همزة الوصل بين المعلم و الولي " الطبعة الرابعة "

[*أم سارة*]

المشاركة الأصلية كتبت بواسطة ~ حراير ~

و عليكم السلام و رحمة الله تعالى و بركات


اليم افنان دارو التقويم كما قلت لتمهات الخوامس
و للاسف جابت 6.25

اخطاء لا تغتفر التقويم سهل جدا الكراس رجعاتو و الا وريتهولكم لكني سامحتها و خلاص


"شون ليكسيكال" تاع سبور
كونجيغيوزون غلطت في كتابتهم يعني الجواب صحيح و الخطأ املائي
الجمع و المفرد
طرح سؤال على حواب الاسئلة تتعلق بالمكان و الزمان "غلطت فيهم"
و املاء جملتين على الحرف oi
و السؤال الاخير للاسف نسيتو

كيف الحال اختي حراير أولا استغربت اجراء التقويم في مثل هذا الوقت المبكر هل أنهوا الوحدة وماذا عن درس الانتاج الكتابي production écrite هل تجاوزوه ؟ بالنسبة لشون ليكسيكال اذا كان قاللهم ديروه من ريسانكم نظن الاغلبية مايلقاوش الكلمات راني سألت بنتي عليه وتفكرتلي فقط كرة القدم والبالون وقالتلي نقلك لخرين بالعربية ؟ مازالت في البداية الكونجيgيزون دربيها عليه خاصة اتخ وافواغ وافعال المجموعة الاولى في البخيزون .....المهم انها فوق المعدل يبقى تركزيلها على النقائص وبعد يوم او يومين ديريلها تمارين شبيهة ولم لا تعطيها نفس الموضوع تحله ربي يكون معاك اليوم فقط انتبهت ان سلسبيل ماشاء الله في الرابعة ودعيتلك ربي يعاونك عندك رابعة وخامسة المسؤولية ليست سهلة لكن الله سيكون معك وتفرحي ببنياتك ان شاء الله.

[هندة 74]

المشاركة الأصلية كتبت بواسطة هندة 74

يسعد مساكم بكل خير احبتي في الله

ارجوا المساعدة منكم بحاجة ماسة لبعض التمارين في مادة التعبير الكتابي

علما ان ابيني يدرس في السنة الثانية واليوم جاب كراس القسم تاعوا عند ضعف في التعبير ودارتل المعلمة ان قليل التركييز حرت واش ندير معاه

ارجوا من استادي عبد الناصر واستادي نور الدين ان يساعدوني ربي يوفقكم الله في انتضار ردكم

لم يجبني احد على تساؤلاتي لو سمحتم وان امكن وجد بعض التماريين للمادتين التعبير الكتابي والرياضيات في امس الحاجة

[آيات سرمدية]

اختي هندة......في انتظار ماسيكتبه لك استاذانا....حول استفسارك عن التعبير الكتابي....

جميل منك ان ترفعي ذلك للتذكير....لانه صراحة....احيانا نمر على بعض المشاركات....وتكون لنا النية......للرد عليها.......ولكن احيانا نقع فريسة للنسيان.....فاعذرونا.....


استطيع مساعدتك بملف شامل متكامل.... للسنةالثانية....تذكرته لتوي....كانت قد رفعته الاخت كاهينة في الطبعة الفارطة...اظن انها لن تمانع اذا اعدت رفعه بعد اذنها طبعا.....فالفائدة للجميع.....ودعوة الخير لها.....

......لكن امهيلي الى الغد.....حتى ابحث عنه في مغارة علي بابا خاصتي واذا معرفتيش وش هي....نقولك فلاش ديسك تاعي بصح متاهة:نخاف كي ندخلوا....




اختي ام فاطيمة.....لم افهم قصدك......عن ملف الووووورد الذي تحدثت عنه......؟؟؟؟؟؟اوضحي لي رجاءا.....

[*أم سارة*]

المشاركة الأصلية كتبت بواسطة ~ حراير ~

و بالمناسبة قراو قصة على شكل "باند ديسيني" اذا حبيتو نعطيكم وش قراو عجبتها افنان الطريقة

اولا كيف حال افنان قلتيلنا البارح انها مريضة

ثانيا اديري مزية كان تعطيلنا واش قراو سارة ماداروش من قبل هل هو مقرر....بالنسبة للفرنسية اخر حصة لحقو للانتاج الكتابي حلو تمارين ص 16 اما صفحة 17 قالتلي دارلنا مثال في اخر لحظة على السبورة وضعية على المعلم وماكتبناهاش وطلب منهم يديرو وضعية في الدار مثلما ينص المطلوب في الصفحة 17 يعني ماتدربوش عليها في القسم فقط مثال .

