وما تنسوشي السوفية

[sabrina2007]

السلام عليكم صح كن شوف الجزائري نفرح ونحس راني مع اهلي ولكن كن نشوف السوافى نفرح ياسر ياسر لاني سوفية ابا عن جد وزادتني شرفا

[بشيرة]

السلام عليكم

السلام عليكم ،تحيا اللغة الميزابية ، اسهل اللغات واحياها واجملها ،واقدمها

[ريحانة]

السلام عليكم جميعا
اخي زهير اقدر طلبك لكن للاسف يجب ان تعذرني
لان برنامجي هذه الفترة مضغوط جدا، حتى اني لا اجد الفرصة للدخول للانترنيت، وان دخلت فهي بعض الدقائق فقط للاطلاع على جديد صفحتي فقط
انشاءالله خلال شهر باذن الله استطيع ان ارتب وقتي اكثر، واتواصل معكم اكثر

شكرا اختي صبرينة ومرحبا بيك معانا
هدرتك تزيدنا فخر

اهلين بشيرة
راكي عند السوافة هنا
لكن لا يمنع ان تعلمينا شويا مزابية

[إرتجال]

السلام عليكم ورحمة الله وبركاته

يعطيكم الصحة ، ونستو واش حالكم لاباس

المفروض راكم قاعدين في صباط صغير ، الدنيا باردة توا

وما تنسوشي الكنون والعافية والا الى حبيتو ندوروها لعبة خاتم

وصب الكم صب

ياللا تبقو على خير اصلي منقدرش نقصر ياسر في الشتاء ونكرهه ياسر

انا نحب الصيف ياسر ياسر واجده وعلى قولة من قال

تشيشه حارة واثناش انعبود ناكلهم في القايله ونرقد في البرود

يا اللا في لامان مرة اخرى ان شاء الله

متشرف بيكم كلكم

وعلى الخصوص بادع هاالفكرة الاخت ريحانه

[ريحانة]

السلام على القعود اكل
مرحبا بيك اختي ارتجال
شرفتينا بانضمامك
والصباط راهو بارد تو
هيا نروحو لدار المنسج ادفا
مع كانون عافية ايسخف
اما الصيف راهو مازال
الدنيا راهي باردة تقرقط سيرتو اليوم

[ريحانة]

يا وشحالكم اكل لاهينا
وين اربي يا لالا السمحة هاذي غيبة كبيرة
باش كنت لاهية علينا، اتالي هاكلمسعود خلي اكاكا ماعادش حتى ينشد اعلينا
وانت يا اوخي زوهير، ربي يبارك فيك على لقتراحك بالصح رانا صح صفحة واحدة نحنا وصفحة اوخياتي وسيلة وسناء
اللهجة السوفية...ادخل معايا،
اختلاف العناوين لا يعني اختلاف الافكار، والاهداف.

[ريحانة]

وشحالكم اكل
ماكان حتى مشكل يا سي زهير
قلي بركة باش تحب انطبقها هالمطابيق
ونايا حاضرة، على تقعد ساخفنا فيها
على اقل انردولك اجنونك....

[ريحانة]

ايمقاري بان عليك خبر يا سي مسعود........

[KRIMO_572]

تحية لكل أهل سوف من سفوح الاوراس الباردة و تشكرون جميعا عاى هذا الجو
وتحية خاصة الى الاخ زهير مع وحشة الفرقة و رغبة في لقائكم قريبا انشاء الله

أشوفك بالف خير و عافية أستاذي الكريم دمت لنا و للمنتدى
أخلص التحايا

تحياتي الاخ زهير و كل السوافة أشحالكم راكم لاباس

شكرا أخت ريحانة على الترحيب
المهم الاخت أنا لست سوفيا لكن معاشرتي للسوافة جعلتني أحبهمل لأنني رايت منهم كل الخير

[size="5"] و من لم يصدقني يسأل الاخ زهيييييييير[/size
]

أين أنتم يا أهل سوف؟

كيف حالكم يل اهل سوف هل هناك من راى منكم الاستاذ زهير يخبرنا اين حل او ارتحل وحشنا يا استاذ و تحية لكل اهل سوف

يا أخت ريحانة اذا أمكن تعملونا عليه بحث في اذاعة سوف المخلة ممكن انه واحد من الجماعة شافو وين مشى هاذ لاايام و مشكورين ياسر ياسر

