استاذ محامي في الخدمة - الصفحة 6

ساره ساره · 2011-08-21, 18:40

اقتباس:

المشاركة الأصلية كتبت بواسطة نسرين2012

الله يسلمك اختى
اللهم امين وجميع المؤمنات والمؤمنين
حبيت نخبرك بلي كي ييجى خطيب صديقتك من بعد ماتروحو تجيبو استماره تصريح الزواج من الولايه قسم التنظيم العام غرفة تنقل الاجانب تدي تعمريها وتليغاليزيها في البلديه نتاعك وتعاود تديها للولايه مع اوراق الملف اللي خبرتك بيه وتدى معاها ظرف بريدى مع طابع ومن بعد تلات ايام حتى اسبوع يتصلو بيكم الشرطه نتاع البلديه اللي راكى تابعه ليها ويعملولكم تحقيق يسقسوك كيفاه تعرفتو واش عنوان الاميل نتاعك شكون اللى طلب الزواج من التانى قداش تعرفو بعضاكم ويسقسوك شكون تعرفي من اهله اذا تلاقيتيهم واش يعرف خطيبها عن الجزائر واش ناوى يشتغل وهى واش لي بروجى نتاعها ووووو اسئله خاصه بزاف شي تتوقعو وشي مايخطر على بال ومن بعد لازم تروح هى وياه لسفاره بلاده هناك ايضا باه يمدولو تصريح يعملولهم تحقيق واسئله تشبه لتاع الشرطه نتاعنا ومن بعد تستناو حتى يوجدو كما قلتلك قادرين يستناو شهورا لتصريح تاع الجزائر اما تاع الخارج مايطولش

والله صح عندك الحق ربي يعيشك حبيبتي
انا سمعت اللي يروح لتونس يزوج الاجراءات تقعد تلات ايام برك
بصح تونس دورك احوالها تعبانه ولا خلاص فيها الامن تسقمت؟؟؟

نسرين2012 · 2011-08-21, 18:51

اقتباس:

المشاركة الأصلية كتبت بواسطة ساره ساره

والله صح عندك الحق ربي يعيشك حبيبتي
انا سمعت اللي يروح لتونس يزوج الاجراءات تقعد تلات ايام برك
بصح تونس دورك احوالها تعبانه ولا خلاص فيها الامن تسقمت؟؟؟

صح في تونس بالسفاره تجوز بسرعه بصح كي يرجعو لازم يرفعو قضيه باه يسجلو الزواج في الحاله المدنيه لان الترخيص بالزواج لازم هنا وهذا هو السال لي طرحته في المنتدى هذا عن اذا ممكن نتزوج في الخارج ونرجع نسجل هنا وماهى الاجراءات بصح واحد ماجاوب لازم محامى متخصص في امور الزواج
اما حاله تونس يعنى اماكن مستقره واماكن لالا بصح ماشي فوضى فقط قالو السرقه زادت والله اعلم المهم ماعادتش كيما بكري وكاين اللي راحو وقالو ماكان والو والله اعلم

ساره ساره · 2011-08-21, 19:14

كون غير بلادنا تسهلها
ياك الزواج حلال ماشي حرام
حتى ربي والنبي يفرحو ويسهلو للزواج عليه الصلاة والسلام
انا اناشد بلادي الجزائر الحبيبه تسهل في هاد التصريح ماتخليهش يطول
وياسعد من جمع زوج في لحلال والله اجر عظيم

ساره ساره · 2011-08-21, 20:02

صديقتي لقات منتدى ديال المحاميين يعني اصلا مصمم خصيصا للمحاميين حبيت نمدلك الرابط على رساله خاصه بصح لازم تسمحلي الاداره الاول على خاطر خفت يحضروني وانا حبيت هاد المنتدى
مانيش عارفه
وتاني فيه المحاميين يمدولك ايمايلاتهم وانتي تساليهم براحتك

ساره ساره · 2011-08-21, 20:04

نقولك انا نيعتهولك في الرساله الخاصه باه مايشوفهاش الاعضاء
ونطلب من الاداره تسمحلي بالبزاف وماتحضرنيش
والله حبيت نساعدك برك وصديقتي شوي قبيل اللي قاتلي على المنتدى هادا

