حدثنا عن روعة والديك في مواقف من حياتك ما ألذّ ذكرياتنا مع الوالدين!

[Amira Khaoula]

المشاركة الأصلية كتبت بواسطة اسامة

السلام عليكم
هي الام في النهاية تجمع بين طيب الكلمات و الصفات الجميلة و الطيبة
كلامك جميل (امي جمعت بين كل هذه الشخصيات فقط لتانس وحشتي و تزرع في قلبي نورا لا ينطفئ ما ذامت بقربي)
في المنتدى اعضاء منذ وقت قصير تم فراقهم لامهم احسست بأني في نعمة كبيييييرة الحمد لله الام بجانبي الاب بجانبي الحمد لله
هما عنوان حياتي و يقولون الذكر لا يحس بحنان الام و طيبة الاب
استشعر بذلك في كل وقت
بارك الله فيك يا اختي اميرة
ما داما معنا علينا ان نهدي لهما الاحترام و الحب و الصدق و النجاح و طيب الكلم

من اكثر المواضيع التي تهزني و تدمع عيناي لقراءتها فعند تذكر افضالها عليا لا استطيع سوا قول الحمد لله على هذه النعم
اخالها في لحظة ليست كلامهات و ليس في العالم مثيل لها وهذا اظنه شعور كل واحد فينا
لي قصص كثيرة لا احب الخوض فيها (حزينة تعلمت منها الكثير)
على العموم مشكور على الموضوع الذي اثار في نفسي ال,,,,,,,,,,,,,,,,,,,,,,,,,,,,,,

[Amina1996]

مالا نحكيلكم شوي من ذكرياتي هههههه
العام هذا ديت الباك وكي كنت نقرى الثانية ثانوي بدلت الثانوية و رحت لثانوية جديدة و نحسبها كيما لي كنت فيها في الاولى ثانوي
كنت جد جد مشاغبة و كيما نشفى تعرفت على وحدى كيفي و قعدنا الطاولة ماقبل الاخيرة لاانني غيرت الثانوية بعد شهر تقريبا و لغاشي كامل خطف لبلايص لولين
مالا واحد النهار خرجنا للراحة عيطولنا صحابات صاحبتي باه ناكلو لمحاجب في القسم و زعما كنا في وقت الراحة جاات المراقبة العامة فايتا لقاتنا ناكلو و القسم تعمر بريحت البصلة قالتنا كامل كيما راكم للمكتب تاعي و كنا في 7 بنات و كل وحدة من قسم و كامل عطاتلنا استدعاءات ههههه وكي رحت للقسم انا و لي تقعد معايا قالتنا الاستاذة تاع الفرنسية وين كنتو حكيلانها قالي واحد يقرى معايا كان يقعد ورايا تستاهلو خطراش تاكلو وحدكم المهم روحت للدار و عييت كيفاه نقلهم خطراش في حياتي كامل ما ديتش استدعاء و زيد ماما استاذة و بابا مدير كيفاه راح نقلهم و زيد استدعاء على جال محجوبة ؟؟؟ خفت ماما ما تصدقنيش و بابا اذا نقلو راح يتقلق و خفت لى يروح يقلب الثانوية ههههه مالا خليت حتان بابا راح يخدم في باتنة و مباعد قلت لماما قاتلي كيفاه ؟؟؟ ماصدقتنيش و قاتلي ماكانش لقرايا ليوم اقعدي في الدار واش دخلني فيك ههه راحو كامل يقراو و قعت وحدي في الدار نبكي نبكي و مباعد رحت قليت البطاطا انا كملت قدقد و هي ولات الساعة 10 عيطتاي ماما في التيليفون تاع الدار قاتلي ارواحي تقراي راني ضرك ندخلك خطراش المتوسطة لي تقري فيها مسامي الثانوية تاعي و انا والله ما حشمت درت نصف خبزة فيها البطاطا و الهريسة و رحت مالا كي وصلت قاتلي ماما علاه طولتي قتلها كنت نطيب و مباعد دخلتني راحت ماما المراقبة العامة و قاتلها ماعليش تزربي شوي خطراش راني نقري ضرك قاتلها ماعليش تقدري تروحي بلا ماتقلها الحاجا لي استدعاتها عليها حتان ماما بدات تهدر قاتلها المراقبة ماتزيدش تعاود ومباعد راحت ماما لثما المراقبة العامة قاعدا غير ترخس فيا قاتلي نتي تلميذة ممتازة ديري هكا بخصتي بوالديك .............و انا قاعدا غير نبكي .. و كي رحت القسم الصدمة الكبرى دخلت القسم كامل بداو بالضحك لااني الفتات الوحيدة لي جاببت ماماها قالولي المراقبة هذي هكا ديما ديرلنا و حنى جامي لا جبنا والدينا من القلقة جبت هذاك الخبز لي فيه البطاطا و الهريسة و قسمت مع 4 صحاباتي و زوج ولاد كانو يقعدو و رايا و ما شبعناش حتى بصح من هذاك النهار المراقبة ولات تزقلي ههههههههههه ماعرف علاه و كي روحت للدار قاتلي ماما اسمحيلي كيعاد ما صدقتكش مع الاول و لغدوا خرجتني و قاتلي القش لي بغيتيه اشريه مع العلم انني نممممممموووووووووووووووت على اللبسة ههه
و بابا حكينالو قالنا انا كون قلتولي راني قلبت الثانوية هههههههههه
علابالي بلي نهدر بزاف الاساتذة يضالو يشكيو مني بصح كيعاد نقرى و نتمصخر يشتيوني ماعرف نتوما راح تقراو حكايتي و لا لالا و خاصة انت اخي اسامة لانك صاحب الموضوع
و مزالو ذكرايات بزاف كي تفتحولي المجال باه نهدر راني ما نحبسش هههههههههه

