اقتراح...

[imane1]

ها قد عدتُ إليكِ أخيّتي

لي أسئلة كثيرة ، وطلبٌ وحيد ( وصعبٌ نوعاً ما )

أما الأسئلة فهي :

1- عندي * عـقـدة * من الفيزياء ( الفيزياء وحدها ) فهل يمكنكِ طمئنتي بخصوص هذا الموضوع ؟

2- أنا نفكر نقول أنو مع بداية سبتمبر ان شاء الله راح نعطي الوقت كلو للمواد العلمية الثلاث (انا علوم تجريبية)

والمواد الاخرى نراجعها في ليلة الاختبار كيما كنت ندير السنة الاولى والتانية ، لأنها لن تكون صعبة (حفظ وخلاص ) ، ما رأيك ؟

3- أنت مع السهر في بداية العام ، والنوم مبكراً في نهايته ، أم مع النوم مبكراً في بدايته ، والسهر في نهايته ؟

أي هاذين النظامين يمكن له ألا يرهق الطالب ؟ (انا دايما نوصل للطبيب بسبب السهر )

4- أنا من النوع الذي لا يستطيع أن يصمد كثيراً (مانقدرش نكمل بنفس الـrythme طيلة سنة كاملة ) فبما تنصحين ؟



أما الطـلب :





ياريت يا أختي ، لوكان تفتحيلنا موضوع خاص ، تحكيلنا فيه على ما بعد الحرب ع الثانية ..

تجيبيهولنا كأنو حكايه مش شرط نخوضو بزاف في التفاصيل ..المهم نوقفو على أوضاع العالم من 1945-1989

من جهة (تثبتيه عندك لانك راح تعاودي معانا ان شاء الله الباك ) ومن جهة اخرى تكون عندنا احنا فكره شابه على البرنامج

التاريخ لما نجيبوه كأنه حكايه ، نشفاو عليه ..

علماً اننا توقفنا السنة الماضية عند الحدث التالي :

انقسام العالم إلى معسكرين كبيرين (أو كتلتين متصارعتين ) قامت بينهما حرب باردة ..

ففيما تمثلت هذه الحرب البارده ؟

^^

أشكركِ جزيـــل الشكـر ،

وفقك الله وسدد خطاك

كلنا في انتظارك

[سطايفية بكل فخر]

المشاركة الأصلية كتبت بواسطة imane1

ها قد عدتُ إليكِ أخيّتي

لي أسئلة كثيرة ، وطلبٌ وحيد ( وصعبٌ نوعاً ما )

أما الأسئلة فهي :

1- عندي * عـقـدة * من الفيزياء ( الفيزياء وحدها ) فهل يمكنكِ طمئنتي بخصوص هذا الموضوع ؟

2- أنا نفكر نقول أنو مع بداية سبتمبر ان شاء الله راح نعطي الوقت كلو للمواد العلمية الثلاث (انا علوم تجريبية)

والمواد الاخرى نراجعها في ليلة الاختبار كيما كنت ندير السنة الاولى والتانية ، لأنها لن تكون صعبة (حفظ وخلاص ) ، ما رأيك ؟

3- أنت مع السهر في بداية العام ، والنوم مبكراً في نهايته ، أم مع النوم مبكراً في بدايته ، والسهر في نهايته ؟

أي هاذين النظامين يمكن له ألا يرهق الطالب ؟ (انا دايما نوصل للطبيب بسبب السهر )

4- أنا من النوع الذي لا يستطيع أن يصمد كثيراً (مانقدرش نكمل بنفس الـrythme طيلة سنة كاملة ) فبما تنصحين ؟



أما الطـلب :





ياريت يا أختي ، لوكان تفتحيلنا موضوع خاص ، تحكيلنا فيه على ما بعد الحرب ع الثانية ..

تجيبيهولنا كأنو حكايه مش شرط نخوضو بزاف في التفاصيل ..المهم نوقفو على أوضاع العالم من 1945-1989

من جهة (تثبتيه عندك لانك راح تعاودي معانا ان شاء الله الباك ) ومن جهة اخرى تكون عندنا احنا فكره شابه على البرنامج

التاريخ لما نجيبوه كأنه حكايه ، نشفاو عليه ..

علماً اننا توقفنا السنة الماضية عند الحدث التالي :

انقسام العالم إلى معسكرين كبيرين (أو كتلتين متصارعتين ) قامت بينهما حرب باردة ..