ساره ساره · 2011-08-21, 20:10

راني بعتلك بصح كتبولي هكدا
لن تستطيع إرسال رسالة خاصة إلا للمجموعات التالية :
المستلمين الذين لا ينتمون إلى المجموعات المحددة هم : نسرين2012

نسرين2012 · 2011-08-21, 20:55

اقتباس:

المشاركة الأصلية كتبت بواسطة ساره ساره

راني بعتلك بصح كتبولي هكدا
لن تستطيع إرسال رسالة خاصة إلا للمجموعات التالية :
المستلمين الذين لا ينتمون إلى المجموعات المحددة هم : نسرين2012

ربي يخليك ويكثر من امتالك معليش ماوصلتنيش رسالتك بصح نيتك في مساعدتى فرحتنى ربي يفرحك ويجازيك
ممكن تسالي فى بلاصتى عن الاسئله اللي تفيد صديقتك وتفيدنى كيما متلا هل يمكن عقد الزواج في السفاره الجزائريه بالخارج دون تسريح بالزواج ثم اعاده رفع قضيه في الجزائر لتسجيلها في الحاله المدنيه
انا منعرفش كيف نقدر نتصل بيك كن انى عطيتك الاميل نتاعى بصح مانعرفش المهم لو تقدري تساليهم في بلاصتى انا موضوعى ان خطيبي ماشي ناوى يستقر في الجزائر هو يعمل في دوله عربيه وجنسيته من دوله اخرى غير تلك التى يقيم بها وحاب يعقد القران في البلد الذى يقيم به فهل يمكن ذلك دون الجاجه الى ترخيص ؟ثم تسجيله برفع دعوى لدى محكمة العاصمه لانها مكلفه بتثبيت الزواج في الحاله المدنيه
وبارك الله فيك اختى

ساره ساره · 2011-08-21, 21:38

اقتباس:

المشاركة الأصلية كتبت بواسطة نسرين2012

ربي يخليك ويكثر من امتالك معليش ماوصلتنيش رسالتك بصح نيتك في مساعدتى فرحتنى ربي يفرحك ويجازيك
ممكن تسالي فى بلاصتى عن الاسئله اللي تفيد صديقتك وتفيدنى كيما متلا هل يمكن عقد الزواج في السفاره الجزائريه بالخارج دون تسريح بالزواج ثم اعاده رفع قضيه في الجزائر لتسجيلها في الحاله المدنيه
انا منعرفش كيف نقدر نتصل بيك كن انى عطيتك الاميل نتاعى بصح مانعرفش المهم لو تقدري تساليهم في بلاصتى انا موضوعى ان خطيبي ماشي ناوى يستقر في الجزائر هو يعمل في دوله عربيه وجنسيته من دوله اخرى غير تلك التى يقيم بها وحاب يعقد القران في البلد الذى يقيم به فهل يمكن ذلك دون الجاجه الى ترخيص ؟ثم تسجيله برفع دعوى لدى محكمة العاصمه لانها مكلفه بتثبيت الزواج في الحاله المدنيه
وبارك الله فيك اختى

اوكي بلا مزيه نسقسيلك
حبيبتي ياريت تكتبيلي هنا موضوعك وانا نكوبيه ونديه للمنتدى هاداك وكي بجابوني نعملو كوبي ونجيبهولك هنا على خاطر انا مانعرفش مليح على مشكلتك و المحاميين يحبو بالتفصيل
اكتبيلي هنا درك باه مانضيعوش الوقت وبربي يجابوك غدوا بعد
والله راني حابه نساعدكم من كل قلبي على الاقل ندي اجر فيكم ويفرج ربي عليا في واش انامل

