..✿,✿,✿.. مسابقة أحسن ضيافة .. مرحبا بالجميع ✿,✿,✿..... - الصفحة 6

سمراء الدنيا · 2014-06-08, 19:50

اقتباس:

المشاركة الأصلية كتبت بواسطة sakura be

ماشاء الله كل المسابقات في القمة

والدليل كلنا حرنا وش نخيروا

انا استقريت على قسم الكروشي

بصح راح نكون هنا ديما باه نستفاد من افكاركم الرائعة ونكون اول ضيفة عندكم

هيا هاني جيتكم على غفلة:d:d:d وش رح تديروا ههههههه سمورة اجري للكوزينة وهاتي السارفيس هداك باين تووووووووووب

و انا نقول الصفحة منورررررررررة ؟ يا اهلا وسهلا بيك ....... على الراس و العين و نحطولك واش تبغي حلو و لا مالح ....بارد و لا سخون ..... تقليدي و لا عصري ...............
ان شاء الله تكون مسابقة ناجحة و الجميع يستفاد منها

سمراء الدنيا · 2014-06-08, 20:02

اقتباس:

المشاركة الأصلية كتبت بواسطة اشورة

صباح الخير سمورة حنونتي مبروك على المسابقة وبالتوفيق ان شاء الله كانو عندي هاد التاور فالميكرو قلت نحطهم هنا تستفيدو منهم وتدو افكار

يا اشورة جيتي على قلبي و افهمتيني..... منين جبتي هاد الخير كامل ؟؟؟
مثلا في خاطري ندير لضيافي كيما هادي

شكرا جزيلا عزيزتي على اثراء الموضوع

سمراء الدنيا · 2014-06-08, 20:09

اقتباس:

المشاركة الأصلية كتبت بواسطة ابداع جزائرية

السلام عليكم ورحمة الله وبركاته
يعطيك الصحة على المسابقة القيّمة حبيبتي
ترددت كثييييييييرا قبل ان اكتب مشاركتي سمورة
لأني كنت أترقب الموضوع والمشاركات فيه من بعيد
ولحد امس فقط وين تيقنت من عدم قدرتي على المشاركة القطعية
والّا كان مازال عندي امل اني ندخل ... وانت ادرى بظروفي
وربي عالم كم وددت ان اشارك معك
فرصة اخرى ان شاء الله حبيبة

حبيت نشكر البنات اللي التحقت ونقوللهم بالتوفيق
ربي يبارك فيكم لبنات ماشاء الله على افكاركم وصنعة يديكم
ننتظرو ان شاء الله الافضل

سمّورة الطقم اللي راح تشاركي بيه رااااائع ولونه جميل
بالتوفيق حبيبة

قلت نحطّلكم بعض الافكار اللي جاتني في بالي نطبقها لو كنت شاركت معاكم
ممكن تفيدكم....

أولا السّفرة عند الجزائريين معناها الالتفاف حول المائدة و"السّنيّ "
اكيد في ديارنا تقريبا عندنا طاولات نظرا لمواكبة التحضّر
وعصر السرعة اللي يخليك تكوني مضطرة تاكلي شبه واقفة

إلاّ أنّه في الضيافات وفي المناسبات مازلنا نحافظو على
الطابع التقليدي..المميز ..الجميييل ....
الالتفاف على السنيّ العتيق المدوّر او المايدة
والكللل يقرّ أنّه الاكل ارض -ارض احسن بكثير من الاكل أرض-جوّ
ههههههههه

وفي مايخص المفرش كاين انووووااااع ماشاء الله
مطرز او بالقالون او بالعقاش او الدبلة

اذا كانت مائدة تقديم ماعليهاش سوائل
لكن عادة نعملو مفرش بلاستيكي او ورقي
وكاين منه انوااااااااااااااااع ماشاء الله

المفارش على الطاولة

لو كنت شاركت كنت خدمت كما هذا

خدمته ساهلة وباهي
وممكن تديري نفس الخدمة على لي جوتي فوق المطرح او الاريكة

وممكن يا بنات نشرو توالسيري شفّاف فيه ورود صغيرة بلون الديكور ونقصوه دائرة بحجم السني
ونخيطو على المحيط قالون يناسب الديكور
وغسلة خفيفة تكفيه لاستعمال آخر

بالنسبة لطقم الفناجيل حليب وقهوة يكونو من نفس النوع
وممكن يكون معاهم الطبق المتعدد مثل اللي في الصورة

يغنيك عن وضع مائدة اخرى عليها الحلويات
ولو ماعندكش مش مشكل ممكن وضع مائدة ثانية
او ممكن اللي عندها "شاريو "