ففيما تمثلت هذه الحرب البارده ؟

^^

أشكركِ جزيـــل الشكـر ،

وفقك الله وسدد خطاك

كلنا في انتظارك

اولا الفيزياء تاع الباك ولا اسهل منها وانا شخصيا كنت مسكرة فيها وكنت دايما نجيب فيها 5 و6 في السنة الاولى والثانية ثانوي لاني كنت نكرهالكن هذا العام جاتني ساهلة وقريتها مليح ودرت فيها الدروس الخصوصية والحمد لله راني جبت فيها 15.5 فالباك وماعيش علامتي الكاملة لاني خدمت على 18
ثانيا ادرسى عادي جدا خلال السنة وماترهقيش روحك راهم داروها لي يقراو معايا وماجا وين يلحق مارس عادو مايقدرو يقراو لا ليل ولا نهار وحدة فيهم دارلها انهيار عصبي من التعب ومنع الطبيب عليها لقراية وبالنسبة ليا انا كنت نقرى من اكتوبر حتى مارس عادي جا نوض الصبح على 7.00 نروح نقرا ونجي لعشية على 5.30 نروبوزي شوية ونبدا نقرا حتى ل 10.00 تاع الليل ومن مارس حتى لماي عدت مانروحش للثانوية لخاطر عادو مايقريوش ويتمسخرو بنا وليت نقرى المواد العلمية فالنهار وفالليلنبدا نحفظ من 10 حتى 2 او 3 تاع الصبح ومانودش بكري وكاين لي مايسهرش وينوض بكري حسب انت كيفاه مالفة
والاسبوع الاخير رحت بحرت وماطليت على حتى كراس لخاطر بابا منعنى باش نروبوزي

ثالثا الاسلوب لي تبعتو مارهقنيش لاني والفتو واقراي عادي كانها سنة عادية
اما الطلب رايحة نحاول بكل مجهودي
وبالنسبة للباك اذا درت طب مانعاودوش وشكرا لك لانك وثقتي بي وربي ينجحك وماتقلقيش روحك بزاف

[الهام الحياة]

المشاركة الأصلية كتبت بواسطة papillon.2gz

اولا الفيزياء تاع الباك ولا اسهل منها وانا شخصيا كنت مسكرة فيها وكنت دايما نجيب فيها 5 و6 في السنة الاولى والثانية ثانوي لاني كنت نكرهالكن هذا العام جاتني ساهلة وقريتها مليح ودرت فيها الدروس الخصوصية والحمد لله راني جبت فيها 15.5 فالباك وماعيش علامتي الكاملة لاني خدمت على 18
ثانيا ادرسى عادي جدا خلال السنة وماترهقيش روحك راهم داروها لي يقراو معايا وماجا وين يلحق مارس عادو مايقدرو يقراو لا ليل ولا نهار وحدة فيهم دارلها انهيار عصبي من التعب ومنع الطبيب عليها لقراية وبالنسبة ليا انا كنت نقرى من اكتوبر حتى مارس عادي جا نوض الصبح على 7.00 نروح نقرا ونجي لعشية على 5.30 نروبوزي شوية ونبدا نقرا حتى ل 10.00 تاع الليل ومن مارس حتى لماي عدت مانروحش للثانوية لخاطر عادو مايقريوش ويتمسخرو بنا وليت نقرى المواد العلمية فالنهار وفالليلنبدا نحفظ من 10 حتى 2 او 3 تاع الصبح ومانودش بكري وكاين لي مايسهرش وينوض بكري حسب انت كيفاه مالفة
والاسبوع الاخير رحت بحرت وماطليت على حتى كراس لخاطر بابا منعنى باش نروبوزي

ثالثا الاسلوب لي تبعتو مارهقنيش لاني والفتو واقراي عادي كانها سنة عادية
اما الطلب رايحة نحاول بكل مجهودي
وبالنسبة للباك اذا درت طب مانعاودوش وشكرا لك لانك وثقتي بي وربي ينجحك وماتقلقيش روحك بزاف

هدا اكتر من ارهاق
نقرى المواد العلمية فالنهار وفالليلنبدا نحفظ من 10 حتى 2 او 3 تاع الصبح
ياسر يا اختي متعبتيش ؟؟؟؟؟؟؟؟

[سطايفية بكل فخر]

المشاركة الأصلية كتبت بواسطة الهام الحياة

هدا اكتر من ارهاق
نقرى المواد العلمية فالنهار وفالليلنبدا نحفظ من 10 حتى 2 او 3 تاع الصبح
ياسر يا اختي متعبتيش ؟؟؟؟؟؟؟؟

انا والفت نسهر ومانحبش نوض بكري وكل واحد يبرمج روحو كيما يحب هو يقرا المهم يقرا

[*قلبي ملك ربي*]

أتمنى منك أختاه أن تعطينا فكرة حول اللغات فقد قمت بكتابة موضوع لمراجعتها
حتى نقوم باثراء معارفنا اللغوية
يعني طريقة مثلا

[سطايفية بكل فخر]

