كيف تقتصدين في حياتكي اليومية.موضوع متجدد

[Meriemchawiya]

المشاركة الأصلية كتبت بواسطة هبة الكوثر

راني مدايرة شحيحة في المطبخ كل مانرجع الصرف تاع الخبز ولا نلقى في جيب راجلي كي نجي نغسل لحوايج نحطها تما والله تنفع
كي نطيب ماكلة باللحم المرحي نزودله الروز ...الروز ينشف المرقة ويجي بنين ومايغيرش الطعم
الخبز اليابس ندقو ونخطو في كارتون ونستعملو شابلير
ونستعمل الخبز اليابس موسكوتشوا ولا نديرو سنيفيات مقليين مع القهوة
كي نلقى ساشي حليب رايب نديرو فورماج
كي نطيب المرقة تاع الطعام ولا الرشتة ندير بالزيادة ونخبي فالكونجيلاتور باه جمعة نطيب وجمعة مانطيبش
الزيت تاع قليان البطاطا نصفيه ونخبيه في بلارة زجاج كي يبرد نطيب بيه الماكلات لوخرين
باه زيت القليان مايتحرقش ويمصهاش كامل القليان كي نشمخ البطاطا والبادنجان والقرع في ماء فيه شوية خل
هادا واش راني متفكرة بصح كاين حاجة واحدة ماتشدليش هي لاجافال والله كاني نشرب فيه هههه نحبوا ونشري بيدون 5 ليترات مايشدليش سمانة وراني استفدت مع اختى لي هدرت عليها

andi lik hal li javel ana mdayra bakhakha ta3 désosorisant fargha ndir nos javel w chwya isis liquide w chwiya maa walah raw3a iktisadi jidan nroch biha w nadhaf w tokhraj ndifa la cuisine

[meriama13]

يعطيكم الصحة هادا وين شفت الموضوع
انا عزباء و تعلمت بزاف صوالح من ماما
الثوم نديروها حبات في الكونجيلاتور و مين نحتاجو نجبدو كيف كيف بالنسبة لليمون و زاست نتاع التشينة الطومسون راني نجمع فيه نحتاجه للحلويات
تاني الطماطم حبات مين تكون رخيصة و بزاف في فصل الصيف نديروها في الكونجيلاتور
المعدنوس كيفكيف نغسلوه و نقطعوه رقيق و نقسموه في علبالزبدة الصغيرة و نحطوهم في الكونجيلاتور
الزيت نتاع القليان نصفيها و نحطها في بلارة زجاجية نحضر بيها المرق

[~أمة الله~]

السلام عليكم ورحمةُ الله وبركاته
الحقّ الموضوع رآآآائع جدّا واستفدت منه [ إن شاء الله أُطبِّق في بيتي مستقبلا ^^ ]
من الأمور التي تقوم بها أمي حفظها الله : كي تطيِّب الدولما ، تلّم بقايا القرعة والبطاطا ( يعني واش فرغت منهم ) وطمّهم في كيس تاع التبريد وتحطهم في المجمّد وكي تدير الحساء تضيفهم معاهم

[hindoucha02]

عندي سؤال بخصوص الميكروواف. أنا أستعمله في تسخين الاكل . هل هذا سيء

[ام منيب]

شكرا اختي على هذه النصائح

[ام البنوتة]

موضوع هايل
انا مثلا اذا درت حوت و لا جاج في العشا غدوا ندير les gumes باش نستفاد من العظم تاع الجاج و البقايا تاع الحوت.
تاني في التسياق نسيق بالطاس نتحكم في الماء ماشي هو هارب و انا لاحقتو و باش ما نبذرش.
فكرة اخرى نهار نغسل شوية حوايج و يكون الماء تاع التشلال نظيف نسيق بيه.
ايضا لما نغسل الخضرة او الديسار ما نرميش الماء هذاك و نسقي بيه النباتات لي عندي.
فكرة اخرى حوايج يضياقو علي و لا ماتنفحليش نلبسهم نعاود نفصل منهم حاجات باهيين لبنتي.
حاجة اخرى قررت اني ما نزيدش نخيط لبسات تقليدي للاعراس الا لي جبتهم كي تزوجت و لكن نخيط اونسومبل شيك نلبسو في الطهارة في عرس في فال تاع باك و ما يحتاجش بزاف ذهب...
هذا افكاري نتمنى يعجبوكم

[امونة الشاوية]

السلام عليكم انا شفت الموضوع و عجبني و حبيت نشارك معاكم باش اشتفادمن نصائحكم وتستفادو من نصائحي
انا استغل ضوء ربي لاخر دقيقة يعني نخلي النوافذ محلولين حتى المغرب و نقفل وكي نشعلو التريسيتي نشعل الهول يقرى ولدي في الطاولة اللي في الهول وفي الصالون التلفاز شاعل مايشعلش الضوء وانا في المطبخ والضوء تاع الخارج كيي يجي الوقت تاع راجلي يروح ويعيطلي كاش ما يجيب نشعلو
والماء : العين تجينا كل يوم ولكن انا مانحلهاش كل يوم حتى يقرب يخلص الماء على حسب الخدمة تاع الدار
وكي نغسل القش نشلل في لابينوار والماء هاذاك نستغلو طول النهار للمرحاض اكرمكم الله حتى لغدوة نعمر
المدفاة كي نوض بعد نقص فيها لانو نحل النوافذ الباب يتحل السخانة اكل تخرج و غدا ان شاء الله نكمل واش نتفكر
ايضا كل يوم نشري الحليب تاع الشكاير نعاون بيه لحضة و اذا حبيت ندير حاجة فيها الحليب او الفلن نستعمل تاع الشكاير و الشكاير نغسلهم ونستعملهم للمايوناز و الشوكولاطة تاع القاطو

