جزء***135***من واش طيبتي اليوم - الصفحة 60

لحن الحياة. · 2015-06-25, 15:51

هههههههههههههههه راهم كثرو المسابقات يناها منهم

ام طيري الجنة · 2015-06-25, 15:53

ام سراج بارك الله فيك حبيبتي على الدعوات و بصحتكم الكبدة مسبقا
الاخت بوبال اهلا بيك اخت بيناتنا نفيدوك و تفيدينا ان شاء الله و بكل العضوات الجديدات كل وحدة تدخل قاكيد هي اضافة جديدة في الابداع و الفائدة
الاخت هبوبة الحمد لله راها جاوباتك الشاف زينب ربي يخليها و انت بصحتك العرضة و ربي يخليلك خياتك و يخليكم دايما مجموعين يا رب
جيل و ام مؤمن مساء الانوار على احلى البنات
فطوري باذن الله راح نحبس مسلسل البحريات و نرجعله غدوة ان شاء الله اما اليوم اندير تالحريرة و الروز بالجاج في الركوشة و السلطة و الحمد لله

ام و ابنة · 2015-06-25, 15:57

اختي عازفة الناي لو سمحتي هل ممكن نعمل القريوش ديالك بالحلال برك دون آلماشينة تع الرشتة

ام الاشبال · 2015-06-25, 16:03

بارك الله فيك وفي اولادك على الرد ولكن مازال منعرفش نحط الرابط

Simassim · 2015-06-25, 16:05

اقتباس:

المشاركة الأصلية كتبت بواسطة ام مؤمن

مساء الخير عليكم حبيباتي كيف احوالكم

ماشاء الله الموضوع عامر بالابداعات و الخيرات ربي يدومها نعم و يعطيكم الصحة يا لحراير

اليوم طاح جهدي من التسياق من اول رمضان و انا نجوز نشاف برك اليوم عومت الدار صابون و جافيل و الدنيا راهي تشعل و انا راني كاو مزية عندي لفطور شوية شربة و اصابع التونة درتهم البارح و سلطة مفورة

رايحة نزيد ندير دجاج في اكياس الشواء عندي كمية مليحة من افخاد الدجاج شكون تنصحني بطريقة مليحة او اي وصفة بافخاد الدجاج في الفرن سهلة و سريعة راه خلصلي الجهد يا ربي ندور مع حوالي يوصل عليا المغرب

شكون الحنينة الزينة المسرارة اللي تطل عليا و تجاوبني

ربي يقدرك ويقدرنا.
نمدلك طريقتي
خدي شوي زبدة طرية خلطي معاها ثوم مرابية او بودرة وسكنجبير مطحون كمية مليحةعصير ليمون وملح ووشوي برك طمام مصبرة وفلفل احمر حلو شوي برك وموتارد وخليها فالتلاجة تشرب
مين تحبي تطيبي. ديري شوي فرينة في كيس ابشواء ووزعيه وحطي الدجاح وضيفي عليه فطر مقطع وشوي من الما تاعه ادا ماكانش فيها اضافات غريبة عجيبة. او تقدري تعوضو بشوي ما. وحطو فالفرن مين يطيب صفي المرق تاعك وحط الدجاج يتحمر ادا حبيتيه محمر بزاف. يجي امممممممممممم

Simassim · 2015-06-25, 16:10

يافرحتي. ساعة وانا نحمل فالصور ونحط فالرد ومنبعد بح بح بح دمعة سالت

أم هبوبة · 2015-06-25, 16:16

اقتباس:

المشاركة الأصلية كتبت بواسطة زينب 83

ام هبوبة اسقيهم سخونين و العسل بارد زيديلو غير ملعقة ماء زهر مليح يكون ثقيل باه يبقاو مقرمشين ، حتى انا بلاك نديرهم هههههه شهيتيني

شكرا زينب ربي يخليك تعرفي طليتي على قلبي حاسيت انت الي رايحة نلقاها جاوبتني جاني هدا الاحساس و انا نغمل فيهم يا رب يخرجوا ملاح و ما يحشمومنيش
و دروك رايحة نزيد البسبوسة التركية لام اماتي طبق احتياط