[اسامة]

المشاركة الأصلية كتبت بواسطة amina1996

مالا نحكيلكم شوي من ذكرياتي هههههه
العام هذا ديت الباك وكي كنت نقرى الثانية ثانوي بدلت الثانوية و رحت لثانوية جديدة و نحسبها كيما لي كنت فيها في الاولى ثانوي
كنت جد جد مشاغبة و كيما نشفى تعرفت على وحدى كيفي و قعدنا الطاولة ماقبل الاخيرة لاانني غيرت الثانوية بعد شهر تقريبا و لغاشي كامل خطف لبلايص لولين
مالا واحد النهار خرجنا للراحة عيطولنا صحابات صاحبتي باه ناكلو لمحاجب في القسم و زعما كنا في وقت الراحة جاات المراقبة العامة فايتا لقاتنا ناكلو و القسم تعمر بريحت البصلة قالتنا كامل كيما راكم للمكتب تاعي و كنا في 7 بنات و كل وحدة من قسم و كامل عطاتلنا استدعاءات ههههه وكي رحت للقسم انا و لي تقعد معايا قالتنا الاستاذة تاع الفرنسية وين كنتو حكيلانها قالي واحد يقرى معايا كان يقعد ورايا تستاهلو خطراش تاكلو وحدكم المهم روحت للدار و عييت كيفاه نقلهم خطراش في حياتي كامل ما ديتش استدعاء و زيد ماما استاذة و بابا مدير كيفاه راح نقلهم و زيد استدعاء على جال محجوبة ؟؟؟ خفت ماما ما تصدقنيش و بابا اذا نقلو راح يتقلق و خفت لى يروح يقلب الثانوية ههههه مالا خليت حتان بابا راح يخدم في باتنة و مباعد قلت لماما قاتلي كيفاه ؟؟؟ ماصدقتنيش و قاتلي ماكانش لقرايا ليوم اقعدي في الدار واش دخلني فيك ههه راحو كامل يقراو و قعت وحدي في الدار نبكي نبكي و مباعد رحت قليت البطاطا انا كملت قدقد و هي ولات الساعة 10 عيطتاي ماما في التيليفون تاع الدار قاتلي ارواحي تقراي راني ضرك ندخلك خطراش المتوسطة لي تقري فيها مسامي الثانوية تاعي و انا والله ما حشمت درت نصف خبزة فيها البطاطا و الهريسة و رحت مالا كي وصلت قاتلي ماما علاه طولتي قتلها كنت نطيب و مباعد دخلتني راحت ماما المراقبة العامة و قاتلها ماعليش تزربي شوي خطراش راني نقري ضرك قاتلها ماعليش تقدري تروحي بلا ماتقلها الحاجا لي استدعاتها عليها حتان ماما بدات تهدر قاتلها المراقبة ماتزيدش تعاود ومباعد راحت ماما لثما المراقبة العامة قاعدا غير ترخس فيا قاتلي نتي تلميذة ممتازة ديري هكا بخصتي بوالديك .............و انا قاعدا غير نبكي .. و كي رحت القسم الصدمة الكبرى دخلت القسم كامل بداو بالضحك لااني الفتات الوحيدة لي جاببت ماماها قالولي المراقبة هذي هكا ديما ديرلنا و حنى جامي لا جبنا والدينا من القلقة جبت هذاك الخبز لي فيه البطاطا و الهريسة و قسمت مع 4 صحاباتي و زوج ولاد كانو يقعدو و رايا و ما شبعناش حتى بصح من هذاك النهار المراقبة ولات تزقلي ههههههههههه ماعرف علاه و كي روحت للدار قاتلي ماما اسمحيلي كيعاد ما صدقتكش مع الاول و لغدوا خرجتني و قاتلي القش لي بغيتيه اشريه مع العلم انني نممممممموووووووووووووووت على اللبسة ههه
و بابا حكينالو قالنا انا كون قلتولي راني قلبت الثانوية هههههههههه
علابالي بلي نهدر بزاف الاساتذة يضالو يشكيو مني بصح كيعاد نقرى و نتمصخر يشتيوني ماعرف نتوما راح تقراو حكايتي و لا لالا و خاصة انت اخي اسامة لانك صاحب الموضوع
و مزالو ذكرايات بزاف كي تفتحولي المجال باه نهدر راني ما نحبسش هههههههههه

