الجزء 136 من واش طيبتي اليوم *فلنغتنم عشر المغفرة*

[أنواار الإيماان]

وردة اختي يعطيك الصحة

عزوفة شكرا على الوصفة امممممممم وقولي وصفة الخبز العربي

[وردة سطيف]

اختي ام وداد من فضلك علميني الدرس الثاني كيفاه نصغر الصور
و ما تخافيش راني تلميذة نجيبة ثم ثم نتعلم و ما نحبسش حتى بطبق هههههههه

[lyzzabel]

فطوورنا اليووم بسم الله

حرييرة طبعاا و بحريااات و زيتوون بصلصة الطمااطم و عجنت الخبز فوتله فالطيااب لهييت مع ن ع ،، اليووم دارتها بيا السااعة تااع الكوزيينة داايرة روطاار بنص سااعو وانا فرحاانة حااسبة رووحي سبقت الوقت خخخخخ حتى صونا عليا ن ع بااش يدي الفطوور لداار عجووزتيي ،، ولييت نجريييي جرررررري ،، على هدييك الخبز فااتله فالتحمااار هههه












اللهم أدم نعمك علينا و احفظها من الزوال

[omomnia15]

سلام يا حبايب وصح فطور الجميع
ام تاج ام ساجد ام وابنة عازفة يعطيكم الصحة على الخير الي خطيتوه والكل ربي يبارك في موائدكم
الي سقسات على البيستاش راهو كيفو كيف الذهب ب350 الف للكيلو واللوز ب200 الف والجوز كيف كيف انا قلتلكم والكاوكلو واش خصو لباس عليه سلاك الحاصلين وتع المحتاجين هههههههههه
فطورنا كان شربة لسان الطير وكوكا بالعجينة تع رويدة 44444444444 وطجين الزيتون وراني الصهدة حاكمتني نبات بالحمى والكليماتيزور في وجهي ونشتكي من السخانة الله يلطف وقيلة راني ............... ذرك تتدخل المازة هههههههههه سلامي للجميع
ليزا الله الله على الخير وذيك الكروفات محلات في والو يسلم يديك
ام يوسف كلش يشهي بصحتكم

[أم فاطيمة]

Size="5"]ليزا يعطيك الصحة اطباقك رووووووووووعة و ربي يعاونك على طياب 2 ديار و ذاك لكروفات خرجدلي عينيا اممم
لي سقسات على البستطاش يا اختي راه شاعل و حرام لي ياكله ناس مراهيش لاحقة الخبز ربي يستر
ام و ابنة طهورا انشاء الله
ام ياسين ام امنية وداد سطيف صح فطورك [/size]

[آسيا 27]

السلام عليكم
صحة فطوركم عندي ساعة و انا مع المنتدى دار روحو ما يعرفنيش و ما خلانيش ندخل
و زادها عليا مركز التحميل حتى هو غلق الباب في وجهي و انا حاجة راهي تقولي بلي درتو كاش حلوة بنينة و بغيتو تاكلوها وحدكم ايا حرشتوهم فيا بصح ياويلكم مني اذا كانت هذي الحاجة بالشوكولا و راكم عارفيني قلبي الصغير لا يتحمل
المهم جبتكم رقاق من يدين امي و ان شاء الله يتحملو








شفتوه انا كي نديرو يجي كيما الخريطة تاع موزمبيق راني نتمسخر

[عازفة الناي]

ام امنية اهلا وسهلا وربي عينكم على السخانة .... المازة ماطلتش ؟؟؟؟؟؟؟؟؟؟؟؟؟
انوار الخبز تاع زينوبة 83روعة وسهل جدا : 2علب ياغورت طبيعي و ملح وتلمي بالفرينة خليه شوي يريح باه يجي ساهل فالحلان وحلي القرص تاعك رقاااااااق بزاف و طيبيه يجي منفخ وهشووووووووووووش و بنين يهبل وسريع
ليزا امممممممممممممممممممممم اكلك خفيف يشهي .... وبصحتك الروطار ههههههههههههههههه
وردة يعطيك الصحة 44444444444444444444444
وداد وانفال و الوافدات الجدد اهلا وسهلا
شباب امراة والله جاتني الدموع على بنتك ربي يشفيها ويكون فعونك الامر صعب لكن مدامها صغيرة تقدري تتاقلمي معها خير ماتكبر تتعبي انت وهي ... ربي يعينك ويسخرلك كل الظروف و يسهلك امورك باه تساعدي بنيتك
اللي نسيتها تعذرني