[ماريا205]

الله الله عليكم يا بنات بلادي فحلات ونص
ربي يبارك ويزيد

[/زهرة عصفور الجنة/]

شكرا لاثرائكن الموضوع

[fatihmd]

انا قبل ما انطيب الغداء نخرج الخضر كلها من الثلاجة يوميا و نشوف الخضرة الي رايحة تتلف نستهلكها في داك اليوم للفطور او العشهء

[شموخ امرأة]

اشكرك اختي ام محمد افكار رائعة حبيت نسولك علي امو المشينة قلت المركز واش معنى المركز ممكن النوعية انا عندي 2 ماشينة وحدا اتوماتيك وحدا نصف يدوي (نتاع شنوا ) مانقلكش امو بلا حساب نجب 3 كيلو في15يوم نغسل يوميا و فراش لولاد وي ريت الاخوات ينصحوني فيما يخص الفريتاز انا شريت وقالول تد تريسينتي بزاف

[/زهرة عصفور الجنة/]

المشاركة الأصلية كتبت بواسطة ام عبد اللطيف

اشكرك اختي ام محمد افكار رائعة حبيت نسولك علي امو المشينة قلت المركز واش معنى المركز ممكن النوعية انا عندي 2 ماشينة وحدا اتوماتيك وحدا نصف يدوي (نتاع شنوا ) مانقلكش امو بلا حساب نجب 3 كيلو في15يوم نغسل يوميا و فراش لولاد وي ريت الاخوات ينصحوني فيما يخص الفريتاز انا شريت وقالول تد تريسينتي بزاف

لنا استعمل اريال ولا le chat راه يكون مركز على بقية الانواع ورائحته طيبة على الملابس. اذا اردت حقا التوفير فيه عليكي بفرك الطاشات بصابون الطرف خاصة ملابس الاطفال بعدها اضيفي نصف كمية مسحوق الغسيل.بما انك عندك الة نصف اتوماتيك فانك تستطعين بشر صابون حجرة وغسل الملابس البيضاء بيه يجعلها جد ناصعة من بعد اودي الغسيل بكمية قليلة من امو تاع الترقاد اي تاع اليد سعرهم اقل من تاع الماشينة وتستطعين استعماله في غسالة نصف اتوماتيك

[مليكة31]

جزاك الله كل خير على هده الافكار

[djazia87holi]

السلام عليكن اخواتي صراحة حبيت اشكر وازيد فائق شكري واحترامي الى صاحبة فكرة هدا القسم لانو رائع ويسعى لمرضاة رب العالمين اولا و2لمرضاة الزوج في الاقتصاد و3 لجعل المراة مهما كان مستوى المعيشة الى ان يكون متوازن حتى في اصعب الوقات ولفت انتباهي الى الفعالية الموجودة عند المشتركلت بارائهن ربي يحفضكم يا رب العالمين وحبيت نزيد على كلامكم بفكرة انشاء الله تعجبكم وهي لما تشرو مستلزمات البيت مثل القهوة والسكر والزيت او ماشابه تجيبو كاس صغير وتنحو من السكر والقهوة فنجان وتخبوه وتزيدو عليه كل مرة وهادي الفكرة والله العضيم وفرت عليا مشكلات كبار مثلا لما يجيك ضيف فجاة ومالقيتش مثلا السكر وماكانش شكون لي تبعثيه الاولاد في المدرسة والزوج مشغول نجبد من لمخزناتو و وثانيا لما نحب نخدم حلوى نجبد ونخدم وفي الاخير هدا من باب عدم الاحتياج وهده الفكرة اخذتها من حماتي وكل ما تكون عدكم كمية معتبرة استبدليها بالجديد يعني السكر لي شريتيه اليوم خبيه واجبدي المخزن عليه وهكدا تحافضي على الجودة نتاعو وهادي الفكرة تصلح لمصروف الشهر او المصروف اليومي والفكرة الثانية هي لما يكون الخضرة رعندك بزاف مثل الطماطم وتكون ناضجة بزاف اغسليها وخيري الناجة بزاف ةكرفجيها وديريها في بورت مونجي وفي الكونجلاتور تشدلك وقت اطوا وفي هدا الوقت استهلي الطماطم الحب لي بقاتلك وكل ما تحتاجي اجبديمن الكونجلاتور وطيبي وانشاء الله نكون افدتكم ومشكورين

[djazia87holi]

السلام عليكم تفكرت فكرة نستعمل فيها ياسر لما يكو ن عندك الجزر كمية كبيرة وتخافي يذبل انا نغسلو ونكرفج الحبات الصغار لانهم سرعان ما يذبلو ونديرهم في بورت مونجي ونزيد عليه شوي ملح ونخبيه وكل في اوقات الغداء والعشاء نجبد منو نديرو سلطة جزر بالخل صدقوني روعة ومفيدة حدا جدا خاصة للاولاد وفكرة اخرى لحبات الجزر الكبار جدا تقدري تخليهم مثل الفلفل الحار تغسليه وتقطعيه كيما تحبي تزيديلة شوي خل وملح وحبة قا رص مقطعة وورقة رند وهادي الفكرة اخذتها من صديقة ليا سورية لان السوريين يحبو الممخللات بزاف ومعظم الخضر يخللوها وكل ما نتفكر حاجة نقلكم عليها