السلام عليكم
واش نقول لاختي امينة مصباح و انا نضحك و الام الكريمة قرات معايا حكايتك و تفكرت واش كنت انا ندير
قريب راح نقولك بلاك قريتي معايا
يعني المجاعة دجي وقت لقرايا و الاكل لوكان خايب و ماصط يجي باهي في المدرسة و التسحات والفنا بيه
اختي انت طيري في كسكروطات و ممبعد تبكي ؟ انت لي درتاهالروحك ( ابتسامة )
رحت المحاجب تاعك وصلتني
ذكرياتك باهية
و امك ابهى و ابهى
باباك ( لا خبر )
ربي يحفظهم ليك يا رب
استمتعت بقراءة مواقفك ربما هم طوايشك
بارك الله فيك اختي الكريمة
اضحكتيني كثيرا و امي ايضا

[اسامة]

المشاركة الأصلية كتبت بواسطة amira khaoula

من اكثر المواضيع التي تهزني و تدمع عيناي لقراءتها فعند تذكر افضالها عليا لا استطيع سوا قول الحمد لله على هذه النعم
اخالها في لحظة ليست كلامهات و ليس في العالم مثيل لها وهذا اظنه شعور كل واحد فينا
لي قصص كثيرة لا احب الخوض فيها (حزينة تعلمت منها الكثير)
على العموم مشكور على الموضوع الذي اثار في نفسي ال,,,,,,,,,,,,,,,,,,,,,,,,,,,,,,

السلام عليكم
اذا ما علينا الا ان نحمد الله كثيرا على هذه النعمة
و ان ندعوا لهما دائما
آسف لربما تسلل لنفس اختي الحزن من الموضوع
في امان الله يا اختاه

[ana hia]

انا من كنت صغيرة يسموني ماوكلي هههههههههه

كنت نلبس في الديباردور لي يصغر على خويا محمد نلبسو هههههههههه

و كنت نخليهم حتان يرقدو في القايلة نروح ندوش و نطلق شعري و نخرج للزقاق هههههههههههههههه لعام و طولو و انا محيرتهم
حتان مات واحد جارنا صغير الله يرحمو ولاو يخوفو فيا بيه يقولولي تخرجي يجيك مانينو و لا حمارة القايلات ههههههههههههههههههههههههههه

و ليت ما نخرجج

انا اغلب مواقفي مع خويا محمد هههههههههههههههههههههه

[Amina1996]

المشاركة الأصلية كتبت بواسطة اسامة

السلام عليكم
واش نقول لاختي امينة مصباح و انا نضحك و الام الكريمة قرات معايا حكايتك و تفكرت واش كنت انا ندير
قريب راح نقولك بلاك قريتي معايا
يعني المجاعة دجي وقت لقرايا و الاكل لوكان خايب و ماصط يجي باهي في المدرسة و التسحات والفنا بيه
اختي انت طيري في كسكروطات و ممبعد تبكي ؟ انت لي درتاهالروحك ( ابتسامة )
رحت المحاجب تاعك وصلتني
ذكرياتك باهية
و امك ابهى و ابهى
باباك ( لا خبر )
ربي يحفظهم ليك يا رب
استمتعت بقراءة مواقفك ربما هم طوايشك
بارك الله فيك اختي الكريمة
اضحكتيني كثيرا و امي ايضا