[أنواار الإيماان]

ليزا امممممممممممممممم واممممممممممم ربي يكون في عونك يارب
ام امنية عندك الحق
مشكورة عزوفة نجربها ان شاء الله
ام فاطمة واسيا مرحبا ووربي يخليلك الوالدة الكريمة

[lyzzabel]

وردة سطيييف العاالي تسلم الأياااديي عزييزتيي طياابك يشهيييي فكرتييني بوردة الشمس ان شااء الله تكوون بخييير

عزوووفتيي اووكي رااني في الإنتظاااار و الأسيااااخ ممممممممممممممم

ام فاطييمة صح فطووورك جاارتيي هههه

ام ايوووب حنا البييستااش رااه يديير عندنا 500 الف واااه أمني ولا بووكلي شعرك و اللووز 280 الف و يكوونو زاادو فييهم على جاال العييد الله يهدي العباااد مزية باقييلي شوية من لي قااتو تااع السوتنوونس كااشما نهف بييهم شوية هههه

ام امنية تسلميي حبييبتيي و الف مبرووووك مسبقاااا هههه ،، بصحتكم الشووربة و و الكووكاا و طاجيين الزيتوون مممممم اعطييني طرييقتك في طاجيين الزيتوون على باالي بلي طياابك بنيييييين

قمووورة اليووم ما سهرتش ان شااء الله المانع خييير

نخلييكم حبييبااتي سهرة ممتعة و الى الملتقى بإذن الله

اللهم اغفر لنا ذنوبنا ما قدمنا منها و ما أخرنا و ما أسررنا و ما أعلنا انت المقدم و المؤخر لا إله إلا أنت

[آسيا 27]

بون سوااااااااااااااااااااغ


















كاين شي صور مركز التحميل ما جاوهش على ال9وسطو ما بغاش يحملهم

[أم فاطيمة]

جيت خاجة لقيت اسيا تحط في خيراها يعطيك الصحة و ربي يخليلك مينتك
جارتي واش راكي تصبحي بخير
صح سحوركم ربي يصبحكم على فرحة

[أم أيوب 11]

ليزابيل الله يعطيك الصحة انا ثاني اليوم دارها بياا الوقت

عازفة بصحتكم اخت ٱسيا الرقاق نتاع ماماك روعة الله يعطيها الصحة انا البارح درته

أنوار اليمان أم أمنية أم فاطيمة انا ثاني قلت غالي بزاف

[آسيا 27]

[lyzzabel]

آسيااا ولييت على جاالك نتيا و ميييمتك ،، ماشاااء الله الورقة رااهي قد السني يعطييها الف عاافية وصلييلها السلااااام و بصحتكم التحلية و ربي يحفظك على خفة دمك هههه

حبييبااتي عيووونكم الحلوييييين تسلمووووو

شباااب امرأة كل خطرة نقوول نحطلك رد و ننسى ،، ربي يقدرك على المسؤووولية و يكوون في عوونك حبييبتيي و رااهم نصاائح ام و ابنة درر ،، ان شااء الله ما تمليييش و توقفي مع بنتك و بإذن الله تلقي ثمراات جهووودك غااليتيي

ام وابنة ربي يحفف علييك دييري خل التفااح يزل علييك شوية السطر و بالشفاااء ياااارب

تصبحن عل خييير حبييبااتيي

[omomnia15]

يسلمك ليزا والله عادي انا مزلت دقة قديمة كيما يقولوا نقلي الجاج مع البصل والحرور وفلفل اكحل وملح ونقطع الزرودية دوائر ونغلي الزيتون 3 مرات كل مرة نبدل الما برك ونغلق كي يطيب نفتح عليه ونعقدو بشرية فرينة وطماطيش تع الباطة وبرك وكاين الي يديرو ابيض بصح احنا نخبوه احمر وشكرا على الثقة