الجزء 141 من واش طيبتي اليوم؟.؟؟؟؟؟

[ام و ابنة]

السلام عليكن
من مقبيل و انا نراجع هذا وين كملت يا ربي ما ننسى حتى وحدة و اللي ننساها تسامحني و بوسة على راسها

شاوية حرة ربي يشفيك اختي و يتمم لك بخير انت و كل البنات
ام ملك ربي يشفيكم جميعا انت و كل العايلة
ساجدة و ام اسلام و اسمهان و كل واحدة عندها مشكل صحي ربي يشفيكم و يعافيكم
فايزة قتلني الديكور ديالك ماشاء الله تبارك الله
نور الهدى التارتولات رووعة بصحتكم
ام رحاب الله يبارك كلش هايل وشنو هو قاطو الدانيت هل قصدك كيكة الدانيت
ساجدة بصحتكم العدس و ربي يعينك مع وليداتك و يوفقهم
الرجاء ربي يعينك عالدخول المدرسي و يسهل لك بصح بالاكي تنساينا و تغيبي علينا قولي لي ياخي تخدمي قريب لدارك
ميزو وشراكي كي يروح راجلك تروحي لداركم و لا لا ياخي عندكم النت انا في دارنا ما عندناش النت يما ما حبتش تعاود تدخلها
ليزا ما رانيش نشوف تصاورك
ام ياسو عندك الحق خلي بنتك قريبة ليك الزمان يخوف ربي يحفظها هي و بنات المومنين
ام تاجو الحلوة ما رديتيش عليا هل الصور اللي راني نحطهم كبار انا عندي صغار و بسرعة يطلعو على فكرة وقتاش تزيدي باذن الله ما تقوليليش برك نهار العيد خخخخ
ام سوهيل بصحتكم القاطو و يعطيك الصحة على النصيحة تع الفطاير انا هذا وش نحب النصيحة و التجربة العملية خخخخ هكا كي نجربهم نعمل غير نصف الكمية او الثلث
ام افنان وين راكي
ام جوجو راني نشوف فيك حطي الفروتوار و النشاف من يدك و ريحي شويا خخخخ
ام هبوبة ربي يفرج عليك و يعينك و تذكري أختي ، انما يوفى الصابرون اجرهم بغير حساب، و يوم الحساب الانسان يندم اللي ما صبرش اكثر عالابتلاء و يعرف بانو كان في نعمة يطيحو عليه الحسنات بغير حساب
روضة تعيشي طبقي نصايحنا و وصفاتنا لولدك و الله عن تجربة و فعلا ام ياسين عطاتك وصفة التفاح هااايلة و تعجبو المهم تعطيهالو باردة و ما تكثريش الماء كي تطيبيه لانو يطلق الماء و بسرعة يطيب و ما تنسايش تقشري التفاح قبل ما تطيبيه
دايمة الحمد عالسلامة و الكرواسون رووووعة و الصورة فن بصحتكم
دايمة الشكر ربي يحفظلك وليداتك و يقدرك عليهم و عجبتني تع الاماني مدي بنتك لدزاير و انا نمدهم لفرنسا خخخخخخخ
ام حبوبة نسيت وش حطيتي استناي نحوس على مشاركتك و نجي
انا عاودتو نوضتولي الدودة تع المحاجب باذن الله نصبح عليهم غدوة

[الرجاء الاماني المجد]

شكرا عزيزتي ام سراج على الوصفة راني نجربها ام رحاب بصحتك لاتارت دانت فضيلة شخشوخةكي شفتها عدت نترج مزيا منيش نتوحم ام افنان عزيزتي توحشتك يا غالية

[ام و ابنة]

ام فضيلة بصحتكم الشخشوخة رووعة تعيشي قولي لي كيفاش جاوك لي بينيي

سماسم ربي يعينك المهم وليداتك فرحيهم و خرجيهم و انت اخلقي جو العيد في دارك ديري القاطو و صوري و ابعثي لاهلك و هوما يبعثولك

ام امنية كيف الحال

ام سراج لي بولات ما تقليهمش حمريهم في الفرن فوق ورق الطهي يجوك خفاف

[ام و ابنة]

اهلا زهرة اللوتس حلوياتك روووووعة وين راهو الرابط تع القريوش

الاماني و ام سراج ربي يجازيكم خير عالوصفات راني غير نسجل فيهم

[الرجاء الاماني المجد]

[x ام رحاب x]

ميزو حبيبتي تسلمي على الدعوة ياختي
ام سهيل كون عرفت اختي اجيني والله انا جيت ليك وانجيبك بصح ماتزعفيش مرة اخرى حنونة
ام هبوبة تسلمي على الدعوة حنونة
ام نور الهدى تسلمي حنونة فايزة اكلك روعة
دائمة الشكر تسلمي حبيبتي

[ام و ابنة]

ميزو اعطيني رابط المقروط نخاف نخرج نحوس عليه نتبحر خخخخ

ام ياسين كيفاش تعملي خبز الدار بماء الزهر

[x ام رحاب x]

