الجزء 140 من واش طيبتي اليوم

[Oum Habouba]

شكرا الرجا الاماني الشخشوخة عندكم هل هي التريد عندنا ؟بصحتكم ركي تديريها للعشا راكي مبكرة يا اختي الله يعاونك

[الرجاء الاماني المجد]

المشاركة الأصلية كتبت بواسطة oum habouba

شكرا الرجا الاماني الشخشوخة عندكم هل هي التريد عندنا ؟بصحتكم ركي تديريها للعشا راكي مبكرة يا اختي الله يعاونك

ولله ما ني عرف لهو التريد ولالالا وانا بطبعي نحب نديرعشايا بكري ونقعد لان زوجي يحب يتعش بكري

[Oum Habouba]

التريد او الرقاق من فصيلة المسمن او المحاجب هدا الي قصدته

[Oum Habouba]

ام جوجو شكرا علا الترحيب درتيني اختك وختك تقولك الله يفتح عليك

[omjoujou]

المشاركة الأصلية كتبت بواسطة oum habouba

ام جوجو شكرا علا الترحيب درتيني اختك وختك تقولك الله يفتح عليك

امين حبيبتي ربي يفتح علينا اجمعين

[ام اسحاقو]

اختي ام طيري الجنة ربي يرحم شيخك و يجعله من اهل الجنة ان شاء الله
اختي المعلمة الجديدة حتى انا كنت نخدم بالبورتابل وماكنتش نقدر نحط اكثر من صورة لانه كي ننسخ رابط الصورة الثانية و نرجع للرد نلقا الصفحة تتجدد وحدها والصورة الاولى تروح

[ام اسحاقو]

شكرا حبيباتي ام كاميليا وام جوجو
اختي الاماني والله ابني يهبلني قبيح بسلامتو و مايخلينيش كامل نكونيكتي وزيدي النت ثقيلة شوية و الاشغال المنزلية اللي ما تخلاصش

[الرجاء الاماني المجد]

المشاركة الأصلية كتبت بواسطة ام اسحاقو

شكرا حبيباتي ام كاميليا وام جوجو
اختي الاماني والله ابني يهبلني قبيح بسلامتو و مايخلينيش كامل نكونيكتي وزيدي النت ثقيلة شوية و الاشغال المنزلية اللي ما تخلاصش

صح التربية تعي انا بناتي قاع كبار

[mariya]

اخواتي ان شاء الله راكم ملاح انا راني نطل و نروح
زوجي طلب حلوى البابا و راني نخدم فيها ان شاء الله تخرج مليحة و نصورهالكم
و ابني راهو رااااقد الحمد لله و الله كون مايرقدش ما نقدر نخلط والو
ام و ابنة ديري وصفة الاخت ام اماني للكرمب و الله تبان هايلة انا راني ناوية نديرها و نوكلها لزوجي سيف عليه هو ثاني ما يتفاهمش مع الخضار على قد ما نخبيهم يجبدهم و ابني ثاني حابة نعودو ياكلهم من صغرو احسن

[Oum Habouba]

بغيا نسقسي لبنات هل نجحلكم الكعك التركي زعما كي يصبح ما يوليش ناشف راني باغيا وصفة ناجحة للكحك ام كميليا ادا نجحلك ردي لي للخبر

[سوسو المغتربة]

المشاركة الأصلية كتبت بواسطة oum habouba

بغيا نسقسي لبنات هل نجحلكم الكعك التركي زعما كي يصبح ما يوليش ناشف راني باغيا وصفة ناجحة للكحك ام كميليا ادا نجحلك ردي لي للخبر

جربتو و نجح 100 ب 100 و عبرت بول تاع حليب كبير و خرجولي 24 حبة وحنا غير انا وزوجي وابني الكبيروبني الثاني صغير ما ياكلوش شربنا بيه الحليب و الباقي خبيتو في الكونجيلاتوروبقالي مليح ما نشفش راهي وصفة راائعة

[ام و ابنة]

ماريا جربت تقريبا نفس الفكرة من قبل و فاقو بيه راجلي و اولادي ينحيو الورقة و ياكلو الحشو و لكن عجبتني فكرة جديدة نفورو و نرحيه و نقطرو و نخلط معاه شوية دجاج او لحم مرحي و حبة بيض و مغرف شابلير و شوية جبن و معدنوس و توابل و نعملو كويرات اما نقليهم او نحطهم في الفرن ثم نحطهم في مرق خاثر و على فكرة دايما نعمل هاذ الطريقة مع الشفلور و لكن نرحيه خضر و تخلطو مع الدجاج المرحي و الحمد لله يأكلوه و يحبوه
غدوة باذن الله نعملو لانو راهي عندي اللوازم ديالو و ان شاء الله نصوروا و نعطيكم رايي

[ام و ابنة]

ام حبوبة الحمد لله نجحلي
لكن انا عملت الكيلة صغيرة علبة ياغورت فارغة ماشي كاس و نقصت طبعا البض و كلش
بطبعي ما نحبش الحاجة تفضل او تقعد تدور
اللي قعدلي حطيتو في المجمد في نهارو ما خليتوش يبات

يعني من جهة بش نقتصد شويا و نحاذر عالميزانية و من جهة اخرى بش مانبذرش و لكن في نفس الوقت نمارس هوايتي اللي هي الطبخ و نجرب كل الوصفات اللي تعجبني و لكن دايما ننقص الكمية و اذا قعدلي شويا نحطو في المجمد نهار نسخف عليه او نكون عيانة نجبدو
و طبعا كي نروح لدارنا او دار عجوزتي دايما نذوق لهم و نحتسبها اجر باذن الله

[ام اسحاقو]

ما تضحكوش على التزيين ما كان عندي والو

[الرجاء الاماني المجد]

المشاركة الأصلية كتبت بواسطة ام اسحاقو

ما تضحكوش على التزيين ما كان عندي والو

خرجتلك روعة بصحتك