ههه انا صح بابا لا خبر ديجا هو عصبي شوي و غدوا راح نسجل في الجامعة و راح يروح معايا ههههه و تعجبك قبيلتا قلت لماما روحي معايا خفت لا كشما نغلط و يبخصني قدام الغاشي و قتلها عندك لا تقوليلو و راحت قالتلو بديت نبكي قالي علاه كاشي مرة بخصتك قدام الغاشي و هو ديما يبخصني ههههه ماعرف واش راح يصرى غدو
هههههه حتى ماماك قرات ههه ربي يخليهالك و شكرا كي قريت انا نحسب واحد ماو راح يقرى كيعاد لحكايا كبيرة و هذا غير شوي من الذكريات انا كنت متشردة و نهدر و نضحك بزاف حتان يحسبوني اولى ثانوي هههه بصح بديت نقص قاتلي ماما عندك لا تروحي للجامعة و تتهيبلي تبالك روحك في الثانوي

[Amina1996]

و زيد من روائع ذكريات الباك مع ماما هههههه
قاتلي ماما راني نشوف فيك غير مع مواد لفهامة و لحفاظة وين درتيها قتلها شوفي ماما نتفاهمو تشريلي jup و خيمار و vest و صباط والله غير نحفظ ما بغاتش ما حفضتش هههههه مالا خرجتني شريت و انا مانخرجش بزاف بصح كي نخرج لحاجة لي نشوفها نلصق فيها و نشري بالدوبل ههههه و كي روحت عيات تصدق من روحت و انا نحفض في الشريعة حتان 05 تاع الصباح و زدت خطرا درتلها هكا و شراتلي وسهرت حتان 05 تاع الصباح و كملتها كامل و ديت فيها في الباك 17

[ana hia]

من كنت صغيرة كان كي يجي عمي و لا عمتي من فرانسا كنت نروح مع أبي في الليل يروح يقصر ملا انا تحلالي القعدة كي يعود قريب رايحين نروحو للدار ندير روحي رقدت باه يخليني ابي نبات و بالكل صراحة كانت خطة ناجحة 100% هههههههههههههههه

و خطرة كنت بايتة عن عمتي نتاع فرانسا ملا جا عمي الصغير و بن عمتي بن عمتي هذا كبير بنتو الكبيرة كبر مني بعام ملا انا كنت نلعب عااااادي واحد ضربني و لاخر عيط عليا ملا انا رحت قعدت ورا الباب نبكي حلوني عماتي ما حبيتش خاطر كنت علابالي بلي أبي يجي على ال 12 كنت دايرة حسابي و بعدها هو جا قلتهالو عيط عليهم و انا طبعا فرحت و انتقمت هههههههه و بعدها أبي عطانا دراهم كومبلي روحنا شرينا لاكريم و من ذيك الدقة واحد ما تجرأ يعيط عليا و لا يضربني

[اسامة]

[QUOTE=ana hia;3991428259]انا من كنت صغيرة يسموني ماوكلي هههههههههه

كنت نلبس في الديباردور لي يصغر على خويا محمد نلبسو هههههههههه

و كنت نخليهم حتان يرقدو في القايلة نروح ندوش و نطلق شعري و نخرج للزقاق هههههههههههههههه لعام و طولو و انا محيرتهم
حتان مات واحد جارنا صغير الله يرحمو ولاو يخوفو فيا بيه يقولولي تخرجي يجيك مانينو و لا حمارة القايلات ههههههههههههههههههههههههههه

و ليت ما نخرجج

انا اغلب مواقفي مع خويا محمد هههههههههههههههههههههه[/QUOT
السلام عليكم
في الغابة قانون يسري في كل مكان
قانون اهمله البشر و بنوا الانسان
ساعد غيرك لو تدري
ما معنا حب الغير
اغنية ماوكلي
سلمي على خوك محمد ياسر ربي يخليهولك باين عليه خفيف و حلو

[اسامة]