ام سرمد ضحكتيني على مغارة علي بابا عندي انا ثاني ملف الخامسة في جهازي من كثرة التحميل نظن كاين عدة مواضيع مكررة عيبي ننسى والمواضيع عديدة لدرجة مارانيش حابة يحطو حاجة جديدة في المنتدى خلااااااااص شكووووون يحلهم كامل ؟

[آيات سرمدية]

ربي يفرحك ديما......حبيبتي ام سارة......المصيبة انو الفلاش ديسك تاعي مخلط......محملا فيه كتب....صور......فيديوهات....ملفات متعددة....وخلي وخلي.....
والمشكل لكبير انه كاين ملفات دراسية.....يخرجلي اسمها بالشينويةارقام ورموزوخلي الملفات المعاودة......جاتني مرة حالة قلت استنى نعدلوا ونرتبوا ونعاود نسمي هادوك الملفات بالعربية ع حساب واش فيهم....جبتها نهار كامل وانا نخدم فيهم......ونهارجيت نحمل واحد من هذو الي عاودت سميتهم.....ماحب حتى مركز يحملهم.....يقولي الملف غير قانوني..... قريب تغميت تعبي كاااامل راح في مهب الريح.......وليت ع سعدي نعاود نحوس عليهم ونحمل فيهم من مواقعهم الاصلية......واغلبهم الراوابط معاتش تمشي

على هذا نقولوا مغارة علي بابا.....معمركنوز....بصح كي نسحق منو حاجة .....نعاود نحل الملفات بالواحد حتى نلقى ع وش نحوس.....حكيتلك حكاية......

[دُرة بيتي]

اهلا وسهلا اختي سيرين وعودة ميمونة ..واش راكي طمنينا
اختي ام الزهراء ركي كالقمر قليل وين نشوفوك اهلا بك واش راها ابتهال واش هي خطتها فالدراسة بالاك تعاندها فردوس راها غير تحل التمارين الفروضة عليها وخلاص ..ما رايك

اختي ام سارة ...شكككككككككرا حبيبتي وربي يشفي سارة ويفرحك بها
قبيل كتبت رد طويل وما ترفع..المهم مامون راها في بولونجي ص 21 والوضعية شفت كراسو خدمو وحدة عن الطبب فقط ..في رايك نزيد نكثفلو منهم ؟
والكونجيكيزون المعلمة ما طالبهم بالتصريف ابدا ..فقط اليوم كتبو على الكلمة وشرحها سينونيم هههههه بدت نتعلم معاكم الفرنية انا التللميذة الكبيرة
واش رايك فالامور نركزلو عليها بلا ماتقلو المعلمة وكون واجد فيهم
راني رايحة نهبلك وجدي روحك ....طبعا هذا من كرمك يابنت الكرام الافاضل
ياريت يكون معانا استاذ فرنسية ينح علينا الغبن كما اساتذة العربية سهلونا امور كنا نراها مستحيلة ...ربي يجازيهم جنة الفردوس ويعطيهم ما يتمناو من نعيم الدنيا والاخرة

[دُرة بيتي]

اختي ام كوثر ربي يبارك فيك وفي اولادك طريقتك مليحة في التعبير
اختي ام سرمد ...يعطيك الصحة انت تثري الهمزة من كنوز مغارتك ....يادرى كاش ماكاين فيها للخامسة هههه تهلاي فالمغارة وكنوزها

[ام سهام 02]

المشاركة الأصلية كتبت بواسطة آيات سرمدية

وعليك السلام ورحمة الله وبركاته.......اهلين شريكتي.....مرحبا بك عندنا.....

وبارك الله فيك انك لبيت دعوتي....هذا ان دل على شيء فهو يدل على كرم خلقكم.....وودت كثيرا ان تصلك رسالتي......ولكن للأسف لم يكن ذلك....عموما لدي طلب باسمي وباسم كل اعضاء الهمزة.....الحاضرين والغايبين....بما انك كنت سببا في دخول.....الاستاذة ايمان وفاء في وقت كان فيه اصحاب خوامس الطبعة السابقة....في حاجة ماسة لمن يمد لهم يد العون......علما ان....الاستاذ ابو اماني لم يقصر معهم....ولكن مشاغله كمشرف لم تسمح له بالمتابعة المستمرة....


سأدخل في صلب الموضوع....اذا لازلت تملكين وسيلة للاتصال بالاستاذة ايمان.....اوصلي لها طلب النجدة من اولياء حاصرتهم....تساؤلات واستفهامات......رغم ان بعضنا لم يقصر في الاجابة ولكنها تبقى اجابة ولي مهما كانت معارفه.....ودائما تفتقد .....الى لمسة وخبرة استاذ كان او مازال في الميدان.....

وإذا كان العكس....غاليتي.....ام سهام.....ولم تتمكني من الاتصال بها.....او كانت لها ضروف تمنعها من التواصل معنا.....اعلمينا فقط....حتى لا نبقى دائما على امل ان تطل علينا يوما......واستسمحك اختي على ازعاجك....وتقبلي مني كل الاحترام والتقدير.....