شفتي يا أحت ريحانة هاذي يومين منذ الاعلان و ما باين عليه حتى خبر
أنا ننظن لم يبقى حل آخر غير اعلان في اداعة سوف

الاخوة الاعزاء تحية و بعد
أولا أخ زهير آسف جدا لأنني في اليوم الموعود كنت مشيت للعاصمة أتمنى أن ناتقي في القريب الغاجل ان شاء الله
ثانيا ناس سوف أدامكم الله لنا و جمع بين كل الجزائريين بالخير و العافية
تحياتي

يا جماعة الاختلاف رحمة بيينا و تبادل الافكار هدفنا
دمت جميعا بعافية

[ريحانة]

يا وشحالكم يا امالي الدار
قد روحك يا زهير المطابيق راهي قريب تحضر
راهي حويرة وملثلثة
كيما يشتهيها خاطرك، ورانا زودنا شوي باش نعرضو على من يجينا
.........

[dove16]

واش حالكم يا خياني نايا وخيتكم في الدزاير كاش صقيشة مطبقة خليتوها ياو لوكان من الحاشية

واش حالك يا شروق هاذي غيبة شفتي لي قالها و الله ما غلط ما تلقى في كتافك غير اهلك وانا كي جعت مالقيت كان اهلي حتى و بعاد عليا تحيا السوافة

بلادي مليحة و نشتيها واجدة بصح حتى الدزاير والفت عليها لا و ما نقد نفارقها

[chourouk]

السلام عليكم ورحمة الله وبركاته

باين عليها مطابيق سمحة ياسر حتى عدو يطلبو في سقشة حاشية و من عندي ناي هاي جتكم قريعة وزوازة باردة كيما يحب خاطركم هيا بالشفاء ليكم با جماعة

السلام عليكم

حتى انتي طولتي الغيبة هيا لبلاد بوك و جدك ما تلقي كان ليحبه خاطرك كان قلتي سفة كرم و كان قلتي مطابيق و الا قصعة مسقا بالكابو و فوقها غنيجيا دهان و ماتنسيش بريق التاي و الواحد قاعد فوق سيميدية هانا نستنةو فيك في هالعطلة انتي و جماعة المنتدى

[اميرة الجزائر]

وشحالكم يا جماعة الواد توحشناكم ياسر ياسر كاش خبار والا كيما بكري .

وعليكم السلام يا ساسا ومتتغشيش سامحينا
شكرا ريحانة ولو اني منيشي عضوة جديدة راني قديمة
ونقلك حاجة يا سي زهير المطابيق الرسمي تلقاها غير عند ناس الزقم وما تتغشوشي يللي تاع منا ومنا نتمسخر معاه برك الواد الكل ربي يبارك عليها.

راني عارفة زهير راك مشي من الزقم
والفعل ان شاء الله وقت ما تيح الفرصة منيشي عنبخلها عليكsize]

[size=5]ان شاء الله ريحانة كي منضوقوكش انتي نضوقو من مالا.

وشبيك متغشش انت تحب الحاجة حاضر ناضر والا وشي اصبر شوي.

يا لالا المشكل انو زهير عتخرج عينيه على المطابيق وماضاقهاشي

الله يبارك يا جماعة راني نشوف غير لهجتنا السوفية الناشطة في هالقسم
ياندرا علوشي...................
واصلو واصلو يا جماعة راكم هايلين.

عليه عليك سفهتنا فيه وخليتنا نشوفو بعينينا
على الاقل خلي حتان يجي وقته باش نشوفو وناكلو

احم احم نحنا ديما رانا خيار الناس
منيش نشكر في بلادنا بصح اي واحد براني تقله راني من واد سوف يقلك خيار الناس الحمد لله

ايه ايه علابالي باللي رانا ملاح هذي ما فيهاش نقاش
هههههههه بصراحة ناس الجزائر الكل الله يبارك عليهم.

نايا منعرفش التجار بصح اللي نعرفهم الله يبارك عليهم.

تو من دقيقتين تقول عليهم خيار الناس رجعت في كلامك والا واش
والسوافة ماهمش مشحاحين بالعكس كرماء فوق ما تتصور.

معادش نقول حتى كلمة وغدوة بمجرد ما يدخلو السوافة يردو عليك.

تفضل في اي وقت
الواد الكل يرحب بيك.

راح نوصي عليك ناس ان شاء الله

تهني ريحانة ارقدي وانتي مطمنة .

