الى كل الناجحين بمعدل 15 ....

[مريم #]

وجودنا باحلام كالتي نحملهافي الجزائر خطأ جغرافي ،
ديما نقول استغفر الله ،

[Emà Chéll]

المشاركة الأصلية كتبت بواسطة مريم #

وصلتني رسالتك ، اكاد اجزم انك توؤمتي ، نفس كلامي انا تاني قلتها ل ت الدار للاسف لسنا في بلاد تحترم الاحلام ،، علي التفكير جيدا و سأوافيكي ب اخر اخباري قبل التاكيدات و الله عنك الحق في كل كلمة قولتيها و انا تانا نخمم هكذا و الله نفس تفكيري و مايدور في رأسي ، سأعيد مراجعة نفسي و أعلمك اختي الغالية ،،، أمر محير فعلا

انشاء الله ربي يكتب لنا اللي فيه الخير ف دينا و دنيانا

عندك حق لسنا ف بلد تحترم الاحلام علاش نخلو انفسنا ضحية نضام فاسد تقراي و تحلمي و من بعد يدخل ولد فلان مبلع ب 10 احسن منك هذا القصص كلها متداولة في جامعه الطب بشهادة متمدرسي و اطباء انفسهم

علاش نقعد انا نتبع فيهم على جال لاغرمون و ندين من فلان و فلان باش نفتح و نشري الاجهزة

هذا اذا صحتلك و طبعا بلادنا غير نتاع اكتاف و معرفة ووجوه

انا نضن بلي التعليم احسن اختيار كيما قالت الاخت للمراة و الله اعلم

و انا راني متاكدة اذا اخترت التعليم مش رح نندم خاصة اذا اعطاولي انجليزية لاني نحبها و نتمنى نزيد نقرا فيها

لكن بالنسبة للطب الناس كامل قالولي رايحة تندمي و شحال من واحد دارها و لقا فيها التعب و خرج صراحة منيش حابة نضيع عام من حياتي كتر ملي ضيعهالي النضام الفاسد 6 سنين بريمار + 4 متوسط قراني راهم سنة ثانية جامعة

ربي يجيب اللي فيها الخير و الله مرضت من كثرة التخمام ربي يجيب العاقبة على خير

ابقي على تواصل و موفقة باذن الله

[Emà Chéll]

المشاركة الأصلية كتبت بواسطة عائشة نور

w tani soual akhar tnjmi tkmli dirassa bach tkari f la fac ?? Wla nn??

نعم تنجمي تكملي قرايتك و تقر في الجامعه او في المدرسة العليا

[عائشة نور]

Sahiih oukht meriem walakin raghma dalik sanoukawim inchallah
aslan ya oukhti hna bnat hhhh ana ndir medecine inchallah f moustakbal wla ma3jbtnich nhabbas ga3 hhh batat f chabab msakin hhhh wla la??

[مريم #]

كيما قلتي مرضنا من التخمام من بعد نهبط لجنان تاعنا و نقعد وحدي نخمممم مليح مليح ، مش حابة نقضي حياتي نقرا بلا مستقبل ،

[Emà Chéll]

المشاركة الأصلية كتبت بواسطة الطاهرة

نصييييحتي ليكـ

كوني وفية لحلمك اختــآه

بالمنآسبة لدي اخي طبيييب اختار هذا التخصص من غير حب له ولكنه نجح بفضل الله تعالى وآحيــآنآ يقول لنــآ انــآ نادم لانني لم اختر بتروكيميآء

اختي انا حلمي الطب وسآعيد البكآلوريا من اجله ان وفقني الله وسآختآره هو باذن الله صل صلآة استخااارة وادعي ربي بزآآف لعلى وعسى يآخذ بكـ الى الخير من جهتي انا اذا كنت ممتآزة فالعلوم والفرنسية والانجليزية انصحكـ بالطب والقرآر يعود اليكـ وفقك اللله

نعم ممتازة في العلوم و الفرنسية و الانجليزية و متاكدة راح ننجح في مواد الطب لانها كلها اعجبتني لكن هناك سببين السبب الاول صراحة انا مش مستعدة للتعب الكبيير تاع الطب الدراسة و المهنة اييضا و انا من طبعي انسانة نحب السفر و الاهتمام بنفسي و مزاولة هواياتي و الابداع في وقت الفراغ

