنة 1956 تم حل مكتب الكومنفورم ..و هكذا غاليتي ..
تحايلي على المادة و فقط ..و الله هي ممتعة صدقيني ..خصوصا إذا رجعتيها حكايات ..
دمت في عون الله و حفظه و رعايته ..
|
بارك المولى فيك اخيتي
بالنسبة لي المشكل ليس في كون مادة التاريخ مملة
بل هي جد مشوقى لدي
اصنع منها قصصا وحكايات
تصدقي عمري ولا حفظت التاريخ تاع الصح ولا حكمت المصطلحات قعدت نحفظ فيهم
أنا لانو عندي التاريخ مادة مشوقة وممتعة تدخل في راسي من اول وهلة ونصنع من التاريخ حكايات
وربما مازاد ادراكي الجيد ليها هو اني لما نجلس مع زميلاتي في القسم نبداو نحكو في حكايات التاريخ بلهجتنا ونقولو جات فرنسا دارت روحها مارقة حبت تقضي على الثورة
بصح الثوار شاطرين عليها داروا هكاك وهكاك
يعني نصنعو حكايات تسهللنا الحفظ
بالتالي فالمشكل ماشي هنا
المشكل الوحيد هو التواريخ
صحيح نسقتها كيما قلتي ورتبتها حسب التتابع الزمني
وحاولت ندير علاقات بيناتها
لكن يبقى تذكر الأرقام أمر صعب بالنسبة لي
على بالي بلي راح تقوليلي بلي بهاذ القول راكي تقنعي في روحك انو مش قادرة تحفظيهم
لكن ان شاء الله راح نبذل قصارى جهدي باش بدخلو في راسي
وربما نستعمل نفس السياسة التي استعملها مع الفلسفة وذلك باعادة الكتابة
أو ساستعمل الطريقة التي اراجع بها التاريخ مع زميلاتي
يعني كل ساعة نحفظوا تاريخ
وان شاء الله نكملوهم
يعكطيك الصحة يا الغالية على النصائح
وفقك الله وايانا اخيتي