يا اخ NASRIFCM بخصوص الحديث عن الشح واللي تقصد بيه الاخ دارسيبار فهو برك حاب يتمسخر وبما انو الموضوع هذا يخص وادي سوف حب يشارك معانا بشوية تمسخير مافيهاش حاجة هذي اذا مزحنا شوي
تقبل مروري.

ايه وصلت فكرتك اخي وشكرا لحرصك على الموضوع.

خلطو بركا نايا المهم في الاخير نعرف المفيد.

منكذبش عليك منعرفهاش

اوا دارسيبار مش عوايدك هذي انا عمري ما عرفتك تزعف كيما هكا ديما راني نشوف فيك سعيد حتى ولو اساؤولك تسامح وتغفر
يا سيدي امسحها فيا انا واسمحلي اذا القسم هذا سببلك اي مشاكل.

نايا الحق نعرف نطيب الشاي بصح الشاي السوفي الرسمي اللي على الحطب منعرفاشي
شوف ريحانة نضن تفيدك في هالمعلومة.

الله غالب اللي علموني معلمونيش على الشاي السوفي المهم نعرف شاي وخلاص سوفي والا غيره مش مهم

حاجة خاطياتك وش عدير بيه
والا راح تتعلم طيبه.

اذا هكا منعلمش هذا سر المهنة

متخافش راح نوصيها متقولكش

ما زلت تعاود افي المشحاحة

ما ذابيا ما نعرف نطيب ما والو
على الاقل انقص قضية ههههههههه

الحمد لله خواتي مش معايا

الحمد لله منيشي محتاجة نسقسي

يا داخل بين البصلة وقشرتها ما ينوبك الا...........كمل يا الفاهم

يعطيك الصحة جبتها
بصح مفهمتش (نهارات ربي أكبر من دراهم السلطان و تشوفي )

والله غير اول مرة تعدي عليا واول مرة نسمع بيها

اااااااااااااااااه خلاص

منعطيييييييييش بالذراع

لا عندي ما ندير بيه شاي الجلفة

لا عتشاركونا حتى في الشاي ثاني يا لطيف

لاااااااا والو

من جهة لعناد منيش عنيدة
غير تو مشي عارفة كيفاش جاني

معليش ازعف المرة هذي والسماح بيناتنا

ههههههههههه كل هذا غش الله يعينك وقتاش يكمل

كان عتستناني نايا ميحبسشي لاني منيشي معولة نحبسه

خليك مع الريحانة
مكلا تستناني

ههههههههههههههههههههههه
نووووووووووووووووووورمال

نووورمال في واش

خلاص ذرك راني قتلك موافقة
استسلمت

1_تغلي الماء
2_تصب فيه كاس شاي من بذور الشاي
3_تخليه يغلي مع بعضاه حتان تشوف لونه مناسب كان للنساء بني فاتح وكان للرجال غامق
4_مش عنزيد نقلك ثاني خلطه بالسكر وحطه مع الكيسان والكوكاو وصبه للضيوف
وبصحتكم
على اخر عمري نعلم كيفاش يطيبو الشاي في المنتدى

كان جاك سامط راهو من الايدين اللي طيبه

يااااااااااربي تجيك وحدة لا تعرف طيب ولا تعرف تنظف ولا تعرف دير حتى خصلة
على فياقتك

ربي يعيييييييييينك

يلا ونايا معاك يا سيدي نعاونك

العفو انا في الخدمة

ويخليك للمنتدى

لا والو معليش مقبولة

انسى الهم ينساك
كلمة قلتهالي

اسكتي يا ريحانة نايا كاس التاي وبالذراع ما وصفته وبيبني وبينك هزيته من الانترنت هههههههه
تجي انتي تفكريه في الكسرة والا شخشوخة

لا غير نتمسخر معاك

والله والله والله ما نقولها حتى لو نطبقت السماء على الارض غير مكلا تحاول
نايا في حوشنا ومازلت متعلمتهاشي مليح حتى باش نكتبها

نايا مكاين حتى حاجة تصعب عليا غير منحبش كتابة الوصفات

إلى أميرة :الوصفة انتاع الشاي السوفي اللي كتبيها راها غالطا ( هاذيك وصفة انتاع شاي عادي ) الناس كامل اتطيب كيما هكا

و الشاي السوفي 100% مختلف تماما على اللي كتبتيه ( مع كل احتراماتي الرايك )

يا اخ NASRIFCM انا من الاول قلت لدار سيبار راني الشاي السوفي الرسمي منعرفاشي
قلي قوليلي اللي تعرفيه