ثانيا حتى و ان اخترت الطب مش رح يعطوهلي لان الطب هاذ العام راح يلحق لل16

ثالثا من ناحية حب التخصص انا متاكدة اني رح نحبة و نتقن فيه لانو ماعنديش مشكلة في التعليم بل بالعكس عندي تجربة قرابة 8 سنين و انا نقري في تلاميذ وهميين باش نفهم روحي يعني اذا ولاو هاذوك التلاميذ في الواقع رايحا نتدبر امري معاهم خاصة في اللغة الانجليزية لاني اتقنها و احبها و نتمنى نكمل قرايتي فيها و دائما يلجا الي اصدقائي باش نفهمهم

و الله يا اختي انا في حاجة الى النصيحة لكن كثرة الاراء و الاقوال كل واحد يديني لجيهة و الله كرهت و ملت و اصبحت نحوس غير الحاجة اللي تريحني

رااحة البال هي الاهم و الله

[Emà Chéll]

المشاركة الأصلية كتبت بواسطة مريم #

كيما قلتي مرضنا من التخمام من بعد نهبط لجنان تاعنا و نقعد وحدي نخمممم مليح مليح ، مش حابة نقضي حياتي نقرا بلا مستقبل ،

هههه يا بختك هندكم جنان .... ههه انا واقيل نروح غير لفوق سطح و نشوف في القمرة و نجوم ههه واش من قمرة راه العيد نسييت

ايا خمي حقي و حقك و قوليلي واش قررتي :d

[عائشة نور]

Ouhani2ouki 3ala chaja3a oukht Éma
hta ana a3chakou loughat wa lakin bilmoukabil a3chakou l3ouloum aydan
allah yssahal oukhti
bitawfiiiiiiik

[مريم #]

ههههههههه عادي انا القمرة و النجوم مانقدرش نشوفهم في الدروج تاعنا كاين،، نحل ،، ما نعرف مين جا ء ،، حرم عليا السطح لازملي قعده ، انا ندير فرنسية تعليم ثانوي ماعنديش حاجة في الانجليزية ا ديت فاها 18 في الباك هههههه قالولي ديريها ف الاختيارات مدرسة عليا قلتلهم لا لا انا و الانجليزية علاقات ودية غير قابلة للتطور اكثر هه

[Emà Chéll]

المشاركة الأصلية كتبت بواسطة عائشة نور

ouhani2ouki 3ala chaja3a oukht Éma
hta ana a3chakou loughat wa lakin bilmoukabil a3chakou l3ouloum aydan
allah yssahal oukhti
bitawfiiiiiiik

حتا انا نفس و ضعيتك نبغي الانجليزية في المقابل ايضا العلوم و البيويلوجيا و الكيمياء

لكن اعتقد ان الانسان لازم يخمم شويا للمستقبل مش يشوف عند انفو فقط

موفقة

[عائشة نور]

3k
Sahiiiih ya ema c pr ça goutlek ouhani2ouki 3ala chaja3a psk ana aftakirou ilayha fi mawakuf kima ta3k
rabi yjib lkhir inchallah
amiiin mouafaka anti aydan

[Emà Chéll]

المشاركة الأصلية كتبت بواسطة مريم #

ههههههههه عادي انا القمرة و النجوم مانقدرش نشوفهم في الدروج تاعنا كاين،، نحل ،، ما نعرف مين جا ء ،، حرم عليا السطح لازملي قعده ، انا ندير فرنسية تعليم ثانوي ماعنديش حاجة في الانجليزية ا ديت فاها 18 في الباك هههههه قالولي ديريها ف الاختيارات مدرسة عليا قلتلهم لا لا انا و الانجليزية علاقات ودية غير قابلة للتطور اكثر هه

هههه يقولك الا قرصاتك نحلة تخيري اختيار مليح في الجامعه ( بالاكي ديريها)

انا عكسك الفرنسية ديت فيها 19 في الباك لكن كيما قلتي علاقة غير قابلة للتطور .... كنت نخمم في علوم طبيعية و لا علوم دقيقة بصح قالولي ما تخرجش و فيها لي بوست بزاف ينافسوك فيها صحاب البيولوجيا و العلوم التجريبية + فيها تعب و انا الا خيرت نتعب نتعب مرة وحدة و ندير طب ولا نتهنى مرة وحدة و ندير انجليزية