نسرين2012 · 2011-08-21, 22:05

اشكرك كتيرا اختى الغاليه وهده قضيتى

انا مخطوبه من اشهر وخطيبي مواطن مسلم مقيم بلبنان لان عمله هناك لكنه ليس لبنانى المهم بحكم شغله لايصعب عليه حاليا المجىء للجزائر واستسمح اهلي في امكانيه عقد القران بالسفاره الجزائريه بلبنان اخبرته ان الزواج عندنا يقتضى ترخيص وهذه الوثيقه تتاخر في الصدور شهورا يعنى حتى لو تمكن من ان يحصل على عطله قصيره لن تكون الا اسبوع واحتمال ضعيف ان يسمحوا له بالنزول لانه سبق وان استفاد من عطلته الرسميه في ظرف عائلي منذ ايام وهو ماعقد الامور اكتر وجعلنا نفكر في عقد الزواج في محل اقامته لكن في سفارتنا ثم تسجيله برفع دعوى للمحكمه بالعاصمه لتسجيله في الحاله المدنيه
وعليه اسال هل يجوز لنا ذلك
في حاله استحاله ذلك هل يمكن تسريع ترخيص الزواج بتوكيل محامى ؟ وكم يستغرق ذلك ؟ وهل يمكن توكيل محامى لمباشرة الاجراءات دون حضور خطيبي اي توكيل المحامى لينوب عنه في الحصول على الترخيص لان الترخيص يتطلب توقيعه والتحقيق معه؟وبعد حصولي على الترخيص هل يمكن ان اسافر ونكمل الاجراءات بلبنان؟

جزاكم الله خيرا
اتمنى ان تشيروا علينا لاننا نريد تاسيس اسره طيبه وعلى اساس صحيح ولو كنا نريد غير ذلك لما سعينا للاستشاره هو من جهته وانا من جهتى ويارب يقدم اللي فيه خير
واتمنى عبر مشكلتى ان يجد غيري حلولا لمشاكلهم

ساره ساره · 2011-08-21, 22:39

راني كوبيتلك موضوعك وحطيتو في قسم الاستشارات وتاني حطيتو في قسم التساؤلات القانونيه هاكده باه نعتيلو حقو في الردود
واي رد يجيني ان شاء الله راني مانتاخرش عليك لتم لتم نجيبهولك هنا
وبلا مزيه حبيبتي
ادعيلي برك ربي يسهللي في واش نامل

نسرين2012 · 2011-08-21, 22:47

ربي يفتح عليك ويعطيك اللي تتمناي واحسن وعاجلا وليس اجلا
من سعى في حاجة اخيه سعى الله في حاجته
وانتى ينطبق عليكى الحديث الشريف التالي

حَدَّثَنَا أَحْمَدُ بْنُ بَكَّارِ بْنِ عَلِيِّ بْنِ بَكَّارٍ الْمِصِّيصِيُّ ، يُكَنَّى أَبَا طَالِبٍ وَمَا عِنْدِي عَنْهُ غَيْرُ هَذَا الْحَدِيثِ ، ثنا يُوسُفُ بْنُ سَعِيدِ بْنِ مُسْلِمٍ الْمِصِّيصِيُّ , عَنْ حَجَّاجٍ , عَنِ ابْنِ جُرَيْجٍ , عَنْ عَطَاءٍ , عَنِ ابْنِ عَبَّاسٍ , قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ سَعَى لأَخِيهِ الْمُسْلِمِ فِي حَاجَةٍ قُضِيَتْ لَهُ , أَوْ لَمْ تُقْضَ غَفَرَ اللَّهُ لَهُ مَا تَقَدَّمَ مِنْ ذَنْبِهِ وَمَا تَأَخَّرَ , وَكُتِبَ لَهُ بَرَاءَتَانِ : بَرَاءَةٌ مِنَ النَّارِ , وَبَرَاءَةٌ مِنَ النِّفَاقِ " .
وايضا الحديث الشريف التالي

وروى البخاري في صحيحه. قال صلى الله عليه وسلم( المسلم اخو المسلم، لا يظلمه ولا يسلمه،ومن كان في حاجة اخيه كان الله في حاجته،ومن فرج عن مسلم كربة فرج الله عنه كربة من كربات يوم القيامه،ومن ستر مسلما ستره الله في الدنيا والاخره. رواه البخاري

ربي يفرحك قريبا انتى وكل من يسعى في حاجة غيره

ساره ساره · 2011-08-21, 22:52

ربي يعيشك حبيبتي
والله فرحتيني بالدعوه ديالك
راني محتاجه صح ربي يسهللي في واش نامل
والله نساعدك بمجهودي باه ربي يساعدني تاني ويسهللي
ديما ادعيلي ومساعدتي ليك راهي بلا مزيتي
لوجه الله
ربي يعيشك حنونتي والله فرحتيني بالدعاء ديالك