المشاركة الأصلية كتبت بواسطة amina1996

ههه انا صح بابا لا خبر ديجا هو عصبي شوي و غدوا راح نسجل في الجامعة و راح يروح معايا ههههه و تعجبك قبيلتا قلت لماما روحي معايا خفت لا كشما نغلط و يبخصني قدام الغاشي و قتلها عندك لا تقوليلو و راحت قالتلو بديت نبكي قالي علاه كاشي مرة بخصتك قدام الغاشي و هو ديما يبخصني ههههه ماعرف واش راح يصرى غدو
هههههه حتى ماماك قرات ههه ربي يخليهالك و شكرا كي قريت انا نحسب واحد ماو راح يقرى كيعاد لحكايا كبيرة و هذا غير شوي من الذكريات انا كنت متشردة و نهدر و نضحك بزاف حتان يحسبوني اولى ثانوي هههه بصح بديت نقص قاتلي ماما عندك لا تروحي للجامعة و تتهيبلي تبالك روحك في الثانوي

السلام عليكم
مبروك النجاح ( لوكان متأخر )
و كي تروحي باه تسجلي ادي لورق بدوبل كلش بدوبل
ان شآء الله يصرا معاك موقف مضحك ( مجرد مزاح)

[اسامة]

المشاركة الأصلية كتبت بواسطة Amina1996

و زيد من روائع ذكريات الباك مع ماما هههههه
قاتلي ماما راني نشوف فيك غير مع مواد لفهامة و لحفاظة وين درتيها قتلها شوفي ماما نتفاهمو تشريلي jup و خيمار و vest و صباط والله غير نحفظ ما بغاتش ما حفضتش هههههه مالا خرجتني شريت و انا مانخرجش بزاف بصح كي نخرج لحاجة لي نشوفها نلصق فيها و نشري بالدوبل ههههه و كي روحت عيات تصدق من روحت و انا نحفض في الشريعة حتان 05 تاع الصباح و زدت خطرا درتلها هكا و شراتلي وسهرت حتان 05 تاع الصباح و كملتها كامل و ديت فيها في الباك 17

السلام عليكم
صراحة انت يا اختي كل شئ لازم بحقوا و ماماك مدللاتك فوق اللزم ( ابتسامة )
تشريلي نحفظ ما تشريليش ما نحفضش ااااااااو الحمد لله انك قرايا بلا تطباع
و باين عليك سيونتيفيك
انا ديت لباكالوريا تاعي في 2011 علوم تجريبية بمعدل 11

[اسامة]

المشاركة الأصلية كتبت بواسطة ana hia

من كنت صغيرة كان كي يجي عمي و لا عمتي من فرانسا كنت نروح مع أبي في الليل يروح يقصر ملا انا تحلالي القعدة كي يعود قريب رايحين نروحو للدار ندير روحي رقدت باه يخليني ابي نبات و بالكل صراحة كانت خطة ناجحة 100% هههههههههههههههه

و خطرة كنت بايتة عن عمتي نتاع فرانسا ملا جا عمي الصغير و بن عمتي بن عمتي هذا كبير بنتو الكبيرة كبر مني بعام ملا انا كنت نلعب عااااادي واحد ضربني و لاخر عيط عليا ملا انا رحت قعدت ورا الباب نبكي حلوني عماتي ما حبيتش خاطر كنت علابالي بلي أبي يجي على ال 12 كنت دايرة حسابي و بعدها هو جا قلتهالو عيط عليهم و انا طبعا فرحت و انتقمت هههههههه و بعدها أبي عطانا دراهم كومبلي روحنا شرينا لاكريم و من ذيك الدقة واحد ما تجرأ يعيط عليا و لا يضربني

الخطط الناجحة = انا هي
تبانلي زي طفلة نعرفها هكا واش دير
ورا الباب و تبكي و يجي الاب تفرح و تنتقم طوايش الاطفال يخوفو

[اسامة]