أم هبوبة · 2015-06-25, 16:20

ام سراج و ملاك و ام وابنة و ام طيري الجنة شكرا حبيباتي ربي يخليكم على الرد

ام ساجد · 2015-06-25, 16:28

[SIZE="5"]اختي ام مؤمن هاذي درتها البارح جات هايل

[/SIZEافخاذ الدجاج في الفرن
التتبيلة نصف مغرفة معجون طماطم +شوي هريسة+مغرفة مايونيز+زنجبيل بودر+ملح +كمون+ذرة قرفة+كركم+زنجبيل+2سنات ثوم مرحي +القليل من الماؤ نخلطهم ونضيف افخاذ الدجاج ونرمدهم مليح في التبيلة ونخيهم ساعة ومن بعد نحطهم في كيس الشواؤ وندخلهم لفرن 30دقيقة ونقدمهممع بطاطا مقليةو2سنات ثوم مرحي وشوي ماؤ نخلطهم ونحط فخذ الدجاج وخط جيدا ونخليه ساعة ث نحطو في كيس الشواؤ وندخلو للفرن مدة نصف ساعة ويقدم مع لبطاطا المقية

ام مؤمن · 2015-06-25, 16:39

اقتباس:

المشاركة الأصلية كتبت بواسطة عازفة الناي

الله يعينك حنونة والنظافة يا سلاااااااااااااااااااااام
شوفي دير الافخاذ فاساشي و ديري الثوم بودرة، ملح ، فلفل اسود ، معدنوس ، زنجبيل بودرة ، كركم ، و لاموتارد وعصرة قارص ، شوي زيت زيتون و شوي عسل وخلطي الكل مليح وزيدي حبة طماطم اما مرحية او قطعيها مكعبات واذا حبيتي بصلة مقطعة شرائح و اغلقي الساشي و دخليه للفرن يطيب اممممممممممممممم روعة و بنة تهبل

معزوفة المحبة حبيبتي راني درت التتبيلة للدجاج موطارد و شوية ملح فلفل اسود زنجبيل معدنوس ثوم مجفف و شوية توابل جاهزة نتاع اللحوم البيضاء و شوية قارص و عسل و شوية زيت و طماطم مرحية و مصبرة ايضاو شرائح البصل الكركم ماعنديش و حطيت ورقة رند و الهريسة ممنوعة على الاولاد هههههه

و راني خليت الدجاج يتشرب التتبيلة مليح في الثلاجة لمدة ساعتين الساعة 6 و نصف ان شاء الله نطيبو و كي يطيب نصورهولك بعد الافطار ان شاء الله و ندعيلك دعوة خير

صحى فطوركم

أم ماجد · 2015-06-25, 16:51

ربي يعاونكم يا لحراير
الاخت بوبا مرحبا بيك معانا
ام مؤمن بلعقل على الاولاد
انا من دعاة الحرية خخخخخخخخخخخخخخخخخ حتى انا اليوم سيقت تسييقة هي
ام تاجو بركاي من التنقريز حابة تولي عزوزة وزوجك عندو الحق
روزا في الكوزينة مع فطورها طردتني قاتلي اليوم ممنوع الدخول انا مايهمنيش واش طيبت لانه مجودي معروض اليوم

أم ماجد · 2015-06-25, 16:53

اقتباس:

المشاركة الأصلية كتبت بواسطة boubal

اخواتي هل استطيع ان اعمل تورتة بالطبقات بدون طهي في اي بلا عادي ام شرط اللي ينفتح من الجانب

اكيد تقدري لكن ديري المنيوم من تحت باه تسهلك تجبديها كي تخلصي ؟تقرعيج واش من وصفة رايحة تديري ؟؟؟؟؟؟؟؟؟؟

أَوْتَآرُ الأَمَلْ · 2015-06-25, 17:08

سلام
تعيشو مدولي فلان مليح في الكوووووشة

lyzzabel · 2015-06-25, 17:24

اقتباس:

المشاركة الأصلية كتبت بواسطة ام و ابنة

ام هبوبة نفس نصيحة زينب

ربي يعيشك اختي بوبال نتشرف بيك و بمعرفتك

البنات مالقيتش تحلية الكابريس تع اسمهان تالمو هدرتو عليها سخفتوني تعيشو أعطوني الرابط و لا نمرض لكم

https://www.djelfa.info/vb/showthread.php?t=1791995

lyzzabel · 2015-06-25, 17:28

اقتباس:

المشاركة الأصلية كتبت بواسطة أَوْتَآرُ الأَمَلْ

سلام
تعيشو مدولي فلان مليح في الكوووووشة

https://www.djelfa.info/vb/showthread.php?t=1045039

https://www.djelfa.info/vb/showthread.php?t=1359714