رجاء الاماني والله مالقيت واش انقولك ربي يخليلك صحيحتك وفرحك بالبنات كلش هايل
ام وابنة واش راكي جيتي عيانة ولا لالا هي صح كيكة دانات وبصحتك التحويسة راني درت المحاجب باه اطلي عليهم

[ساجده 82]

[الرجاء الاماني المجد]

ام وابنةقريب شويا بصح في ايامالشتاء نقعد ثمة راني جربت كعكة الشجرة مصلحتليش وفي الفيسبوك نشوفهم يحطو في تجاربهم وصلحتلهم مفهمتش وين الخطا اموابنة انا لااستطيع الا ستغناء عنكم فانتم المدرسة التي تعلمت فيها ابجديات الطبخ وايتكيت والعمل الجماعي والمساعدة لوجه الله بدون مقابل انا كان عندي اصدقاء كثر ولكن دائما يتركنني ودائما اعرفهم على حقيقتهم ولكن بعدفوات الاوان اتعرفين يا ام وابنة انني اكتب وابكي لانني تذكرت كيف كنت اساعدهم واعطي لهم النصائح ولكن قدر الله ماشاء فعل وعسى ان تكره شئ وهو خير لكم وقل لن يصيبنا الا ما كتب الله لنا

[Mizou123]

السلام علييييكم
ام وابنة اليوم يروح زوجي ان شاء الله و اسكتي برك راهي النااااار شاعلة في الدار الله يجيب الخيييير و الله كرهت من المشاكل التاعهم عيت و شبت و انا صغيرة ااااااه الحمد لله خاطية راسي بصح و الله شبعت بكا اليوم. حبيباتي ادعيولي ربي يفرج عليا و الله ما قدرت. والنت كاين اهنا و في دارنا واكييييد مش راح نصبر عليكم يا الغاليات. و هادو ليمات نروح لدارنل و مبعد نروح لمستغانم عند خلتي عرس وليدها ان شاءالله ربي يكملو.
والله يا اختي مانعرف نحط الرابط وريولي كيفاش و نتعلم.

[ام افنان48]

أختي رجاء ربي يخليك يال عزيزة وربي يحفظلك جوهراتك ام ابنة راني غيرها كنت عند عمته حتى بارح في ليل جئت ام رحاب الحمد لللله على سلامة زوجك. أختي رجاء شكرًا على الوصفات ربي. يحفظك

[أم محمد تاج]

سلاااموووووو يا حلواااااااااااات وصح قهيوتكم
خسارة دائمة الحمد ضربت فيها تقييلة انا وام ياسوو وام رحابووووووو وااااااو هههههههه ودخلني الكرواصون تاعك روووووعة والله لا يغيبك حنووونة
ام وابنة حنووونة راني جاوبتك في كوزينة من الكوزينات وقتلك الصور تاعك رووووعة كروعتك وكيما يحب الخاطر تسلمي ماتخافيش من التقطاش راه جاي لساجدة هي الاولى هههههههههههه وحقة راح نزيد نهار العيد لكبير وراح نسميه لكبير عيد سعيد هههههههههههههههههه
كملت فطور زوجي ح وريحة خبز الدار رووووعة الله يعطيك ماتتمناي يا ام ياسوووو وصفتك مانبدلهااااااش جا خفيف وهشووووش والريحة مانحكيلكمش مممممممممم ودرت قاطو لاراب وبقاتلي غير السلاطة
روضة الله يعطيك ماتتمناي ويسهلك كل صعيب ويشفي وائل يارب
ام آدم حتى انا تغلبني الفرنسية المعربجة ونتقلق كي نهجيها واااااااااااااع
ام سراجوووو والرجاء بارك الله فيكم على المنقولات الشهية مممممممممم
الرجاء الظاهرة حطيتيلي سؤال ونسيت واش هو عاوديه الله يخليك

[ام افنان48]

أختي رجاء انتي قلبك صافي ونية وربي يعطيك على حساب نيتك انتي مهم أجرك عن
ربي الي خلق ما يضيع وماطيحيش دمعتك الغالية على ناس مايستهلوش انا والله تحبك في الله انتي والغلايات بدون استثناء الي يضركن يضرني ميزو ربي يكون في عونك حتى ضيقة ماتبقى ان شاء الله تطولي تقصري تكون في دارك هانئة انتي وليد آتك ربي يرزقك بالدرية الصالحة

[ام و ابنة]

ما تبكيش عزيزتي الرجاء هذه هي الدنيا تجارب و ماكانش اللي ما تكواش فيها المهم تكون درس و عبرة للمستقبل و كي تمشي بنيتك عمرك ما تندمي لانو ربي راهو يشوف و عالم بكل شيء اخدمي دايما لوجه ربي ماشي لوجه الناس

ميزو الحمد لله اللي خاطية راسك حبيبتي ما تكثريش الهدرة اخدمي شغلك و روحي لغرفتك يعني ديري لروحك هيبة بش يحترموك و ما تعمري راسك بوالو ما شفت ما سمعت و كي تقدري روحي عند اهلك ديفولي