بالنسبة لطاقم الترامس
ممكن لون يتماشى مع المفارش ومع ديكور الغرفة ..غرفة الضيافة
وممكن نضيفو حامل المعالق وحامل المناشف الورقية والسكرية وقارورة ماء الزهر كطقم يتباعو
ممكن نزينهم بشريط ساتان رقيييييق بلون الديكور
وتبقى البساطة هي سيّدة الذوق الرفيع

الاكلات التقليدية ممكن نحطوها في طاقم تقليدي
مثل لو كان زيراوي او رفيس مع لبن
في الشرق الجزائري شائع عندنا تقديم الطبق التقليدي اولا مع أوانيه التقليدية

في الاخير ممكن فلان مع الشريك بساطة وذوق ورقة
ممكن سلطة فواكه في طاقم مخصص لهم أيضا

كما انه عاداتنا في الضيافة ماننساوهاش
وعندنا عادة الضيف خاصة تعود مرا كبيرة في السن
دايما كي تدخل للدار اول مرة
نحطّولها قندورة مش مخيطة...قماش يعني
مع قالب صابون او عطر ....ممكن حنّاء للنساء اللي تحب
في كيس كما هذا

والاولاد صغار السن خاصة
ايضا شيء يهزّوه معاهم يفرحهم
او قطع حلوى
او ممكن تشري بالونات تحطيهم في الدار
واذا ماكانش نفرحوهم بقطع نقدية

هههههه
عفواااا بأوراق نقدية...
لأن جيلهم ليس كجيلنا المسكين ...
يقبل القطع بفرح وسرور ههههه

الموضوع الصراحة فيه تشعب
وفيه افكار كثيرة

لكن كل ربة بيت بحنكتها تختار مايناسب ميزانيتها وشخصيتها

في الاخير ...نقول
اكرام الضيف من روح ديننا...
لذا يجب استحضار نيّة اكرام الضيف لوجه ربي سبحانه
مش للمغالاة والتباهي والمظاهر

وتبقى الابتسامة في وجه الضيف

والتمرحيب بيه... بالدنيا ومافيها
وبأبسط الاشياء وبوجه مبتسم تقدري تديري قعدة ماشاء الله

نتمنى نكون افدتكم ولو بالقليل
في امان الله

الله الله الله ................ثم الله ..............على لكلام الزين و النصائح الرائعة ............... لو كان ماشي عارفا ظروفك نحكمك هنا معايا ............. الافكار للي طرحتيهم هايلين و ان شاء الله ناخدوهم بعين الاعتبار
و يا ريت ما تحرميناش من مداخلاتك الرائعة مرة على مرة .....
ربي يسجيك و يبارك فيك و يحفظلك عايلتك و اولادك و ما يحرمنيش منك يا غاليا

سمراء الدنيا · 2014-06-08, 20:22

اقتباس:

المشاركة الأصلية كتبت بواسطة ابداع جزائرية

سمّورة شوفي صاحبنا وش دار للضيف
بالاك تفيدك الفكرة

رجل بخيل جداً , حضره ضيف
نادى البخيل ولده
وقال له : يا ولدي
حضرني ضيف عزيز على قلبي
إذهب للسوق واشتر لنا لحم ... أحسن لحم في السوق ...
( طبعاً الضيف سمع الحوار )
ذهب الولد للسوق وعاد دون أن يشتري شيئا
سأله أباه : اين اللحم
قال الولد: رحت إلى الجزار وقلت له : أعطني أحسن ما عندك من اللحم
قال الجزار : أعطيك لحم وكأنه الزبده
قلت لنفسي إذا كان هكذا سأشتري الزبده بدل اللحم
ذهبت للبقال وقلت له : أعطني أحسن ما عندك من الزبده
قال البقال : أعطيك زبده كأنها عسل من حلاوته
قلت في نفسي : أفضل لي أن أشتري العسل
فقلت له : أعطني أحسن ما عندك من العسل . . بدلا عن الزبدة
فقال البقال : أعطيك العسل وكأنه الماء الصافي
فقلت لنفسي : إذا كانت الحكاية هكذا
فعندنا ماء صافي في البيت و احلى منه
فشكرت البقال
ورجعت دون أن أشتري شيئا0
قال له أبوه : ماشاء الله عليك
كريم مثل ابوك
والضيف يسمع
ووجه يتقلب من القهر
همس الأب في اذن ولده : لكن فاتك شي
استهلكت نعالك وقطعتها من كثرالتجول . . من دكان إلى دكان
قال الولد : لا تقلق يا أبي
كنت لابساً نعال الضيف

سمراء الدنيا · 2014-06-08, 20:24

اقتباس:

المشاركة الأصلية كتبت بواسطة الأمنيات

بارك الله فيكم حبيت نساعدكم في شوي صور وافكار للمسابقه
طريقة تقديم الفواكه

السلطة راها حاطه فردية انا نفضل سلطة فردية

شرفتيني عزيزتي الامنيات بزيارة الصفحة ........ نصائح جمييييلة
ننتظر منك المزيد
بارك الله فيك

سمراء الدنيا · 2014-06-08, 20:25

اقتباس:

المشاركة الأصلية كتبت بواسطة afnane28

https://www.djelfa.info/vb/showthread.php?t=1585179

امممممممم .... هادي ما شفتهاش ... تماما واش رانا نحوسو
بارك الله فيك عزيزتي افنان

دعاء القلوب · 2014-06-08, 20:27

ربي يخليك سمورة ان شاء الله كل مانلقى الجديد نجيبولكم عالسريع

om_hadil · 2014-06-09, 10:21

مشاركة بإذن الرحمن

سمراء الدنيا · 2014-06-10, 08:20

اقتباس:

المشاركة الأصلية كتبت بواسطة om_hadil

مشاركة بإذن الرحمن

أهلا وسهلا ومية مرحبا

ادن المشاركات معانا هن
نبض الفؤاد
امينة 111
نخلة.
جوري لؤلؤة
ايمان2009
om_hadil

ادن عندنا 6 مشاركات ... كنت نتمنى يلحق العدد لعشرة .... لكن ماعليش نبداو على بركة الله

سمراء الدنيا · 2014-06-10, 08:24

نتمنى كل وحدة تورينا التحضيرات نتاعها ... ممكن نفيدوها بأفكار ....أو نستفادو من أفكارها
أنا شريت للمفرش قالون لكن ما كفانيش راني نخمم لو في حيلة بلاك نديرو غير في الوسط ...او ندير الفكرة للي في المفرش الاصفر للي حطاتو نبض الفؤاد .... دايرين غير شبيكة دايرا ....؟؟؟؟
و تفكرت انو ما عنديش حاملة المناديل لون مناسب ....كل للي عندي في اللون الازرق .....

نبض الفؤاد · 2014-06-10, 13:24

السلام عليكم.....
معلاباليش....نبداو مباشرةاليوم العمل ويقتاش نحطو الصور.....؟؟؟......
راني نخمم في صنع حامل الملاعق والمناديل بالماكرامي.....لأن السرفيس اللي شريتو مزال ما كملتو....عندي ألوان أخرى...واوني الكريستال السكرية ولواحقها تكسرو لي بقالي اناء المربى وحامل الملاعق....يعني....وش رايكم....
نجو للمفرش....عجبني اللي حطاتو الاخت سمراء ...ساهل وعلى الارجح هو اللي رايحة نديرو.....ممكن نغير رأيي في آخر لحظة...ههههه

سمراء الدنيا · 2014-06-10, 18:42

اقتباس:

المشاركة الأصلية كتبت بواسطة نبض الفؤاد

السلام عليكم.....
معلاباليش....نبداو مباشرةاليوم العمل ويقتاش نحطو الصور.....؟؟؟......
راني نخمم في صنع حامل الملاعق والمناديل بالماكرامي.....لأن السرفيس اللي شريتو مزال ما كملتو....عندي ألوان أخرى...واوني الكريستال السكرية ولواحقها تكسرو لي بقالي اناء المربى وحامل الملاعق....يعني....وش رايكم....
نجو للمفرش....عجبني اللي حطاتو الاخت سمراء ...ساهل وعلى الارجح هو اللي رايحة نديرو.....ممكن نغير رأيي في آخر لحظة...ههههه

و عليك السلام و رحمة الله و بركاته عزيزتي نبض الفؤاد
تقدري تحطي تطاوير التحضيرات ممكن لبنات يعاونوك بافكار ..... كيما انا مثلا حطيت الكتان للي رايحة نخدم بيه ....
انا تاني راني نخمم نخدم حاملة المناديل
ان شاء الله مع بداية الاسبوع نبدو نحطو واش خدمنا و الاسبوع الثاني نخلوه للطاولة كاملة و الاسبوع الاخير للتصويت و النتائج
بالتوفيق ان شاء الله

ياسمين1990 · 2014-06-10, 19:56

السلام علكم ورحمة الله وبركاته
بارك الله فيك سمورة وشكرا للاخوات على هذا النشاط بالتوفيق ان شاء الله

سمراء الدنيا · 2014-06-11, 08:19

شكرا عزيزتي ياسمين على التشجيع

سمراء الدنيا · 2014-06-11, 08:21

هدا الgا لون للي شريتو .

و هادي الوردة راها عاجبتني