صباح الخير حبيباتي
كيف صبحتوا اليوم ان شاء الله تكونو لاباس
اولا شكرًا على الكلام الزين يا غاليات
سماح حنونة عجينة البيتزا انا كل مرة ندير واحدة على حساب واش عندي في البيت ، كاينة عجينتي الاولى لي بالمشروبات الغازي تلقايها في مواضيعي ، اما في هاذي درت لبن دافئ تقريبا كاس او زيادة و ملعقة سكر و ملعقة خميرة كي طلعوا و دارو فقاعات ، زدت ملعقة غبرة حليب و الفرينة حسب الحاجة حتى تكونت عندي طرية و تلصق. زدت الملح و ملعقتين زيت زيتون و ملعقة صغيرة زبدة او مارغرين هذي تخلي العجينة تحفة
هالة اسماء باه جيت البيتزا رقيقة اطرحيها رقيييييييييييقة و ماتخليهاش تطلع بزاف قبل التشكيل يعني دقيقتين كفاية ، و لنجاح البتزا و با جيك طرية لازم الفرن يكون سخووووووووووووووون مليح مليح يعني انا نشعلو ساعة قبل ، اذا عندك مروحة شغليها و اذا ماعندكش ديري كاسرونة فيها الماء و دخليهالو اسفل الفرن مدة كفاية قبل ماتحطي البيتزا با يتوزع البخار و جي البيتزا طرية
ام و ابنة الدرة ساهلة حنونة عادي تقشريها و تشويها فوق نار مليحة لكن تبقاي تقلبي فيها ماتخليهاش تحترق حتى طيب كي طيب حطيها في ماء مملح مليح و عاودي رجعتيها ثواني فوق النار ينشف الماء و بالصحة و الهناء بكري كانو يدهنوها بالزبدة و هي سخونة جي بنينة ، لكن دوكا انا استغنيت عليها
احسن ذرة تاع هذا الوقت راهي طرية ما شاء الله
ام لعجين انا ماعنديش بزاف ملي شريت البترا مدة كبيرة و انا نعجن بيدي و الحمد لله ، سر نجاح العجينة المتخمرة هو طراوتها ، لانها كون تكون يابسة و لو شوي مراحش جيك خفيفة و تاني مدة الاختمار م مثلا في الصيف راهي تخمر بسرعة مالازمش نخليوها بزاف
عزوفة بريوشك يهوسسسسسسسس
دايمة الحمد بصحتك التحويسة انت و اميرة يا رب ترجع لونا بخير و سلامة
ام الدكتورة صباح الخير حبيبتي
ام جوجو يا عسل صباح الخير
صدفات طيابك يشهيييييييييييييي روعة
ام رحاب نفرج كي نقلقاك منورة الكوزينة يا غالية
ام اسلام و و هيبة و ليزا و ياسملك ، و لهنة و ام سهام ، و ام رشدي كاوكا و النرجوسة و رتاج التيارتية ، و حبيبتي ام رهام و بزاااااف بنات عندهم مدة مابانوش يا رب يكون بخير
( تقرير عن مشاركة سيئة )، و الموجودة أسفل كل مشاركة .
2015-07-30, 09:19
صباح النور ياشاطرات
العرض العادي