المشاركة الأصلية كتبت بواسطة siv.maya

أتمنى منك أختاه أن تعطينا فكرة حول اللغات فقد قمت بكتابة موضوع لمراجعتها
حتى نقوم باثراء معارفنا اللغوية
يعني طريقة مثلا

بالنسبة للغة الفرنسية راني زرقة فيها ومخي فارغ نستعمل فيها غير العبارات تاع المحادثة بين الاصدقاءيعني لا اتصال بالبرنامج الدراسي
اما الانجليزية راني جاهزة باش نعاونك حتى جوان المقبل واي استفسار راني واجدة

[سطايفية بكل فخر]

واش خلصو الاسئلة نتاوعكم؟؟؟؟؟؟؟؟؟؟؟؟؟؟؟

[darknight]

في الحقيقة انا لا ارى ان بكالوريا هذه السنة ان تسمى باك بل نصف باك للتسهيلات الكثيرة

[سطايفية بكل فخر]

المشاركة الأصلية كتبت بواسطة darknight

في الحقيقة انا لا ارى ان بكالوريا هذه السنة ان تسمى باك بل نصف باك للتسهيلات الكثيرة

في الحقيقة انا نحترم رايك الخاص لكن حنا كطلبة باك بدينا نقراو من اول العام وجبدنا للاخر والتسهيلات لي جات كانت فال 25/5/2010 يعني بعدما طبقنا البرنامج 5 مرات ولا 6 وحنا ماشي ذبنا كي نقصولنا ولكن راهم ظرونا كي طلعوا معدلات الجامعة يعني يمدولك الجنة في يدك ويلوحوك فالنار لي تروح ليها برجليك ونظن اكثر من هكذا مانزيدش نهدر

[darknight]

ومن قال انه ذبكم كان عليهم الا يقدموا كل هذه التسهيلات حتى لا يصعبو من الانتساب الى الجامعة كان على الطب ان يبقى في حدود 13 والمدارس العليا ليس مثل اليوم بحيث صارت 13 وكانها 10

[سطايفية بكل فخر]

واش تحبي هذا حكم القوي على الضعيف رانا في بلاد ميكي وفهمك كفاية

[darknight]

والمشكلة انهم يحاولون ابعاد المتفوقين مثلا المدراس الوطنية لم علينا اجتياز كونكور حتى يضعوا معارفهم

[سطايفية بكل فخر]

راني قلتلك راني في بلاد ميكي كلش فيها عوج ومفابريكي والقراية فيه جريمة

[algerianovic]

السلام عليكم
انا لدي مشكلة مقلقتني بزاف
وهي اني السنة مافهمتش الفيزيا والرياضيات وهدا لأن الاساتدة تاعنا السنة كارثة
لهدا باغي نسقسيك كيفاه ندير
هل لازم نقراهم الصيف هدا ؟؟؟؟؟ وهل نقدر نتفوق في هاد المواد ولا طفرت فيا كي ما قريتهمش السنة مليح
بمادا تنصحيني ؟؟؟؟؟؟؟؟؟؟
مع العلم اني كنت متفوق في هاد المواد بكري بصح السنة نزل المستوى تاعي فيهم بزاف
ارجو ان تفيديني
شكرا

[سطايفية بكل فخر]

المشاركة الأصلية كتبت بواسطة algerianovic

السلام عليكم
انا لدي مشكلة مقلقتني بزاف
وهي اني السنة مافهمتش الفيزيا والرياضيات وهدا لأن الاساتدة تاعنا السنة كارثة
لهدا باغي نسقسيك كيفاه ندير
هل لازم نقراهم الصيف هدا ؟؟؟؟؟ وهل نقدر نتفوق في هاد المواد ولا طفرت فيا كي ما قريتهمش السنة مليح
بمادا تنصحيني ؟؟؟؟؟؟؟؟؟؟
مع العلم اني كنت متفوق في هاد المواد بكري بصح السنة نزل المستوى تاعي فيهم بزاف
ارجو ان تفيديني
شكرا

ماتتقلقش من هذا المشكل انا ماقريتش الفيزياء سنة الاولى والثانية وجبت مليح فقالباك لانو الفيزياء تاعها ساهلة ومافيها والو
والرياضيات ركز برك فيها وكاش مانسيت طلع على كتابات السنوات الماضية راك تتفكر راهي مافيها والو
راهو البرنامج فالمتناول وننصحك دير فيهم الدروس الخصوصية من اول السنة باش تستفاد
/انا معدلي تاع الرياضيات العام لي فات كان 10 وهذا العام كان فالفصول 2 وفالباك جبت 15 ةوالفيزياء عمري ماطلعت على 5 لانةو الاساتذة كانو كارثة عظمى ويزيدو يحملونا الذنب لكن انا عمري ماتقلقت لاني نعرف مستواي خير منهم/
ربي يعاونك