ابداعات نهائي ملكة الفنون...مطلوب التصويت

[عطرالذهب]

الف شكر لكل الفنانات المبدعات
تم التصويت للافضل

[kika85]

صباحكم عسل حبيباتي
ولا وقبل كل شي نشكر كل الاخوات الي صوتو في هاد المسابقة الاكثر من روعة
ونشكر تان المتسابقات على الاعمال الي قدموها
نشكر كل من حطت رد ونتمنالها كل خير

الاخت ام فريد نشكرك بدوري على مداخلتك بصح ما نقدر نقولك على حتى شي غير انو كل واحد ورايو والاخت فيفي راهي فهماتك كيفاش رايحة تكون النتائج النهائية
حبيباتي ام حمزة وام صابرين وميمي وحب وويصال ونور انشا الله تكونو كامل بخير
فيفي حبيبتي انشا الله ربي يعطيك كاااامل واش راكي متمنية
اممممممم. ......خلاص هادا ماكان
بالتوفيق للجميع

[ام فريد]

المشاركة الأصلية كتبت بواسطة fifiarch

مساااء الخير اخواتي

جد سعيدة بالكلمات الطيبة والمرور الاطيب....ماشاء الله

راكم معانا وتشجعونا لتقديم الاكثر ان شاء الله

اتمنى التوفيق للجميع


*****
بالنسبة لاستفسار الاخت ام فريد

اولا نشكرك على مداخلتك واكيد هذا يدل على انو فيه اهتمام بالموضوع والحمد لله

طبعا دورتنا ملكة الفنون مرت بعدة دروس ومراحل

وكل مرة كانت تنضم لنا اخت جديدة وكذا تغادرنا اخت...لانو هذا راجع لظروف الاخوات

وانا اعلم جد العلم انو ممكن في كثير من الاحيان يصعب الالتزام الاسبوعي ...لانو نعرف مسؤوليات كل اخت فينا

عليها انا اترك دوما المسابقات لي تكون بطابع التعلم دايما مفتوحة

هذا راح يخلي الاخوات براحتهم وتان ما يحرمنا من اعمال جدا رووووعة ممكن تلحق صاحبتها متاخرة نظرا لانو ماعرفت بالدورة مثلا

وكذلك هاذ الامر لا ينقص ابدا من التزام عدة اخوات بالعمل والتنفيذ الاسبوعي

يعني التقييم في النهاية راح يكون تبعا لكل الاعمال لي قمنا بيها

يعني لي قامت ب5 اعمال مثلا ويكون اصلا عدد الاعمال في الدورة 10 راح تكون عندها نقصان في التنفيذ عكس اخريات نفذوا كل التحديات

والورشات والدورات مفتوحة للجميع في كل وقت حتى لو يلحقوا متاخرين

تحياااتي

bonjour okht Fifi
merci pour votre réponse mais je ne suis pas convaincu , mais bon ça reste votre atelier bon courage

[oum sabrin]

مساؤكم سعيد حبيباتي اتمنى تكونو كامل بخييييييييير كل واحدة باسمها كيكا ميمي نور حب و وصال ام حمزة زينب و الغالية فيفي
اختنا كرونو هادي غيبة عسى المانع خير
انا في رايي انه الاهم من هده المسابقة هو هده اللمة الطيبة و التعرف باخوات حبوبات مثلكن ما شاء الله و كدا تعلم فنون جديدة تزيني بها في بيتك و تفرحي بها انت و عائلتك و الفضل هنا يعود لغاليتنا فيفي صاحبة هده الفكرة الطيبة جزاها الله كل خير
بوصولكن لهده المرحلة كلكن ملكات بالتوفيق للجميع
احلى سلام

[kika85]

كيفاش راكي ام صابرين ريحتي شوي?? وكيفاش راهي ام حمزة??
توحشتك يا اختي والله وتوحشت طلتك علينا
عندك الحق حبيبتي والله اللمة والمحبة الي كانت بيناتنا اهم شي وتعلمنا لاعمال ما كناش نعرفوها تخلينا كاااامل ملكات في بيوتنا
ربي يحفظك

[oum sabrin]

يسقسي عليك الخير حنونتي رانا شويا خير من الاول صابرين او كي نتفكروها نبكو هده هي الدنيا راني مع زوجي غير بلعقل تصدم بزاف لانه هو المازوزي و كانت عايشة معانا يعني ماشي ساهل النسيان وما نحبش نكونيكتي قدامو باش ما نجرحلوش مشاعرو ام حمزة راهي بخير يسلمك اختي
انا تان توحشتكم بزاف و راكم دائما في قلبي و كلما تسمحلي الفرصة نطل عليكم
يومكم سعيد

[ام حمزة22]

السلام عليكم
حبيبتي كيكا يسقسي عليك ااخير
راني الحمد الله كيما يقولو كيما يحب ربي سبحانه وتعالى
وانت واش راكي وعائلتك ان شاء الله الكل يكون بالف خير
وان شاء الله تدخل ميمي طمنا عندها مدة ما دخلت ما طلت علينا ان شاء الله المانع خير
اما كرونو ونور راني طمنت عليهم راهم بخير والحمد الله
غاليتي فيفي وينك ان شاء الله تكوني بخير وعلى خير
زميلاتي الغاليات والعزيزات طلو علينا وما تحرموناش من طلتكم
تحياتي للجميع
اترككم في رعاية الله وحفضه

بدون ان انسىاشكر كل من صوت لي بارك الله فيكم وجزاكم كل خير

[mimimouni]

السلام عليكم
مساء النور عليكم كامل اخواتي الحبيبات
كيف احوالكم
شكر لكل من مرت وتركت رد نورتونا بحضوركم

[ام حمزة22]

اهلين حبيبتي ميمي والله فرحت بطلتك رغم انهى طلة قصيرة لاكن المهم تكوني بخير وعلى خير

لبنات نسيى نقوللكم على ليباس العروسة راني كملتها وحطيتها في قسم الخياطة والله حتى فكرتني ام صبرين انا نسيت نحطلكم الرابط
هادا الرابطhttps://www.djelfa.info/vb/showthread.php?t=1763737

[amoulayasmin]

تم التصويت خمس وخموس عليكم يالفحلات

[الدر المكنون 7]

بارك الله فيكن على هذا الابداع في الأعمال وفي تنظيم الدورة
تمنياتي لكن بالتوفيق

بالتوفيييييييييييييق
كل الاعمال تححححححححفة

[fatimazahra09]

موضوع رائع
بوركت جهودكن اخواتي وجهود القائمات على هدا العمل
بالتوفيق للجميع ان شاء الله

[نور الإسلام26]

السلام عليكن بنات اشتقت لكن كثيرا
شكرا لكل من سالت عني كلكن في قلبي حقا
بالتوفيق لكن جميعا مزيدا من التالق
هاد المرة اعمالنا راهي غير فالمنتدى وباذن الله تولي في المعرض

والعمال رائعة

[نور الإسلام26]

السلام عليكن بنات اشتقت لكن كثيرا
شكرا لكل من سالت عني كلكن في قلبي حقا
بالتوفيق لكن جميعا مزيدا من التالق
هاد المرة اعمالنا راهي غير فالمنتدى وباذن الله تولي في المعرض

والعمال رائعة