السلام عليكم ورحمة الله تعالى وبركاته

لقد اتصلت بالاستاذ ة ام ايمان ما تقدرش تدخل هذه الايام النت مقطوعة راهم يغيرو لهم في ارقام الهواتف غير ايرجعوها لهم ا قالت لي نرجع لهمزة وصل ان شاء الله

وبالمناسبة انهني كل الاساتذة الكرام عيد سعيد مع دوام الصحة والعافية

[آيات سرمدية]

المشاركة الأصلية كتبت بواسطة ام سهام 02

السلام عليكم ورحمة الله تعالى وبركاته
وبالمناسبة انهني كل الاساتذة الكرام عيد سعيد مع دوام الصحة والعافية

جزاك الله خيرا.....احلى خبر جبتيهولنا حبيبتي وشريكتي......ام سهام......قوليلها بعقلها المهم متقطعناش.....ووعد منا ماراحش نكثروا عليها....الا للضرورة القسوى....وان شاء الله تصيب وقت وسط ضروفها.....ومشاغلها.....كأن تتواصل معنا الا يوم في الاسبوع ويكون يوم راحتها......بارك الله فيك اختي....ولك مني احلى دعوة خير....ربي يتقبل ان شاء الله...

[آيات سرمدية]

المشاركة الأصلية كتبت بواسطة ام باسط

اختي ام كوثر ربي يبارك فيك وفي اولادك طريقتك مليحة في التعبير
اختي ام سرمد ...يعطيك الصحة انت تثري الهمزة من كنوز مغارتك ....يادرى كاش ماكاين فيها للخامسة هههه تهلاي فالمغارة وكنوزها

حيااااك الله....ام باسط.....جزاك الله خيرا...

كاين الخير....بصح معظمهم من الطبعة الي فاتت....بصح راكي قلت متقدريش تحملي الروابط من الهاتف....نقولك راكي تقدري.....حطي صباعك فوق الرابط... وحملي عادي فيه.....وم بعد شوفي اسفل شاشة الهاتف ولا فوقو تلقاي سهم صغييير....اظغطي عليه يتحلك الملف.....

[نورالدين سطيف]

هذه ورقة عمل أعددتها ليستفيد منها أبنائي الصغار في السنة الأولى وأقسام التحضيري وتكون عونا لأوليائهم في ترسيخ صور الحوف في الذهان

حرف الميم

https://www.djelfa.info/vb/showthread.php?t=1873120

حرف الباء

https://www.djelfa.info/vb/showthread.php?t=1873160

[أم فاطيمة]

صباح الخير اساتذتي الكرام و اخواتي الامهات صباحكم سعيد
عندي مشكل را مقلقني ارجو المساعدة هو ان بنتي فاطمة تقرا
السنة الرابعة عند معلمتها نتاع العام الماضي و تعرف بلي فاطمة ناقصة في النظر
بشهادة طبية من عند طبيب المدرسة و هي دائما تجلسها في الاخير
و فاطمة تلخبط في الكتابة لان المعلمة تكتب دروس مواد الحفظ في السبورة
و كل يوم نمزقلها الورقة و تعاود الدرس و كل ما روحو للمعلمة تبقة تسايس فينا
صح صح و ما تغيرلهاش المكان و لا تتحجج انها كثيرة الحركة و الكلام وفعلا هذا طباع بنتي
او انها الذي يجلس وراءها لا يرى جيذا بحكم صحتها الله يبارك
و البارح منين جات تحفظ درس المدنية ما فهمت فيه والو و قالت ماكنتش نشوف مليح
مع العلم اساتذتي الكرام ان بنتي اصلا تركيزها مشتت و متسرعة رغم ذكاءها
اليوم راني ناوية نروحلها بواش تنصحوني ارجو الاجابة قبل 10 و لكم مني فائق الشكر و الاحترام
عذرا طولت الكلام لان قلبي راه مغشش

[هندة 74]

صباحكم سعيد ملئه النشاط والاجتهاد يوم موفق لاولادنا وبناتنا نتمنى يكون النجاح دائما من نصيبهم يارب

اختي فاطيمة اولا انت تعلمي ان للمعلم واجبات عليا والتلميذ كذللك عند الحق عليه

بما ان ابنتك مريضة ربييشفيهالك وعندك شهادة طبية بهذا فلها كل الحق باه تجلس من الامام
هدي هدرة مفروغ منها

اذا كانت المعلمة ماتعملش حساب لهذا كل فعليك بالمدير هو صاحب القرار الاول والاخير

ان عندما نلقى معلمة ماتسمع للاولياء وماتقدرش ظروف التلميذ مثل بنتك مع حالتها مانكسرش راسي بزاف نروح عند المدير وهو يحكم مابينا وخلاص ربي يهدي

[*أم كوثر*]

السلام عليكم ورحمة الله وبركاته
استاذ نور الدين جاري الاطلاع ربي يجازيك كل خير
ام فاطمة نصيحة مني اذهبي الى المدير اولا واحكيلو القصة وبعدها هو يروح معاك للمعلمة وتحدثي امامه هكا مايكون للمعلمة حتى حجة
بنتك نظرها ضعيف لازم تجلس قدام السبورة

[أم فاطيمة]

شكرا ام كوثرو الاخت هندة ربي يجازيكم و ينجح وليداتكم و تشوفوهم في اعلى المراتب
انا خفت نروح للمدير مع انو باباها قالي نروح و نهدر معاه و انا خفت تحقد عليها
راكم تعرفو عقلية بعض المعلمين ربي يهديهم و انا بنتي حساسة