نعطيك الوصفة تاعي
ليكراب تاوعي ميريحوش 15 دقيقة فوق الطابلة و زاكيين ماشاء الله و حساب المقلات
250 غرام فارينا مغربلة
3 حبات بيض
نصف لتر حليب
50 غرام سكر
50 غرام زبدة
قرصة فاني او اي معطر تفضلو
و قرصة خميرة تاع الحلويات
تجيب البيض و الحليب خلطهم و جيب السكر ذوبو في الحليب و البيض و اضف الزبدة لازم ذايبة و متكونش سخونة اذا حبيب دير الزيت في بلاصت الزبدة
و اضف باقي المكونات
منبعد جيب صفاية كبيرة و صفيها من الكلاكيع و خليها تخمر شويا برا او في الثلاجة
الكمية السابقة تقريبا ديرلي 15 حبة بمقلات صغيرا و تقريبا 10 الي 8 بمقلات اكبر
حاول تجيب مقلات تيفال او الي متلسقش كاين الغالية كامل دير 2000 دينار و جيب غراف واحد تقريبا يديرلك كراب سمك متوسط
مادريهمش خشان لانهم ميجوش بنان و زيد تخسر في كمية العجينة
العجينة اذا قعدت تقدر تخليهم لليوم الموالي بشرط تتغطى و تحفض في الثلاجة
كي تطبخهم حاول تطبخ في المكان نفسو لنهم اذا تعرضو للهواء يتكمشو ويولو ماشي ملاح
اذ طيبت بزاف حطهم في ساشي باش يشدولك حتى للمساء متخليهمش معرضين للشمس
تخلط العجينة جيدا قبل الطبخ لانك راح تلاحض ان انفصل العجينة عن شوية حليب فوق عادي خلطهم مرة اخرى و اطبخهم
المقلات حطها على نار متوسطة و كي تسخن تقريبا 4 دقائق حط غراف عجينة و دور المقلات حتى العجينة تمشي و تغطي المساحة كاملة بشكل متساوي
و جيب النيتيلا او اي شوكولا تفضلها و ادهن و اقتصد لانهم اذا شبعو ميقولولكش زيد هههههههه و الشيكولا تقهمهم
و زيد بانات لانانا و من برى دير كارامال اذا قدمت طبق الناس تاكل بعينيها ههههههههه
و البس ليقون و البس نقي النسا تعف اذا شافوك ,,,
اختار الاماكن المزدحمة و وين تقدر تبيع
بالتوفيق
( تقرير عن مشاركة سيئة )، و الموجودة أسفل كل مشاركة .
2014-12-26, 11:54
العرض العادي
