الجزء 125 من واش طيبتي اليوم.....مرحبا بالغوالي

[ام سراج وملاك]

قمر روووووعة واش حطيتي حنونة ياشريكتي في لعدس
وردة شمس لوكان غير تحطيلي مقادير لي خلطتيها جاك هايل حابة نعاندك
دائمة الحمد بصحتك الجيلبانة من بكري جيلبانتك هايلة

[almazalina22]

وااااااااااااااااع الصور ماحبوش يتحملو نزيد نجرب وما عرفتش نحط الوسااام يافرحة ما تمت

شكرا زينب وام سراج على الشرح بصح يقولولي غير قادر على رفع الصورة اعععععععععععععع

مممممممممممم وردة الشمس يااااااسلالام طيري بالوصفة راني صيدتك

[وردة الشمس]

ام سراج هاكي الوصفة درت العجينة 2غرفيات دقيق +1غرفية فرينة +غرفية ناقصة زيت(تكون ناقصة صبع او 2 متعمريهاش مليح )+ملح +شوية خميرة القاطو +ماء الزهر +ماء
اخدمي الزيت مع السميد والفرينة + الملح+الخميرة حكيها كيما المقرود ونبعد بليها بالماء مخلط مع ماء الزهر حتى تتحصلي على عجينة طرية اقسميها على 3 وخليها ترتاح واخدمي الغرس مليح واقسميه على 3
اطرحي العجينة ماشي بزاف وطرحي الغرس وحطيها فوقها ورولي تتحصلي على حربوش قصيه دوائر واقليه في زيت غزير وعسليه وحطيه يقطر هادي تخرجلك الكمية لي فالسحن ناقصة بعض الحبات كليناهم انا وماما مصبرناش نتمنى تكوني فهمتني .

[ام سراج وملاك]

المازة بلاكش المشكل منمركز التحميل عاودي حمليها من مركز اخر

[ام سراج وملاك]

المشاركة الأصلية كتبت بواسطة وردة الشمس

ام سراج هاكي الوصفة درت العجينة 2غرفيات دقيق +1غرفية فرينة +غرفية ناقصة زيت(تكون ناقصة صبع او 2 متعمريهاش مليح )+ملح +شوية خميرة القاطو +ماء الزهر +ماء
اخدمي الزيت مع السميد والفرينة + الملح+الخميرة حكيها كيما المقرود ونبعد بليها بالماء مخلط مع ماء الزهر حتى تتحصلي على عجينة طرية اقسميها على 3 وخليها ترتاح واخدمي الغرس مليح واقسميه على 3
اطرحي العجينة ماشي بزاف وطرحي الغرس وحطيها فوقها ورولي تتحصلي على حربوش قصيه دوائر واقليه في زيت غزير وعسليه وحطيه يقطر هادي تخرجلك الكمية لي فالسحن ناقصة بعض الحبات كليناهم انا وماما مصبرناش نتمنى تكوني فهمتني .

هايلة حنونة بصحتكم وشمن غرفية لي قستي بيها تقدري تزيدي شوي زبدة مع الزيت ولالا باش تجي طرية بزاف

[وردة الشمس]

ام سراج غرفية تاع الحليب وتقدري تعوضي بالزبدة عادي

[oum islem]

السلام عليكم
الف مبروك الكوزينة الجديدة بالصحة والهناء على الجميع وربي يشفي المريضة ويرزق اختك الذرية الصالحة هي وكل محرومة
بنات مبروك عليكم الاوسمة تلبسوهم بالصحة والهناء
كنت نراجع في كوزينة زينب وجاوني الضيوف حبست قبل ما نلحق للنتائج
كي شفت الوسام فرحت بزاف وبانلي حلم صعب المنال لكن فرحت انا الاخيرة حتى ضحكت على روحي وتفكرت العام لي ظهرت فيه نتائج الباكالوريا
الناس كامل فرحو وانا مازلت نستنا في النتائج حتى لحقوني التبريكات بالهاتف وفرحت انا الاخيرة والحمدلله على كل الأحوال
أم رويدة ربي يهنيك اختي وان شاء الله نقضي أوقات مفيدة وسعيدة ونستمتع بهذه الرفقة الطيبة أدامها الله علينا
ليزا الجميلة أم هبوبة الطيبة المازة الصامدة هنيئا لكن
لبنات كامل الفوز الأكبر هو هذه اللمة وهذا العطاء المنقطع النظير
والله خانتني العبارات
تقبلن اعتذاري

[almazalina22]

https://up.arabseyes.com/uploads2013/...1318537381.jpg































والله عيييت من ركز التحميل هاذي رابع مرة نحمل وحطيتلك الميلفاي كي عجبك اذا فات الرد راني هاك

[ام احمدي]

السلامعليكم
الف مباااااااااااااااااااااارك الافتتاح حنونة ام رويدة طياباتك هااااااااااااااااايلين
اخواتي جابلي papa اسكالوبات الداند ياريت تعطوني كاش طبق مليح ملينا من القراتان والي يجي محشي بالفرماج
ياريت تجاوبونييييييييييييي

[almazalina22]

ام اسلام الف مبروك على المباشر ههههههههههه تستاهلي وكيما قلتي الفوز هو هذ اللمة اللي راهي متنفس للجميع


ام ياسين حبيبتي كووووووووورااااااااااااااااااج راكي قريب تكملي هههههههههههه

الجميع دون استثناء اطباقكم روااائع سلاااام

[almazalina22]

حبيباتي تفكرت اللي طلبوني في خبز المادون فقط اصبرو عليا نحطو بالصور راه ساهل وتقريبا نفس وصفات الخبز وخاصة زهرة حبيبتي طلبتني فيه العام اللي فات وصولرتو لكن ابني محالي الصور بليييز اسمحيلي لازم نحطو قبل ماتولدي وطلي طمنينا عليك

ام رويدة الصفحة الاولى ماقدرتش نشوفها الصور كبااااااااااار قد راس ام ياسين ههههههههههههههههه سيرتو كي راهي تصووووووووووم هههههههههههه

[almazalina22]

هاذي ذابت شوية كريمة الزبدة دارتها بنتي كي قعدت الكريمة وزادت ملون احمر نفس نتاع ام سهام

[ام نور الهدى 2014]

السﻻم عليكم
مبرووك للفائزات في الكوزينة لي فاتت باﻻك انا كنت انفيزيبل ههههه ماعليش المهم الاخوات يستفادو
سﻻم

[oum islem]

أم ياسين تقبل الله صيامك وقيامك وجزاك الفردوس الاعلى على حفظك للقران وإعانك على المواصلة
ليزا العسولة أين أنت توحشناك
اسمهان ربي يشفيك اختي وترجعي تقدمي النشرة المفصلة والموجز خليهولي
المازة يا المازة ياعيني على الشاي تقريبا نفس طريقتي لكن ما نستعملش الحبق ولا المونت وكاني نستنا في الخبز وشكرا لك
شموسة كنت رايحا ندير مقروط المقلاة لكن كي جاو الضياف درت الرفيس كان عندي الدقيق محمص والغرس واجد يعطيك الصحة
قمر أم زينب زينوبة أم رشدي ام سراج ام احمدي لبنات كامل يعطيكم الصحة
أم رويدة الباروك ما حبش يتحمل تسقم النت ونجيب
حقا الصور تاعك ما ظهروليش راهم قدي في العمر
أم سراج انا رقم 1 بصح والله ما نذوقها غير كيما تغديت بيهاغير باليوم شوية

[ام نور الهدى 2014]

تفضلي باروكي