الجزء 178 من كوزينة احلى رفقه كوزينة الاطايب للطيبات

[إلهام07]

مساء الخير وصحة عشاواتكم


البارح درت إضراب على المنتدى طيبت الصينية الأولى نتاع المعمول وجيت نجغبل هنا تحرقتلي الصينية الثانية والمصيبة المعمول باعثينو لوحدة حبيبتنا رايحة لفرنسا جات البوغتمونجي فارغة تبهدل مالة قلت والله ماني داخلة على الغش


المهم اليوم عشايا درت روطي وسلاطة جاونا ضياف غفلة كلاولي العشاء أنا راني على لحم بطني


رزيقة يعطيك الصحة هذو طيابات ولا خلي 444444


بنات بصحتكم بصح شكون تعشيني راني


حقة لقهوة العشية درت رولي بالشوكولا ماكلاه نحط الصور باه مانتفكرش وععععع حتى الرولي قطعوه وداوه في الصحن يعني مسحوا الحالة ههههههههههههههههههههههههه

[أم يوسف2]

صح عشاكم

الهامو غضتيني ياحبوبتي شفتي مالقيتي وش تاكلي اوووو معليش وش ديري حتى انا راهم عندي ضياف درت طعام ومازال كاين ادا نوجدلك طبيسي
ام محمد وين راهي ماراهيش تبااااان تقول هي لي راهي رايحة تولد خخخخخخخ

[إلهام07]

أم يوسف ربي يخليك حنونة مواااااح
غير أنت اللي عرضتيني شفتي واش عادو مشحاحات ؟


مالا زكارة فيهم هاكي تبادل تجاري خبيه أفطري منو غدوة الصباح وما تمدي لحتى وحدة فيهم راهو مازال ماخلاصليش :

[أم يوسف2]

امممممممم حبيبتي لهومة لوكان عرفت هكا كل يوم نعرضك خخخخخخخخخ يعطيك الصحة اختي العزيزة ربي يخليك ويفرحك ويحفظلك والديك

[أم يوسف2]

تصبحوا بخير حبيبااااااتي
غدا ان شاء الله تعالى

[ام هدول]

الهام راوحي تتعشي عندي شخشوخة الضفر ....
لاكوناكسونثقيلة ماقدرتش نحمل الصور ....

[ابني نور عيني]

مساء النووور

جيت متاخرة خخخخخ راكو كامل راقدين اكيد ههههه
ام يوسف واش حوالك شفتي راني ندخل بالسرقة ههههه عندي عرس قريبتي هاد الايامات علابيها مانيش ندخل درك نولي معاكم كل يوم حتى تكرهو مني خهههه
بصح توحشتكم كاااامل
ام هدول واش حوالك والله طيابك يشهي مووووت كل مانشوفو نكبر الصووورة وش راهم الاميرات
ياعمري الهامو راكي شاطرة حنونة واش حوالك والله غضتيني شفتي خلاوك هكاك ماشي حق يديرو هكا لمعلمتنا العزيزة ماعليش صدقة عليك ختيتو

هاد الايامات منيش ندخل بززاف مشغووولة و العرس غدوة ان شاء الله ادعو لبنت عمي ربي يزين سعدها و يهنيها
حيوتة تكون مع الاموووور ربي يحفظو ويشافيها شفاءا عاجلا يااارب تكون بالف خيييير
زقزوقة مانسيتكش خليتك مسك الختااااااام نورتينا باطباقك الزوينة يا الزيينة تاعنا الخفيفة و الحلوة كلشي حطيتيه يهبببل اممممم يرحم البطن اللي جابك والله حلوة كالعسل غير تدخلي للمنتدى تزهيه بخفة دمك و حلاوة روحك ربي يحغظك من العين حنونة

[ابني نور عيني]

الهام الرولي تاعك رووووعة ماشاء الله لا يعلى عليه مع لمسة الزهووور ركزيلي عليهم نمووووووت عليهم خاصة الاحمر نمووووت عليه المهم راني ديتو وهربت خخخخخ

جبتلكم عشاواتي وفطوري الايامات لي فاتو مانيش نطيب حاجة جديدة غير الخفوفي الظريف هههه انشغلت و زيد مع محمد وااااي



وهادا عشايا اليوما

[ابني نور عيني]

تصبحو بخييير اميرات غدا افضل ان شاء الله

[إلهام07]

أم هدول فات الحال وطاحت الكلمة الرولي دات ام يوسف هههههههههه




ابني نور عيني يا أختي ساعة ساعة الواحد يولي مايفهمش كي تحطو صور فسري واش هذاك :d:d نقرعج
وإذا على الورد البوكي كامل تحت أمرك يا جميل

[أم يوسف2]

صباح الخير بناااااويت

[ابني نور عيني]

صباح النوووور ام يوسف صباحك منور صبحتي مليحة

راني مع التحضيرات راني كيما ام هدول كي نروح للعرس حالة طوارئ ههههه لكن الحمد لله لان شخصيتي نحب النظام وكل حاجة في مكانها ما تتلفليش خخخخ

الهامو وشراكي مالا انا البارح رحت من وانتي دخلتي من لوكان علابالي لوكان قعدت معاك ندردشو شويه كي صبت روحي ندور وحدي رحت
وبالنسبة للاكلات لي حطيتهم هديك الطبيخة تاع الفول تاع ماما تشبه لتاع ام وليد بنيييينة اول مرة مديرها كنت ديما نقول لماما تديرها ومن بعد علمتهالي غير انا ماما تزيدلها الروز والله ماتنشبع

والطبق الاخر غراتان بطاطا في الكوشة امممم خفيف بصح بنييين
واش نسيت ؟؟؟؟ والحريرة تاع الجاج و تاني طبق منوع فيه سلطة وسكالوب و فريت

نروح نخمل داري و لعشية نتلاقاو في العرس ههههه

[fofol]

صباح الخير أم يوسف

[أم يوسف2]

فوفول صباح الورد وشراكي عندك شحال مادخلتيش
بصحتك العرس ام محمد ماتبطايش علينا

[ام هدول]

صباح الخير ..عليكم من الصباح وانا نحاول ندخل للمنتدى ماقدرتش ....