هههه ليوم درتلهم قاطو العيد ... لهلا يشوفك تالمو نخدم و نخمم ......و الله حياتي سماطت حتى العيد مانش مستبناتو تخمااام رح يقتلني

ربي يجيب الخير انشاء الله

[مريم #]

المشاركة الأصلية كتبت بواسطة emà chéll

هههه يقولك الا قرصاتك نحلة تخيري اختيار مليح في الجامعه ( بالاكي ديريها)

انا عكسك الفرنسية ديت فيها 19 في الباك لكن كيما قلتي علاقة غير قابلة للتطور .... كنت نخمم في علوم طبيعية و لا علوم دقيقة بصح قالولي ما تخرجش و فيها لي بوست بزاف ينافسوك فيها صحاب البيولوجيا و العلوم التجريبية + فيها تعب و انا الا خيرت نتعب نتعب مرة وحدة و ندير طب ولا نتهنى مرة وحدة و ندير انجليزية

هههه ليوم درتلهم قاطو العيد ... لهلا يشوفك تالمو نخدم و نخمم ......و الله حياتي سماطت حتى العيد مانش مستبناتو تخمااام رح يقتلني

ربي يجيب الخير انشاء الله

قرصتني مالا الحمد الله، دوك نعرف نخير ههه هه
انا علوم دقيقة سمعت علاها واعرة و ماسطة قلت نقدم الفرنسية علاها ، انا شعبة علوم تجريبية و نحب العلوم بزاف بزاف بزاف مي قالولي القراية بالعربية سماطتلي نحب نقرا بالفرنسية مي مش مشكل حتى العربية مليحة نقصا حس و ديكسيونارات هه
مام انا حتى العيد وليت نخمم فيه جحيم العائلة الكبيرة تجتمع و وليو يسقسوا في و يهدرو على الباك و انا مش حابة نحكي ني عليه ني على الاختيارات

[مريم #]

انا تاني حابة التعليم و نفهم تلاميذتي و نعطيهم المنهجية تاع الاجابة سمعت ساعات يفتحو دوكتوراه في المدرسة العليا و قادرة تكملي تخدمي و تقراي وتولي تخدمي في الجامعة و ينك و اين الطبيب هه و لا كل خمس سنين يفتحو باب لمسابقة مفتشاو مدير و هكا نكونوا تهنينا و الله اعلم ، مي فكرة فقط مازال نخمم ههه مازال الوقت منا ل التاكيد نكونوا اخذنا قرار صائب ان شاء الله

[Emà Chéll]

المشاركة الأصلية كتبت بواسطة مريم #

انا تاني حابة التعليم و نفهم تلاميذتي و نعطيهم المنهجية تاع الاجابة سمعت ساعات يفتحو دوكتوراه في المدرسة العليا و قادرة تكملي تخدمي و تقراي وتولي تخدمي في الجامعة و ينك و اين الطبيب هه و لا كل خمس سنين يفتحو باب لمسابقة مفتشاو مدير و هكا نكونوا تهنينا و الله اعلم ، مي فكرة فقط مازال نخمم ههه مازال الوقت منا ل التاكيد نكونوا اخذنا قرار صائب ان شاء الله

و الله انا تاني راني نخمم هاك من ناحية الميول حتى التعليم نميلو و نحبو يعني مش مشكل تاع تقري حاجة ماتحبيهاش الحمد لله انا نحبها

و كيما قلتي فيها دراسات عليا و اذا كانت فرنسية او انجليزية فيها تربصات و قراية في الخارج و هذا حلمي :d عندنا استاذة انجليزية في ثانويتنا محوسة مدن العالم كلها و استاذتنا اللي تقرينا هاذ العام راحت لانجلترا

العلوم حتى انا نحبها وكنت نتمنى تزيد نقراها ههه هاذا وين راني نسمع القراية بالعربية و الله سامطة تحسي نفسك ماراكيش مواكبة التقدم التكنولوجي

عندك الحق جا العيد وجات اللمة وجات الاسئلة السامطة ربي يعينا

ان شاء الله منا لتاريخ التاكيدات نكونو رسينا على بر باذن الله