المشاركة الأصلية كتبت بواسطة الأثر الجميل

السلام عليكم
الحمد لله تمام اخي ...وأنت؟؟؟؟
راكي باين عليك..بخير راك غير تضحك مع موضوعك هذا ربي يدوم الضحكة
ذكرياتي مع ابي لاحدود لها...كنت ابنته الصغيرة المدللة التي لم يرفض لي طلبا في حياته
ذكرتني بابي حين كنت صغيرة كنت سنة اولى او ثانية وكنت مريضة ويجب علي اخذ دواء على شكل قطرات
كان ابي ياخذني مرة في الاسبوع وكان الدواء مراااااااااااااااااااااااا جدااااااا وكنت اكره الذهاب
وابي الحنون كان يخبرني اني ان اخذت الدواء....يشتري لي ما اريد
واختك تغتنم الفرص جيداااا...وكنت اطلب كل ما بدا لي...من حلويات وشكلاطة ... + مصروف الجيب هههه
ولم يعترض ابي يوما على طلب طلبته ...كم انت رااااااااائع ابي
.
تذكرت ايضا حين كنت صغيرة وكنت اذهب برفقة والدي حفظه اللله لشراء ملابس العيد...رغم اني كنت ارى الكل برفقة امهاتهن وآبائهن لكني كنت فخوووورة جدا بابي الذي كان ابي وامي في نفس الوقت
كنت اختار الملابس التي اريدها...لم يجبرني والدي يوما على شراء لباس معين....
لم يكن يهمه ان كان غالي الثمن....كان يخبرني ان اختار ما بدا لي...كان يهمه ان اكون سعيدة لاغير
لم يبخل علينا يوما باي شيئ.....
آسفة اخي اسامة
لم استطع الاكمال
ممكن لي عودة

السلام عليكم
ما اعظم الاب الغالي اب اختي اثر
حفظه الله لاختي ان شآء الله
هو مثل ابي صدقيني ( في قصة المصروف و اغتنام الفرصة )
لا تحزني
أردت أن يصلك إحساسي .. من خلال ما زفرته أنفاسي
أردت أن تصل كلمتي إلى قلبك .. فأنا لا أتأمل حياةً بعدك
أردت أن تصل إليك كلمه .. خرجت من أعماقي مقحمه
كلمتي إليك أبي هي .....احبك يا غالي
لا داعي ان تعودي مرة اخرى ما دام ذلك يحزنكي
لا احتمل ذلك
لم اقصد ان احزن اختي الغالية

[جيهان غزة]

لأمك حق عليك كبيــــرُ * كثيرك يا هذا لديه يسيرُ
فكم ليلةٍ باتت بثقلك تشتكي * لها من جواها أنّةٌٌ وزفيرُ
وفي الوضع لا تدري عليها مشقةٌ * فمن غُصصٍ منها الفؤاد يطيرُ
وكم غسلت عنك الأذى بيمينها * وما حجرها إلا لديك سريرُ
وتفديكَ مما تشتكيه بنفسها * ومن ثديها شرب لديك نميرُ
وكم مرةٍ جاعت وأعطتك قوتها * حناناً واشفاقاً وأنت صغيرُ
فضيعتها لما أسنّت جهالةً * وطال عليك الأمر وهو قصيرُ
فآهاً لذي عقلٍ ويتبع الهوى * وآهاً لأعمى القلب وهو بصيرُ
فدونك فارغب في عميم دعائها * فأنت لما تدعو إليه فقيرُ

[Amina1996]

المشاركة الأصلية كتبت بواسطة اسامة

السلام عليكم
مبروك النجاح ( لوكان متأخر )
و كي تروحي باه تسجلي ادي لورق بدوبل كلش بدوبل
ان شآء الله يصرا معاك موقف مضحك ( مجرد مزاح)

ههه نورمال حتى اذا متأخر نورمال شكرا و صدقني ديت لوراقي كامل و هكاك و كي رحت نسجل التسجيل الادراري درت كلش و كي عطيتلهم الملف لوراقي تاعي باسمي و التصويرة تاع طفلة وحدة اخرى و هذيك حطولها تصاوري و صاي خرجت من المدرج ههههه و بابا ليه ليه يتقلق قالي من الصباح و هوما في 7 يتشايخو و الخدمة مامش لاتيين بيها و بدا يشنف رحت زربت لحقت الطفلة وفاتت سالامات هههه و كي جيت ندير ملف النقل و المطعم قالنا هذاك الراجل تدخل وحدها قالو بابا ما تعرفش و مباعد دخلت لقيت تاع بريكة لي يسجلو ثما خرجت قال بابا للراجل نت ما تشوفش و تقلها ادخلي لهنا قالو الراجل و نت ما تشوفش واش مكتوب في اللافتة قالو و علاه خليتني ؟؟؟؟ واقف بحذاها و زاد قالو حتان العام لجاي باه نقراها ههههههه من لمزية كلش فات سلامات ههههه