ما نعلمك ما والو انا نقولكم على خير

السلام عليكم
نايا البارح مطولتش على هكا مرديتش عليكم ويا سيدي شربتوه والا قعدتو التاي والله ما يهمني فيكم على خاطر انتم والله يا كون ينورولكم الصوابع العشرة شمع وما يعجبكمشي العجب لذلك ميهمنيشي رايكم مليح مش مليح جمونفو واقعد ثم يا دارسيبار رد بالك تجي للواد لا عنطيبولك تاي ولا يحزنون ويزي كان مازلت من اليوم نوصفلكم والا نقلكم على حاجة
انا المهم اللي نحب ناكله ونشربه نعرف نطيبه والباقي مكلا.

وتزيدي تقوليلي راهم يكسرو عليا في الكوكاو ثاني
حتى نايا راني نتمسخر مش من قلبي الكلام هذا
وكلمة يا غدادي نايا ثاني كيما نصري محطيتهاشي باش نشوفها في المنتدى و وين نشوفها مكتوبة نموت بالضحك

باش المرة الجاية يا دارسيبار كي نقلك منوصفش يعني منوصفش

دارسيبار ممكن تفعل الرسائل الخاصة نستحقك في كلمة جحدة على نصري

لا مدرتلي والو يا نصري
حتى هو بات ثم هو والرسائل تاعه

وشبيكم انتم نحنا حالين القسم هذا غير للغش والا وشي
نايا راني مشي متغشة حتى من واحد ومسامحتكم الكل خلاص صافية يا نصرو
وزيد كي متصلحليشي انت اخطائي منهو اللي عيصلحهالي

شفتي يا ريحانة شاطر غير يصلحلي نايا في وصفة التاي

[quote=NASRIFCM;239761]حابة الصراحة ...الصراحة .....

و الله حسيت روحي ثقيل عليك ...و كلمة جحد ما فهمتهاش

وحسيت روحي ؟؟؟ ؟؟؟

شوفي كلمة( تفعيل الرسائل ) حسستني بلي راني دخيل و زايد ......

وكي صابك ربي ابعثيله ايميل ولا .....ماشي ديركت في وجهي

عندها الحق يا نصري ريحانة تقلك ماكش سوفي مقطر انت جحدة ومعرفتهاشي حتى باش تعرف يا غدادي جحدة معناها بيني وبينه
وكون جا عنده ايميل والا حاجة راني بعثتله بصح معنداشي
عاد انت صاحب الدار حتى باش تعود دخيل وزايد مجتشي هاذي

تعبت من اقتباس اقتباس معادش عنرد عليك المهم السماح بيناتنا هكا والا لا

اللي مشي عاجبه الحال يطيبه بيدياته

وينكم يا جماعة الخير وشبيكم قطعتو على هالقسم والا معادش حاجتكم بيه.

وشحالكم يا مالي الدار واشكم مع السخانة
رانا هنا يا ريحانة هالصفحة عمرنا ما نخلوها متخفيشي ارقدي وانتي مريحة

صباح الخير عليكم
واشي ريحانة من صباح ربي على الانترنت روحي شوفي وش تقضي

اول حاجة انت حاب تتعلم لهجتنا
الصوالح عنا يقولولها القضية
ونايا عندي خدامات يخدمو عليا هههههههههه
قضيتي قضيتها من بكري

عقلك ثقيل ياسر قلت قضيتها مشي فريتها
وانك يا ريحانة راهو معنديشي وسع البال معاه ارواحي شدي اللي قلتيله نعلموك

مقبولة منك

[ريحانة]

يا وشحالكم يا امالي الدار
كرهونا امالي لابوصت باش يركبولنا الانترنيت
تقول يساسي فيهم الواحد
قطعونا على احبابنا
المهم ماتقلقشي يا سي زهير
الحراير راي هنا
تمنى واطلب
والمطابيق راهي حاضرة.

واهلا ومرحبا بالاعضاء الجدد
ومرحبا بيك اميرة الجزائر شرفتينا
انشاءالله ماتلقي عندنا غير الي يعجبك

[ريحانة]

اهلا ومرحبا بيك ساسا
واشي هالغيبة اكل
وانت يا سي زهير ماذا امسيبيع على هالكسرة
واميرتنا مازالت التو ماردتلكشي جنونك
ايقولها كي عادت خيار الكسور انتاع الزقم اديرلك اقريص زقمي ليه ليه
او ضوقونا اشوي................