الى ام اسيد1 وكل وحدة حاصلة واش الطيب

[ام حمزة22]

ام هديل ربي يحفضلك هدولة ويجيبلها الشفاء العاجل



ام فدوى شرفتي موضوعي يعطيك الف صحة وعافية بارك الله فيك اختي مرورك اسعدني

[ام ادم11]

مساء الحخير عليكم كامل وبالاخص اختي ام حمزة يعطيك الصحة على هاديك البيتزا راهي تشهي

[crono]

صباح الخير عليكم
اليوم طر عليا نعس قلت نوض ونحط موضوع كنت وعدت أخت أم حمزاء بتحضير زعلوكة الباذنجان
https://www.djelfa.info/vb/showthread.php?t=1698412

[ام حمزة22]

سلام
صباحكي سعيد كرونو
انا ندت نصحر قلت نضرب طلة
لقيتك سبقتيني كرونو ما شاء الله عليك ربي يحفضلك صحتك ويخليك
يعطيك الصحة على الزعلوكة درك نروه نشوفها

[ام ادم11]

صباح الخير عليكم

[روح مراد]

صباح الخير عليكم عاشوراء مباركة إن شاء الله و كل عام و أنتن بألف خير
نسبقكم زعما قافزة

[ام هاديل وياسين]

صباح الخير على الجميع نهاركم مبروك ان شاء الله تكونو بخير
صيام مقبول

[صدفات]

صباح النور للجميع
أختي كرونو و الاخت أم حمزة الله يبارك راكم تبكرو
و للصائمين ربي يتقبل منكم ما تنساوش الدعاء
أختي أم هديل إن شاء الله تكون بنتك تحسنت

[روح مراد]

أم هاديل ربي يشفي بنتك و يعطيها الصحة

[ام هاديل وياسين]

شكرا اخواتي صدفات وروح مراد يسال عليكم الخير ان شاء الله
اديتها لطبيب راهي الحمد لله خير شوية بصح فمها راه دارها رقدت على البكاء وناضت عليه
راني غير نسايس فيها..ربي يخليكم ويحفظ ما عندكم امين

[صدفات]

المشاركة الأصلية كتبت بواسطة om hadil

شكرا اخواتي صدفات وروح مراد يسال عليكم الخير ان شاء الله
اديتها لطبيب راهي الحمد لله خير شوية بصح فمها راه دارها رقدت على البكاء وناضت عليه
راني غير نسايس فيها..ربي يخليكم ويحفظ ما عندكم امين

صباح الخير أم هديل ما تخافيش عليها لأأنه إذا كان عندها الحر كيما فهمت عندها سبعة أيام و تريح من فمها ينقص بتدريج حتى يروح .انت ثاني ربي يحفظلك وليداتك

[ام حمزة22]

سلامي الحار للجميع
صباحكن سعيد ويومكن اسعد صح عشورتكم لعقوبة العام الجاي ان شاء الله
انا زعما اليوم وجدت الرشتة قلت نطيبها اليوم زوجي وولادي ربي يحفضهم خسرولي العزيمة لاعادات لاتقليد
قلبت الصفحة وبدلت المونو
واليوم ما كترتش الصور باه نكمل فطوري بكري ونروح للعمل نتاعي للدورة الفنون لي في قسم الاعمال الفنية ان شاء الله برك نكمل فالوقت خيرت عمل يشد اليد شوية
المهم اليوم وغدوة بادن الله رانا صايمين التاسع والعاشر من عاشراءربي يقدرنا ويتقبل منا ومنكم
ولادي كي يصومو يشرطو علية واش ياكلو بصح شروطهم مساكن خفيفة
راح يكون الفطور بادن الله شوربة وحساء الخضر و الخبزة لي سبق وحطيتها نتاع الفريت بالبيض والمعدنوس والبصل تصيبوها فالصفحة27
وراح نديرلهم سلطة ارز تصيبوها فالصفحة 40
الشوربة طيبتها بالحم والفريك قليت اللحم مع البصل بالملح فلفل اكحل وقرفة وفلفل عكري ضفتلهم حبة جزر وحبة قرعة وحبة بطاطا وحشيش مقطفة بعد ما نقلاو ضفتلهم شوية ماء وخليتهم يطيبو بعد ما طيب الخضر نرحيها مع حبة طماطم ونضيفها لشوربة من بعد نضيف الفريك لي كنا نقيناه وغسلناه ونحرك ساعة على ساعة باه الفريك ما يلسقش فالقدرة بعد ما يطيب نمرق ونضيف باقة نعناع باه تتلق البنة يغلي غلة ونطفي الفرن
اما حساء الخضر ولادي يحبوه كي يصومو كي العادة نقطع الخضر في القدر المتمتلة في بصل وثوم وقرعة وبطاطا وجزر ولفت نضيف الزيت والملح بعد ما يطيبو نرحيهم ونضيفلهم اللحم المفروم ونرجع القد فوق النار باه يطيب اللحم ما يطولش ويطيب

[ام هاديل وياسين]

يعطيك الصحة اختي ام حمزة طليتي على قلبي كنت رايحة نسالك على الفريك
هوا التشيشة تاع المرمز ؟احنا هكدا نقولولها وطيابها كيما الحريرا
صيامكم في الجنة الله يتقبل

[crono]

عاشوراء مباركة إن شاء الله و كل عام و أنتن بألف خير

[صدفات]

سلام عليكم شهيتيني بهذيك الحريرة كون غير تعطيني غرفية راني صايمة وحدي وعلى هذا مادرت والو كي نخرج على 4 ونص نطيب اللوبيا الخضراء مع السلاطة و بزاف