~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 60

omelbanin · 2016-05-13, 16:44

بالنسبة لنا نحن المتزوجات يجب ان نعين ازواجنا على بر والديهم ،ونربحو دعاوي الخير لينا ولاولادنا ،
راني مع وليدي وكلما نتفكر حاجة نجي نكتبها، سلام .

ام صفصف · 2016-05-13, 17:10

السلام عليكم اخواتي
الموضوع فالقمة وربي يعينا على برهم انشاء الله
انا ايضا متزوجة بعيد عن اهلي ، احيانا نقول لوكن اللي اخترع ***** مسلم راني ترحمت عليه

سمراء الدنيا · 2016-05-13, 17:34

السلام عليكم و رحمة الله و بركاته
عدت و العود احمد .....رحت و ارجعت بسرعة ظروف عمل الزوج ما سمحتش نقعد اكثر

دخلت فقط نطمنكم اني جيت ....نروح نعطي للاولاد ياكلو راهم تعبانين من السفر و نخصص وقت ان شاء الله نقعد فيه معاكم براحتي

ام صفصف · 2016-05-13, 17:52

الحمد لله على سلامتك اخت سمراء وشكرا عل الترحيب

omelbanin · 2016-05-13, 19:02

على سلامتك حبيبتي سمراء، خصيتينا البارح في موضوع تربية الاولاد كون ،نورتينا شوية بنصائحك.
انشالله تكوني جوزتي عرس مليح .

حياتي كلها امل · 2016-05-13, 19:13

على سلامتك يا اخت سمورة والحمد كي جيتو لباس
ساقص عليكم بعض نماذج من بر الوالدين
لقد كان زين العابدين من سادات التابعين كان كثير البر بامه حتى قيل له:انك من ابر الناس بامك، ولا نراك تؤاكل امك،فقال:اخاف ان تسير يدي الى ما قد سبقت عينها اليه فاكون قد عققتها.
وعن ابن عون المازني ان امه نادته فاجابها فعلا صوته فاعتق رقبتين.
وكان طلق بن حبيب كان يقبل راس امه ولايمشى فوق ظهر البيت وهي تحت اجلالا لها.
وهناك نماذج لاتعد من بر الوالدين كما نماذج من عقوق الوالدين فبرو اباءكم تبركم ابناءكم.

فراشات العمر · 2016-05-13, 19:55

نسمة انا هي امك هههههه احكيلي واش بيك سألتك على القنوات لي موالف تشاهديهم
زيد راني درت مطلوعك مازال ماطيبتوش مع لحميص
سمورة اهلا بال جا وجاب اهلا نورني الصفحة مازال جبوبة راهي تدردش مع خالتها تنسانا اليومين هاذو
ما قدرتش ندخل والله قلقانة على رائد عندو لارني تنفخلو البارح وقعد غير يبكي تكيت عليها حتى دخلتها الحمد لله

ام متين · 2016-05-13, 20:20

السلام عليكم كيف الاحوال عودة طيبة لسمراء الجلفة
غزالة انا مثلك بعدما تزوجت وانجبت ابني الاول توقفت عن العمل بحكم عملي وعمل زوجي وهذا اثر في وفي والديا رغم انهم لم يتدخلو في قراري الا اني نحس ويقولولي قرايتك وتعبك راحو ولكن لما يشوفو نساء اخريات مشنشفين بين البيت والخدمة يقولوراكي في نعمة الحمد لله وانا على تواصل يومي معاهم في ال***** ولما نشوفهم ويشوفوني نحس راني قريبة منهم
هو اكثر الامور الي تقلق انك تشوفيهم مرات مرضى وما تقدريش تروحي او انك ما قدرتيش تحقيق حلمهم لكن الحمد لله لما تكون في بيتك ومع اولادك هانية اكيد يكون مهنين ربي يحفظ كل الوالدين وان شاء الله يكون راضيين علينا ويسمحولنا

omelbanin · 2016-05-13, 20:39

]]حبيبتي سمراء حبيت نقترح كون في البرنامج الاسبوعي نديرو يوم الاربعاء اسبوع تنمية بشرية واسبوع الجانب الاجتماعي ،لانو رانا محتاجين ليوجهنا في الجانب النفسي والتنمية البشرية.
سيرين كون غير طلي عينا ،راني جربت الجاج محمر بالبتيسويس.[وبلعاني نحيتلو الجلدة

manel 16 · 2016-05-13, 20:42

الله يقدرنا على بر والدينا و نردو و لو جزء قلللليل من تضحياتهم و خيرهم

جهينة اليقين · 2016-05-13, 21:17

اهلا بكم على سلامتك سمراء ارجو ان تجيبيني على موضوع التوابل واذا ما شفتيهش نعاودو لك بارك الله فيك يا ام البنين باينة عليك اصيلة والله عجبتيني كي قلت نعاونو ازواجنا على بر والديهم وانا كان هذا مبداءي دايما لان زوجك كي يرضاو عليه والديه راح تعود الفايدة ليك ولوليداتك والمرا كي تصبر للاذى وتحتسب وما تكونش انانية راح تربح فالدنيا وفالاخرة

نسمة صبح · 2016-05-13, 21:41

جبيبتي فراشات شحال نعزك و نحب تلقائيتك

شوفي القنوات كاين بزااف من النوع الوثائقي هوما لي نتفرجوهم discovery ..science et vie ..national geoاخرين تاع الصيد..تاع حيونات ..محترمييين مكانش جنش لمرا فيهم هههه و اذا كاينة كانها رجل مش زي قنوات الخليج و و ..

و كاين قنوات تتفرجيهم انت فيهم برامج عاديبن للكبار حياة الناس و مشاكلهم و نمط العيش ..عالم اخر

كاين قنوات الاخبار و التقارير تاني ملاح france 2 , tv5 monde ...

نجي لاولادك يا فراشات كم هااائل من القنوات تاع الرسوم باللغة الفرنسية حطيهم و عينيك مغمضين انا كنت نتفرجهم هههه نهز شوي كلمات

و للافلام مثلا كاين canal+ family ..

هوما اصلا كي تكون الحاجة مش تاع اولاد يكتبولك..و يخصصو قنوات عائلية ..برغم الانحلال اللي عندهم الا انهم يحرصو على ان الطفل قبل عمر معين ميشوفش حوايج عنف او ...

نسمة صبح · 2016-05-13, 21:42

فراشات عندك يخسرلك المطلوع و يحرمنا سي السيد منك هههه

فراشات العمر · 2016-05-13, 22:50

صلح بصح جا يابس شوية ممكن الرابط ا لاصلي
غدوة ان شاء الله نروح للطبيبة نتاعي

غزالة1 · 2016-05-13, 23:19

السلام عليكم
.شكرا حبيباتي و اخواتي في الله ربي يخلينا لبعض
الحمد لله حمدا كثيرا على كل نعمه و اعاننا على حسن عبادته
نسيت نقول انو حتى والدين زوجي مثل والديا( اقل شوية) لكن معاملتي ليهم راضية عليها جامي تعديت عليهم انا عشت مدة معاهم ثم خرجت كريت لانو عمل الزوج بعيد حتى هم يحبوني و الحمد لله
ربي يقدرنا على برهم